เตเด๊อะโลแถ่ 8:3 - ลีเทส่อพ๊าอาเซ เร๊อ เห่ขุทวาลู๊

³ เร๊อ เตเน่วพู๊ อาโรเตเพร เด๊อ อา ปื่อหม่า เกอเร๊อ ดีเบเทเต๊เอ่ เด๊อ อู เหล่ชื๊ออือแถ่ เร๊อ เตโนมื๊อ เออเตเพรเนอ, อา แฮก๊อถ่อโอ่ เบ๊อะเตหลู่เหร่ อาช๊า เนอ. อู เด๊อ เอ๊แหน่เจ๊อ ลู เตโนมื๊อ เต๊เห่ เด๊อ อา เก่ ฉู่โนบา เต่อ เป่ เร๊อ จอแปแหร่ อาแกแย บูโพ๊ ล๋อ ปลี เต๊เห่ อา เตกุยจ๊อเบ. โทเรอ อา เก่ หลู่แถ่ เออเต๊เห่ เด๊อ เตหลู่เหร่เท อาลู. เตหลู่เหร่เท เออเนอหม่า อา โอ่ เด๊อ จ๊อแผ่ อา กู่แกล๊เท แถ่โล อาเป๊เส่เง เนอ.

Eastern Kayah Shadaw Dialect

³ ꤚꤣꤧ꤬ ꤒꤣꤧ꤬ꤔꤢꤩꤖꤢꤨ ꤢ꤬ꤚꤥ꤬ꤒꤣ꤬ꤖꤚꤢꤩ꤬ ꤘꤣ ꤢ꤬ ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤘꤤ꤭ꤙꤢꤩ꤭ꤓꤢꤩ꤭ꤒꤣꤧ꤬ꤢꤩ꤬ ꤘꤣ ꤢꤨ꤭ ꤜ꤫ꤢꤩ꤬ꤏꤢꤦꤢꤦ꤭ꤓꤢꤧ꤬ ꤔꤢꤧ ꤒꤢꤩ꤬ꤔꤥ꤬ꤗꤢꤦ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤟꤢꤧ꤭ꤊꤣꤧ꤬ꤓꤢꤪ꤬ꤥ꤬ ꤙꤣꤧ ꤒꤢꤩ꤬ꤜꤢꤨ꤭ꤚ꤫ꤢꤩ꤬ ꤢ꤬ꤊꤢꤧ꤭ꤏꤢ ꤔꤣꤧ꤬꤯ ꤢꤨ꤭ ꤘꤣꤧ ꤢꤩꤔꤢꤧ꤬ꤡꤣꤧ ꤜꤢꤨ꤭ ꤒꤢꤩ꤬ꤔꤥ꤬ꤗꤢꤦ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤏꤢꤨ꤬ꤔꤥ꤭ꤙꤢ꤭ ꤒ꤫ꤣ꤬ ꤕ꤫ꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤬ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤊꤝꤤ꤭ꤡꤢꤪꤙꤢꤩ꤭꤯ ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤜꤢꤨ꤭ꤓꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤒꤢꤩ꤬ꤜꤢꤨ꤭ꤚ꤫ꤢꤩ꤬ꤓꤢꤩ꤭ ꤢ꤬ꤜꤥ꤬꤯ ꤒꤢꤩ꤬ꤜꤢꤨ꤭ꤚ꤫ꤢꤩ꤬ꤓꤢꤩ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤥ꤬ ꤘꤣ ꤡꤢꤪꤖꤢꤧ꤬ ꤢ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬꤯

เตเด๊อะโลแถ่ 8:3 ပူးပေါင်းရင်းမြစ်များ

เตเด๊อะโลแถ่ 5:8

เบ๊อะอา ปื่อหม่าหนิ ลีตูลูเออ เบ๊อะเนอ, เตเซอเพร ลุยโดเออ เน๊อ โหมะพรูโหมะเผร่ เนอเชอ เน๊อ ซิลุย เออ แด๊งือแล เด๊อ ซิหมิพู๊ เนอโตโด อา เป๊เส่เง. เหย่ซี โตโด เร๊อ โตโด, เตเพร เร๊อ เตเพร เนอ, อา ติ เหล่ด่อ โอ่ โทเรอ อาโอ่ เร๊อ อาเบเท เต๊เห่. เบเท เออเต๊เห่เนอ อาโอ่ บา เจ๊อ เร๊อ เตโนมื๊อโนชือ. เตโนมื๊อโนชือ เออเต๊เห่ หม่า หม่าเฮ๊อ จอแปแหร่ อาแกแย อา เตกุยจ๊อเบ เนอเต๊เห่ เฮ๊อ.

เตเด๊อะโลแถ่ 8:4

เตโนมื๊อ อาโข่ เออเนอ เร๊อ แกแยบูโพ๊ เต๊เห่ อา เตกุยจ๊อเบ เต๊เห่เนอ, อา โอ่ เด๊อ ม๊อขุเตเน่วพู๊ เออเตเพร อา กู๊ยากู เร๊อ อา โข่แถ่ โหร่ลู เด๊อ จอแปแหร่ อาโอ่.

ꤜꤢꤨꤊꤢ꤬ 1:10

เบ๊อะอา ชื๊ออือแถ่ เตโนมื๊อ เบ๊อะเนอ, เด๊อ อากลอ เนอ, อู กุยจ๊อเบโหร่จ๊อเบเอ๊ แหน่เจ๊อ.

เตเด๊อะโลแถ่ 9:13

เบ๊อะเตเน่วพู๊ อาเพร โซซว๊า เนอเตเพร โอ๊แถ่ อากวา เบ๊อะเนอ, แว หนิโฮ โหง่พราแถ่ เด๊อ เตหลู่เหร่เท อาหน่อ ลุยโบ อากู เด๊อ อา โอ่ เด๊อ จอแปแหร่ อาเป๊เส่เง เนอตู๊ขู่.

ꤟꤤꤙꤚꤢꤨ 9:4

เหล่โอ่ เออตาดา อากูเนอ, เตหลู่เหร่เท เด๊อ อู เหล่ชื๊ออือแถ่ เน๊อ เตโนมื๊อโนชือ เต๊เห่เนอ อา โอ่ เต๊เหร่, โทเรอ เตอ๊อแล เต๊อบูโพ๊ เด๊อ อู โลบี๊ ลู เร๊อ เท เนอ อาโอ่ เตเม. เด๊อ เต๊อบูโพ๊ อากูเนอ, อู แด่โนโอ่ เร๊อ โซแบ๊ฮู๊ เตเม เร๊อ อู ฉู่โนโอ่ เร๊อ ค๊อมูมานา, เร๊อ เพอาโรน อิแท๊โบ เด๊อ อาโพ เถ่ เนอโตโบ, เร๊อ โหง่เฮ๊แก อามือเช๊อ อา เตอ๊อแล หล่อบ่า เนอ เนอบ่า.

ꤟꤤꤙꤚꤢꤨ 7:25

ฮู๊เนอเรอ แกแย เด๊อ อา แฮ เด๊อ จอแปแหร่ อา โอ่ เร๊อ อา แฮโน แฮเง เด๊อ เหย่ซู่ อา โอ่ เต๊เห่เนอ, เหย่ซู่ เก่ เมแลเปล๊กาเบ๊ เหย่ซี กู๊แหน่เออ ตาแฮเง ตูจูเพร เจ๊อ ปา, เมเตเฮ๊เรอ แซ่ฮู๊ อา เก่ โน กุยซิยอเบ๊ เป่ แกแย ฮู๊เนอ เต๊เห่ อาเง เด๊อ จอแปแหร่ อา โอ่ เนอ, อา เบ่ เซอเพร ตูจูเพร.

ꤚꤥꤗꤢꤩ꤬ 8:34

ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.

เตเด๊อะโลแถ่ 7:2

แว แม๊เถอะ เตเน่วพู๊ เด๊อ อาโรเตเพร โอ่ เด๊อ ซิเถ่ ตากยา แฮ เร๊อ อา พย๊าแฮหนิ แบ่เจ่ จอแปแหร่ เด๊อ อา เซอเพร เออเตเพร อา เตม๊าเตแด โต๊โก่. โทเรอ อา จ่าเพรอ เอ๊โทแถ่ เตเน่วพู๊ เออซิลุย เด๊อ จอแปแหร่ เด๊อะ โทเฮ๊อ เหย่ซี อาเตโพรฉว่าชอ เด๊อ อา เก่ เมปย๊าแก เห่ขุ เร๊อ เทอดุซาวา เออเต๊เห่.

เตเด๊อะโลแถ่ 6:9

โทเรอ ซิหมิพู๊ เนอโตโด ปาอ๊าโมแถ่ เตม๊าเตแด เด๊อ อู เมหม่า อา แงโก่โต๊โก่. แว แม๊เถอะ แกแย เด๊อ อา แด๊โฉ่โด่แน เป่ อู เร๊อ จอแปแหร่ อาลาอาโหง่, โท๊โต่ อา เด๊อะโล จ๊อจ๊อเตเต, เร๊อ อู เมเซอโทเฮ๊อ เหย่ซี เต๊เห่เนอ, แว แม๊เถอะ เหย่ซี ซิปล่อเซอเพร เต๊เห่ โอ่เด๊อ เตหลู่อาเหร่ อาเล เนอ.

เตเด๊อะโลแถ่ 10:1

ฮู๊เนอโทเรอ แว แม๊เถอะ เตเน่วพู๊ อา อ๊าฉว่าเหร่ชอ เด๊อ อาโร เตเพร โอ่เด๊อ ม๊อขุ แฮแล. อา กือแซ๊ แถ่หนิ อ๊อโหล่ เร๊อ โอ่ เด๊อ ลู กู่กล๊อขุ. อา เป๊เส่เนอ อาแซ่เน๊อ ต๊อเหมาะ เร๊อ อา กู๊โด่เนอ อาแซ่เน๊อ หมิอือ ลีกาซุ๊ย อี๊ถื่อ เนอ.

เตเด๊อะโลแถ่ 8:5

ฮู๊เนอโทเรอ เตเน่วพู๊ เออเตเพรเนอ, อา พย๊า หมิกล๊วา เด๊อ เตหลู่เหร่เออ อาลู เร๊อ อา ฉู่โนบา เด๊อ เหล่ชื๊ออือ เตโนมื๊อ อา ดีเบเทเต๊เอ่ เออ อากู เนอ. เออโตโพ๊เรอ อา ฮ๊าตา เด๊อ เห่ขุ เร๊อ ฉ่าแล, ม๊อครอ, ฉ่าลีบ๊อ โทเรอ เตเน่วท๊อดี โอ่ทวาแถ่ เด๊อ เห่ขุเออ.

เตเด๊อะโลแถ่ 14:18

โทเรอ เตเน่วพู๊ เด๊อ อาโร เตเพร เด๊อ อู เด๊อะ ตา ลู เตเม เด๊อ อา เบ่ เพรเป๊อตี๊หรี่หนิ หมิ เออเตเพรเนอ, อา โอ่ เด๊อ เตหลู่เหร่ เหล่โอ่ เนอ เร๊อ อา เถ่. เร๊อ เอ๊โทแถ่ เตเน่วพู๊ เด๊อะ อาเตเจ แทแร๊ โอ่ เนอเตเพร เร๊อ อา เฮ๊ ลู เน๊อ, “แรตา เน เตเจ แทแร๊ เออเนอ, เร๊อ เก๊กาปล๊อ แกเมอ เห่ขุ แท๊ทือเส่ เด๊อ อาเส่ บี๊จ๊อ เออเนอ เต๊เห่, อามี ลอเฮ๊อ.”