เตเด๊อะโลแถ่ 7:15 - ลีเทส่อพ๊าอาเซ เร๊อ เห่ขุทวาลู๊

¹⁵ ฮู๊เนอ อาขว่าอาคยา, เหย่ซี ก๊อถ่อโอ่ หนิเบ๊เฮ๊อ เด๊อ จอแปแหร่ อาจ๊อแผ่ กู่แกล๊เท แถ่โล อาเป๊เส่เง เฮ๊อ เร๊อ เหย่ซี เม เฮ๊อ ลู เตเม เหมาะคี๊คี๊, เหมาะเชเกลเกล เด๊อ เตหลู่แต โฮกู เนอ เฮ๊อ. เพร เด๊อะ อา โอ่แนโอ่ เด๊อ จ๊อแผ่ อา กู่แกล๊เท แถ่โล อาโอ่ เออเตเพรเนอ, อา เก่ โอ่เกอ เร๊อ เหย่ซี เร๊อ อา เก่ ตอกอเตเก เกอเร๊อ เหย่ซี ปา.

Eastern Kayah Shadaw Dialect

¹⁵ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤊꤣꤧ꤬ꤓꤢꤪ꤬ꤥ꤬ ꤔ꤫ꤤ꤬ꤙꤢꤩꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤟꤣꤧ ꤚꤣꤧ꤬ ꤛꤢꤩ꤬ꤞꤤ꤭ ꤗꤢꤩ꤬ ꤟꤣꤧ ꤜꤢꤨ꤭ ꤒꤢꤩ꤬ꤗꤢꤩ꤬ ꤗ꤫ꤢꤪ꤬ꤋꤤꤋꤤ, ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤔꤣꤧ꤬ ꤟꤣꤧ꤯ ꤖꤚꤢꤩ꤬ ꤘꤣ ꤢ꤬ ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤖꤢꤧ꤬ ꤢ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤜꤥ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤒꤣꤧ꤬ꤊꤢꤪ꤭ꤒꤣꤧ꤬ꤊꤢꤩ꤬ ꤚꤣꤧꤘꤢꤦ꤬ ꤛꤢꤩ꤬ꤞꤤ꤭ ꤕꤢ꤭꤯

เตเด๊อะโลแถ่ 7:15 ပူးပေါင်းရင်းမြစ်များ

เตเด๊อะโลแถ่ 22:3

เด๊อ วีกูเนอ เต เด๊อ อา โอ่ เด๊อ จอแปแหร่ อา เตอิชอมู๊แหม่ อาเลเนอ แม๊เถอะ ปา เตอเจ๋อ โต่. แบ่เจ่ จอแปแหร่ เร๊อ ซิหมิพู๊ เนอโตโด อา กู่แกล๊ เท แถ่โล เหล่โอ่แน เนอ อา โอ่ เด๊อ วีเนอ ตีวี อากู ปา, เร๊อ อา หลู่เล๊ เต๊เห่ เก่ จ๊อเบแถ่ จอแปแหร่ ปา.

โครินธ์ เนอบ่า ต๊าบ่า 6:16

จอแปแหร่ อา เตหลู่เเตโฮ เนอ อา โอ่เต่อแจ่ แหน่ เร๊อ เตแหย่โย แอ. ฮู๊เนอเฮ๊อ, เป เออเต๊เห่ เนอหม่า จอแปแหร่ เด๊อ อา เซอเพร เออเตเพร อา เตหลู่เเตโฮ. จอแปแหร่ เฮ๊ เน๊อ, “แว เก่ แฮโอ่ เด๊อ แวแกแย เต๊เห่ อา ซิปล่อกู ปา เร๊อ แว เก่ จว๊า เต่อเกอ เร๊อ เหย่ซี ปา. เร๊อ แว เก่ ทวา เหย่ซี จอแปแหร่ ปา, เร๊อ เหย่ซี เก่ ทวา แวแกแย เต๊เห่ ปา.”

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

เตเด๊อะโลแถ่ 22:5

เหมาะคี๊ โอ่ ปา โต่ อาขว่าอาคยา, เหย่ซี โหล่ปา หมิเคว๊กอ โต่. เหย่ซี โหล่ปา ต๊อเหมาะ อาเตลี โต่, เมเตเฮ๊เรอ แบ่เจ่ จอแปแหร่ หม่า หม่าเฮ๊อ เหย่ซี อาเตลี ปา เฮ๊อ, เร๊อ เหย่ซี เก่ เป๊อ เต ตูจูเพร แตแลเคร๊ ฮู๊ จ๊อแผ่ เต๊เห่เนอ ปา.

เตเด๊อะโลแถ่ 11:19

เบ๊อะเนอเค อู โบ๊โมแถ่ จอแปแหร่ อา เตหลู่เเตโฮ เด๊อ ม๊อขุ เนอเตเม. เร๊อ อู แม๊เถอะ เตอ๊อแลนอแล อา เตบูโพ๊ โอ่ เด๊อ เตหลู่แต โฮกู เนอ. โทเรอ ฉ่าลีบ๊อ, อาพรารื๊อพราเต๊, ม๊อครอ ฉ่าแล, เตเน่วท๊อดี, ตื๊อครื่อจ่า ปล่อดุ เต๊เห่ จ่าตา แซ่เจ๊อฮู๊ เก่จือ เนอ.

เตเด๊อะโลแถ่ 7:9

เตเมอาเหน่ ฮู๊เออ โทเรอ แว แม๊เถอะ แกแย โอ่โหร่โอ่เอ๊ แหน่เจ๊อ ตู๊หมู่ เร๊อ อู แด๊ ลอเป่ เหย่ซี เตเพร่ว โต่. เหย่ซี โอ่ เด๊อ เมวเจอะ ปว๊าเต๊อเจ่อ, กลุยแล ปว๊าโต๊โหมะ, แกแย ปว๊าตู๊หมู่, เร๊อ โหง่ ปว๊า เต๊อเจ่อ แฮ เร๊อ เหย่ซี แฮก๊อถ่อโอ่ เด๊อ ซิหมิพู๊ เร๊อ อาจ๊อแผ่ กู่แกล๊เท แถ่โล อาเป๊เส่เง. โทเรอ เหย่ซี อากือแซ๊หนิ จาจวาบูทู เร๊อ ปื่อหม่าหนิ แลแค กอน๊อเหมาะแพ เต๊เห่.

เตเด๊อะโลแถ่ 4:4

จ๊อแผ่ กู่แกล๊เท แถ่โล เด๊อ อาโร เนอเชอ เร๊อ ลุยเม เออเนอ อา โอ่ตาวา เร๊อ จ๊อแผ่ กู่แกล๊เท แถ่โล เออ เร๊อ จ๊อแผ่ กู่แกล๊เท แถ่โล เออเต๊เห่ อาขุ เนอ, โหมะพรูโหมะเผร่ เนอเชอ เร๊อ ซิลุย เด๊อ อา กือแซ๊แถ่ เห่อจาบู เร๊อ อา โก่แถ่ กู๊โก่เท เต๊เห่ โอ่แนโอ่ แลแค เบ๊อะเนอ.

ꤟꤤꤙꤚꤢꤨ 8:1

กู๊แหน่เออ, เต เด๊อ อา โหล่ดุเล๊อ อู เต๊อเจ่อ เด๊อ แว ซิหยื่อ นอซิเงโปล ซี เนอหม่า หม่าเฮ๊อ เป เพรหลู่แต กู่กล๊อดุเล๊อ เออเตเพร เฮ๊อ. อา หม่า เหย่ซู่ เฮ๊อ. กู๊แหน่เออ อา โอ่แนโอ่ เด๊อ ม๊อขุ เร๊อ อา โอ่แนโอ่ เด๊อ จอแปแหร่ เด๊อะ อาลีอาเตเค, อาโพรอาเตอเรอ เออเตเพร เหล่โอ่แนโอ่ อาจ๊อทว๊า เนอตากยา เฮ๊อ.

โครินธ์ อาเหร่อเล๊อ ต๊าบ่า 3:16

ซี หม่า จอแปแหร่ อา เตหลู่เเตโฮ เร๊อ แหย่โยบูโพ๊ แบ่เจ่ เด๊อ อา โอ่ เด๊อ จอแปแหร่ อา โอ่ เออเตเพร แฮ โน โอ่เซอเพร เด๊อ ซีเหน่ลู เนอหม่า ซี ซิเง แหน่ โต่ แอ?

เตเด๊อะโลแถ่ 20:10

โลเน๊มู๊แหม่รีแจ่ กู่กล๊อ เด๊อ อา อิลออี๊โหล่ แลโฮ เหย่ซี เออโตโดเนอ, อู วีตาแก ลู เด๊อ หมิเผ่ เด๊อ อู ชื๊ออือ เร๊อ หย่าซู๊แบ เออเนอ เต๊เผ่อากู. หมิเออ เต๊เผ่ เนอหม่า หม่าเฮ๊อ อู เหล่วีตา เตมีเตแหม่ เนอโตโด เร๊อ เพรโพร แลโฮ เนอเต๊เห่ อาเหล่โอ่ เนอ เฮ๊อ. เร๊อ เหย่ซี เก่ ข่าเบ่ เตจาเตจือ เหมาะคี๊คี๊ เหมาะเชเกลเกล ตูจูเพร แตแลเคร๊ เจ๊อ ปา.

เตเด๊อะโลแถ่ 4:8

เตเซอเพรเออ ลุยโด ลอเนอ, โตโด๋ เร๊อ อา ด๊าโอ่ อา เบ่ โซซว๊า, อา เป๊เส่ปล่อ เต๊เห่เนอ, อาโอ่ ลอปลี ลูเหน่ ชีเพรเจ๊อ, อาโอ่ โต่ ลอ เจ๊อ เด๊อ อาด๊าเล. เหย่ซี อิโร ถู่เซ๊แถ่ ปวาเนอเน๋อ ปวาเซเซ เจ๊อ, อา โอ่โก๊ โตโพ๋ โต่. เร๊อ อา อิโร ถู่เซ๊แถ่ แลแค เน๊อ, “แบ่เจ่ จอแปแหร่ เด๊อ อา เมแจ่เต ล๋อ ปลี เด๊อ อา โอ่เซอเพร เด๊อหนู่เด๊อส่าเค, เร๊อ อา โอ่เซอเพร โต่กู๊แหน่, โทเร๊อ อา เก่ โอ่เซอเพร แฮเงลา เออเตเพรเนอ, อา อาบูโพ๊, อาบูโพ๊, อาบูโพ๊.”

เตเด๊อะโลแถ่ 4:9

เตเซอเพรเออ ลุยโดเนอ, อา อิโร เมลีเมเตเคแถ่ โทเร๊อ แด่ดุแด่ทู เร๊อ เฮ๊บุ๊ยเฮ๊เตอเรอแถ่ จอแปแหร่ เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โล อาขุ เด๊อ อา เซอเพร ตูจูเพร ตาแลเคร๊ เออเนอ เตเพร. เร๊อ เบ๊อะเหย่ซี อี๊โรแถ่ ฮู๊เออ อาเบ๊อะเนอ,

เตเด๊อะโลแถ่ 13:6

อา เป๊อะแถ่ อิชออี๊บ่า จอแปแหร่ เร๊อ จอแปแหร่ อามุย, โท๊โต่ อา อิชออี๊บ่า โต่ จอแปแหร่ เหล่โอ่เหล่แบ่ เร๊อ ล๋อ แกแย เด๊อ อา โอ่ เด๊อ ม๊อขุเนอ เต๊เห่.

เตเด๊อะโลแถ่ 21:22

เด๊อ วีกูเนอ แว แม๊เถอะ เตหลู่เเตโฮ โอ่ เตเม๋ โต่, เมเตเฮ๊เรอ แบ่เจ่ จอแปแหร่ เด๊อ อา แจ่เต ล๋อ ปลี เออเตเพร เร๊อ ซิหมิพู๊ เนอโตโด อา โอ่ แลแค เฮ๊อ เบ๊อะเนอ เร๊อ อู จ๊อเบแถ่ เฮ๊อ เหย่ซี อาขว่าอาคยา, เตหลู่เเตโฮ โหล่ ปาโต่.