เตเด๊อะโลแถ่ 7:1 - ลีเทส่อพ๊าอาเซ เร๊อ เห่ขุทวาลู๊

¹ เตเมอาเหน่ ฮู๊เออ โทเรอ เห่ขุเออ เบ่เบ่, เทอดุซาวา เออเต๊เห่ เบ่เบ่, ส่อเหมาะ เต๊เห่ เบ่เบ่, แซ่ฮู๊ เก่แลเซ๊ แฮเบ่ แต่ เหย่ซี แต่เหม่ เนอ, แว แม๊เถอะ เตเน่วพู๊ ซิลุย ก๊อถ่อโอ่ แลแค เด๊อ เห่ขุ ลุยเหนาะ เร๊อ อา เมตาตือ ฉื่อแกลอ เก่แลเซ๊ แกล๊.

Eastern Kayah Shadaw Dialect

¹ ꤒꤢꤩ꤬ꤗꤢꤩ꤬ꤢ꤬ꤔ꤫ꤢꤩ꤬ ꤟꤢꤨꤣꤧ꤭ ꤓꤥ꤭ꤚꤣꤧ꤬ ꤟꤢꤩ꤬ꤋꤢꤨ꤬ꤣꤧ꤭ ꤙꤢꤩ꤬ꤙꤢꤩ꤬, ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤣꤧ꤭ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤞꤢꤪ꤬ꤗ꤫ꤢꤪ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤞꤢꤧꤟꤢꤨ ꤊ꤫ꤢꤩ꤬ꤜꤣꤧ꤬ꤞꤢꤩ ꤟꤢꤧ꤭ꤙꤢꤩ꤬ ꤒ꤫ꤢꤧ꤬ ꤛꤢꤩ꤬ꤞꤤ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣꤧ꤬ꤔꤢꤩꤖꤢꤨ ꤞꤤꤜꤝꤤ꤭ ꤊꤣꤧ꤬ꤓꤢꤪ꤬ꤥ꤬ ꤜꤢ꤭ꤋꤢꤧ꤭ ꤘꤣ ꤟꤢꤩ꤬ꤋꤢꤨ꤬ ꤜꤝꤤ꤭ꤔ꤫ꤢ꤬ ꤚꤣꤧ꤬ ꤢ꤬ ꤗꤢꤩ꤬ꤒꤢ꤭ꤒꤢꤦ꤭ ꤏꤢꤦ꤬ꤊꤢꤧ꤭ꤜꤢꤪ꤭ ꤊ꤫ꤢꤩ꤬ꤜꤣꤧ꤬ꤞꤢꤩ ꤊꤜꤢꤧ꤯

เตเด๊อะโลแถ่ 7:1 ပူးပေါင်းရင်းမြစ်များ

มัทธิว 24:31

จอแปแหร่ เก่ นอแฮแล เตเน่ว เต๊เห่ ปา เร๊อ อาเก่ โอ๊ พราฉว่า แถ่กวา ปา. เร๊อ อา เก่ เอ๊โอ่ปล๊อ เต่อลอ แกแย เด๊อ แบ่เจ่ นว๊าแถ่ โทเฮ๊อ เหย่ซี เร๊อ อา โอ่ แลแค เด๊อ เห่ขุ ลุยกยาลุยหน่อ เต๊เห่ปา.

ꤗꤢ꤬ꤊꤢꤨ 13:27

โทเรอ แกแยเห่ขุ อาพู๊คู หม่าเฮ๊อ แวเออ อา เก่ นอกาแล เตเน่ว เต๊เห่ ปา เร๊อ แว เก่ นอจว๊า เหย่ซี เด๊อ เห่ขุ ลุยเหนาะ เนอปา, เหย่ซี เก่ เป๊อแถ่ จว๊า เด๊อ ม๊อด๊า แก่ช๊า โต่เด๊อ ม๊อด๊า ทือตื๊อดื่อ เนอปา เร๊อ เหย่ซี อา จว๊าเอ๊ปล๊อ แกแย เด๊อ จอแปแหร่ นว๊าเถ่ โทเฮ๊อ เหย่ซี เนอเต๊เห่ ปา. เต เฮ๊เบ่ โหง่ค๊าโข่ ก่อดุ๊ยเหมาะ

เตเด๊อะโลแถ่ 9:14

โหง่ เฮ๊ตาแล เตเน่วพู๊ อาเพร โซซว๊า เด๊อ อา ปื่อหม่าโอ่เร๊อ กวา เนอเตเพร เน๊อ, “ปลวาเถ่จว๊า เตเน่วพู๊ เนอซิลุย เด๊อ อู จอกลอหม่า เหย่ซี เด๊อ แลโหมะดุ ยูเฟรติส อากูเนอ.”

เตเด๊อะโลแถ่ 7:3

เตเน่วพู๊ เออเตเพร เฮ๊ เน๊อ, “เบ๊อะเป เมม๊าเมแด โท แต่ล๋าย แบ่เจ่ จอแปแหร่ อาหลู่เล๊ เออ เต๊เห่ เร๊อ เตม๊าเตแด เด๊อ อา มาเท๊ลู ล๋ายโต่ เนอ, เห่ขุ เบ่เบ่, เทอดุซาวา เบ่เบ่, ส่อเหมาะเหว่โบ เบ่เบ่, โตเบ่ เมแป่เมเช หนิลา เหย่ซี เตอเจ๋อ โต่.”

เตเด๊อะโลแถ่ 9:4

อู เฮ๊หนื่ออื่อ เหย่ซี เร๊อ อา เบ่ เมปย๊าหนิ มีออ เต๊เห่ โต่, ส่อตอเหมาะ ซิโซ เต๊เห่ โต่, ส่อเหมาะเหว่โบ ซีเต๊เห่ ตีกี๋ โต่. เหย่ซี เบ่ อ่า แพ๊ตื๊อ แกแย เด๊อ อา โอ่ เกอเร๊อ เกอเน๊อ จอแปแหร่ อาเตเมม๊าเมแด เด๊อ อา มาเท๊ลู โต่ เนอเต๊เห่ แพ๊.

เตเด๊อะโลแถ่ 6:6

แว หนิโฮ เด๊อ เตเซอเพร เออลุยโด อาเกล เนอ, อา แซ่ เร๊อ โหง่พราแถ่ เต๊อเจ่อ, เร๊อ อา เฮ๊ เน๊อ, “แรเต เตอเน๋อ เหมาะเฮ๊ เนอ, อา หนิ แพ๊ อาคว๊าเก่ โบ๊กู่ลา เตเบ แพ๊, หม่าโต่เรอ โบ๊บ่าหลิ โซเบ แพ๊. เร๊อ เมปย๊าแก แต่ โต๊โฉ่เส่เทอ เร๊อ แท๊ทือเส่เทอแย เนอ แต่เหม่ นี๋.”

เตเด๊อะโลแถ่ 8:7

เบ๊อะเตเน่วพู๊ อาเหร่อเล๊อ เตเพร โอ๊แถ่ อากวา เบ๊อะเนอ, อู ปลวาตา ตื๊อครื่อจ่า. โทเรอ อู ฮ๊าตา สุ่ย เด๊อ อา ซีแล๊ เร๊อ หมิ เด๊อ เห่ขุเออ. เออโตโพ๊เรอ หมิ อือลอแก เห่ขุเออ โซปุ๊ยตูปุ๊ย, ส่อเหมาะ เต๊เห่ โซปุ๊ยตูปุ๊ย, โทเรอ อา อือ ลอปลี เจ๊อ มีออ เร๊อ ส่อตอเหมาะ ล๋อ ปลีเจ๊อ.

เตเด๊อะโลแถ่ 20:8

เร๊อ อา เก่ เถ่จว๊า ล๊อ เห่ขุ ลุยกยา เร๊อ อา เก่ อิลออี๊โหล่ แลโฮ ลอ เมวเจอะ เต๊เห่ ปา. อู เอ๊ เหย่ซี เร๊อ ก๊อพู๊ เร๊อ หม่าก๊อพู๊. เหย่ซี เบ่ แถ่ช๊าเต อาขว่าอาคยา โลเน๊มู๊แหม่รีแจ่ กู่กล๊อ เก่ เอ๊ โอ่ปล๊อเต่อลอ เหย่ซี ปา. เหย่ซี โอ่เอ๊ แซ๊เจ๊อเร๊อ หล่อตาม๊า เด๊อ เทอดุซาวาทือ เต๊เห่ เนอ เจ๊อ ปา.