โทเรอ แว แม๊เถอะ จ๊อแผ่ กู่แกล๊เท แถ่โล เต๊เห่. แกแย โอ่แนโอ่ เด๊อ กู่แกล๊แถ่โล ลูเนอ เต๊เห่เนอ, อู เด๊อ เหย่ซี เตอเรอฉว่าชอ เด๊อ อา เก่ เมจากาคยา อู ปา. แว แม๊เถอะ เกอโป่ แกแย เด๊อ อา ข่าเด๊อะโล เร๊อ เหย่ซู่ อาหรี่อาแก เร๊อ อา แด๊โฉ่โด่แน เป่ อู จอแปแหร่ อาลาอาโหง่ เต๊เห่ อาขว่าอาคยา, อู ปาตือแก เหย่ซี แกโบ เต๊เห่ อา ซิปล่อเซอเพร. เตมีเตแหม่ เบ่เบ่, เตมีเตแหม่ อาเตแหย่โย เออเนอ เบ่เบ่, เหย่ซี จ๊อเบแถ่น๊อ เกออู โต่ ตื๊อเนอโทโต่. เตมีเตแหม่ เนอโตโด อา เตเมม๊าเมแด เด๊อ อู เบ่ เมม๊า เด๊อ มาเท๊ลู เนอเบ่เบ่, หม่าโต่เรอ อู เบ่ เมม๊า เด๊อ กู๊ขุลู เนอเบ่เบ่, อา พย๊าฉื่อน๊อ เกออู เตเมม๊าเมแด เตอเจ๋อ โต่. เหย่ซี เซอเพร กาคยา เร๊อ อา เป๊อ เต่อเกอ เต เร๊อ ครี๊ อาหน่าตีรี๊.
เตเด๊อะโลแถ่ 6:9 - ลีเทส่อพ๊าอาเซ เร๊อ เห่ขุทวาลู๊9 โทเรอ ซิหมิพู๊ เนอโตโด ปาอ๊าโมแถ่ เตม๊าเตแด เด๊อ อู เมหม่า อา แงโก่โต๊โก่. แว แม๊เถอะ แกแย เด๊อ อา แด๊โฉ่โด่แน เป่ อู เร๊อ จอแปแหร่ อาลาอาโหง่, โท๊โต่ อา เด๊อะโล จ๊อจ๊อเตเต, เร๊อ อู เมเซอโทเฮ๊อ เหย่ซี เต๊เห่เนอ, แว แม๊เถอะ เหย่ซี ซิปล่อเซอเพร เต๊เห่ โอ่เด๊อ เตหลู่อาเหร่ อาเล เนอ. အခန်းကိုကြည့်ပါ။Eastern Kayah Shadaw Dialect9 ꤓꤥ꤭ꤚꤣꤧ꤬ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤡꤢꤨꤢꤗꤥ꤭ꤓꤢꤧ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤘꤣ ꤢꤨ꤭ ꤗꤢꤩ꤬ꤗꤢ꤬ ꤢ꤬ ꤍꤢꤧ꤭ꤊꤥ꤬ꤒꤣ꤬ꤊꤥ꤬꤯ ꤠꤢꤧ꤭ ꤗꤢꤧꤓ꤫ꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬, ꤓꤥ꤭ꤒꤥ꤬ ꤢ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤡꤢꤪꤡꤢꤪꤒꤢꤩ꤬ꤒꤢꤩ꤬, ꤚꤣꤧ꤬ ꤢꤨ꤭ ꤗꤢꤩ꤬ꤞꤣꤧ꤭ꤓꤥ꤭ꤟꤣꤧ ꤛꤢꤩ꤬ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤛꤢꤩ꤬ꤞꤤ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤟꤢꤩ꤬ ꤥ꤬ꤘꤣ ꤒꤢꤩ꤬ꤜꤢꤨ꤭ꤚ꤫ꤢꤩ꤬ ꤢ꤬ꤜꤢꤩ꤭ ꤔꤣꤧ꤬꤯ အခန်းကိုကြည့်ပါ။ |
เตเด๊อะโลแถ่ 6:9
21 ပူးပေါင်းရင်းမြစ်များ
แว หม่า ซี โป่แหว่ คูยอห์น เด๊อ อา หยื่อเอ่ ครี๊ แซ่เกอ เร๊อ ซี เตเพร. แว หม่า ซี โคแบ๊ซว๊า เด๊อ อา ข่าจาข่าจือ โหร่เกอเต เน๊อ ซี เตเพร, แว หม่า จอแปแหร่ อา เทอพู๊เก่พู๊ แซ่เกอ เร๊อ ซีซี, เร๊อ แว แด่ทูซิปล่อ โหร่เกอเต เร๊อ ซี เตเพร แพ๊. เด๊อ แว แด๊โฉ่โด่แน เป่ อู เร๊อ แบ่เจ่ จอแปแหร่ อา เตหรี่เตแก เร๊อ เตเด๊อ เหย่ซู่ครี๊ เด๊อะโล เป่ แว เต๊เห่ อาขว่าอาคยา, อู จว๊า แด่โอ่แก แว เด๊อ ปัทมอส กลื๊อขุ เฮ๊อ.
โทเรอ เตเน่วพู๊ เด๊อ อาโร เตเพร เด๊อ อู เด๊อะ ตา ลู เตเม เด๊อ อา เบ่ เพรเป๊อตี๊หรี่หนิ หมิ เออเตเพรเนอ, อา โอ่ เด๊อ เตหลู่เหร่ เหล่โอ่ เนอ เร๊อ อา เถ่. เร๊อ เอ๊โทแถ่ เตเน่วพู๊ เด๊อะ อาเตเจ แทแร๊ โอ่ เนอเตเพร เร๊อ อา เฮ๊ ลู เน๊อ, “แรตา เน เตเจ แทแร๊ เออเนอ, เร๊อ เก๊กาปล๊อ แกเมอ เห่ขุ แท๊ทือเส่ เด๊อ อาเส่ บี๊จ๊อ เออเนอ เต๊เห่, อามี ลอเฮ๊อ.”
แว แด๊งือแล เด๊อ อาเป๊เส่เง เร๊อ แว เตเร จ๊อเบแถ่ ลู หม่าแน๊เรอ อา เฮ๊ แว เน๊อ, “จ๊อเบ แต่ แว แต่เหม่, แว เร๊อ เน เร๊อ เน โป่แหว่ ครี๊พู๊ ซี เต๊เห่ เนอหม่า หลู่เล๊ แซ๊ลู แพ๊. เป หม่า แกแย เต๊เห่ เด๊อ อา เด๊อะโล เป่ อู เร๊อ เหย่ซู่ อาหรี่อาแก เต๊เห่ เร๊อ ปื่อหม่าหนิ เตหมะเตจ๊อ เด๊อ เหย่ซู่ครี๊ เด๊อะโลซิเงแก เป่ เป เออเนอ. ฮู๊เนอเรอ, จ๊อเบ แต่ อู เตเพร่ว แต่เหม่, จ๊อเบ เด๊อ จอแปแหร่ เนอ. เมเตเฮ๊เรอ เตหมะเตจ๊อ เด๊อ เหย่ซู่ครี๊ เด๊อะโล เป่ เออเนอหม่า อา แซ่เฮ๊อ เร๊อ จอแปแหร่ นอเฮ๊เบ่ เพรโพร เต๊เห่เนอ เฮ๊อ.”
เร๊อ เตเน่วพู๊ อาโรเตเพร เด๊อ อา ปื่อหม่า เกอเร๊อ ดีเบเทเต๊เอ่ เด๊อ อู เหล่ชื๊ออือแถ่ เร๊อ เตโนมื๊อ เออเตเพรเนอ, อา แฮก๊อถ่อโอ่ เบ๊อะเตหลู่เหร่ อาช๊า เนอ. อู เด๊อ เอ๊แหน่เจ๊อ ลู เตโนมื๊อ เต๊เห่ เด๊อ อา เก่ ฉู่โนบา เต่อ เป่ เร๊อ จอแปแหร่ อาแกแย บูโพ๊ ล๋อ ปลี เต๊เห่ อา เตกุยจ๊อเบ. โทเรอ อา เก่ หลู่แถ่ เออเต๊เห่ เด๊อ เตหลู่เหร่เท อาลู. เตหลู่เหร่เท เออเนอหม่า อา โอ่ เด๊อ จ๊อแผ่ อา กู่แกล๊เท แถ่โล อาเป๊เส่เง เนอ.
เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.
ซี แฮโต่เฮ๊อ เด๊อ จอแปแหร่ อา พู๊แหว่เพร่ว เต๊เห่ เหล่แฮโอป่อ เต่อลู อา เหล่โอ่ เฮ๊อ. อู ราโนม๊า โอ่เฮ๊อ เหย่ซีมุย เด๊อ ม๊อขุ เฮ๊อ. ซี แฮโต่ แลแค เฮ๊อ เด๊อ จอแปแหร่ เด๊อ อา เก่ เมจากาคยา เร๊อดื่อ อู ปว๋า เตเพร เน๊อ อาเหน่แหน่แบ่เจ่ เออเตเพร อาเป๊เส่เง เฮ๊อ. ซี แฮโต่เฮ๊อ เด๊อ แกแยจ๊อ แกแยเต เด๊อ เนอเค เต๊เห่ อา ซิปล่อเซอเพร เด๊อจอแปแหร่ เมเล๊อบา โทเฮ๊อ ลูเออเต๊เห่ อา โอ่ เฮ๊อ.
ကြော်ငြာတွေ