เตเด๊อะโลแถ่ 5:8 - ลีเทส่อพ๊าอาเซ เร๊อ เห่ขุทวาลู๊

⁸ เบ๊อะอา ปื่อหม่าหนิ ลีตูลูเออ เบ๊อะเนอ, เตเซอเพร ลุยโดเออ เน๊อ โหมะพรูโหมะเผร่ เนอเชอ เน๊อ ซิลุย เออ แด๊งือแล เด๊อ ซิหมิพู๊ เนอโตโด อา เป๊เส่เง. เหย่ซี โตโด เร๊อ โตโด, เตเพร เร๊อ เตเพร เนอ, อา ติ เหล่ด่อ โอ่ โทเรอ อาโอ่ เร๊อ อาเบเท เต๊เห่. เบเท เออเต๊เห่เนอ อาโอ่ บา เจ๊อ เร๊อ เตโนมื๊อโนชือ. เตโนมื๊อโนชือ เออเต๊เห่ หม่า หม่าเฮ๊อ จอแปแหร่ อาแกแย อา เตกุยจ๊อเบ เนอเต๊เห่ เฮ๊อ.

Eastern Kayah Shadaw Dialect

⁸ ꤙꤣꤧ ꤢ꤬ ꤕ꤫ꤢꤦ꤬ꤗꤢ꤬ꤚꤣꤧ ꤜꤤ꤬ꤒꤣꤧ꤬ꤜꤢꤨ꤭ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤜꤝꤤ꤭ꤘꤥ꤭ꤣꤧ꤭ ꤔꤢꤧ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤭ꤏꤣꤧ꤭ ꤔꤢꤧ ꤞꤤꤜꤝꤤ꤭ ꤣꤧ꤭ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤢ꤬ ꤕꤣꤧꤞꤢꤩ꤬ꤑꤢꤩ꤭꤯ ꤛꤢꤩ꤬ꤞꤤ꤭ ꤒꤣ꤬ꤘꤥ꤭ ꤔꤢꤧ ꤒꤣ꤬ꤘꤥ꤭, ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤒꤤ꤬ ꤜ꤫ꤢꤩ꤬ꤘꤢꤪ꤬ ꤥ꤬ ꤓꤥ꤭ꤚꤣꤧ꤬ ꤢ꤬ꤥ꤬ ꤔꤢꤧ ꤢ꤬ꤙꤢꤩ꤭ꤓꤢꤩ꤭ ꤒꤣꤧ꤬ꤟꤢꤩ꤬꤯ ꤙꤢꤩ꤭ꤓꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤥ꤬ ꤙꤢ꤭ ꤡꤣꤧ ꤔꤢꤧ ꤒꤢꤩ꤬ꤔꤥ꤬ꤗꤢꤦꤔꤥ꤬ꤏꤢꤦ꤭꤯ ꤒꤢꤩ꤬ꤔꤥ꤬ꤗꤢꤦꤔꤥ꤬ꤏꤢꤦ꤭ ꤣꤧ꤭ꤒꤣꤧ꤬ꤟꤢꤩ꤬ ꤗꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤢ꤬ ꤒꤢꤩ꤬ꤊꤝꤤ꤭ꤡꤢꤪꤙꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

เตเด๊อะโลแถ่ 5:8 ပူးပေါင်းရင်းမြစ်များ

เตเด๊อะโลแถ่ 4:10

โหมะพรูโหมะเผร่ เนอเชอ เร๊อ ซิลุย เออเนอ อา แด๊งือแล เด๊อ เพร โอ่แนโอ่ เด๊อ จ๊อแผ่ อา กู่แกล๊เท แถ่โล อาขุ เนอเตเพร เป๊เส่เง เร๊อ อา จ๊อเบแถ่ แกแย เด๊อ อา เซอเพร ตูจูเพร เออเนอ เตเพร. เหย่ซี แด่ตาแก อา กู๊โก่เท เออเต๊เห่ เด๊อ จ๊อแผ่ กู่แกล๊เท แถ่โล อาเป๊เส่เง เร๊อ อา อิโรแถ่ แลแค เนอ,

เตเด๊อะโลแถ่ 5:14

เตเซอเพร เออลุยโด เนอ อา เฮ๊ฉื่อ เน๊อ, “อาเมน” โทเรอ โหมะพรูโหมะเผระ เต๊เห่ แด๊งือแล เร๊อ จ๊อบู่จ๊อเบแถ่ จอแปแหร่ เร๊อ ซิหมิพู๊ เนอโตโด.

เตเด๊อะโลแถ่ 4:4

จ๊อแผ่ กู่แกล๊เท แถ่โล เด๊อ อาโร เนอเชอ เร๊อ ลุยเม เออเนอ อา โอ่ตาวา เร๊อ จ๊อแผ่ กู่แกล๊เท แถ่โล เออ เร๊อ จ๊อแผ่ กู่แกล๊เท แถ่โล เออเต๊เห่ อาขุ เนอ, โหมะพรูโหมะเผร่ เนอเชอ เร๊อ ซิลุย เด๊อ อา กือแซ๊แถ่ เห่อจาบู เร๊อ อา โก่แถ่ กู๊โก่เท เต๊เห่ โอ่แนโอ่ แลแค เบ๊อะเนอ.

เตเด๊อะโลแถ่ 19:4

โหมะพรูโหมะเผร่ เนอเชอ เร๊อ ซิลุย เร๊อ เตเซอเพร เนอ ลุยโด เนอ, อา แด๊งือ จ๊อบู่จ๊อเบแถ่ แบ่เจ่ จอแปแหร่ เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โลอาขุ เนอเตเพร เร๊อ เหย่ซี เฮ๊ แลแค เน๊อ, “อาเมน! ถู่เซ๊แถ่ จอแปแหร่!”

เตเด๊อะโลแถ่ 5:6

เบ๊อะเนออาเค แว แม๊เถอะ ซิหมิพู๊ โตโด ก๊อถ่อ โอ่เด๊อ จ๊อแผ่ กู่แกล๊เท แถ่โล กล๊าเมกู เนอโต๊โผะ. เตเซอเพร ลุยโด เออเนอ เร๊อ โหมะพรูโหมะเผร่ เออเต๊เห่ โอ่ตาวา หนิลอ ลู. ซิหมิพู๊ เด๊อ อา โอ่โลแถ่ เออเนอโตโดเนอ อา แซ๊ เร๊อ อู เมเซอน๊อ โทเฮ๊อ ลู เนอ. อานอ โอ่ โซซว๊าแตแพ, โทเรอ อา เป๊เส่ปล่อ โอ่ โซซว๊าต๊อปล่อ, เออ หม่า อา หม่าเฮ๊อ จอแปแหร่ อา ซิปล่อเซอเพร โซซว๊าเตเม เด๊อ ซูจว๊า เฮ๊อ เหย่ซี เด๊อ เหล่โอ่ ปว๋า โต๊โผ่ เด๊อ เห่ขุ เออเนอเฮ๊อ.

เตเด๊อะโลแถ่ 4:8

เตเซอเพรเออ ลุยโด ลอเนอ, โตโด๋ เร๊อ อา ด๊าโอ่ อา เบ่ โซซว๊า, อา เป๊เส่ปล่อ เต๊เห่เนอ, อาโอ่ ลอปลี ลูเหน่ ชีเพรเจ๊อ, อาโอ่ โต่ ลอ เจ๊อ เด๊อ อาด๊าเล. เหย่ซี อิโร ถู่เซ๊แถ่ ปวาเนอเน๋อ ปวาเซเซ เจ๊อ, อา โอ่โก๊ โตโพ๋ โต่. เร๊อ อา อิโร ถู่เซ๊แถ่ แลแค เน๊อ, “แบ่เจ่ จอแปแหร่ เด๊อ อา เมแจ่เต ล๋อ ปลี เด๊อ อา โอ่เซอเพร เด๊อหนู่เด๊อส่าเค, เร๊อ อา โอ่เซอเพร โต่กู๊แหน่, โทเร๊อ อา เก่ โอ่เซอเพร แฮเงลา เออเตเพรเนอ, อา อาบูโพ๊, อาบูโพ๊, อาบูโพ๊.”

เตเด๊อะโลแถ่ 15:7

เบ๊อะเนออาเค เตเซอเพร ลุยโด อาเกล โตโด เนอ, อา เด๊อะ เตเน่วพู๊ โซซว๊าเตเพร เออเนอ เต๊เห่ เร๊อ เบหล่อเทดุ โซซว๊าเต๊เบ่ เด๊อ อา โอ่ บา เจ๊อ เน๊อ จอแปแหร่ เด๊อ อา โอ่เซอเพร ตูจูเพร แตแลเคร๊ เออเตเพร อา เตซิปล่อดุ เจ๊อ.

เตเด๊อะโลแถ่ 15:2

แว แม๊เถอะ เต เด๊อ อาแซ่เน๊อ เทอดุซาวา เด๊อ อาเช๊อเกอเล๊อ ซีแล๊ เต่อเร๊อ หมิ โอ่ ต๊ออ่อ. แว แม๊เถอะโป่ แกแย เต๊เห่ เด๊อ อา เมเป่ เตมีเตแหม่ เออโตโด เร๊อ อาเตแหย่โย, เร๊อ อาลีปล่อ แด๊ม๊า เยโซซว๊า เร๊อ เชอโซซว๊า เร๊อ โซซว๊า เนอโตโด. เหย่ซี ก๊อถ่อโอ่ เด๊อ เทอดุซาวา อาเช๊อเกอเล๊อ เออ อาทือ เนอ, เร๊อ อา ปื่อหม่าหนิ แลแค ติ เด๊อ จอแปแหร่ เด๊อะ เหย่ซี เนอเต๊เห่.

ꤛꤥ꤭ꤟꤢ꤬ 5:23

เมเตเฮ๊เรอ, แซ่ฮู๊ แกแย ล๋อ ปลี เก่ เบ่หยื่อเบ่แหน่ อาพู๊คู ฮู๊ อู เบ่หยื่อเบ่แหน่ เพเนอ เร๊อ อา เด๊อะตา ลอ เต เมจากาคยา เด๊อ ลู กู๊ยากู. แกแย เด๊อ อา เบ่หยื่อเบ่แหน่ พู๊คู โต่ เต๊เห่เนอ, หม่าเฮ๊อ อา เบ่หยื่อเบ่แหน่ เพ เด๊อ อา นอแฮแล ลู เนอเตเพร โต่ เฮ๊อ.

ꤟꤤꤙꤚꤢꤨ 1:6

เบ๊อะจอแปแหร่ นอกี๊ตาเฮ๊อ อาพู๊คู แหว่เพร่ว เด๊อ เห่ขุ เบ๊อะเนอ, อา เฮ๊ เน๊อ, “จอแปแหร่ อา เตเน่วพู๊ ล๋อ ปลี เบ่ จ๊อเบแถ่ พู๊คูเออ,” อา เฮ๊ ฮู๊เนอ.

ꤛꤥ꤭ꤟꤢ꤬ 1:29

เด๊อคยา เตอเนอเนอ, คูยอห์น แม๊เถอะ เหย่ซู่ แฮ เด๊อ อา โอ่ เร๊อ อา เฮ๊ เน๊อ, “แม๊มอ, จอแปแหร่ อาซิหมิพู๊ เด๊อ อา พย๊าวีแกแก แกแย เห่ขุพู๊ อา เตซื๊อเตโอ่หร่า เต๊เห่ เออเนอ เตเพร.

เตเด๊อะโลแถ่ 4:6

เบ๊อะจ๊อแผ่ กู่แกล๊เท แถ่โล อาเป๊เส่เงเนอ, เทออ่อดุ เด๊อ อาเช๊อเกอเล๊อ แซ่เจ๊อเน๊อ หล่อซู๊ บูแปล๊ เตเมเนอ อาโอ่ ต๊ออ่อ. เตเซอเพร ลุยโด เด๊อ อา เป๊เส่ปล่อ โอ่ ลอปลี เด๊อคยาคยา, เด๊อ เงเง เออเนอ, อา โอ่ ตาวา ลอปลี เกอลาติ เบ๊อะจ๊อแผ่ กู่แกล๊เท แถ่โล อาแก่ซ๊า เนอ.

เตเด๊อะโลแถ่ 5:11

เออโตโพ๊เรอ, แว แม๊เถอะ เร๊อ แว หนิโฮ เตเน่วม๊อขุ โอ่ เด๊อ อาซี เด๊อ อาซีกู เร๊อ แด๊ลอเป่ ปา เจ๊อโต่ เออเต๊เห่ อาโหง่พราแถ่. เร๊อ เหย่ซี โอ่ตาวา แลแค เร๊อ จ๊อแผ่ กู่แกล๊เท แถ่โล เออ เร๊อ เตเซอเพร ลุยโด เร๊อ โหมะพรูโหมะเผร่ เนอเต๊เห่.

เตเด๊อะโลแถ่ 5:12

เร๊อ เหย่ซี เอ๊โท อิโร ฉว่า แลแค เนอ, “ซิหมิพู๊ เด๊อ อู เมเซอ ลู เออเนอ, อา โต พย๊าเร๊อดื่อ เตอเรอฉว่าชอ, เตดุแหย่แถ่เซ, เตลีแมลีเพ๊, เตอ๊าเตเหร่, เตแด่ดุแด่ทู ลู, เตเมลีเมตาเค ลู, เร๊อ เตถู่เซ๊แถ่ ดื่อ ลู นี๋.”

เตเด๊อะโลแถ่ 6:1

แว แม๊เถอะ ซิหมิพู๊ เนอโตโด ปาอ๊าโมแถ่ อู เกล๊จิจือหม่า เตม๊าเตแด เด๊อ โซซว๊าโต๊โก่ อาเกลเออ อาเหร่อเล๊อ โต๊โก่ เร๊อ แว หนิโฮ เด๊อ เตเซอเพร เนอ ลุยโด อาเกล โตโดเนอ อาโหง่พราแถ่ แซ่เร๊อ ฉ่าแล เนอ เร๊อ “แฮมอ” อา เฮ๊ ฮู๊เนอ.

เตเด๊อะโลแถ่ 13:8

ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.