เตเด๊อะโลแถ่ 5:11 - ลีเทส่อพ๊าอาเซ เร๊อ เห่ขุทวาลู๊

¹¹ เออโตโพ๊เรอ, แว แม๊เถอะ เร๊อ แว หนิโฮ เตเน่วม๊อขุ โอ่ เด๊อ อาซี เด๊อ อาซีกู เร๊อ แด๊ลอเป่ ปา เจ๊อโต่ เออเต๊เห่ อาโหง่พราแถ่. เร๊อ เหย่ซี โอ่ตาวา แลแค เร๊อ จ๊อแผ่ กู่แกล๊เท แถ่โล เออ เร๊อ เตเซอเพร ลุยโด เร๊อ โหมะพรูโหมะเผร่ เนอเต๊เห่.

Eastern Kayah Shadaw Dialect

¹¹ ꤣꤧ꤭ꤒꤣ꤬ꤖꤥꤚꤣꤧ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤥ꤬ ꤘꤣ ꤢ꤬ꤞꤤ꤭ ꤘꤣ ꤢ꤬ꤞꤤ꤭ꤊꤢꤨ꤭ ꤚꤣꤧ꤬ ꤘꤢꤧꤜꤢꤪ꤭ꤕ꤫ꤢꤩ꤬ ꤕꤢ꤬ ꤡꤣꤧꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤍ꤫ꤥ꤬ꤖꤚꤢ꤬ꤓꤢꤧ꤬꤯ ꤚꤣꤧ꤬ ꤛꤢꤩ꤬ꤞꤤ꤭ ꤥ꤬ꤒꤣꤧ꤬ꤠꤢ꤬ ꤜꤢ꤭ꤋꤢꤧ꤭ ꤔꤢꤧ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤣꤧ꤭ ꤔꤢꤧ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ꤔꤣꤧ꤬ ꤜꤝꤤ꤭ꤘꤥ꤭ ꤔꤢꤧ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

เตเด๊อะโลแถ่ 5:11 ပူးပေါင်းရင်းမြစ်များ

ꤟꤤꤙꤚꤢꤨ 12:22

หม่าแน๊เรอ, ซี เกอลาติ เร๊อ ซี แฮโต่เฮ๊อ เด๊อ ศิโยนโฉ่ เฮ๊อ. โฉ่เออเตเมเนอ หม่า หม่าเฮ๊อ จอแปแหร่ เด๊อ อา เซอ เพร เออเตเพร อาวี ตีวี เด๊อ อูเอ๊ เน๊อ วีเยรูซาเล็ม เด๊อ ม๊อขุเออเนอ ตีวี เฮ๊อ. จอแปแหร่ อาม๊อขุ เตเน่วพู๊ เด๊อ อา โอ่เจ๊อ เด๊อ อาซี เน๊อ อาซีกู เต๊เห่ แฮโอ่ ป่อ ซิครือซิลอ โหร่เกอ ลอ ลู เบ๊อะเนอ. เน๊อ ซี แฮ โอเต่อเกอ เน๊อ อา ม๊อขุ เตเน่วพู๊ เออเต๊เห่ เฮ๊อ.

เตเด๊อะโลแถ่ 4:6

เบ๊อะจ๊อแผ่ กู่แกล๊เท แถ่โล อาเป๊เส่เงเนอ, เทออ่อดุ เด๊อ อาเช๊อเกอเล๊อ แซ่เจ๊อเน๊อ หล่อซู๊ บูแปล๊ เตเมเนอ อาโอ่ ต๊ออ่อ. เตเซอเพร ลุยโด เด๊อ อา เป๊เส่ปล่อ โอ่ ลอปลี เด๊อคยาคยา, เด๊อ เงเง เออเนอ, อา โอ่ ตาวา ลอปลี เกอลาติ เบ๊อะจ๊อแผ่ กู่แกล๊เท แถ่โล อาแก่ซ๊า เนอ.

เตเด๊อะโลแถ่ 4:4

จ๊อแผ่ กู่แกล๊เท แถ่โล เด๊อ อาโร เนอเชอ เร๊อ ลุยเม เออเนอ อา โอ่ตาวา เร๊อ จ๊อแผ่ กู่แกล๊เท แถ่โล เออ เร๊อ จ๊อแผ่ กู่แกล๊เท แถ่โล เออเต๊เห่ อาขุ เนอ, โหมะพรูโหมะเผร่ เนอเชอ เร๊อ ซิลุย เด๊อ อา กือแซ๊แถ่ เห่อจาบู เร๊อ อา โก่แถ่ กู๊โก่เท เต๊เห่ โอ่แนโอ่ แลแค เบ๊อะเนอ.

เตเด๊อะโลแถ่ 19:6

เบ๊อะเนออาเค แว หนิโฮ โหง่ เด๊อ อา เจ๊อ เร๊อ แกแย ตูปลูเต๊เผ่ เฮ๊เบ่ เนอ. โทเรอ อาแซ่เน๊อ เทอเคว ทุ๊ยแฮ พรารื๊อพราเต๊ เนอ, เร๊อ อา พรา ตอปลอแลยอ ฉว่า แซ่เจ๊อเร๊อ ฉ่าแล เต๊เห่เนอ. แว หนิโฮ เหย่ซี เฮ๊ เน๊อ, “ถู่เซ๊แถ่ จอแปแหร่, เมเตเฮ๊เรอ เป แบ่เจ่ จอแปแหร่ เด๊อ อา แจ่เตลอ ซิเงเตปลี เออเตเพรเนอ, อา เป๊อตี๊หรี่ เฮ๊อ เต เฮ๊อ.

เตเด๊อะโลแถ่ 7:11

ล๋อ เตเน่วม๊อขุ เต๊เห่ ก๊อถ่อโอ่ ตาวา ล๊อปลี เร๊อ จ๊อแผ่ กู่แกล๊เท แถ่โล เออ เร๊อ โหมะพรูโหมะเผร่ เนอเต๊เห่ เร๊อ เตเซอเพร เนอ ลุยโด. เบ๊อะเนออาเค เหย่ซี แด๊งือแล ล๊อปลี เด๊อ จ๊อแผ่ กู่แกล๊เท แถ่โล อาเป๊เส่เง เร๊อ จ๊อบู่จ๊อเบแถ่ แลแค จอแปแหร่.

เตเด๊อะโลแถ่ 5:14

เตเซอเพร เออลุยโด เนอ อา เฮ๊ฉื่อ เน๊อ, “อาเมน” โทเรอ โหมะพรูโหมะเผระ เต๊เห่ แด๊งือแล เร๊อ จ๊อบู่จ๊อเบแถ่ จอแปแหร่ เร๊อ ซิหมิพู๊ เนอโตโด.

เตเด๊อะโลแถ่ 5:6

เบ๊อะเนออาเค แว แม๊เถอะ ซิหมิพู๊ โตโด ก๊อถ่อ โอ่เด๊อ จ๊อแผ่ กู่แกล๊เท แถ่โล กล๊าเมกู เนอโต๊โผะ. เตเซอเพร ลุยโด เออเนอ เร๊อ โหมะพรูโหมะเผร่ เออเต๊เห่ โอ่ตาวา หนิลอ ลู. ซิหมิพู๊ เด๊อ อา โอ่โลแถ่ เออเนอโตโดเนอ อา แซ๊ เร๊อ อู เมเซอน๊อ โทเฮ๊อ ลู เนอ. อานอ โอ่ โซซว๊าแตแพ, โทเรอ อา เป๊เส่ปล่อ โอ่ โซซว๊าต๊อปล่อ, เออ หม่า อา หม่าเฮ๊อ จอแปแหร่ อา ซิปล่อเซอเพร โซซว๊าเตเม เด๊อ ซูจว๊า เฮ๊อ เหย่ซี เด๊อ เหล่โอ่ ปว๋า โต๊โผ่ เด๊อ เห่ขุ เออเนอเฮ๊อ.

ꤛꤢꤨꤘꤢ꤬ 1:14

คูเอโนค เด๊อ อากลุยอาแล ตา เด๊อ เพอาดัม อาทือ โซซว๊าตือทือ เนอเตเพร แด๊โฉ่ หนื่ออื่อ งยา แหน่เจ๊อ เฮ๊อ เร๊อ เหย่ซี เออเต๊เห่ อาหรี่อาแก เร๊อ อา เฮ๊ เน๊อ, “แบ่เจ่ เก่ แฮเต่อ เร๊อ อาม๊อขุ เตเน่วพู๊ บูโพ๊ เต๊เห่ เด๊อ อารี๊ เร๊อ อารี๊กู เจ๊อ ปา.

เตเด๊อะโลแถ่ 5:8

เบ๊อะอา ปื่อหม่าหนิ ลีตูลูเออ เบ๊อะเนอ, เตเซอเพร ลุยโดเออ เน๊อ โหมะพรูโหมะเผร่ เนอเชอ เน๊อ ซิลุย เออ แด๊งือแล เด๊อ ซิหมิพู๊ เนอโตโด อา เป๊เส่เง. เหย่ซี โตโด เร๊อ โตโด, เตเพร เร๊อ เตเพร เนอ, อา ติ เหล่ด่อ โอ่ โทเรอ อาโอ่ เร๊อ อาเบเท เต๊เห่. เบเท เออเต๊เห่เนอ อาโอ่ บา เจ๊อ เร๊อ เตโนมื๊อโนชือ. เตโนมื๊อโนชือ เออเต๊เห่ หม่า หม่าเฮ๊อ จอแปแหร่ อาแกแย อา เตกุยจ๊อเบ เนอเต๊เห่ เฮ๊อ.

เตเด๊อะโลแถ่ 9:16

เกลอ เด๊อ อา แถ่แด๊ ตีซิ เต๊เห่ อา โอ่เอ๊ เจ๊อ บ๋า เตเนอ, แว หนิโฮ อู เฮ๊โฉ่เป่ แว เร๊อ อา โอ่ เจ๊อ อาซี เนอรี๊ เจ๊อ.