เตเด๊อะโลแถ่ 4:7 - ลีเทส่อพ๊าอาเซ เร๊อ เห่ขุทวาลู๊

⁷ อาเหร่อเล๊อ โตโด เนอ อาแซ่เน๊อ แอ๊ซี, เนอโด โตโด เนอ อาแซ่เน๊อ ปู่เพดุ, โซโด โตโด เนอ อาเป๊เส่ แซ่เน๊อ แกแย เป๊เส่ เร๊อ ลุยโด โตโดเนอ, อาแซ่เน๊อ ลาบูดุ เด๊อ อา โย เด๊อ ม๊อเลเนอ.

Eastern Kayah Shadaw Dialect

⁷ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤘꤥ꤭ ꤔꤣꤧ꤬ ꤢ꤬ꤞꤢꤧꤔꤢꤧ ꤢꤞ꤫ꤤ꤬, ꤔꤣꤧ꤭ꤘꤥ꤭ ꤒꤣ꤬ꤘꤥ꤭ ꤔꤣꤧ꤬ ꤢ꤬ꤞꤢꤧꤔꤢꤧ ꤕ꤫ꤢꤨ꤬ꤖꤢꤩ꤭ꤘꤢꤨ꤬, ꤞꤥ꤭ꤘꤥ꤭ ꤒꤣ꤬ꤘꤥ꤭ ꤔꤣꤧ꤬ ꤢ꤬ꤕꤣꤧꤞꤢꤩ꤬ ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤕꤣꤧꤞꤢꤩ꤬ ꤚꤣꤧ꤬ ꤜꤝꤤ꤭ꤘꤥ꤭ ꤒꤣ꤬ꤘꤥ꤭ ꤔꤣꤧ꤬, ꤢ꤬ꤞꤢꤧꤔꤢꤧ ꤜꤢ꤭ꤙꤢꤨ꤭ꤘꤢꤨ꤬ ꤘꤣ ꤢ꤬ ꤛꤥ꤬ ꤘꤣ ꤗꤢꤪꤜꤢꤩ꤭ꤔꤣꤧ꤬꤯

เตเด๊อะโลแถ่ 4:7 ပူးပေါင်းရင်းမြစ်များ

เตเด๊อะโลแถ่ 4:6

เบ๊อะจ๊อแผ่ กู่แกล๊เท แถ่โล อาเป๊เส่เงเนอ, เทออ่อดุ เด๊อ อาเช๊อเกอเล๊อ แซ่เจ๊อเน๊อ หล่อซู๊ บูแปล๊ เตเมเนอ อาโอ่ ต๊ออ่อ. เตเซอเพร ลุยโด เด๊อ อา เป๊เส่ปล่อ โอ่ ลอปลี เด๊อคยาคยา, เด๊อ เงเง เออเนอ, อา โอ่ ตาวา ลอปลี เกอลาติ เบ๊อะจ๊อแผ่ กู่แกล๊เท แถ่โล อาแก่ซ๊า เนอ.

เห่ขุทวาลู่ 49:9

ยูดาห์, เน อ๊าฉว่าเหร่ชอ แซ่เน๊อ แอ๊ซี เด๊อ อา ปื่อเอ่โท เฮ๊อ เตมี, เร๊อ อา กาโตคยา เด๊อ อากู เร๊อ อา กาโอ่เมอ โตโกลตา, เร๊อ โอ่เมอโอ่โก๊ หนิ เนอเฮ๊อ. เน แซ่เฮ๊อ เน๊อ แอ๊ซีโหมะ โตโด เด๊อ อู เมซิเหน่ บื่อ ลู เตเพร่ว โต่ เนอเฮ๊อ.

โครินธ์ อาเหร่อเล๊อ ต๊าบ่า 14:20

แว โคแบ๊ซว๊า ซี, เตเน แลแค แต่ ฮู๊ เป๊เจ่พู๊ เต๊เห่ เตเน เนอ แต่เหม่. หม่าแน๊เรอ ตื๊อแพ๊ เตมู๊แหม่รีแจ่ เออเต๊อเจ่อ เนอ แพ๊ เร๊อ ทวาแถ่ แซ๊ แลแค เร๊อ เป๊เจ่พู๊ อินู๊ปา เด๊อ อา ซิเง เกออู เตมู๊แหม่รีแจ่ โต่ เนอเต๊เห่ นี๋. หม่าแน๊เรอ เต เด๊อ แว รา เป่ ซี เออเต๊เห่เนอ, เตเน แลแค ฮู๊ แกแยดุเผระ เฮ๊อ เตเพร อา เตเตเน เนอ.

เตเด๊อะโลแถ่ 6:3

เบ๊อะซิหมิพู๊เออ ปาอ๊าโมแถ่ เตม๊าเตแด เนอโก่โต๊โก่ เบ๊อะเนอ, แว หนิโฮ เตเซอเพร เนอโด โตโด เออเนอ เฮ๊ เน๊อ, “แฮมอ.”

เตเด๊อะโลแถ่ 6:5

โทเรอ ซิหมิพู๊ เนอโตโด ปาอ๊าโมแถ่ เตม๊าเตแด เด๊อ อู เมหม่า อาเนอ, เร๊อ แว หนิโฮ เตเซอเพร โซโด เนอโตโด เฮ๊ เน๊อ, “แฮมอ” อา เฮ๊ ฮู๊เนอ. แว แม๊ เร๊อ แว แม๊เถอะ ตีซิลอ โตโด เร๊อ แกแย เด๊อ อา แถ่แด๊ ลู เตเพรเนอ อาโอ่ เกอเร๊อ เน๊อ แจ๊จู๊เหล่ เด๊อ อา กู๊ยากู.

เตเด๊อะโลแถ่ 6:7

โทเรอ ซิหมิพู๊ เนอโตโด ปาอ๊าโมแถ่ เตม๊าเตแด ลุยโก่โต๊โก่ เด๊อ อูเมหม่า อาเนอ เร๊อ แว หนิโฮ เตเซอเพร ลุยโด เนอโตโด เฮ๊ เน๊อ, “แฮมอ” อา เฮ๊ ฮู๊เนอ.