เตเด๊อะโลแถ่ 4:4 - ลีเทส่อพ๊าอาเซ เร๊อ เห่ขุทวาลู๊

⁴ จ๊อแผ่ กู่แกล๊เท แถ่โล เด๊อ อาโร เนอเชอ เร๊อ ลุยเม เออเนอ อา โอ่ตาวา เร๊อ จ๊อแผ่ กู่แกล๊เท แถ่โล เออ เร๊อ จ๊อแผ่ กู่แกล๊เท แถ่โล เออเต๊เห่ อาขุ เนอ, โหมะพรูโหมะเผร่ เนอเชอ เร๊อ ซิลุย เด๊อ อา กือแซ๊แถ่ เห่อจาบู เร๊อ อา โก่แถ่ กู๊โก่เท เต๊เห่ โอ่แนโอ่ แลแค เบ๊อะเนอ.

Eastern Kayah Shadaw Dialect

⁴ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤘꤣ ꤢ꤬ꤚꤥ꤬ ꤔꤣꤧ꤭ꤏꤣꤧ꤭ ꤔꤢꤧ ꤜꤝꤤ꤭ꤗꤢꤩ꤭ ꤣꤧ꤭ꤔꤣꤧ꤬ ꤢ꤬ ꤥ꤬ꤒꤣꤧ꤬ꤠꤢ꤬ ꤔꤢꤧ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤣꤧ꤭ ꤚꤣꤧ꤬ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤢꤨ꤬ ꤔꤣꤧ꤬, ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤭ꤏꤣꤧ꤭ ꤔꤢꤧ ꤞꤤꤜꤝꤤ꤭ ꤘꤣ ꤢ꤬ ꤊꤢꤦ꤭ꤞꤢꤧꤓꤢꤧ꤬ ꤟꤣꤧ꤬ꤡꤢ꤬ꤙꤢꤨ꤭ ꤚꤣꤧ꤬ ꤢ꤬ ꤊ꤫ꤥ꤬ꤓꤢꤧ꤬ ꤊꤢꤨꤊ꤫ꤥ꤬ꤓꤢꤩ꤭ ꤒꤣꤧ꤬ꤟꤢꤩ꤬ ꤥ꤬ꤔꤢꤧ꤭ꤥ꤬ ꤜꤢ꤭ꤋꤢꤧ꤭ ꤙꤣꤧꤔꤣꤧ꤬꤯

เตเด๊อะโลแถ่ 4:4 ပူးပေါင်းရင်းမြစ်များ

เตเด๊อะโลแถ่ 11:16

โทเรอ โหมะพรูโหมะเผร่ เนอเชอ เร๊อ ซิลุย เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โลอาขุ เด๊อ แบ่เจ่ จอแปแหร่ อาเป๊เส่เง เออเต๊เห่เนอ, อา แด๊งือแล จ๊อเบแถ่ จอแปแหร่ เร๊อ อา เฮ๊ แลแค เนอ,

มัทธิว 19:28

แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี๋, เบ๊อะจอแปแหร่ ตี๊หรี่แตแร เห่ขุเซ, เด๊อ เห่ขุเซปา, โทเรอ แกแยอาพู๊คู หม่าเฮ๊อ แวเออ เก่ โอ่แน เด๊อ กู่แกล๊เท แถ่โล ปา. ซี เด๊อ อา ครวา เกอแว เออเต๊เห่ เก่ โอ่แนน๊อ เกอดื่อ เด๊อ กู่แกล๊เท แถ่โล เช๊อเนอเม อาโอ่ เออเนอ ปา, เร๊อ ซี เก่ เมจากาคยา เร๊อ ดื่อ อิสราเอลพู๊ เช๊อเนอโหมะ เออเนอ ปา.

เตเด๊อะโลแถ่ 4:10

โหมะพรูโหมะเผร่ เนอเชอ เร๊อ ซิลุย เออเนอ อา แด๊งือแล เด๊อ เพร โอ่แนโอ่ เด๊อ จ๊อแผ่ อา กู่แกล๊เท แถ่โล อาขุ เนอเตเพร เป๊เส่เง เร๊อ อา จ๊อเบแถ่ แกแย เด๊อ อา เซอเพร ตูจูเพร เออเนอ เตเพร. เหย่ซี แด่ตาแก อา กู๊โก่เท เออเต๊เห่ เด๊อ จ๊อแผ่ กู่แกล๊เท แถ่โล อาเป๊เส่เง เร๊อ อา อิโรแถ่ แลแค เนอ,

เตเด๊อะโลแถ่ 7:11

ล๋อ เตเน่วม๊อขุ เต๊เห่ ก๊อถ่อโอ่ ตาวา ล๊อปลี เร๊อ จ๊อแผ่ กู่แกล๊เท แถ่โล เออ เร๊อ โหมะพรูโหมะเผร่ เนอเต๊เห่ เร๊อ เตเซอเพร เนอ ลุยโด. เบ๊อะเนออาเค เหย่ซี แด๊งือแล ล๊อปลี เด๊อ จ๊อแผ่ กู่แกล๊เท แถ่โล อาเป๊เส่เง เร๊อ จ๊อบู่จ๊อเบแถ่ แลแค จอแปแหร่.

เตเด๊อะโลแถ่ 20:4

โทเรอ แว แม๊เถอะ จ๊อแผ่ กู่แกล๊เท แถ่โล เต๊เห่. แกแย โอ่แนโอ่ เด๊อ กู่แกล๊แถ่โล ลูเนอ เต๊เห่เนอ, อู เด๊อ เหย่ซี เตอเรอฉว่าชอ เด๊อ อา เก่ เมจากาคยา อู ปา. แว แม๊เถอะ เกอโป่ แกแย เด๊อ อา ข่าเด๊อะโล เร๊อ เหย่ซู่ อาหรี่อาแก เร๊อ อา แด๊โฉ่โด่แน เป่ อู จอแปแหร่ อาลาอาโหง่ เต๊เห่ อาขว่าอาคยา, อู ปาตือแก เหย่ซี แกโบ เต๊เห่ อา ซิปล่อเซอเพร. เตมีเตแหม่ เบ่เบ่, เตมีเตแหม่ อาเตแหย่โย เออเนอ เบ่เบ่, เหย่ซี จ๊อเบแถ่น๊อ เกออู โต่ ตื๊อเนอโทโต่. เตมีเตแหม่ เนอโตโด อา เตเมม๊าเมแด เด๊อ อู เบ่ เมม๊า เด๊อ มาเท๊ลู เนอเบ่เบ่, หม่าโต่เรอ อู เบ่ เมม๊า เด๊อ กู๊ขุลู เนอเบ่เบ่, อา พย๊าฉื่อน๊อ เกออู เตเมม๊าเมแด เตอเจ๋อ โต่. เหย่ซี เซอเพร กาคยา เร๊อ อา เป๊อ เต่อเกอ เต เร๊อ ครี๊ อาหน่าตีรี๊.

เตเด๊อะโลแถ่ 5:14

เตเซอเพร เออลุยโด เนอ อา เฮ๊ฉื่อ เน๊อ, “อาเมน” โทเรอ โหมะพรูโหมะเผระ เต๊เห่ แด๊งือแล เร๊อ จ๊อบู่จ๊อเบแถ่ จอแปแหร่ เร๊อ ซิหมิพู๊ เนอโตโด.

เตเด๊อะโลแถ่ 5:8

เบ๊อะอา ปื่อหม่าหนิ ลีตูลูเออ เบ๊อะเนอ, เตเซอเพร ลุยโดเออ เน๊อ โหมะพรูโหมะเผร่ เนอเชอ เน๊อ ซิลุย เออ แด๊งือแล เด๊อ ซิหมิพู๊ เนอโตโด อา เป๊เส่เง. เหย่ซี โตโด เร๊อ โตโด, เตเพร เร๊อ เตเพร เนอ, อา ติ เหล่ด่อ โอ่ โทเรอ อาโอ่ เร๊อ อาเบเท เต๊เห่. เบเท เออเต๊เห่เนอ อาโอ่ บา เจ๊อ เร๊อ เตโนมื๊อโนชือ. เตโนมื๊อโนชือ เออเต๊เห่ หม่า หม่าเฮ๊อ จอแปแหร่ อาแกแย อา เตกุยจ๊อเบ เนอเต๊เห่ เฮ๊อ.

ꤜꤢꤨꤊꤢ꤬ 22:30

เมเตเฮ๊เรอ แซ่ฮู๊ ซี เก่ เอ่โอ เต่อเกอ เร๊อ แว เด๊อ แว ดีเหร่ขุ ช๊า เด๊อ แวเทอแวเก่กู ปา. โท๊โต่ แซ่ฮู๊ ซี เก่ โอ่แนโอ่ เต่อน๊อ เกอดื่อ เร๊อ แว เด๊อกู่แกล๊เท แถ่โล อาขุ ปา. เร๊อ ซี เก่ เจแม๊ เมโต เร๊อดื่อ อิสราเอล เช๊อเนอโหมะ เออเนอ ปา.

ทิโมธี เนอบ่า ต๊าบ่า 4:8

กู๊แหน่เรอ จอแปแหร่ แด่ดว๊า เป่เฮ๊อ แว เตจ๊อเตเต อา กู๊โก่เท เด๊อ อา หม่าเฮ๊อ เตเมหนิคว๊าเก่ เออเตเม เนอเฮ๊อ. โทเรอ ช๋า ม๊อเนอ ตื๊อดื่อ ปาเนอ, เพรเฮ๊เบ่เมโตเต จ๊อเต อา แบ่เจ่ เออเตเพร เก่ เด๊อะแล แว ปา หม่าแน๊เรอ เออเนอหมา แวเง ตื้อดื่อ หม่าโต่. ล๋อ แกแย เด๊อ อา โอ่ป่อแม๊ชือเกอ แบ่เจ่ เก่ แฮ โอ่โลแถ่ คยา ปา เนอเต๊เห่ อาเงหม่า อา โอ่เต่อเกอ ปาปา.

เตเด๊อะโลแถ่ 19:4

โหมะพรูโหมะเผร่ เนอเชอ เร๊อ ซิลุย เร๊อ เตเซอเพร เนอ ลุยโด เนอ, อา แด๊งือ จ๊อบู่จ๊อเบแถ่ แบ่เจ่ จอแปแหร่ เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โลอาขุ เนอเตเพร เร๊อ เหย่ซี เฮ๊ แลแค เน๊อ, “อาเมน! ถู่เซ๊แถ่ จอแปแหร่!”

เตเด๊อะโลแถ่ 7:9

เตเมอาเหน่ ฮู๊เออ โทเรอ แว แม๊เถอะ แกแย โอ่โหร่โอ่เอ๊ แหน่เจ๊อ ตู๊หมู่ เร๊อ อู แด๊ ลอเป่ เหย่ซี เตเพร่ว โต่. เหย่ซี โอ่ เด๊อ เมวเจอะ ปว๊าเต๊อเจ่อ, กลุยแล ปว๊าโต๊โหมะ, แกแย ปว๊าตู๊หมู่, เร๊อ โหง่ ปว๊า เต๊อเจ่อ แฮ เร๊อ เหย่ซี แฮก๊อถ่อโอ่ เด๊อ ซิหมิพู๊ เร๊อ อาจ๊อแผ่ กู่แกล๊เท แถ่โล อาเป๊เส่เง. โทเรอ เหย่ซี อากือแซ๊หนิ จาจวาบูทู เร๊อ ปื่อหม่าหนิ แลแค กอน๊อเหมาะแพ เต๊เห่.

เตเด๊อะโลแถ่ 19:14

ม๊อขุ อาเกลอฮู๊ เต๊เห่ กือแซ๊ แถ่หนิลอ เห่อจา แบ๊ปลี, เห่อจาบู, เห่อจา โพ๊อาแปละ เต๊เห่ โทเรอ แถ่แด๊ แถ่หนิ แลแค ตีซิบู เร๊อ ครวาเกอ ลูคยา.

เตเด๊อะโลแถ่ 6:11

อู เด๊อะ เหย่ซี จาจวาบู ปว๋า เตเพร, โทเรอ อู เฮ๊ เหย่ซี เน๊อ เหย่ซี เก่ โอ่โก๊ เตเบ๊ซิพร๊า โป่ เตอเปลอฮู๊. เร๊อ เหย่ซี เก่ โอ่โก๊ โต่เด๊อ อู เมเซอ บาแถ่ เฮ๊อ เหย่ซี อาโคหลู่เล๊ เต๊เห่ เร๊อ อาโป่แหว่ เด๊อ อา หยื่อเอ่แหน่เอ่เต เต๊เห่ ฮู๊ อู เมเซอโทเฮ๊อ เหย่ซี เนอ ปา.

เตเด๊อะโลแถ่ 9:7

ตีกี เต๊เห่เนอ อาแซ่เน๊อ ตีซิ เต๊เห่ เด๊อ อา โอ่ ตี๊หรี่แตแร อาเหน่ เด๊อ อา เก่ ช๊าเต อาเง เนอ. เด๊อ เหย่ซี กู่กล๊อลู เนอ อา แซ๊ เน๊อ อา โก่หนิ กู๊โก่เท เนอ, โทเรอ เหย่ซี เป๊เส่ เนอ, อา แซ๊ เน๊อ แกแย เป๊เส่.

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

เตเด๊อะโลแถ่ 3:18

เมฮู๊เนอเรอ แว เด๊อะซิเง จว่าเป่เกอ เน เร๊อ แซ่ฮู๊ เน เก่ ดุแหย่แถ่เซ เกออู เนอ, แฮ พรีเกอ เท เด๊อ แวโอ่ เออ. เท เออเนอหม่า อู โล โทเฮ๊อ เร๊อ หมิ. โท๊โต่ แฮ พรี เกอดื่อ เห่อจาบู เหล่กือเหล่แซ๊ เด๊อ แวโอ่ เออ เร๊อ กือบี๊แซ๊บี๊ เกอเร๊อ เน โอ่กาโกล ซิเตเร ดื่อเง เออเนอ. แซ่ฮู๊ เน เก่ แม๊เถอะ ลีโพ๊แร๊ เกออู อาเงเนอ, แฮ พรีเกอ เตขุ เป๊เส่เช เด๊อ แวโอ่ เออ เร๊อ จีโน เด๊อ เน เป๊เส่ปล่อกู เนอ.

เตเด๊อะโลแถ่ 4:6

เบ๊อะจ๊อแผ่ กู่แกล๊เท แถ่โล อาเป๊เส่เงเนอ, เทออ่อดุ เด๊อ อาเช๊อเกอเล๊อ แซ่เจ๊อเน๊อ หล่อซู๊ บูแปล๊ เตเมเนอ อาโอ่ ต๊ออ่อ. เตเซอเพร ลุยโด เด๊อ อา เป๊เส่ปล่อ โอ่ ลอปลี เด๊อคยาคยา, เด๊อ เงเง เออเนอ, อา โอ่ ตาวา ลอปลี เกอลาติ เบ๊อะจ๊อแผ่ กู่แกล๊เท แถ่โล อาแก่ซ๊า เนอ.

เตเด๊อะโลแถ่ 5:6

เบ๊อะเนออาเค แว แม๊เถอะ ซิหมิพู๊ โตโด ก๊อถ่อ โอ่เด๊อ จ๊อแผ่ กู่แกล๊เท แถ่โล กล๊าเมกู เนอโต๊โผะ. เตเซอเพร ลุยโด เออเนอ เร๊อ โหมะพรูโหมะเผร่ เออเต๊เห่ โอ่ตาวา หนิลอ ลู. ซิหมิพู๊ เด๊อ อา โอ่โลแถ่ เออเนอโตโดเนอ อา แซ๊ เร๊อ อู เมเซอน๊อ โทเฮ๊อ ลู เนอ. อานอ โอ่ โซซว๊าแตแพ, โทเรอ อา เป๊เส่ปล่อ โอ่ โซซว๊าต๊อปล่อ, เออ หม่า อา หม่าเฮ๊อ จอแปแหร่ อา ซิปล่อเซอเพร โซซว๊าเตเม เด๊อ ซูจว๊า เฮ๊อ เหย่ซี เด๊อ เหล่โอ่ ปว๋า โต๊โผ่ เด๊อ เห่ขุ เออเนอเฮ๊อ.

เตเด๊อะโลแถ่ 5:11

เออโตโพ๊เรอ, แว แม๊เถอะ เร๊อ แว หนิโฮ เตเน่วม๊อขุ โอ่ เด๊อ อาซี เด๊อ อาซีกู เร๊อ แด๊ลอเป่ ปา เจ๊อโต่ เออเต๊เห่ อาโหง่พราแถ่. เร๊อ เหย่ซี โอ่ตาวา แลแค เร๊อ จ๊อแผ่ กู่แกล๊เท แถ่โล เออ เร๊อ เตเซอเพร ลุยโด เร๊อ โหมะพรูโหมะเผร่ เนอเต๊เห่.

เตเด๊อะโลแถ่ 14:3

แกแย เด๊อ อู อี๊ถ่ากา เหย่ซี อาเพร ตีซี เร๊อ ลุยซ๊อ เร๊อ ลุยรี๊ เออเต๊เห่เนอ, อา ก๊อถ่อโอ่ แลแค เด๊อ จ๊อแผ่ กู่แกล๊เท แถ่โล เร๊อ เตเซอเพร เออ ลุยโด เร๊อ โหมะพรูโหมะเผร่ เนอเต๊เห่ อาเป๊เส่เง. เหย่ซี อิโรลี อาเซ โต๊โต่ เด๊อ อู อิซว๊าเบ่แจ่ เป่ แพ๊ตื๊อ เหย่ซี แพ๊ เออเนอ โต๊โต่.