เตเด๊อะโลแถ่ 4:10 - ลีเทส่อพ๊าอาเซ เร๊อ เห่ขุทวาลู๊

¹⁰ โหมะพรูโหมะเผร่ เนอเชอ เร๊อ ซิลุย เออเนอ อา แด๊งือแล เด๊อ เพร โอ่แนโอ่ เด๊อ จ๊อแผ่ อา กู่แกล๊เท แถ่โล อาขุ เนอเตเพร เป๊เส่เง เร๊อ อา จ๊อเบแถ่ แกแย เด๊อ อา เซอเพร ตูจูเพร เออเนอ เตเพร. เหย่ซี แด่ตาแก อา กู๊โก่เท เออเต๊เห่ เด๊อ จ๊อแผ่ กู่แกล๊เท แถ่โล อาเป๊เส่เง เร๊อ อา อิโรแถ่ แลแค เนอ,

Eastern Kayah Shadaw Dialect

¹⁰ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤭ꤏꤣꤧ꤭ ꤔꤢꤧ ꤞꤤꤜꤝꤤ꤭ ꤣꤧ꤭ꤔꤣꤧ꤬ ꤢ꤬ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤖꤚꤢꤩ꤬ ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤖꤢꤧ꤬ ꤢ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤋꤢꤨ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤡꤢꤪꤙꤢꤩ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤯ ꤛꤢꤩ꤬ꤞꤤ꤭ ꤘꤢꤧ꤬ꤒꤢ꤭ꤊꤢꤧ꤭ ꤢ꤬ ꤊꤢꤨꤊ꤫ꤥ꤬ꤓꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤤ꤬ꤚꤥ꤭ꤓꤢꤧ꤬ ꤜꤢ꤭ꤋꤢꤧ꤭ ꤔꤢꤧ,

เตเด๊อะโลแถ่ 4:10 ပူးပေါင်းရင်းမြစ်များ

เตเด๊อะโลแถ่ 5:8

เบ๊อะอา ปื่อหม่าหนิ ลีตูลูเออ เบ๊อะเนอ, เตเซอเพร ลุยโดเออ เน๊อ โหมะพรูโหมะเผร่ เนอเชอ เน๊อ ซิลุย เออ แด๊งือแล เด๊อ ซิหมิพู๊ เนอโตโด อา เป๊เส่เง. เหย่ซี โตโด เร๊อ โตโด, เตเพร เร๊อ เตเพร เนอ, อา ติ เหล่ด่อ โอ่ โทเรอ อาโอ่ เร๊อ อาเบเท เต๊เห่. เบเท เออเต๊เห่เนอ อาโอ่ บา เจ๊อ เร๊อ เตโนมื๊อโนชือ. เตโนมื๊อโนชือ เออเต๊เห่ หม่า หม่าเฮ๊อ จอแปแหร่ อาแกแย อา เตกุยจ๊อเบ เนอเต๊เห่ เฮ๊อ.

เตเด๊อะโลแถ่ 19:4

โหมะพรูโหมะเผร่ เนอเชอ เร๊อ ซิลุย เร๊อ เตเซอเพร เนอ ลุยโด เนอ, อา แด๊งือ จ๊อบู่จ๊อเบแถ่ แบ่เจ่ จอแปแหร่ เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โลอาขุ เนอเตเพร เร๊อ เหย่ซี เฮ๊ แลแค เน๊อ, “อาเมน! ถู่เซ๊แถ่ จอแปแหร่!”

เตเด๊อะโลแถ่ 11:16

โทเรอ โหมะพรูโหมะเผร่ เนอเชอ เร๊อ ซิลุย เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โลอาขุ เด๊อ แบ่เจ่ จอแปแหร่ อาเป๊เส่เง เออเต๊เห่เนอ, อา แด๊งือแล จ๊อเบแถ่ จอแปแหร่ เร๊อ อา เฮ๊ แลแค เนอ,

เตเด๊อะโลแถ่ 4:4

จ๊อแผ่ กู่แกล๊เท แถ่โล เด๊อ อาโร เนอเชอ เร๊อ ลุยเม เออเนอ อา โอ่ตาวา เร๊อ จ๊อแผ่ กู่แกล๊เท แถ่โล เออ เร๊อ จ๊อแผ่ กู่แกล๊เท แถ่โล เออเต๊เห่ อาขุ เนอ, โหมะพรูโหมะเผร่ เนอเชอ เร๊อ ซิลุย เด๊อ อา กือแซ๊แถ่ เห่อจาบู เร๊อ อา โก่แถ่ กู๊โก่เท เต๊เห่ โอ่แนโอ่ แลแค เบ๊อะเนอ.

เตเด๊อะโลแถ่ 7:11

ล๋อ เตเน่วม๊อขุ เต๊เห่ ก๊อถ่อโอ่ ตาวา ล๊อปลี เร๊อ จ๊อแผ่ กู่แกล๊เท แถ่โล เออ เร๊อ โหมะพรูโหมะเผร่ เนอเต๊เห่ เร๊อ เตเซอเพร เนอ ลุยโด. เบ๊อะเนออาเค เหย่ซี แด๊งือแล ล๊อปลี เด๊อ จ๊อแผ่ กู่แกล๊เท แถ่โล อาเป๊เส่เง เร๊อ จ๊อบู่จ๊อเบแถ่ แลแค จอแปแหร่.

เตเด๊อะโลแถ่ 5:14

เตเซอเพร เออลุยโด เนอ อา เฮ๊ฉื่อ เน๊อ, “อาเมน” โทเรอ โหมะพรูโหมะเผระ เต๊เห่ แด๊งือแล เร๊อ จ๊อบู่จ๊อเบแถ่ จอแปแหร่ เร๊อ ซิหมิพู๊ เนอโตโด.

เตเด๊อะโลแถ่ 15:4

เก๋อ แบ่เจ๋, อู ซิอิเช เน โต่, อู เมลีเมเตเค เน โต่ เนอ อู โอ่แจ่ ปา เจ๊อ เตเพร่ว โต่. จอแปแหร่ บูโพ๊ เนอ อา โอ่ แพ๊ตื๊อ เนเตเพร แพ๊. เทอพู๊เก่พู๊ ล๊อ ปลี แม๊เถอะ เน เมเตโต เมเตจ๊อ อาขว่าอาคยา อา แฮ จ๊อบู่จ๊อเบแถ่ ลอ เน ปา.”

เตเด๊อะโลแถ่ 4:9

เตเซอเพรเออ ลุยโดเนอ, อา อิโร เมลีเมเตเคแถ่ โทเร๊อ แด่ดุแด่ทู เร๊อ เฮ๊บุ๊ยเฮ๊เตอเรอแถ่ จอแปแหร่ เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โล อาขุ เด๊อ อา เซอเพร ตูจูเพร ตาแลเคร๊ เออเนอ เตเพร. เร๊อ เบ๊อะเหย่ซี อี๊โรแถ่ ฮู๊เออ อาเบ๊อะเนอ,

มัทธิว 2:11

เร๊อ เหย่ซี โน เด๊อ อาหี่กู เร๊อ โนแม๊เถอะ เป๊เจ่เออ โอ่เต่อเร๊อ อาโหมะ มารีย์. เหย่ซี แด๊งือแล จ๊อบู่จ๊อเบแถ่ ลู. โทเร๊อ อา พย๊าเถ่ เท เร๊อ เตโนมื๊อ เด๊อ อู เอ๊ เน๊อ แหว่ขื่อแซ๊ เร๊อ มู๊หร่า เด๊อ อางูดุงูชอ เออเต๊เห่ เร๊อ อา เด๊อะ เน๊อ เป๊เจ่ เชหยู่.

ꤜꤢꤨꤊꤢ꤬ 24:52

เหย่ซี จ๊อบู่จ๊อเบแถ่ โท ลู เร๊อ เหย่ซี ซิครือซิลอ กาคยา แลแค เด๊อ วีเยรูซาเล็ม อากู.

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

เตเด๊อะโลแถ่ 4:2

เออโตโพ๊เรอ จอแปแหร่ อา แหย่โยบูโพ๊ ปื่อหม่า โตโพ๊ ปื่อหม่า แว เร๊อ เด๊อ ม๊อขุ เนอ จ๊อแผ่ อา กู่แกล๊เท แถ่โล โอ่ เตเม เร๊อ อู โอ่แนโอ่ เด๊อ อาขุ เนอ เตเพร.

เตเด๊อะโลแถ่ 10:6

เร๊อ อา แบแลหนิ อาเหน่ เร๊อ จอแปแหร่ เด๊อ อา เซอเพร ตูจูเพร แตแลเคร๊ เร๊อ อา แบ๊แล ม๊อขุ, เห่ขุ, เทอดุซาวา เร๊อ เตล๋อ ปลี โอ่ เด๊อ อากู เออเนอ เตเพร อามุย. โทเรอ เตเน่วพู๊ เออเตเพรเนอ อา เฮ๊ เน๊อ, “เตเออเต๊เห่ เก่ ทวาแถ่ ปา เนอ อางยาปาน๊อโต่เฮ๊อ.

เตเด๊อะโลแถ่ 15:7

เบ๊อะเนออาเค เตเซอเพร ลุยโด อาเกล โตโด เนอ, อา เด๊อะ เตเน่วพู๊ โซซว๊าเตเพร เออเนอ เต๊เห่ เร๊อ เบหล่อเทดุ โซซว๊าเต๊เบ่ เด๊อ อา โอ่ บา เจ๊อ เน๊อ จอแปแหร่ เด๊อ อา โอ่เซอเพร ตูจูเพร แตแลเคร๊ เออเตเพร อา เตซิปล่อดุ เจ๊อ.