เตเด๊อะโลแถ่ 4:1 - ลีเทส่อพ๊าอาเซ เร๊อ เห่ขุทวาลู๊

¹ เตเออเต๊เห่ โท เร๊อ แว แม๊เถอะลว๊า หนื่ออื่อโป่ เตอาโร เต๊อเจ่อ. เด๊อ ม๊อขุเนอ, กู่ดา เต๊เบ่ ลูโมโอ่ เร๊อ แว หนิโฮ เตพราแถ่ เต๊อเจ่อ เร๊อ อา พรา แซ๊เร๊อ กวาพรา ฮู๊ แว หนิโฮ โทเฮ๊อ เด๊อ กูลู่เค เนอ, เร๊อ อา เฮ๊เบ่ แว เร๊อ อา เฮ๊ เน๊อ, “แถ่เด๊อเออ, เออเต๊เห่ ทวาแถ่ โทปา เร๊อ แคร๋ หม่าเต เบ่ ทวาแถ่ ลาติ ปาเนอ, แว เก่ เด๊อะโล เป่ เน.”

Eastern Kayah Shadaw Dialect

¹ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤓꤥ꤭ ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ꤜꤝꤢ ꤥ꤬ꤔꤢꤩ꤬ꤕ꤫ꤥ꤬ ꤒꤢꤩ꤬ꤢ꤬ꤚꤥ꤬ ꤒꤣ꤬ꤡꤣ꤬꤯ ꤘꤣ ꤗꤢꤪꤋꤢꤨ꤬ꤔꤣꤧ꤬, ꤊꤣꤧ꤬ꤘꤢ꤭ ꤒꤣ꤬ꤙꤢꤩ꤬ ꤜꤢꤨ꤬ꤗꤥ꤭ꤥ꤬ ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤒꤢꤩ꤬ꤖꤚꤢ꤬ꤓꤢꤧ꤬ ꤒꤣ꤬ꤡꤣ꤬ ꤚꤣꤧ꤬ ꤢ꤬ ꤖꤚꤢ꤬ ꤞꤢꤧꤔꤢꤧ ꤊꤝꤢ꤬ꤖꤚꤢ꤬ ꤟꤢꤨ ꤠꤢꤧ꤭ ꤔ꤫ꤤ꤬ꤟꤥ꤭ ꤓꤥ꤭ꤟꤣꤧ ꤘꤣ ꤊꤣꤧ꤬ꤜꤢꤨꤋꤢꤩ꤭ ꤔꤣꤧ꤬, ꤚꤣꤧ꤬ ꤢ꤬ ꤟꤢꤩꤙꤢꤩ꤬ ꤠꤢꤧ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤓꤢꤧ꤬ꤘꤣꤣꤧ꤭, ꤣꤧ꤭ꤒꤣꤧ꤬ꤟꤢꤩ꤬ ꤓꤝꤢ꤭ꤓꤢꤧ꤬ ꤓꤥ꤭ꤕꤢ꤭ ꤚꤣꤧ꤬ ꤋꤚꤢꤧ꤮ ꤗꤢ꤬ꤒꤢꤩ꤭ ꤙꤢꤩ꤬ ꤓꤝꤢ꤭ꤓꤢꤧ꤬ ꤜꤢ꤭ꤒꤢꤩ꤬ ꤕꤢ꤭ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤘꤣꤧꤜꤥ꤭ ꤕ꤫ꤢꤩ꤬ ꤔꤢꤧ꤬꤯”

เตเด๊อะโลแถ่ 4:1 ပူးပေါင်းရင်းမြစ်များ

เตเด๊อะโลแถ่ 11:12

ฮู๊เนอโทเรอ เพรข่าเฮ๊โล เออซิเนอ หนิโฮ โหง่พราแถ่ เด๊อ ม๊อขุ เร๊อ อา เฮ๊ เหย่ซี เน๊อ, “แฮแถ่ แลแค เด๊อเออ” อา เฮ๊ ลู ฮู๊เนอ. เร๊อ เบ๊อะแกแย เด๊อ อา ซิเถ่ ลู เต๊เห่ โอ่ป่อแม๊ เหย่ซี เบ๊อะเนอ, เหย่ซี กากี๊แถ่ โน เด๊อ อ๊อโหล่ ต๊าบ่า อากู เร๊อ อา แถ่ลา เด๊อ ม๊อขุ.

เตเด๊อะโลแถ่ 1:19

“ฮู๊เนอเรอ เตเด๊อ เน แม๊เถอะเฮ๊อ เนอเต๊เห่ เบ่เบ่, เตเด๊อ เน แม๊เถอะ อา ทวาแถ่ กู๊แหน่เออ เต๊เห่เนอ เบ่เบ่, เตเด๊อ เน แม๊เถอะ อา ทวาแถ่ ช๋าโหน่ปา เต๊เห่เนอ เบ่เบ่, ราม๊าราแด อาเนอ.

เตเด๊อะโลแถ่ 1:10

เบ๊อะแบ่เจ่ อาม๊อเนอ เตอเนอเนอ จอแปแหร่ อา แหย่โยบูโพ๊ โอ่ป่อหม่าหนิ แว เร๊อ แว หนิโฮ โหง่พราแถ่ฉว่า เร๊อ พราแถ่ชอ เด๊อ แวคยา เร๊อ อา แซ่เจ๊อเร๊อ กวา พราแถ่ เนอ เจ๊อ.

ꤗꤢ꤬ꤊꤢꤨ 1:10

เบ๊อะอา โอ่ เด๊อ เทอเล เร๊อ อา งอก๊อถ่อถ่อ เร๊อ อา แม๊เถอะ ม๊อขุ ลูโมแอ เร๊อ แหย่โยบูโพ๊ แบ่เจ่ เด๊อ อาแซ่เน๊อ ถู่หลุ่ย เนอ อา โยตา เด๊อ ลูโอ่.

เตเด๊อะโลแถ่ 22:6

ฮู๊เนอโทเรอ เตเน่วพู๊ เฮ๊ แว เน๊อ, “โหง่ เออเต๊เห่ เนอหม่า โหง่ เด๊อ อาจ๊ออาเต เร๊อ เหล่ซิเล หยื่อเอ่หนิ แหน่เจ๊อ อา เต๊เห่. แบ่เจ่ จอแปแหร่ เด๊อ อา เด๊อ เพรโพร เต๊เห่ เร๊อ อา แหย่โยบูโพ๊ เออเตเพรเนอ, แซ่ฮู๊ อา เก่ เด๊อะโล เป่ เกอ อาหลู่เล๊ ซีเต๊เห่ เร๊อ งยาล๋ายโต่ ปา เต เก่ เมแคร๋ อาเหน่ ฮู๊เต ปา เนอ เร๊อ, อา นอแฮ เป่ เฮ๊อ อา เตเน่วพู๊ เฮ๊อ.”

เตเด๊อะโลแถ่ 16:17

โทเรอ เด๊อคยาเนอ เตเน่วพู๊ อาเพร โซซว๊าเตเพร เนอเตเพร จว๊า กลอตา อาเบหล่อดุ เด๊อ เก่แลเซ๊เกล เร๊อ โหง่พราแถ่ฉว่า เด๊อ จ๊อแผ่ กู่แกล๊เท แถ่โล เบ๊อะเตหลู่เเตโฮ อากูเนอ เร๊อ อา เฮ๊ เน๊อ, “อา โทเฮ๊อ,” ฮู๊เนอ.

เพรโด่แนพู๊ เต๊เห่ 7:56

เร๊อ คูสเทเฟน เฮ๊ เหย่ซี เน๊อ, “แม๊มอเล๋! แว แม๊เถอะ ม๊อขุ โอ่โมแถ่ เร๊อ แกแย อาพู๊ ก๊อถ่อโอ่ เด๊อ จอแปแหร่ อากู๊ขุ จ๊อทว๊า เนอตากยา.”

ꤛꤥ꤭ꤟꤢ꤬ 16:13

เบ๊อะแหย่โยบูโพ๊แบ่เจ่ เด๊อ อา เด๊อะโล เตหมะเตจ๊อเออ แฮปา เบ๊อะเนอ, อา เก่ ยูแกล๊ยูโกล เป่ ซี เน๊อ ล๋อ เตหมะเตจ๊อ เนอเต๊เห่ ปา. อา เก่ แด๊โฉ่โล เป่ ซี เร๊อ อา เต เตเน เร๊อดื่อเนอ หม่าโต่. อา เก่ แด๊โฉ่โล เป่ ซี ฮู๊ อา หนิโฮ แฮหนิ เด๊อ จอแปแหร่ อา โอ่ เนอเต๊เห่ ปา. อา เก่ เด๊อะโล เป่ ซี เร๊อ เต เด๊อ อา ทวาแถ่ ล๋ายโต่ เนอเต๊เห่ ปา.

ꤜꤢꤨꤊꤢ꤬ 3:21

เบ๊อะแกแย เบ๊หมู่ เจ โทลอเฮ๊อ ดื่ออาเหน่ เร๊อ เทอ เบ๊อะเนอ, แบ่เจ่ เหย่ซู่ เจ เกอ โหน่ เทอ เด๊อ คยา. เบ๊อะอา กุยจ๊อเบ เบ๊อะเนอ, ม๊อขุ ลูโม แอแถ่.

เพรโด่แนพู๊ เต๊เห่ 10:11

อา แม๊เถอะ ม๊อขุ อาโบ๊โม เร๊อ เตเต๊อเจ่อ เด๊อ อาแซ่เน๊อ อิเก แหล่ดุ เด๊อ อาเหนาะ โอ่ ลุยเหนาะ ต๊าบ่า เร๊อ อู แจตา เหย่เนอ.

มัทธิว 3:16

เบ๊อะเหย่ซู่ เจโท อาเหน่ เร๊อ เทอ เร๊อ อา งอก๊อถ่อ เด๊อ เทอขุขุ เน๊อ ม๊อขุ ลูโมแอ. เร๊อ อา แม๊เถอะ จอแปแหร่ อา แหย่โยบูโพ๊ แฮตา โอ่เด๊อ ลูเหน่ลู แซ่เน๊อ ถู่หลุ่ย เนอ.

เตเด๊อะโลแถ่ 1:12

หม่าอูเป เฮ๊เบ่ แว, แว เตเน เร๊อ แว ตีรี๊ แม๊กาคยา เบ๊อะเนอ, แว แม๊เถอะ หมิกอเท โซซว๊าเตเม.

เตเด๊อะโลแถ่ 11:19

เบ๊อะเนอเค อู โบ๊โมแถ่ จอแปแหร่ อา เตหลู่เเตโฮ เด๊อ ม๊อขุ เนอเตเม. เร๊อ อู แม๊เถอะ เตอ๊อแลนอแล อา เตบูโพ๊ โอ่ เด๊อ เตหลู่แต โฮกู เนอ. โทเรอ ฉ่าลีบ๊อ, อาพรารื๊อพราเต๊, ม๊อครอ ฉ่าแล, เตเน่วท๊อดี, ตื๊อครื่อจ่า ปล่อดุ เต๊เห่ จ่าตา แซ่เจ๊อฮู๊ เก่จือ เนอ.

เตเด๊อะโลแถ่ 19:11

เบ๊อะเนออาเค แว แม๊เถอะ ม๊อขุ ลูโมโอ่ โทเฮ๊อ เร๊อ ตีซิเพบู ก๊อถ่อโอ่ เบ๊อะเนอ โตโด. แกแย แถ่แด๊ ตีซิ เออเตเพรเนอ อู เอ๊ ลูมูย เน๊อ, “จ๊อ เร๊อ โหง่” เร๊อ “เมเต โต.” แกแย เออเตเพรเนอ, เบ๊อะอา เมจากาคยา อู เบ๊อะเนอ, อา เมจากาคยา โต แพ๊ เร๊อ อา ช๊าฉื่อ เร๊อ เพร เด๊อ อา ซิเถ่ ลู เต๊เห่.