เตเด๊อะโลแถ่ 3:5 - ลีเทส่อพ๊าอาเซ เร๊อ เห่ขุทวาลู๊5 แกแย เด๊อ อา เมเป่เต เต๊เห่เนอ อู เก่ เด๊อะกือเด๊อะแซ๊ แถ่เกอดื่อ เหย่ซี เร๊อ เห่อบูจาโพ๊ ฮู๊เออเนอ ปา. โทเรอ อามุย เด๊อ อา โอ่ เด๊อ ลีเซอเพร อากู เออเต๊เห่เนอ, แว ทื๊อปลีแก ลู โต่โต่. เด๊อ แวเพ เร๊อ อา ม๊อขุเตเน่วพู๊ เต๊เห่ อา เป๊เส่เง ปาเนอ, แว เก่ แด๊โฉ่โลแถ่โปล เป่ เหย่ซี เออเต๊เห่เนอ เนอ, เหย่ซี หม่า แวแกแย แพ๊, ฮู๊เนอ ปา. အခန်းကိုကြည့်ပါ။Eastern Kayah Shadaw Dialect5 ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤕ꤫ꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢꤨ꤭ ꤊ꤫ꤢꤦ꤬ ꤘꤣꤧꤊꤢꤦ꤭ꤘꤣꤧꤞꤢꤧ ꤓꤢꤧ꤬ꤚꤣꤧꤘꤢꤦ꤬ ꤛꤢꤩ꤬ꤞꤤ꤭ ꤔꤢꤧ ꤟꤣꤧ꤬ꤙꤢꤨ꤭ꤡꤢ꤬ꤖꤥ ꤟꤢꤨꤣꤧ꤭ꤔꤣꤧ꤬ ꤕꤢ꤭꤯ ꤓꤥ꤭ꤚꤣꤧ꤬ ꤢ꤬ꤗꤝꤤ꤭ ꤘꤣ ꤢ꤬ ꤥ꤬ ꤘꤣ ꤜꤤ꤬ꤞꤣꤧ꤭ꤖꤚꤢꤩ꤬ ꤢ꤬ꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤓꤢꤦꤕꤜꤤ꤭ꤊꤢꤧ꤭ ꤜꤢꤨ꤭ ꤒꤥ꤬ꤒꤥ꤬꤯ ꤘꤣ ꤠꤢꤧ꤭ꤖꤢꤩ꤭ ꤔꤢꤧ ꤢ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ꤔꤣꤧ꤬ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤜꤥ꤭ꤓꤢꤧ꤬ꤕꤜꤥ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ, ꤛꤢꤩ꤬ꤞꤤ꤭ ꤗꤢ꤬ ꤠꤢꤧ꤭ꤊꤣꤧ꤬ꤛꤢꤧ꤭ ꤖꤢꤧ, ꤟꤢꤨꤔꤣꤧ꤬ ꤕꤢ꤭꤯ အခန်းကိုကြည့်ပါ။ |
เตเด๊อะโลแถ่ 3:5
23 ပူးပေါင်းရင်းမြစ်များ
เตมีเตแหม่ เด๊อ เน แม๊เถอะ โทเฮ๊อ เน๊อ โตโพ๊เคเนอ อาโอ่ โทเฮ๊อ หม่าแน๊เรอ กู๊แหน่เออ อา โอ่ ปา โต่ เนอโตโด เก่ โอ่โลแถ่ คยาแซ๊ ปา. อา โอ่ เด๊อ ครอกูดุ ครอกูแย เนอตูกู เร๊อ อา เก่ แฮเถ่ ปา. เร๊อ แบ่เจ่ เอ๊จว๊า ลู เด๊อ เตเมจากาคยา อาเหล่โอ่ เร๊อ อา เก่ เมปย๊าแก ลู ตูจูเพร ปา. เป๊อแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ล๋าย เหย่ซีมุย เด๊อ ลีเซอเพร อากู ล๋ายโต่ เต๊เห่เนอ, อา เก่ คย๊ายื๊อ ลอ แลแค เบ๊อะเหย่ซี แม๊ เตมีเตแหม่ เออโตโด อาเค เนอ ปา, เมเตเฮ๊เรอ, โตโพ๊เคเนอ เตมีเตแหม่ เออโตโด ย๊อ โอ่เซอเพร เร๊อ กู๊แหน่ เร๊อ อา โอ่ ปา โต่, หม่าแน๊เรอ อา เก่ โอ่โล คยาแซ๊ ปา อาขว่าอาคยา, เหย่ซี คย๊ายื๊อ ลอ แลแค แพ๊.
เร๊อ แว แม๊เถอะ แกแย เด๊อ อามุย โลเทอโลเก่ เร๊อ แกแย เด๊อ อู เตเน ปีตี๊ ลู เร๊อ อา เซอโทเฮ๊อ เต๊เห่ ก๊อถ่อโอ่ เด๊อ จ๊อแผ่ กุแกล๊บูดุ แถ่โล เออ อาเป๊เส่เง เนอ. อู โบ๊โมแถ่ ลีเต๊เห่ โทเรอ อู โบ๊โมแถ่ ลี เด๊อ อาโร ต๊าบ่า เด๊อ อู เอ๊ เร๊อ ลีเซอเพร เออ. แกแยเซอ เออเต๊เห่เนอ, อู เมจากาคยา เหย่ซี ฮู๊ อา เมน๊อ โทเฮ๊อ เนอ เร๊อ ฮู๊ อู ราม๊าโอ่ เด๊อ ลีเออ อากูเนอ เต๊เห่.
ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.
“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. แกแย เด๊อ อา เมเป่เต เตเพรเนอ, แว เก่ เด๊อะ อา เตอเรอฉว่าชอ เด๊อ อา เก่ โนเอ่หนิ ส่อเซอเพร อาเส่ เด๊อ อา เด๊ออู ซิปล่อเซอเพร เออเนอ ต๊อเสาะ ปา. ส่อเออ ต๊อเสาะเนอ อา แด๊ เด๊อ จอแปแหร่ อา เตเร๊กู เด๊อ อู เอ๊ เร๊อ บรมสุขเกษม อากูเนอ ปา.”
เน หม่า แกแย เด๊อ อา เมโหร่ เต เร๊อ แว เด๊อ อาจ๊อ เน๊อ อาโหง่ เตเพร เฮ๊อ. เร๊อ แว ซิหยื่อ กุยเกอ เน เตเมจว่า เต๊อเจ่อ, แซ่ฮู๊ เพรเหมาะเออ ซิเนอ เก่ โครเกล คยาลู อาเงเนอ, เมจว่า เหร่อเป่ เหย่ซี นี๋. เมเตเฮ๊เรอ เหย่ซี เออซิเนอ เนอหม่า อา แอ๊จื๊อ ท๊ออ๊าท๊อเหร่ เมโหร่เกอ เตเฮ๊ตา เตซิครือมีลา อาเตเม เนอ แว หนิ. เหย่ซี เมโหร่เกอ เร๊อ คูเคลเมนท์ เร๊อ แวโค เด๊อ เป เมโหร่ลู เต เด๊อ อาโร เนอเต๊เห่, เร๊อ ล๋อ เหย่ซี เนอเต๊เห่ อามุย หม่า อา โอ่ ลอเฮ๊อ เด๊อ แบ่เจ่ อา ลีเซอเพร อากู เนอเฮ๊อ.
แกแย เด๊อ อา เมเป่ เตเนอ, แว เก่ เด๊อะทวาแถ่ อา เร๊อ แว จอแปแหร่ อา เตหลู่เเตโฮ อาอี๊ถื่อ ปา, โทเรอ อา เก่ โอ่ ตื๊อดื่อลา เบ๊อะเนอ ปา. แว เก่ ราโอ่หนิ แว จอแปแหร่ อามุย เด๊อ อาลู ปา. โทเรอ แว เก่ ราโอ่ แว จอแปแหร่ อาวี หม่าดื่อ เยรูซาเล็ม วีเซ อามุย เออเนอ เด๊อ อาลู ปา. เยรูซาเล็ม วีเซ เออเนอ, อา โอ่ เด๊อ ม๊อขุ เด๊อ แว จอแปแหร่ อาโอ่ เร๊อ อา แฮแล. เร๊อ แว เก่ ราโอ่เกอ แว มุยเซ เด๊อ อาลู ปา.
ကြော်ငြာတွေ