เตเด๊อะโลแถ่ 3:15 - ลีเทส่อพ๊าอาเซ เร๊อ เห่ขุทวาลู๊

¹⁵ เน เม โทเฮ๊อ แคร๋ หม่าอิเตเนอ แว ซิเง แพ๊. เน แซ่เน๊อ เทอ เด๊อ อา กู่ เกออู โต่โต่, อา เตอเจ๊อ เกออู โต่โต่, แว ซิหยื่อ เร๊อ เน เก่ กู่ โต่หม่าแน๊ เน เก่ เตอเจ๊อ เนอแพ๊. แว ซิหยื่อ เฮ๊ เร๊อ เก่ ครวา แวคยา เร๊อ ครวาตาเต เก่ ซิหยื่อ ครวา โต่ เฮ๊เรอ ครวา แต่ ตีกี๋ แต่เหม่.

Eastern Kayah Shadaw Dialect

¹⁵ ꤔꤢꤧ꤬ ꤗꤢꤩ꤬ ꤓꤥ꤭ꤟꤣꤧ ꤋꤚꤢꤧ꤮ ꤗꤢ꤬ꤤ꤭ꤒꤢꤩ꤭ꤔꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤖꤢꤧ꤯ ꤔꤢꤧ꤬ ꤞꤢꤧꤔꤢꤧ ꤓꤣꤧ꤭ ꤘꤣ ꤢ꤬ ꤊ꤫ꤢꤨ꤬ ꤊꤣꤧ꤭ꤢꤨ꤭ ꤒꤥ꤬ꤒꤥ꤬, ꤢ꤬ ꤒꤣꤧ꤬ꤡꤣꤧ ꤊꤣꤧ꤭ꤢꤨ꤭ ꤒꤥ꤬ꤒꤥ꤬, ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤧ ꤔꤢꤧ꤬ ꤊ꤫ꤢꤦ꤬ ꤊ꤫ꤢꤨ꤬ ꤒꤥ꤬ꤗꤢ꤬ꤔꤢꤧ ꤔꤢꤧ꤬ ꤊ꤫ꤢꤦ꤬ ꤒꤣꤧ꤬ꤡꤣꤧ ꤔꤣꤧ꤬ꤖꤢꤧ꤯ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤔꤢꤧ ꤊꤢꤩ꤬ ꤋꤚꤝꤢ꤭ ꤠꤢꤧ꤭ꤋꤛꤢ꤭ ꤚꤣꤧ꤬ ꤋꤚꤝꤢ꤭ꤒꤢ꤭ꤒꤢꤩ꤬꤯ ꤊꤢꤩ꤬ ꤞꤤꤛ꤫ꤢꤦ꤬ ꤋꤚꤝꤢ꤭ ꤒꤥ꤬ ꤟꤢꤩꤚꤣꤧ꤬ ꤋꤚꤝꤢ꤭ ꤒ꤫ꤢꤧ꤬ ꤒꤣꤧ꤬ꤊꤤ꤬꤮ ꤒ꤫ꤢꤧ꤬ꤗꤢꤩ꤬꤯

เตเด๊อะโลแถ่ 3:15 ပူးပေါင်းရင်းမြစ်များ

ꤚꤥꤗꤢꤩ꤬ 12:11

เมครือ แลแค แบ่เจ่ อาเตเม นี๋. เตเกล แลแค แต่เหม่ นี๋. ดา เมเฮ๊อ แบ่เจ่ อาเตเม เฮ๊อ เฮ๊เนอหม่า แด่ชอ แลแค ซี ซิปล่อ นี๋.

มัทธิว 6:24

“อู เมแจ่ เตแร เด๊อ แบ่เจ่ ซิเนอ โอ่ เตเพร่ว โต่. อา เก่ ซิโตโคแก เกอเร๊อ เตเพร ปา, เร๊อ อา เก่ โม เกอเร๊อ เตเพร ปา. อา เก่ ซิปล่อโนกู เกอเร๊อ เตเพร ปา, เร๊อ อา เก่ เมโตโมเต๊เก่ ฉื่อแก เกอเร๊อ เตเพร ปา. ซี แรเต เป่ จอแปแหร่ อาเงเง, รือ อาเงเง เนอเจ่อลอ เนอ, อาหนิ โต่.”

เตเด๊อะโลแถ่ 2:4

“หม่าแน๊เรอ แว เหล่แด่เตซื๊อ เด๊อ เนโอ่ เนอ อาโอ่ เต๊อเจ่อ, อาโอ่ ฮู๊เตเฮ๊เร๊อ เน โม แว กู๊แหน่เออเนอ อา แซ่ ปา เร๊อ เน โม แว เด๊อ อาเหร่อเค เนอโต่.

มัทธิว 24:12

เตมู๊แหม่รีแจ่ โอ่แถ่เอ๊ อาขว่าอาคยา, เตโมเร๊อ ลู เตเพร เร๊อ เตเพร เก่ โอ่เหม่ แฮ เร๊อ แฮ ปา.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

ฟีลิปปี 1:9

แซ่ฮู๊ ซี เตโม เกอเร๊อ ลู เตเพร เร๊อ เตเพร เออ, อา เก่ ฉว่าแถ่ เร๊อ ฉว่าแถ่, โท๊โต่ แซ่ฮู๊ ซี เก่ ซิเงแฮ เอ๊แถ่ เร๊อ เอ๊แถ่ โป่ แลแค โท๊โต่ แซ่ฮู๊ ซี เก่ ซิเง ลีแมลีเพ๊ แลแค เต เด๊อ อาซื๊อ เร๊อ อาโต เต๊เห่ อาเงเนอเรอ, แว กุยจ๊อเบ เป่ เด๊อ ซีเง แพ๊.

โครินธ์ เนอบ่า ต๊าบ่า 12:20

ช๋า แว แฮโตเกอ เด๊อ ซี โอ่ เคปาเนอ, ปาหม่า แว แฮ แม๊เถอะ ดื่อเฮ๊อ ซี เตแด่ซิปล่อสู่เทอ เต๊เห่ เด๊อ อา โค๊ดื่อ เร๊อ ฮู๊ แว ซิหยื่อ แม๊เถอะ เนอเต๊เห่ ปา เฮ๊อ, โทเรอ ซี เก่ แม๊เถอะ ดื่อเฮ๊อ แว เตซิปล่อสู่เทอ เต๊เห่ เด๊อ อา โค๊ดื่อ ฮู๊ ซี ซิหยื่อ แม๊เถอะ แว เนอ ปา เฮ๊อ, แว เบ่รอหนื่ออื่อ ฮู๊เนอ. แว เบ่รอ ดื่อเฮ๊อ เร๊อ ปาหม่า แว แฮแม๊เถอะ ซีกย๊าตางา ลู, ซี ซิเคว๊คยาลู, ซี ซิปล่อดุ สู่เทอทู ลู, ซี โอ่โค๊ลู ตู๊หมู่ เร๊อ ตู๊หมู่, เป๊อเจ่ออิแช๊อู, แด๊เเหมาะเถ่อโย อู, แด่ดุแด่แถ่โล เหน่, เมซู๊ซ๊า ตอปลอแลยอ เต, ฮู๊เนอ เต๊เห่ เฮ๊อ.

มัทธิว 10:37

“แกแย เตเพรเพร เด๊อ อา โมเกอเร๊อ เล๊อ อาโหมะอาเพ เร๊อ แว เฮ๊เนอ, อา ต่า เกอ เร๊อ แว โต่. แกแย เตเพรเพร เด๊อ อา โมหนิเกอเร๊อ เล๊อ อา พู๊เหมาะพู๊คู เร๊อ แว เฮ๊เนอ, อา ต่า เกอ เร๊อ แว โต่.

เตเด๊อะโลแถ่ 3:1

“ราจว๊า ลีเออ เด๊อ วีซาร์ดิส เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อา เป๊อหนิ อา แหย่โยบูโพ๊ เออโซซว๊าเตเม เด๊อ อา เม จอแปแหร่ อาเตเม เออเต๊เห่ เร๊อ เส่เออ โซซว๊าเตเม อาโอ่. เน เมแคร๋ อิเต เนอหม่า แว ซิเง. เน โอ่เซอเพร จ๊อลา เร๊อ แว อู เฮ๊ ฮู๊เนอ หม่าแน๊เรอ เน ครวา แวคยา โต่, เน แซ่แพ๊เร๊อ แกแยเซอ.

เตเด๊อะโลแถ่ 2:2

เน เม เตเออเนอ แว ซิเง, เน เม แลแด๊แลดา เจ๊อ เนเหน่ เนอหม๋า แว ซิเงเง, โทเรอ เน แด่ทูซิปล่อเบ๊ เตจาเตจือ เต๊เห่ เนอหม๋า แว ซิเงเง. เน โอ่เต่อแจ่เกอ เร๊อ แกแย เม เตมู๊แหม่รีแจ่ เต๊เห่ โต่ เนอหม๋า แว ซิเงเง. โทเรอ แกแย เด๊อ อา เฮ๊ แล เกอเร๊อ อาเหน่ เน๊อ เพรโด่แนพู๊ เต๊เห่ เร๊อ เน เจแม๊ เหย่ซี เร๊อ เน แม๊เถอะ เร๊อ เหย่ซี หม่า เพรโด่แน หม่าโต่, หม่าแพ๊ เพรเฮ๊เบ่ แลโฮแลแฮ เต๊เห่ แพ๊ เนอหม๋า แว ซิเงเง.

เธสะโลนิกา เนอบ่า ต๊าบ่า 1:3

โป่แหว่ ครี๊พู๊ ซี๋, เป ซิเงแถ่เบ่ ซี เบ๊อะเกเต๋ เบ่เบ่ เนอ, เป เบ่ เฮ๊บุ๊ยเฮ๊เตอเรอ เจ๊อ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ ซี เตหยื่อเตแหน่ เร๊อ ซี เตโมเร๊อ ลู เตเพร เร๊อ เตเพร เนอ, อา ดุแถ่ เร๊อ ดุแถ่ อาขว่าอาคยา, เป โตเบ่ เฮ๊บุ๊ยเฮ๊เตอเรอ แหน่ เฮ๊อ.

โครินธ์ อาเหร่อเล๊อ ต๊าบ่า 16:22

อูเปเป๋ เบ่เบ่, เด๊อ อา โมเร๊อ แบ่เจ่ โต่ เนอ, เตอิชอฮามู๊แหม่ เก่ เบ่ดื่อ ลู นี๋. “มารานาส่า” เก๋อ เป แบ่เจ๋! แฮเมอ นี๋.

เตเด๊อะโลแถ่ 3:16

หม่าแน๊เรอ เน กู่ โต่โต่, เน เตอเจ๊อ โต่โต่. เลเล๋ เน เลแพ๊ อาขว่าอาคยา, แว เก่ ถู่ปล๊าถู่ซีแก เน เด๊อ แว แกกู ปา.