เตเด๊อะโลแถ่ 3:11 - ลีเทส่อพ๊าอาเซ เร๊อ เห่ขุทวาลู๊

¹¹ “งยาแต่โต่เนอ แว เก่ แฮ ปา. แซ่ฮู๊ อู เก่ พย๊าเผ่แก แต่ เน กู๊โก่เท แต่เหม่เนอ, ปื่อหม่า หนิ แร๊ เต เด๊อ ซี พย๊าหนิ โทเฮ๊อ, เตอิซว๊าอี๊แส่ เด๊อ อาโตอาเบ่ เนอ เต๊เห่ นี๋.

Eastern Kayah Shadaw Dialect

¹¹ “ꤑꤢ꤭ꤒꤢꤧ꤬ꤒꤥ꤬ꤔꤣꤧ꤬ ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ ꤕꤢ꤭꤯ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤖꤛꤢꤖꤢꤩ꤬ꤊꤢꤧ꤭ ꤒ꤫ꤢꤧ꤬ ꤔꤢꤧ꤬ ꤊꤢꤨꤊ꤫ꤥ꤬ꤓꤢꤩ꤭ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤕ꤫ꤢꤦ꤬ꤗꤢ꤬ ꤚꤢꤧ ꤚꤣꤧ ꤒꤢꤩ꤬ ꤘꤣ ꤞꤤ꤭ ꤔ꤫ꤤ꤬ꤙꤢꤩ꤬ ꤓꤥ꤭ꤟꤣꤧ, ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ꤒꤥ꤭ꤢ꤬ꤙꤢꤩ꤬ ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤤ꤮꤯

เตเด๊อะโลแถ่ 3:11 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 9:25

ล๋อ แกแย เด๊อ อา แกล่ดี๊เจ เต๊เห่เนอ, อา เบ่ ค๊อเกอเร๊อ อาซิปล่อ, อา เบ่ อิซว๊าแล เกอเร๊อ แลแค อาซิปล่อ อา เตซิหยื่อซิลอ เต๊เห่. แซ่ฮู๊ อา เก่ พย๊าหนิ อู เก่ เมลีเมเตเค เหย่ซี เร๊อ กู๊โก่ เด๊อ อาโน๊ตากา, อาปย๊าอาแกแจ่ เออเต๊เห่ อาเงเนอ แพ๊ เร๊อ, อา ค๊อ เกอเร๊อ แลแค อาเหน่ ฮู๊เนอ. หม่าแน๊เรอ เป เด๊อ อา หยื่อเอ่ เหย่ซู่ครี๊ เต๊เห่เนอ, เป เก่ พย๊าหนิ อู เก่ เมลีเมเตเค เป เร๊อ กู๊โก่ เด๊อ อาโน๊ตากาแจ่ โต่ เต๊เห่ ปา.

ฟีลิปปี 4:5

เน ซิปล่อ ซิโดซิงา เออเนอ นอแม๊เถอะ ลอ เร๊อ อูปวา เตเพร นี๋. แบ่เจ่ เตเร แฮโน อาผื่อลาเฮ๊อ.

ทิโมธี เนอบ่า ต๊าบ่า 2:5

แกแย เด๊อ อา ดี๊เจ เต เตเพรเนอ, เก่ อา หนิดา เมครวาเกอ เตดี๊เจ อา เตซว๊าเตแส่ โต่ เฮ๊เนอหม่า, อา พย๊าหนิแจ่ เกออู เตดี๊เจ อาคว๊าอาเก่ โต่.

ทิโมธี เนอบ่า ต๊าบ่า 4:8

กู๊แหน่เรอ จอแปแหร่ แด่ดว๊า เป่เฮ๊อ แว เตจ๊อเตเต อา กู๊โก่เท เด๊อ อา หม่าเฮ๊อ เตเมหนิคว๊าเก่ เออเตเม เนอเฮ๊อ. โทเรอ ช๋า ม๊อเนอ ตื๊อดื่อ ปาเนอ, เพรเฮ๊เบ่เมโตเต จ๊อเต อา แบ่เจ่ เออเตเพร เก่ เด๊อะแล แว ปา หม่าแน๊เรอ เออเนอหมา แวเง ตื้อดื่อ หม่าโต่. ล๋อ แกแย เด๊อ อา โอ่ป่อแม๊ชือเกอ แบ่เจ่ เก่ แฮ โอ่โลแถ่ คยา ปา เนอเต๊เห่ อาเงหม่า อา โอ่เต่อเกอ ปาปา.

ꤡꤛꤢꤩ꤭ꤗꤢ꤬ꤎꤣ꤬ 1:12

แกแย เด๊อ อา แด่ทูซิปล่อ เต๊เห่เนอ, ช๋า อา แม๊เถอะ ป่อชิเต่อเบ่ เน๊อ เตแป่เตเช เตอิลออี๊โหล่ เบ๊อะเนอปาเนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา, เมเตเฮ๊เรอ เบ๊อะเหย่ซี เมเป่แก โทเฮ๊อ เตแป่เตเช เตอิลออี๊โหล่ ฮู๊เออ เบ๊อะเนอ, จอแปแหร่ เก่ เด๊อ เหย่ซี เตเซอเพร ตูจูเพร. อาเชหยู่ เด๊อ อา อ๊อแล เน๊อ อา เก่ เด๊อ แกแย เด๊อ อา โมเร๊อ ลู เนอเต๊เห่ ปา.

ꤡꤛꤢꤩ꤭ꤗꤢ꤬ꤎꤣ꤬ 5:9

โป่แหว่ ซี๋, แซ่ฮู๊ ซี เก่ ข่าเบ่ แต่ เตเมจากาคยา แต่เหม่เนอ, ตามวาเตเล แต่ ลู เตเพร เร๊อ เตเพร แต่เหม่. เพรเฮ๊เบ่เมโตเต เออเตเพร แฮโอ่เต่อผื่อ ต๊อต่อเฮ๊อ เด๊อ กู่ดาทือ เฮ๊อ.

เตเด๊อะโลแถ่ 1:3

แกแย เด๊อ อา แด๊ ลี เออต๊าบ่า เตเพรเพร เนอ, อา พย๊าหนิ เตเด๊อะบุ๊ยเด๊อะเตอเรอ โท๊โต่ แกแย เด๊อ อา หนิโฮ เพรโพร เต๊เห่ อา เตเฮ๊เบ่ เด๊อ อา เก่ ทวาแถ่ กู๊แหน่ เออเต๊เห่เนอ เบ่เบ่, อา เก่ ทวาแถ่ ช๋า โหน่ปา เต๊เห่เนอ เบ่เบ่, เหย่ซี เก่ จูเอ่ เตเด๊อ อู ราโอ่ อา เด๊อ ลี เออต๊าบ่า อากู เต๊เห่เนอ, อา เก่ พย๊าหนิ แลแค เตเด๊อะบุ๊ยเด๊อะเตอเรอ, เมเตเฮ๊เรอ เตเออเต๊เห่ เกเร ทวาแถ่เนอ, อาม๊อเนอ ผื่อแฮ เฮ๊อ.

เตเด๊อะโลแถ่ 16:15

เหย่ซู่ครี๊ เฮ๊ เน๊อ, “หนิดา แลแค, แว เก่ แฮ แซ๊เร๊อ เพรเอ่โห่ แฮ เนอ ปา. แกแย เตเพรเพร เด๊อ อา โอ่ ส่าเซ เร๊อ อา โอ่ ตี๊หรี่แตแร หนื่ออื่อ อา เตกือเตแซ๊ เต๊เห่เนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา. เหย่ซี เก่ โอ่ตี๊หรี่แตแร หนื่ออื่อ อา เตกือเตแซ๊ ปา เฮ๊เร๊อ, เหย่ซี เก่ จว๊า กะโกล โต่, โท๊โต่ เหย่ซี เก่ ซิเตเร เด๊อ อูเกล โต่.”

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

เตเด๊อะโลแถ่ 2:13

เน โอ่โต เจ๊อ เร๊อ โลเน๊มู๊แหม่รีแจ่ กู่กล๊อ เหล่โอ่แน กู่แกล๊แถ่โล อาเหล่โอ่ เจ๊อ เนอหม่า แว ซิเง. เบ๊อะอู เมเซอ เจ๊อ คูอันที หม่าเฮ๊อ เพรข่าเฮ๊โล เด๊อ อาจ๊อ เร๊อ แวเออ เนอเตเพร เบ๊อะเน วีกู โลเน๊มู๊แหม่รีแจ่ กู่กล๊อ อาเหล่โอ่ เนอ เจ๊อ หม่าแน๊เรอ เน จ๊อ เร๊อ แว, เน วีแก เน เตหยื่อเตแหน่ โต่.

เตเด๊อะโลแถ่ 2:25

หม่าแน๊เรอ ปื่อหม่าปื่อกลอ หนิ แร๊ แลแค เต เด๊อ อาโอ่ เร๊อ ซี เนอเต๊เห่ โต่เด๊อ แว แฮแล ปา โตโพ๊ เนอ นี๋.

เตเด๊อะโลแถ่ 22:12

เหย่ซู่ เฮ๊ เน๊อ, “หนิดา แลแค๋, แว แฮเล๊ ปา, แว เก่ พย๊าแฮหนิ เตเมจากาคยา อู เต๊เห่ เร๊อ เตเมหนิคว๊าเก่ เต๊เห่ ปา. เร๊อ เหย่ซี เมโทเฮ๊อ แคร๋ อิเตเนอ, แว เก่ เด๊อะลอ เหย่ซี ฮู๊ อา เมโท เนอปา.

เตเด๊อะโลแถ่ 22:20

แกแย เด๊อ อา เด๊อะโล เร๊อ ล๋อ เตหรี่เตแก เออเต๊เห่ เตเพรเนอ, อา เฮ๊ เน๊อ, “อ่อ, แว เก่ แฮแล ปา,” อาเมน, เก๋อ แบ่เจ่ เหย่ซู่ครี๊, แฮมอ แต๋.

เตเด๊อะโลแถ่ 22:7

เหย่ซู่ เฮ๊ เน๊อ, “หนิดา แลแค๋, แว แฮเล๊ ปา, แกแย เด๊อ อา หนิดา เพรโพรโหง่ เด๊อ อา เฮ๊เบ่แก เด๊อ ลีกู เออเต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ.”

เตเด๊อะโลแถ่ 3:3

เมฮู๊เนอเรอ เตเนแถ่เบ่ หนิคยา เตเด๊อ อู อิซว๊า โทเฮ๊อ เนเนอ เต๊เห่ เร๊อ เตเด๊อ เน หนิโฮ โทเฮ๊อ เนอเต๊เห่. จูเอ่ เตเออเต๊เห่ เร๊อ ถู่แหล่แต๊แกละ เนซิปล่อ เนอ. เก่ เน โอ่เมอ ตื๊อดื่อปา เฮ๊เนอหม่า แว เก่ แฮ เด๊อ เนโอ่ ฮู๊ เพรเอ่โห่ เตเพร เนอ ปา. แว แฮ เบ๊อะเกเต ปาเนอ เน ซิเงโต่.

เตเด๊อะโลแถ่ 4:10

โหมะพรูโหมะเผร่ เนอเชอ เร๊อ ซิลุย เออเนอ อา แด๊งือแล เด๊อ เพร โอ่แนโอ่ เด๊อ จ๊อแผ่ อา กู่แกล๊เท แถ่โล อาขุ เนอเตเพร เป๊เส่เง เร๊อ อา จ๊อเบแถ่ แกแย เด๊อ อา เซอเพร ตูจูเพร เออเนอ เตเพร. เหย่ซี แด่ตาแก อา กู๊โก่เท เออเต๊เห่ เด๊อ จ๊อแผ่ กู่แกล๊เท แถ่โล อาเป๊เส่เง เร๊อ อา อิโรแถ่ แลแค เนอ,

เตเด๊อะโลแถ่ 4:4

จ๊อแผ่ กู่แกล๊เท แถ่โล เด๊อ อาโร เนอเชอ เร๊อ ลุยเม เออเนอ อา โอ่ตาวา เร๊อ จ๊อแผ่ กู่แกล๊เท แถ่โล เออ เร๊อ จ๊อแผ่ กู่แกล๊เท แถ่โล เออเต๊เห่ อาขุ เนอ, โหมะพรูโหมะเผร่ เนอเชอ เร๊อ ซิลุย เด๊อ อา กือแซ๊แถ่ เห่อจาบู เร๊อ อา โก่แถ่ กู๊โก่เท เต๊เห่ โอ่แนโอ่ แลแค เบ๊อะเนอ.