เตเด๊อะโลแถ่ 22:19 - ลีเทส่อพ๊าอาเซ เร๊อ เห่ขุทวาลู๊19 แกแย เตเพรเพร เด๊อ อา เมตาหยว่าแก เตเต๊อเจ่อเจ่อ เด๊อ ลีเออต๊าบ่า อากู เต๊เห่เนอ, ส่อเซอเพร อาเส่ เร๊อ วีบูโพ๊ เด๊อ อู เฮ๊โลโอ่ เด๊อ ลีเออต๊าบ่า อากู เออเนอ, จอแปแหร่ เก่ พย๊า ตาพาแก เร๊อ ลู ปา. อา เอ่น๊อปา ส่อเซอเพร อาเส่ โต่. อา โนน๊อ ปา เด๊อ วีบูโพ๊ อากู โต่. အခန်းကိုကြည့်ပါ။Eastern Kayah Shadaw Dialect19 ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤒꤢ꤭ꤛꤝꤢ꤬ꤊꤢꤧ꤭ ꤒꤢꤩ꤬ꤒꤣ꤬ꤡꤣ꤬ꤡꤣ꤬ ꤘꤣ ꤜꤤ꤬ꤣꤧ꤭ꤒꤣ꤬ꤙꤢ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤢꤪ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤬ ꤔꤢꤧ ꤠꤤ꤭ ꤢ꤬ꤞꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤥ꤬ ꤚꤣꤧꤘꤢꤦ꤬ ꤘꤣ ꤢꤨ꤭ ꤟꤢꤩꤜꤥ꤭ꤥ꤬ ꤘꤣ ꤜꤤ꤬ꤣꤧ꤭ꤒꤣ꤬ꤙꤢ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤖꤛꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤜꤢꤨ꤭ ꤕꤢ꤭꤯ ꤢ꤬ ꤢꤩ꤬ꤔꤢꤪꤕꤢ꤭ ꤞꤢꤪ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤬ ꤒꤥ꤬꤯ ꤢ꤬ ꤔꤥ꤭ꤔꤢꤪ ꤕꤢ꤬ ꤘꤣ ꤠꤤ꤭ ꤢ꤬ꤞꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤥ꤬ ꤚꤣꤧꤘꤢꤦ꤬ ꤣꤧ꤭ꤔꤣꤧ꤬ ꤢ꤬ꤊꤢꤨ꤭ ꤒꤥ꤬꤯ အခန်းကိုကြည့်ပါ။ |
เตเด๊อะโลแถ่ 22:19
24 ပူးပေါင်းရင်းမြစ်များ
แกแย เด๊อ อา แด๊ ลี เออต๊าบ่า เตเพรเพร เนอ, อา พย๊าหนิ เตเด๊อะบุ๊ยเด๊อะเตอเรอ โท๊โต่ แกแย เด๊อ อา หนิโฮ เพรโพร เต๊เห่ อา เตเฮ๊เบ่ เด๊อ อา เก่ ทวาแถ่ กู๊แหน่ เออเต๊เห่เนอ เบ่เบ่, อา เก่ ทวาแถ่ ช๋า โหน่ปา เต๊เห่เนอ เบ่เบ่, เหย่ซี เก่ จูเอ่ เตเด๊อ อู ราโอ่ อา เด๊อ ลี เออต๊าบ่า อากู เต๊เห่เนอ, อา เก่ พย๊าหนิ แลแค เตเด๊อะบุ๊ยเด๊อะเตอเรอ, เมเตเฮ๊เรอ เตเออเต๊เห่ เกเร ทวาแถ่เนอ, อาม๊อเนอ ผื่อแฮ เฮ๊อ.
แกแย เด๊อ อา เมเป่ เตเนอ, แว เก่ เด๊อะทวาแถ่ อา เร๊อ แว จอแปแหร่ อา เตหลู่เเตโฮ อาอี๊ถื่อ ปา, โทเรอ อา เก่ โอ่ ตื๊อดื่อลา เบ๊อะเนอ ปา. แว เก่ ราโอ่หนิ แว จอแปแหร่ อามุย เด๊อ อาลู ปา. โทเรอ แว เก่ ราโอ่ แว จอแปแหร่ อาวี หม่าดื่อ เยรูซาเล็ม วีเซ อามุย เออเนอ เด๊อ อาลู ปา. เยรูซาเล็ม วีเซ เออเนอ, อา โอ่ เด๊อ ม๊อขุ เด๊อ แว จอแปแหร่ อาโอ่ เร๊อ อา แฮแล. เร๊อ แว เก่ ราโอ่เกอ แว มุยเซ เด๊อ อาลู ปา.
โทเรอ แว หนิโฮ เตพราแถ่ เด๊อ ม๊อขุ เร๊อ อา เฮ๊ เน๊อ, “ราม๊าแก เออเนอ, เป๊อแถ่ กู๊แหน่เออ ตาแฮเง เนอ, แกแย เด๊อ อา เซอ เด๊อ จอแปแหร่ อา เตเอ่เตแร อากู เต๊เห่เนอ, อา เก่ พย๊าหนิ เตเด๊อะบุ๊ยเด๊อะเตอเรอ” แบ่เจ่ อา แหย่โยบูโพ๊ เฮ๊ เน๊อ, “อา หม่าแหน่ เจ๊อ. เมเตเฮ๊เรอ เหย่ซี เก่ โอ่โก๊แก แลแค เฮ๊อ เด๊อ อา เตเอ่เตแร เต๊เห่ อากู เร๊อ อา เตจาเตจือ เต๊เห่ อากู เฮ๊อ. โท๊โต่ เหย่ซี อาเตเอ่เตแร เด๊อ อาบุ๊ยอาเตอเรอ โอ่ เต๊เห่เนอ, อา เก่ ครวาเกอ เหย่ซีคยา ปา.”
ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.
“อูเปเป๋ เบ่เบ่ เด๊อ อา เมเป่เต เร๊อ อา เก่ เม แฮเง โต่เด๊อ อาตื๊อดื่อ ฮู๊ แว เตซิหยื่อ โอ่เนอ เฮ๊เนอหม่า, แว เก่ เด๊อะ ลู เตอเรอฉว่าชอ เด๊อ อาแซ่เน๊อ แว พย๊าหนิ เด๊อ แวเพ อาโอ่ เนอเต๊เห่ ปา. ‘แว เก่ เด๊อะ ลู เตอเรอฉว่าชอ เด๊อ อา เก่ เป๊อ เทอเก่ เต๊เห่ เร๊อ อิปอ ต่อเท๊ ปา, เร๊อ อา เก่ ด่อหมื่อ ลอ เหย่ซี ฮู๊ อู ด่อหมื่อ ดีปอเห่ เนอ ปา.’
“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. แกแย เด๊อ อา เมเป่เต เตเพรเนอ, แว เก่ เด๊อะ อา เตอเรอฉว่าชอ เด๊อ อา เก่ โนเอ่หนิ ส่อเซอเพร อาเส่ เด๊อ อา เด๊ออู ซิปล่อเซอเพร เออเนอ ต๊อเสาะ ปา. ส่อเออ ต๊อเสาะเนอ อา แด๊ เด๊อ จอแปแหร่ อา เตเร๊กู เด๊อ อู เอ๊ เร๊อ บรมสุขเกษม อากูเนอ ปา.”
ကြော်ငြာတွေ