เตเด๊อะโลแถ่ 22:18 - ลีเทส่อพ๊าอาเซ เร๊อ เห่ขุทวาลู๊

¹⁸ ล๋อ แกแย เด๊อ อา หนิโฮ โหง่ เด๊อ อู เฮ๊โพร หนื่ออื่อ อา เด๊อ ลีเออต๊าบ่า อากู ล๋อ ปลี เต๊เห่เนอ, เด๊อะรอเด๊อะเร หนื่ออื่อ ตาเต เจ๊อ แลแค เหย่ซี เนอ, แกแย เตเพรเพร เก่ ฉู่โน เอ๊แถ่เล๊อ เตเต๊อเจ่อเจ่อ เด๊อ ลีเออต๊าบ่า อากูเนอ, เก่หร่าเก่ดวา, เตจาเตจือ เด๊อ จอแปแหร่ เฮ๊โลโอ่ โทเฮ๊อ อา เด๊อ ลีเออต๊าบ่า อากู เออเต๊เห่เนอ จอแปแหร่ เก่ นอข่าเบ่ อา ปา.

Eastern Kayah Shadaw Dialect

¹⁸ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤟꤥ꤭ ꤍ꤫ꤥ꤬ ꤘꤣ ꤢꤨ꤭ ꤟꤢꤩꤖꤚꤥ꤬ ꤥ꤬ꤔꤢꤩ꤬ ꤢ꤬ ꤘꤣ ꤜꤤ꤬ꤣꤧ꤭ꤒꤣ꤬ꤙꤢ꤬ ꤢ꤬ꤊꤢꤨ꤭ ꤜꤢꤪ꤭꤮ ꤕꤜꤤ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤥ꤬ꤔꤢꤩ꤬ ꤒꤢ꤭ꤒꤢꤩ꤬ ꤡꤣꤧ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤏꤢꤨ꤬ꤔꤥ꤭ ꤢꤩꤓꤢꤧ꤬ꤜꤣ ꤒꤢꤩ꤬ꤒꤣ꤬ꤡꤣ꤬ꤡꤣ꤬ ꤘꤣ ꤜꤤ꤬ꤣꤧ꤭ꤒꤣ꤬ꤙꤢ꤬ ꤢ꤬ꤊꤢꤨ꤭ꤔꤣꤧ꤬, ꤊ꤫ꤢꤩ꤬ꤚ꤫ꤢ꤬ꤊ꤫ꤢꤩ꤬ꤘꤝꤢ꤭, ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤜꤥ꤭ꤥ꤬ ꤓꤥ꤭ꤟꤣꤧ ꤢ꤬ ꤘꤣ ꤜꤤ꤬ꤣꤧ꤭ꤒꤣ꤬ꤙꤢ꤬ ꤢ꤬ꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤔꤢꤪ꤭ꤋꤢꤧꤙꤢꤩ꤬ ꤢ꤬ ꤕꤢ꤭꤯

เตเด๊อะโลแถ่ 22:18 ပူးပေါင်းရင်းမြစ်များ

เตเด๊อะโลแถ่ 1:3

แกแย เด๊อ อา แด๊ ลี เออต๊าบ่า เตเพรเพร เนอ, อา พย๊าหนิ เตเด๊อะบุ๊ยเด๊อะเตอเรอ โท๊โต่ แกแย เด๊อ อา หนิโฮ เพรโพร เต๊เห่ อา เตเฮ๊เบ่ เด๊อ อา เก่ ทวาแถ่ กู๊แหน่ เออเต๊เห่เนอ เบ่เบ่, อา เก่ ทวาแถ่ ช๋า โหน่ปา เต๊เห่เนอ เบ่เบ่, เหย่ซี เก่ จูเอ่ เตเด๊อ อู ราโอ่ อา เด๊อ ลี เออต๊าบ่า อากู เต๊เห่เนอ, อา เก่ พย๊าหนิ แลแค เตเด๊อะบุ๊ยเด๊อะเตอเรอ, เมเตเฮ๊เรอ เตเออเต๊เห่ เกเร ทวาแถ่เนอ, อาม๊อเนอ ผื่อแฮ เฮ๊อ.

เตเด๊อะโลแถ่ 22:7

เหย่ซู่ เฮ๊ เน๊อ, “หนิดา แลแค๋, แว แฮเล๊ ปา, แกแย เด๊อ อา หนิดา เพรโพรโหง่ เด๊อ อา เฮ๊เบ่แก เด๊อ ลีกู เออเต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ.”

เตเด๊อะโลแถ่ 15:1

ฮู๊เนอโทเรอ แว แม๊เถอะ เตโค๊ตีกลี๊ ดู๋ เด๊อ อาโร เต๊อเจ่อ โอ่โลแถ่ เด๊อ ม๊อเล. แว แม๊เถอะ เตเน่วพู๊ โซซว๊าเตเพร เด๊อ อา ปื่อหม่า เกอเร๊อ เน๊อ เตจาเตจือ โซซว๊าเต๊อเจ่อ. เออเต๊เห่ หม่า เตจาเตจือ เด๊อคยา ตื๊อดื่อเล๊อ เฮ๊อ, เมเตเฮ๊เรอ, เออเต๊เห่ ทวาแถ่ โทปาเนอ, จอแปแหร่ ซิปล่อดุ ปาโต่เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:6

ซี โตเบ่ เมซื๊อหนิ ซี โป่แหว่ ครี๊พู๊ เต๊เห่ เร๊อ เต ฮู๊เนอเต๊เห่ เตเพร่ว โต่. ซี โตเบ่ อี๊หล่า แลโฮเอ่หนิ เด๊อ ซี โป่แหว่ ครี๊พู๊ เต๊เห่ อาขุ เตเพร่ว โต่. แกแย เด๊อ อา เมฮู๊เนอ เต๊เห่เนอ, แบ่เจ่ เก่ เมจากาคยา เหย่ซี ปา. ฮู๊เออ เต๊เห่เนอ เป เฮ๊โฉ่โด่แนโล เป่ โทลอเฮ๊อ ซี, เป เด๊อะรอเด๊อะเร โทลอเฮ๊อ ซี เฮ๊อ.

มัทธิว 15:13

เร๊อ อา เฮ๊ฉื่อ เหย่ซี เน๊อ, “แวเพ เด๊อ ม๊อขุ เตเพร เก่ เย๊เถ่แก ลอปลี ส่อเหมาะ เด๊อ อา ช๊อ เร๊อ อาเหน่ หม่าโต่ เนอเต๊เห่ ปา.

เตเด๊อะโลแถ่ 22:16

“แว หม่า เหย่ซู่. แซ่ฮู๊ แว เก่ แด๊โฉ่ โลเป่ เพรหยื่อเอ่ตู๊หมู่ตอกล๊อ เต๊เห่ เร๊อ เตหรี่เตแก เออเต๊เห่ อาเงเนอ, แว ซูแล เป่ ซี แว เตเน่วพู๊ เฮ๊อ. แว โป่แว กลุยแล หม่า หม่าเฮ๊อ คูดาวิด อากลุยอาแล กาแล เนอ โต๊โหมะเต๊อเจ่อเฮ๊อ. แว หม่า เฉ่ต่อโหร่ เด๊อ อา ลีเตเคโรโซ เนอเตเม เฮ๊อ.”

เตเด๊อะโลแถ่ 19:20

อู ปื่อหนิแก เตมีเตแหม่ เนอโตโด เร๊อ อู ปื่อหนิ เต่อโหร่ เกอโป่ เร๊อ เพรโพร แลโฮ เด๊อ อา เมโล เป่ อู เตโค๊ตีกลี๊ เด๊อ เตมีเตแหม่ เนอโตโด อาเป๊เส่เง เนอเตเพร. เด๊อ อา เม โค๊ตีกลี๊ เป่ อู อาขว่าอาคยา, อา อิลออี๊โหล่ แลโฮ ลอ แกแย เด๊อ อา พย๊าหนิ เตมีเตแหม่ เนอโตโด อา เตเมม๊าเมแด เร๊อ อา จ๊อเบ ลู เนอเต๊เห่. เตมีเตแหม่ เนอโตโด เร๊อ เพรโพร เด๊อ อา อิลออี๊โหล่ แลโฮ อู เนอเตเพร ซิเนอ ลอ อู ต่าตา เซอเพร แก เหย่ซี เด๊อ หมิเผ่ เด๊อ อู ชื๊ออือ เร๊อ หย่าซู๊แบ เนอเต๊เผ่ อากู.

เตเด๊อะโลแถ่ 15:6

เร๊อ เตเน่วพู๊ โซซว๊าเตเพร เด๊อ อา ปื่อหม่า เกอเร๊อ เน๊อ เตจาเตจือ โซซว๊าเต๊อเจ่อ เออเต๊เห่เนอ, อา โอ่ เด๊อ เตหลู่แต โฮกู เร๊อ อา แฮเถ่. เหย่ซี กือแซ๊หนิ เห่อจา บูแบ๊ ลีซิ เต๊เห่ เร๊อ อา ชาแบ๊ลว๊า หนิ แลแค เทบ่า ต๊าบย่าดุ เด๊อ อา โตโอลู.

เตเด๊อะโลแถ่ 3:14

“ราจว๊า ลีเออ เด๊อ วีเลาดีเซีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ อู เอ๊ เน๊อ, ‘อาเมน’ เออเนอ เตเพร อาโอ่. อา หม่า เพร เด๊อ อาซิปล่อจ๊อ เร๊อ อาข่าเฮ๊โล จ๊อจ๊อเตเต เออเตเพร อาโอ่. จอแปแหร่ นอแบ๊ตา แฮเง ลอ เตล๋อ ปลี เออเนอ เร๊อ อา แพ๊.

เอเฟซัส 4:17

ฮู๊เนอเรอ, เด๊อ ครี๊ อามุย อากู เร๊อ แว เบ่ เฮ๊ชอชอ แหน่ ซี เร๊อ โอ่เซอเพร แลแค แต่ ฮู๊ แกแย เด๊อ อา ซิเง จอแปแหร่ โต่ เนอเต๊เห่ โอ่เซอเพร เนอ แต่เหม่. เหย่ซี อาเหล่เตเน เต๊เห่ เนอหม่า อาบุ๊ยอาเตอเรอ โอ่ เตอเจ๋อ โต่.

เตเด๊อะโลแถ่ 20:15

แกแย เตเพรเพร เด๊อ อู เก่ แม๊เถอะ อู ราโอ่ อามุย เด๊อ ลีเซอเพร เออต๊าบ่า อากู โต่ เฮ๊ เนอ, อู เบ่ วีตาแก อา เด๊อ หมิเผ่ เออเต๊เผ่ อากู.

เตเด๊อะโลแถ่ 20:10

โลเน๊มู๊แหม่รีแจ่ กู่กล๊อ เด๊อ อา อิลออี๊โหล่ แลโฮ เหย่ซี เออโตโดเนอ, อู วีตาแก ลู เด๊อ หมิเผ่ เด๊อ อู ชื๊ออือ เร๊อ หย่าซู๊แบ เออเนอ เต๊เผ่อากู. หมิเออ เต๊เผ่ เนอหม่า หม่าเฮ๊อ อู เหล่วีตา เตมีเตแหม่ เนอโตโด เร๊อ เพรโพร แลโฮ เนอเต๊เห่ อาเหล่โอ่ เนอ เฮ๊อ. เร๊อ เหย่ซี เก่ ข่าเบ่ เตจาเตจือ เหมาะคี๊คี๊ เหมาะเชเกลเกล ตูจูเพร แตแลเคร๊ เจ๊อ ปา.

เตเด๊อะโลแถ่ 22:9

หม่าแน๊เรอ อา เฮ๊ แว เน๊อ, “จ๊อเบ แต่ แว แต่เหม่, แว หม่า หลู่เล๊ เตเพร เด๊อ อา แซ่เกอดื่อ เน๊อ เน เน๊อ เน โป่แว เพรโพร เต๊เห่, เร๊อ ล๋อ แกแย เด๊อ อา จูเอ่ โหง่ เนอเต๊เห่ เด๊อ ลี เออต๊าบ่า อากู เนอเต๊เห่ แพ๊. จ๊อเบ แถ่เด๊อ จอแปแหร่ เนอ.”

เตเด๊อะโลแถ่ 22:10

เร๊อ อา เฮ๊ โป่ แว เน๊อ, “โหง่ เด๊อ เพรโพร แด๊โฉ่ หนื่ออื่อ เด๊อ ลีเออต๊าบ่า อากู เต๊เห่เนอ, ด๊อโอ๊ด๊อบี๊แก แต่ อา แต่เหม่ นี๋, เมเตเฮ๊เรอ ล๋อ เตเออ เต๊เห่ เกเร ทวาแถ่ เนอ เบ๊อะเนอ ผื่อแถ่ ลา เฮ๊อ.