เตเด๊อะโลแถ่ 22:10 - ลีเทส่อพ๊าอาเซ เร๊อ เห่ขุทวาลู๊

¹⁰ เร๊อ อา เฮ๊ โป่ แว เน๊อ, “โหง่ เด๊อ เพรโพร แด๊โฉ่ หนื่ออื่อ เด๊อ ลีเออต๊าบ่า อากู เต๊เห่เนอ, ด๊อโอ๊ด๊อบี๊แก แต่ อา แต่เหม่ นี๋, เมเตเฮ๊เรอ ล๋อ เตเออ เต๊เห่ เกเร ทวาแถ่ เนอ เบ๊อะเนอ ผื่อแถ่ ลา เฮ๊อ.

Eastern Kayah Shadaw Dialect

¹⁰ ꤚꤣꤧ꤬ ꤢ꤬ ꤟꤢꤩ ꤕ꤫ꤥ꤬ ꤠꤢꤧ꤭ ꤔꤢꤧ, “ꤍ꤫ꤥ꤬ ꤘꤣ ꤖꤚꤢꤩ꤬ꤖꤚꤥ꤬ ꤟꤢꤩꤏꤥ꤬ ꤥ꤬ꤔꤢꤩ꤬ ꤘꤣ ꤜꤤ꤬ꤣꤧ꤭ꤒꤣ꤬ꤙꤢ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤘꤢꤪꤥꤘꤢꤪꤙꤤꤊꤢꤧ꤭ ꤒ꤫ꤢꤧ꤬ ꤢ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤢꤪ꤭ ꤒꤢꤩ꤬ꤣꤧ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ꤚꤢꤩ꤭ ꤓꤝꤢ꤭ꤓꤢꤧ꤬ ꤔꤣꤧ꤬ ꤢ꤬ꤏꤣꤧꤢ꤬ꤋꤢꤩ꤭ ꤖꤢꤦ꤬ꤓꤢꤧ꤬ ꤜꤢ꤭ ꤟꤣꤧ꤯

เตเด๊อะโลแถ่ 22:10 ပူးပေါင်းရင်းမြစ်များ

เตเด๊อะโลแถ่ 1:3

แกแย เด๊อ อา แด๊ ลี เออต๊าบ่า เตเพรเพร เนอ, อา พย๊าหนิ เตเด๊อะบุ๊ยเด๊อะเตอเรอ โท๊โต่ แกแย เด๊อ อา หนิโฮ เพรโพร เต๊เห่ อา เตเฮ๊เบ่ เด๊อ อา เก่ ทวาแถ่ กู๊แหน่ เออเต๊เห่เนอ เบ่เบ่, อา เก่ ทวาแถ่ ช๋า โหน่ปา เต๊เห่เนอ เบ่เบ่, เหย่ซี เก่ จูเอ่ เตเด๊อ อู ราโอ่ อา เด๊อ ลี เออต๊าบ่า อากู เต๊เห่เนอ, อา เก่ พย๊าหนิ แลแค เตเด๊อะบุ๊ยเด๊อะเตอเรอ, เมเตเฮ๊เรอ เตเออเต๊เห่ เกเร ทวาแถ่เนอ, อาม๊อเนอ ผื่อแฮ เฮ๊อ.

เปโตร อาเหร่อเล๊อ ต๊าบ่า 4:7

เตล๋อ ปลี อา เตเร ตื๊อดื่อแกเฮ๊อเนอ อา แฮโต่ ผื่อเฮ๊อ. ฮู๊เนอ อาขว่าอาคยา, แซ่ฮู๊ ซี กุยจ๊อเบเบ๊ เกออู เนอ, โอส่าเซ เกอ แลแค เร๊อ เตอิซว๊าอี๊แส่ แล เกอเร๊อ แลแค ซีเหน่, โท๊โต่ โอ่เซอเพร ชาเผร่ เกอ แลแค นี๋.

เตเด๊อะโลแถ่ 10:4

เบ๊อะฉ่าแล โท โซซว๊าตือหื่อ เบ๊อะเนอ, แว เตเร ราม๊าแก หม่าแน๊เรอ แว หนิโฮ โหง่พราแถ่ เด๊อ ม๊อขุ เร๊อ อา เฮ๊ เน๊อ, “แด่โอ๊แด่บี๊แก ฉ่าแล แด๊โฉ่โล กาคยาฉื่อ เน โซซว๊า ตื๊อหื่อ เออเนอ. ราม๊า แต่ อา แต่เหม่.”

มัทธิว 10:27

โหง่ เด๊อ แว เฮ๊ เป่ ซี เด๊อ อาคี๊เกล เต๊เห่เนอ, จว๊าเฮ๊เบ่ แลแค เด๊อ อาลีเกล เนอ นี๋. โหง่ เด๊อ ซี หนิโฮโห่ หนิโฮเซ๊ เต๊เห่เนอ, แถ่ เอ๊โท แลแค เด๊อ หี่กู่กล๊อขุ เนอ นี๋.

ꤚꤥꤗꤢꤩ꤬ 13:12

เหมาะคี๊ เตเร จว๊าตาลว๊าแก เฮ๊อ, เหมาะ เตเร บูตีลี๊ ลาเฮ๊อ. ฮู๊เนอเรอ เป เก่ แด่ตาแก ลอ เตเมมู๊แหม่ เด๊อ เป เม เด๊อ เตคี๊เกล เออเนอเต๊เห่ โป๋. เร๊อ เป เก่ กือแซ๊แถ่ แลแค เตลี อาจา ต่อเท๊ เออเต๊เห่ โป๋.

เตเด๊อะโลแถ่ 22:16

“แว หม่า เหย่ซู่. แซ่ฮู๊ แว เก่ แด๊โฉ่ โลเป่ เพรหยื่อเอ่ตู๊หมู่ตอกล๊อ เต๊เห่ เร๊อ เตหรี่เตแก เออเต๊เห่ อาเงเนอ, แว ซูแล เป่ ซี แว เตเน่วพู๊ เฮ๊อ. แว โป่แว กลุยแล หม่า หม่าเฮ๊อ คูดาวิด อากลุยอาแล กาแล เนอ โต๊โหมะเต๊อเจ่อเฮ๊อ. แว หม่า เฉ่ต่อโหร่ เด๊อ อา ลีเตเคโรโซ เนอเตเม เฮ๊อ.”

เตเด๊อะโลแถ่ 5:1

แว แม๊เถอะ ลี ตูลู ตูกลู๊ โอ่ เด๊อ เพรโอ่แนโอ่ เด๊อ จ๊อแผ่ กู่แกล๊เท แถ่โลอาขุ เนอเตเพร อากู๊ขุ จ๊อทว๊า เนอตากยา อากู. ลีตูลู เออเนอ, อู ราโอ่ ลอปลี เร๊อ ลีปล่อ เนอโค๊เนอกยา ลอ เร๊อ อู เกล๊จิจือหม่า ลู เร๊อ เตม๊าเตแด โซซว๊าโต๊โก่.

เธสะโลนิกา เนอบ่า ต๊าบ่า 2:3

นออิลออี๊โหล่ แต่ ซีเหน่ แต่เหม่ นี๋. แบ่เจ่ เหย่ซู่ครี๊ แฮ แต่ล๋ายโต่ เนอ, แกแย เต๊เห่ เก่ เท๊ฉื่อ จอแปแหร่ ปา. เร๊อ แกแย เด๊อ อา เท๊ฉื่อแก จอแปแหร่ เร๊อ จอแปแหร่ อา เตซว๊าเตแส่ เนอเตเพร เก่ โอ่โลแถ่ ปา. เตเออเต๊เห่ เก่ ทวาแถ่เหร่อ โทปาเรอ แบ่เจ่ เหย่ซู่ครี๊ แฮ คยาแซ๊ ปา อาม๊อเนอ เออเนอ, อา เก่ แฮ ทวาแถ่ เนอ ปา. โทเรอ จอแปแหร่ เก่ เมปย๊าปลื๊อแก แกแยมู๊แหม่ เนอเตเพร เด๊อ ปอรากยากู ปา.

เตเด๊อะโลแถ่ 22:20

แกแย เด๊อ อา เด๊อะโล เร๊อ ล๋อ เตหรี่เตแก เออเต๊เห่ เตเพรเนอ, อา เฮ๊ เน๊อ, “อ่อ, แว เก่ แฮแล ปา,” อาเมน, เก๋อ แบ่เจ่ เหย่ซู่ครี๊, แฮมอ แต๋.

ꤚꤥꤗꤢꤩ꤬ 13:11

ซี เบ่ โมเร๊อ อู เมเตเฮ๊เรอ กู๊แหน่ เออเนอ ซี ซิเง เร๊อ ม๊อเนอ เด๊อ อา โหล่ดุ หม่าแหน่เล๊อ เออเต๊อเจ่อเนอ อา เตเร ผื่อ แฮโต่เฮ๊อ. ก๊อถ่อมอ แลแค, อา โต โอ่เมอปาโต่ เฮ๊อ. เตเมแลเปล๊กา เป เออเนอ, อา แฮโต่ ผื่อเล๊อ เฮ๊อ เน๊อ ม๊อเนอม๊อเซ เด๊อ เป หยื่อเอ่ ลู่ เค เนอเฮ๊อ.

เตเด๊อะโลแถ่ 1:11

โหง่พราแถ่ เร๊อ อา เฮ๊ เน๊อ, “ราม๊าราแด เตเด๊อ เน แม๊เถอะ เนอเต๊เห่. โทเรอ ซูจว๊าเป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา หม่าดื่อ วีเอเฟซัส, วีสเมอร์นา, วีเปอร์กามัน, วีธิยาทิรา, วีซาร์ดิส, วีฟีลาเดลเฟีย, วีเลาดีเซีย เด๊อ อา โอ่ แลแค เด๊อ วี โซซว๊าเตอวี เออเต๊เห่ อากูเนอ.”

เตเด๊อะโลแถ่ 22:7

เหย่ซู่ เฮ๊ เน๊อ, “หนิดา แลแค๋, แว แฮเล๊ ปา, แกแย เด๊อ อา หนิดา เพรโพรโหง่ เด๊อ อา เฮ๊เบ่แก เด๊อ ลีกู เออเต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ.”

เตเด๊อะโลแถ่ 22:9

หม่าแน๊เรอ อา เฮ๊ แว เน๊อ, “จ๊อเบ แต่ แว แต่เหม่, แว หม่า หลู่เล๊ เตเพร เด๊อ อา แซ่เกอดื่อ เน๊อ เน เน๊อ เน โป่แว เพรโพร เต๊เห่, เร๊อ ล๋อ แกแย เด๊อ อา จูเอ่ โหง่ เนอเต๊เห่ เด๊อ ลี เออต๊าบ่า อากู เนอเต๊เห่ แพ๊. จ๊อเบ แถ่เด๊อ จอแปแหร่ เนอ.”

เตเด๊อะโลแถ่ 22:18

ล๋อ แกแย เด๊อ อา หนิโฮ โหง่ เด๊อ อู เฮ๊โพร หนื่ออื่อ อา เด๊อ ลีเออต๊าบ่า อากู ล๋อ ปลี เต๊เห่เนอ, เด๊อะรอเด๊อะเร หนื่ออื่อ ตาเต เจ๊อ แลแค เหย่ซี เนอ, แกแย เตเพรเพร เก่ ฉู่โน เอ๊แถ่เล๊อ เตเต๊อเจ่อเจ่อ เด๊อ ลีเออต๊าบ่า อากูเนอ, เก่หร่าเก่ดวา, เตจาเตจือ เด๊อ จอแปแหร่ เฮ๊โลโอ่ โทเฮ๊อ อา เด๊อ ลีเออต๊าบ่า อากู เออเต๊เห่เนอ จอแปแหร่ เก่ นอข่าเบ่ อา ปา.