เตเด๊อะโลแถ่ 21:6 - ลีเทส่อพ๊าอาเซ เร๊อ เห่ขุทวาลู๊

⁶ เร๊อ อา เฮ๊ เน๊อ, “อา โทเฮ๊อ, แว หม่า อาเหร่อเล๊อ เร๊อ อาโหน่เล๊อ อู เฮ๊อ. แว หม่า อาแก่ช๊า เร๊อ อาตื๊อดื่อ เฮ๊อ เทอเถ่ขุ เด๊อ อา เด๊อะ ตูจูเพร เนอ อา โอ่ ต๊ออ่อ. แกแย เด๊อ อา ซิโอ เตเพรเพร เนอ, แว เก่ เด๊อะโอครา อา ปา.

Eastern Kayah Shadaw Dialect

⁶ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤢ꤬ ꤓꤥ꤭ꤟꤣꤧ, ꤠꤢꤧ꤭ ꤗꤢ꤬ ꤢ꤬ꤚ꤫ꤣꤧ꤬ꤜꤣ ꤔꤢꤧ ꤢ꤬ꤔꤥ꤬ꤜꤣ ꤢꤨ꤭ ꤟꤣꤧ꤯ ꤠꤢꤧ꤭ ꤗꤢ꤬ ꤢ꤬ꤊꤢꤧ꤭ꤏꤢ ꤔꤢꤧ ꤢ꤬ꤒꤣꤧ꤬ꤘꤢꤦ꤬ ꤟꤣꤧ꤯ ꤓꤣꤧ꤭ꤓꤢꤩ꤬ꤋꤢꤨ꤬ ꤘꤣ ꤢ꤬ ꤘꤣꤧ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ꤓꤣꤧ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤔꤣꤧ꤬ ꤢ꤬ ꤥ꤬ ꤒꤣ꤬ꤢꤪ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤥ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤘꤣꤧꤥ꤭ꤋꤚꤢ꤭ ꤢ꤬ ꤕꤢ꤭꤯

เตเด๊อะโลแถ่ 21:6 ပူးပေါင်းရင်းမြစ်များ

ꤛꤥ꤭ꤟꤢ꤬ 4:10

เหย่ซู่ เฮ๊ฉื่อ ลู เน๊อ, “เน เก่ ซิเงบย่า จอแปแหร่ อา เตเด๊อะครา เชหยู่ โทเรอ เพร เด๊อ อา กุยโอ เนเทอ เออเตเพร หม่า อูเป เนอ เน เก่ ซิเง โป่บย่า เฮ๊หม่า, เน เก่ กุยโอ แว เทอ ปา เร๊อ แว เก่ เด๊อะโอ เน เทอ เด๊อ อา เด๊อะ อู ซิปล่อเซอเพร เออเนอ ปา.”

เตเด๊อะโลแถ่ 7:17

เมเตเฮ๊เรอ ซิหมิพู๊ โอ่ เด๊อ จ๊อแผ่ กู่แกล๊เท แถ่โล อากล๊าเมกู เนอโตโด เก่ เก่ เหย่ซี เร๊อ อา เก่ ซูจว๊า เหย่ซี เด๊อ เทอ เด๊อ อา เด๊อะ เหย่ซี ซิปล่อเซอเพร อา เทอเถ่ขุ เต๊เห่ อาโอ่ ปา. โทเรอ จอแปแหร่ เก่ ทื๊อซูแก เป่ เหย่ซี เป๊เส่เทอ ปว๊าเตเม๊ เจ๊อ ปา.”

ꤛꤥ꤭ꤟꤢ꤬ 4:14

หม่าแน๊เรอ แกแย เด๊อ อา เก่ โอเทอ เด๊อ แว เด๊อะโอ อา ปา เออเนอ, อา ซิโอ ปา เทอ โตโพ๋ โต่. เทอ เด๊อ แว เก่ เด๊อะโอ อา ปา เออเนอ, อา เก่ ทวาแถ่ เทอเถ่ขุ เด๊อ ลูกู ปา. เร๊อ อา เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”

ꤚꤥꤗꤢꤩ꤬ 8:32

จอแปแหร่ เออเตเพรเนอ, อาพู๊ เร๊อ อาเหน่ เร๊อดื่อ เจ๊อ เร๊อ อา ซิโล เกอเร๊อ โต่. เร๊อ อา เด๊อะแลแก เจ๊อ อาพู๊ เด๊อ เป ล๋อ ปลี เต๊เห่ อาเง เจ๊อ. เก่ อา เด๊อะ ตาครา เจ๊อ เป เร๊อ อาพู๊คู เหย่ซู่ครี๊ เจ๊อ เก่เฮ๊เรอ, ล๋อ เต เด๊อ อา โอ่แก เด๊อ อาโร เต๊เห่เนอ, อา เก่ เด๊อ ตาคราโป่ เป ปา หม่าโต่ แอ?

เตเด๊อะโลแถ่ 22:17

จอแปแหร่ อา แหย่โยบูโพ๊ เร๊อ เพรกาฉู่แด่ เพรเหมาะ เฮ๊ เน๊อ, “แฮเมอ แลแค.” ล๋อ แกแย เด๊อ อา หนิโฮ เต เออเต๊เห่เนอ, นอเฮ๊เกอ แลแค เหย่ซี เน๊อ, “แฮเมอ แลแค.” เร๊อ แกแย เด๊อ อา ซิโอเทอ เต๊เห่เนอ, แฮเมอ, แฮพย๊า โอ ครา แลแค เทอ เซอเพรเออ.

เตเด๊อะโลแถ่ 1:8

แบ่เจ่ จอแปแหร่ เฮ๊ เน๊อ, “แว หม่า อาแก่ช๊า เฮ๊อ เร๊อ แว หม่า อาตื๊อดื่อเฮ๊อ” เร๊อ อา เฮ๊ เน๊อ, “แว หม่า จอแปแหร่ เด๊อ อา เซอเพร มู๋ หนู่เค เตเพร, กู๊แหน่เค หม่า แว เซอเพรเพร, โหน่ปาหม่า แว เซอเพรเพร. แว หม่า จอแปแหร่ เด๊อ อา แจ่ เตล๋อ ปลี เตเพรเฮ๊อ.”

ꤚꤥꤗꤢꤩ꤬ 3:24

จอแปแหร่ ย๋อ ซิยอเกอเร๊อ เป อาขว่าอาคยา, อา แด่จ๊อแด่เต คราแพ๊ เป แพ๊. เด๊อ เหย่ซู่ครี๊ อี๊ถ่ากา เฮ๊อ เป อาขว่าอาคยา, เปจ๊อเปเต แพ๊.

เตเด๊อะโลแถ่ 22:13

แว หม่า ลีปล่อ แก่ช๊า เร๊อ ลีปล่อ ตื๊อดื่อ เฮ๊อ. แว หม่า อาเหร่อเล๊อ เน๊อ อาโหน่เล๊อ อู เฮ๊อ. อาแก่ช๊า หม่า แว เฮ๊อ, อาตื๊อดื่อ หม่า แว เฮ๊อเฮ๊อ.

เตเด๊อะโลแถ่ 16:17

โทเรอ เด๊อคยาเนอ เตเน่วพู๊ อาเพร โซซว๊าเตเพร เนอเตเพร จว๊า กลอตา อาเบหล่อดุ เด๊อ เก่แลเซ๊เกล เร๊อ โหง่พราแถ่ฉว่า เด๊อ จ๊อแผ่ กู่แกล๊เท แถ่โล เบ๊อะเตหลู่เเตโฮ อากูเนอ เร๊อ อา เฮ๊ เน๊อ, “อา โทเฮ๊อ,” ฮู๊เนอ.

เตเด๊อะโลแถ่ 1:17

เบ๊อะแว แม๊เถอะ อา เบ๊อะเนอ, แว แลคื๊อตา เซอโง แซ่เจ๊อเร๊อ แกแยเซอ เตเพร เด๊อ อา กู๊โด่ซ๊า เนอ, โทเรอ อา แด่แถ่ อากู๊ขุ จ๊อทว๊า เด๊อ แวเหน่ลู เร๊อ อา เฮ๊ เน๊อ, “ซิอิเช แต่เหม่, แว หม่า เตอาแก่ซ๊า เร๊อ เตอาตื๊อดื่อ เตเพรเฮ๊อ.

โครินธ์ อาเหร่อเล๊อ ต๊าบ่า 2:12

จอแปแหร่ เด๊อะเป อา แหย่โยบูโพ๊, เร๊อ แหย่โยบูโพ๊ แบ่เจ่ เออเนอ, อา แฮ เด๊อ แกแยเห่ขุพู๊ อา โอ่ เนอ หม่าโต่. แซ่ฮู๊ เป เก่ ซิเงโปล ลอ เต เด๊อ จอแปแหร่ เด๊อะตาครา เป เออเต๊เห่ อาเงเนอ, เป พย๊าหนิเฮ๊อ แหย่โยบูโพ๊ แบ่เจ่ เด๊อ อา แฮ เด๊อ จอแปแหร่ อา โอ่ เออเนอ เฮ๊อ.

เตเด๊อะโลแถ่ 10:6

เร๊อ อา แบแลหนิ อาเหน่ เร๊อ จอแปแหร่ เด๊อ อา เซอเพร ตูจูเพร แตแลเคร๊ เร๊อ อา แบ๊แล ม๊อขุ, เห่ขุ, เทอดุซาวา เร๊อ เตล๋อ ปลี โอ่ เด๊อ อากู เออเนอ เตเพร อามุย. โทเรอ เตเน่วพู๊ เออเตเพรเนอ อา เฮ๊ เน๊อ, “เตเออเต๊เห่ เก่ ทวาแถ่ ปา เนอ อางยาปาน๊อโต่เฮ๊อ.

โครินธ์ อาเหร่อเล๊อ ต๊าบ่า 3:12

แกแย เต๊เห่เห่ เด๊อ อา อิซว๊า ตาเต อู เร๊อ เตหมะเตจ๊อ เต๊เห่เนอ, อา แซ่เฮ๊อ เน๊อ อา แฮ ช๊อแถ่ แฮเง อี๊ถื่อแกเด แก่ช๊า เด๊อ อู เด๊อะแล เร๊อ หล่อ เออ อาลู เนอ เฮ๊อ. อา แซ่เฮ๊อ เน๊อ อา ช๊อแถ่ แฮเง เฮ๊อ เน๊อ เท, รือ, หม่าโต่เรอ หล่องูดุงูชอ เต๊เห่เนอ เฮ๊อ. หม่าแน๊เรอ เด๊อ อาโร เต๊เห่ เกอลาติ เรอ, อา แฮ ช๊อแถ่ แฮเง เน๊อ ส่อ, มีออ หม่าโต่เรอ โบ๊ปู เต๊เห่ เด๊อ อาลู เออเนอ เฮ๊อ.

เตเด๊อะโลแถ่ 1:11

โหง่พราแถ่ เร๊อ อา เฮ๊ เน๊อ, “ราม๊าราแด เตเด๊อ เน แม๊เถอะ เนอเต๊เห่. โทเรอ ซูจว๊าเป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา หม่าดื่อ วีเอเฟซัส, วีสเมอร์นา, วีเปอร์กามัน, วีธิยาทิรา, วีซาร์ดิส, วีฟีลาเดลเฟีย, วีเลาดีเซีย เด๊อ อา โอ่ แลแค เด๊อ วี โซซว๊าเตอวี เออเต๊เห่ อากูเนอ.”

โครินธ์ อาเหร่อเล๊อ ต๊าบ่า 3:21

ฮู๊เนอเรอ, ซี ครวาเกอ เร๊อ อูเปเป๋ เบ่เบ่, ซี โต พย๊าแถ่โล หนิ ซีเหน่ เตเพร่ว โต่. เก่ เฮ๊ ตาตา เนอ, เตล๋อ ปลี เนอหม่า ซี เต แพ๊.

โครินธ์ อาเหร่อเล๊อ ต๊าบ่า 3:5

เก่เฮ๊ลอลอ เร๊อ, คูอปอลโล หม่า อูเป? คูเปาโล หม่า อูเป? เป หม่า แกแย แจ่ลีแจ่ลาโต่ เด๊อ อา เม จอแปแหร่ อาเตเม เต๊เห่ แพ๊. เด๊อ เป เฮ๊โฉ่โด่แนโล เป่ ซี อาขว่าอาคยา ซี หยื่อเอ่แหน่ กา แลแค แบ่เจ่ เหย่ซู่ครี๊. ฮู๊ จอแปแหร่ เด๊อะตา เป เตเม เตเพร เร๊อ เตเพร เนอ, เป เม เร๊อดื่อ ฮู๊ อา นอเม เป เออเนอ แพ๊.

ꤛꤥ꤭ꤟꤢ꤬ 4:11

เพรเหมาะ เนอเตเพร เฮ๊ฉื่อ ลู เน๊อ, “ซ๊าร๋า เน จว๊า แด๊แถ่ แจ่ เทอ เด๊อ อา เด๊อะ อู ซิปล่อเซอเพร เออเนอ เบ๊อะปา? เน เทอเหล่ดื่อ เร๊อ อา โอ่ โต่โต่, เทอกลื่อ เออต๊ออ่อเนอ อา แย แหน่เจ๊อเรอ.

เตเด๊อะโลแถ่ 3:14

“ราจว๊า ลีเออ เด๊อ วีเลาดีเซีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ อู เอ๊ เน๊อ, ‘อาเมน’ เออเนอ เตเพร อาโอ่. อา หม่า เพร เด๊อ อาซิปล่อจ๊อ เร๊อ อาข่าเฮ๊โล จ๊อจ๊อเตเต เออเตเพร อาโอ่. จอแปแหร่ นอแบ๊ตา แฮเง ลอ เตล๋อ ปลี เออเนอ เร๊อ อา แพ๊.