เตเด๊อะโลแถ่ 20:3 - ลีเทส่อพ๊าอาเซ เร๊อ เห่ขุทวาลู๊

³ เตเน่วพู๊ เนอเตเพร วีตาแก ลู เด๊อ ครอกูแย เนอตูกู อากู เร๊อ อา ก่าหม่าบี๊แก ลู เร๊อ อา เมม๊าเมแด แก ลู. แซ่ฮู๊ อา เก่ จว๊า อิลออี๊โหล่ แลโฮ ปา แต่ เมวเจอะ เต๊เห่ แต่เหม่ เนอ อา ด๊อ โอ่บา ลู อาหน่าตีรี๊. เร๊อ อาหน่าตีรี๊ บาเฮ๊อ ปา เนอ, อู เก่ ปลวาเถ่ คยา ลู เตอเปลอฮู๊ ปา.

Eastern Kayah Shadaw Dialect

³ ꤒꤣꤧ꤬ꤔꤢꤩꤖꤢꤨ ꤔꤣꤧ꤬ꤒꤣ꤬ꤖꤚꤢꤩ꤬ ꤠꤤ꤭ꤒꤢ꤭ꤊꤢꤧ꤭ ꤜꤢꤨ꤭ ꤘꤣ ꤋꤚꤢꤪ꤭ꤊꤢꤨ꤭ꤛꤢꤧ꤭ ꤔꤣꤧ꤬ꤒꤣ꤬ꤊꤢꤨ꤭ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤊ꤫ꤢ꤬ꤗꤢ꤬ꤙꤤꤊꤢꤧ꤭ ꤜꤢꤨ꤭ ꤚꤣꤧ꤬ ꤢ꤬ ꤗꤢꤩ꤬ꤗꤢꤗꤢꤩ꤬ꤒꤢꤩ꤭ ꤊꤢꤧ꤭ ꤜꤢꤨ꤭꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤡꤝꤢ ꤢꤩꤜꤢ꤬ꤜꤣꤧ꤬ꤟꤥ꤭ ꤕꤢ꤬ ꤒ꤫ꤢꤧ꤬ ꤗꤤ꤭ꤡꤣ꤬ ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬ ꤢ꤬ ꤘꤢꤪ ꤥ꤬ꤙꤢ꤭ ꤜꤢꤨ꤭ ꤢ꤬ꤔꤢ꤬ꤒꤣ꤬ꤚꤤ꤯ ꤚꤣꤧ꤬ ꤢ꤬ꤔꤢ꤬ꤒꤣ꤬ꤚꤤ ꤙꤢ꤭ꤟꤣꤧ ꤕꤢ꤭ ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤕꤜꤝꤢ꤭ꤓꤢꤩ꤬ ꤋꤛꤢ꤭ ꤜꤢꤨ꤭ ꤒꤣꤧ꤬ꤕꤜꤣ꤬ꤟꤢꤨ ꤕꤢ꤭꤯

เตเด๊อะโลแถ่ 20:3 ပူးပေါင်းရင်းမြစ်များ

เตเด๊อะโลแถ่ 20:1

เออโตโพ๊เรอ แว แม๊เถอะ เตเน่วพู๊ เตเพร โอ่ เด๊อ ม๊อขุ แฮแล เร๊อ อา ปื่อโอ่ เกอเร๊อ ครอกูดุ ครอกูแย เออตูกู อาชอถิ เร๊อ สู่เปลอต่อเท๊ดุ โตโบ เด๊อ อา กู๊ยากู.

เตเด๊อะโลแถ่ 17:8

เตมีเตแหม่ เด๊อ เน แม๊เถอะ โทเฮ๊อ เน๊อ โตโพ๊เคเนอ อาโอ่ โทเฮ๊อ หม่าแน๊เรอ กู๊แหน่เออ อา โอ่ ปา โต่ เนอโตโด เก่ โอ่โลแถ่ คยาแซ๊ ปา. อา โอ่ เด๊อ ครอกูดุ ครอกูแย เนอตูกู เร๊อ อา เก่ แฮเถ่ ปา. เร๊อ แบ่เจ่ เอ๊จว๊า ลู เด๊อ เตเมจากาคยา อาเหล่โอ่ เร๊อ อา เก่ เมปย๊าแก ลู ตูจูเพร ปา. เป๊อแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ล๋าย เหย่ซีมุย เด๊อ ลีเซอเพร อากู ล๋ายโต่ เต๊เห่เนอ, อา เก่ คย๊ายื๊อ ลอ แลแค เบ๊อะเหย่ซี แม๊ เตมีเตแหม่ เออโตโด อาเค เนอ ปา, เมเตเฮ๊เรอ, โตโพ๊เคเนอ เตมีเตแหม่ เออโตโด ย๊อ โอ่เซอเพร เร๊อ กู๊แหน่ เร๊อ อา โอ่ ปา โต่, หม่าแน๊เรอ อา เก่ โอ่โล คยาแซ๊ ปา อาขว่าอาคยา, เหย่ซี คย๊ายื๊อ ลอ แลแค แพ๊.

เตเด๊อะโลแถ่ 12:9

แปล่ดุ มู๊หนู่มู๊ส่าเค โตโบ เด๊อ อู เอ๊ ลูมูย เร๊อ โลเน๊มู๊แหม่รีแจ่ กู่กล๊อ หม่าโต่เรอ ลูซีเฟอร เด๊อ อา จว๊า อิลออี๊โหล่ ลอ อู เห่ขุต๊าบ่า เออโตโบ เนอ, อู วีตาแก ลอ อา เร๊อ อา เตเน่วพู๊ เต๊เห่ เด๊อ เห่ขุ.

มัทธิว 27:66

ฮู๊เนอเรอ แซ่ฮู๊ เหย่ซี เก่ เมหม่า เมกลอแร๊ โลกู เออ เร๊อ เหย่ซี จว๊าเกล๊ แถ่โล อาเตม๊าเตแด เต๊อเจ่อ เด๊อ โลกู ม๊าเท๊ลู, โทเรอ อานอ โอ่ ป่อหม่า หนิ เร๊อ เกลอฮู๊ เต๊เห่.

โครินธ์ เนอบ่า ต๊าบ่า 11:3

ฮู๊ โลเน๊มู๊แหม่รีแจ่ กู่กล๊อ กลว่าอาเหน่ แซ่เร๊อ หรู่ เร๊อ อา แฮ อิลอแลโฮ โหมะเอวา เนอ, แว เบ่รอ หนื่ออื่อ เร๊อ ปาหม่า อู แฮ อิลอแลโฮ เกอดื่อ เฮ๊อ ซี ฮู๊เนอ ปา เฮ๊อ. โท๊โต่ ปาหม่า อู แฮ เมปย๊าเมหลู่ ลอดื่อเฮ๊อ ซี ซิปล่อ อา เตเตเน เต๊เห่ เร๊อ ซี วีแกดื่อ เฮ๊อ ซี เตซิหยื่อ โมเร๊อ ลอซิปล่อสู่เทอ ครี๊ เร๊อ ซี เตซิหยื่อโม จ๊อจื้อ ครี๊ เออเนอ ปา เฮ๊อ แว เบ่รอ แหน่เจ๊อ เด๊อ ซิเง ฮู๊เนอ.

เปโตร เนอบ่า ต๊าบ่า 3:8

โคโม ซี๋, โชตาปาแก แต่ เตเออเตอเจ๋อ แต่เหม่ นี๋. เด๊อ แบ่เจ่ อาเงเนอ, เตอเนอเนอหม่า อาแซ่เน๊อ อาหน่าตีรี๊ เร๊อ อาหน่าตีรี๊ เนอหม่า อา แซ่แพ๊ เร๊อ เตอเนอ แพ๊.

เตเด๊อะโลแถ่ 17:2

เห่ขุ คุ๊ยจ๊อแผ่ เต๊เห่ จว๊าซื๊อจว๊าปล๊า เกอ แลแค เร๊อ เพรเหมาะ เออเตเพร. โทเรอ แกแย เห่ขุพู๊ เต๊เห่ เอ่มือโอแพร๊ เกอเร๊อลอ อาเหน่ เร๊อ เทอแย หม่าเฮ๊อ เพรเหมาะ เออเตเพร อา เตปาต๊าเปอเตอ เต๊เห่เนอ เฮ๊อ.”

เตเด๊อะโลแถ่ 13:14

โทเรอ เด๊อ อา เด๊อะโล อา เตโค๊ตีกลี๊ เด๊อ เตมีเตแหม่ เด๊อ อาเหร่อเคเนอ โตโด นอเม ลู เด๊อ อาเป๊เส่เง เนอเต๊เห่ อาขว่าอาคยา, อา อิลออี๊โหล่ แลโฮ หนิลอ แกแย โอ่เซอเพร เด๊อ เห่ขุ เออ เต๊เห่. เตมีเตแหม่ เนอโด โตโดเออ, อา นอแบ๊แถ่ เหย่ซี เตแหย่โย โตโด แซ่ฮู๊ อา เก่ เมลีเมเตเค กาคยา เตมีเตแหม่ เด๊อ อา เบ่ เต๊เหม่น๊อ เร๊อ เน๊ เร๊อ อา โอ่เซอเพร ปา เนอโตโด.

มัทธิว 24:24

เมเตเฮ๊เรอ เพรกลว่า แลโฮ ฮู๊ ครี๊เนอ เนอ เพรกลว่า แลโฮ ฮู๊ เพรโพร ซี เต๊เห่เนอ อา เก่ โอ่แถ่ เอ๊ลา ปา. เหย่ซี เก่ เมตาปา คย๊ายื๊อ ลออู เร๊อ อาเต เมโค๊ตีกลี๊ เป่อู เต๊เห่ ปา. อา เก่ เมแจ่ เฮ๊เนอหม่า อา ซิหยื่อ อิลออี๊โหล่ แลโฮ หนิ เจ๊อ แกแย เด๊อ จอแปแหร่ นว๊าพย๊า โทเฮ๊อ ลู เนอ เต๊เห่เจ๊อ.

ꤗꤢ꤬ꤊꤢꤨ 4:15

แกแย เต๊เห่เห่เนอ, อาแซ่เร๊อ เตกลุย ตาโต เด๊อ แกล๊เดกู เนอเต๊เห่. เหย่ซี หนิโฮ จอแปแหร่ อาลาอาโหง่ เร๊อ โตโพ๊โต โลเน๊ กู่กล๊อ แฮพย๊า ตาพาเผ่แก จอแปแหร่ อาลาอาโหง่ เด๊อ เหย่ซี ซิปล่อกู เนอเต๊เห่.

ꤜꤢꤨꤊꤢ꤬ 8:31

แซ่ฮู๊ เหย่ซู่ เก่ เด๊อะเตจา วีตาแก ดื่อ เหย่ซี เด๊อ ครอกูแย แต่เหม่เนอเนอ, โลเน๊ เออเต๊เห่ กุยซิยอ แลแค แบ่เจ่ เหย่ซู่.