เตเด๊อะโลแถ่ 20:13 - ลีเทส่อพ๊าอาเซ เร๊อ เห่ขุทวาลู๊

¹³ โทเรอ เทอดุซาวา เออเนอ อา เด๊อะแถ่เกอ อาแกแย เซอ เด๊อ อา โอ่ เด๊อ อากู เนอ เต๊เห่. เตเซอ อาโหมะเพ เร๊อ โลเน๊มู๊แหม่รีแจ่ดอ เต๊เห่เนอ, อา เด๊อะแถ่เกอ แลแค แกแยเซอ โอ่ เด๊อ เหย่ซีกู เนอเต๊เห่เห่. เร๊อ อู เมจากาคยา ลอ แกแย ปว๋า เตเพร ฮู๊ เหย่ซี เมโทเฮ๊อ เตเนอ.

Eastern Kayah Shadaw Dialect

¹³ ꤓꤥ꤭ꤚꤣꤧ꤬ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤣꤧ꤭ꤔꤣꤧ꤬ ꤢ꤬ ꤘꤣꤧꤓꤢꤧ꤬ꤊꤣꤧ꤭ ꤢ꤬ꤊꤣꤧ꤬ꤛꤢꤧ꤭ ꤞꤣꤧ꤭ ꤘꤣ ꤢ꤬ ꤥ꤬ ꤘꤣ ꤢ꤬ꤊꤢꤨ꤭ ꤔꤣꤧ꤬ ꤒꤣꤧ꤬ꤟꤢꤩ꤬꤯ ꤒꤢꤩ꤬ꤞꤣꤧ꤭ ꤢ꤬ꤗ꤫ꤥ꤬ꤖꤢꤩ꤭ ꤔꤢꤧ ꤜꤥ꤭ꤊ꤫ꤢꤩ꤬ꤔꤢꤩꤘꤢꤪ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤘꤣꤧꤓꤢꤧ꤬ꤊꤣꤧ꤭ ꤜꤢ꤭ꤋꤢꤧ꤭ ꤊꤣꤧ꤬ꤛꤢꤧ꤭ꤞꤣꤧ꤭ ꤥ꤬ ꤘꤣ ꤛꤢꤩ꤬ꤞꤤ꤭ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ꤟꤢꤩ꤬꤯ ꤚꤣꤧ꤬ ꤢꤨ꤭ ꤘꤣꤧꤡꤢ꤭ ꤜꤢꤪ꤭ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤟꤢꤨ ꤛꤢꤩ꤬ꤞꤤ꤭ ꤗꤢꤩ꤬ꤓꤥ꤭ꤟꤣꤧ ꤒꤢꤩ꤬ꤔꤣꤧ꤬꤯

เตเด๊อะโลแถ่ 20:13 ပူးပေါင်းရင်းမြစ်များ

เตเด๊อะโลแถ่ 6:8

แว แม๊ เร๊อ แว แม๊เถอะ ตีซิ แบบูเล โตโด. เร๊อ แกแย เด๊อ อา แถ่แด๊ อา เตเพรเนอ อู เอ๊ ลูมูย เร๊อ เตเซอ. เร๊อ โลเก่เน๊ดอ ครวาต๊อต่อ เกอ ลูคยา. อู เด๊อะ เหย่ซี อาเตอเรอฉว่าชอ เด๊อ อา เก่ เมปย๊าแก เห่ขุ ลุยปุ๊ยตูปุ๊ย ปา. ฮู๊เนอเรอ อา เก่ เมเซอ อู เร๊อ เตช๊าเตปา, เตโอ่วีโอ่กอ, เตชุ๊ยเตเช เร๊อ เตมีเตแหม่ เต๊เห่ ปา.

เตเด๊อะโลแถ่ 20:14

โทเรอ เด๊อคยาเนอ, เตเซอ อาโหมะเพ เร๊อ โลเน๊มู๊แหม่รีแจ่ดอ เต๊เห่เนอ, อู วีตาแก เหย่ซี เด๊อ หมิเผ่ อากู. หมิเผ่ เออ หม่า หม่าเฮ๊อ เตเซอ เนอโพ๊โตโพ๊ เฮ๊อ.

เตเด๊อะโลแถ่ 20:12

เร๊อ แว แม๊เถอะ แกแย เด๊อ อามุย โลเทอโลเก่ เร๊อ แกแย เด๊อ อู เตเน ปีตี๊ ลู เร๊อ อา เซอโทเฮ๊อ เต๊เห่ ก๊อถ่อโอ่ เด๊อ จ๊อแผ่ กุแกล๊บูดุ แถ่โล เออ อาเป๊เส่เง เนอ. อู โบ๊โมแถ่ ลีเต๊เห่ โทเรอ อู โบ๊โมแถ่ ลี เด๊อ อาโร ต๊าบ่า เด๊อ อู เอ๊ เร๊อ ลีเซอเพร เออ. แกแยเซอ เออเต๊เห่เนอ, อู เมจากาคยา เหย่ซี ฮู๊ อา เมน๊อ โทเฮ๊อ เนอ เร๊อ ฮู๊ อู ราม๊าโอ่ เด๊อ ลีเออ อากูเนอ เต๊เห่.

เตเด๊อะโลแถ่ 1:18

แว หม่า แกแย เด๊อ อา เซอเพร เตเพร. แว เซอ โทเฮ๊อ หม่าแน๊เรอ กู๊แหน่เออ แว เซอเพร ตูจูเพร แตแลเคร๊. แว โอ่เร๊อ เตอเรอฉว่าชอ เร๊อ เตโพร เร๊อ แว เป๊อะลอ เตเซอ เร๊อ โลเน๊มู๊แหม่รีแจ่ดอ เต๊เห่.

มัทธิว 11:23

เก๋อ วีคาเปอรนาอูมพู๊ ซี๋, ซี เตเน แลแค เร๊อ จอแปแหร่ อา แด่แถ่โล โต่ เจ๊อ เน เด๊อ ม๊อขุ ปา เน เตเน ฮู๊เนอ แอ? อา เก่ วีตาแก เน เด๊อ หง่าหร่าปอรากยากู ปา. เตโค๊ ตีกลี๊ เด๊อ แว เด๊อะโล เด๊อ เนกู เออเต๊เห่เนอ, แว เก่ เด๊อะโล บย่า เด๊อ วีโสโดม กู เฮ๊เนอหม่า วีเนอตีวีอา โอ่ โต่ปา โต่กู๊แหน่ เจ๊อ.

มัทธิว 16:27

เมเตเฮ๊เร๊อ แกแยเห่ขุ อาพู๊คู หม่าเฮ๊อ แว เออ เก่ แฮคยาแซ๊ เกอเร๊อ อาเพ อาเตอเรอดุเตอเรอทู ปา, เร๊อ อาม๊อขุ เตเน่ว เต๊เห่ ปา เร๊อ อา เก่ เด๊อะเลอ กาคยาฉื่อคยา อู ปว๋า เตเพร ฮู๊ เหย่ซี เมโทเฮ๊อ เนอเต๊เห่ ปา.

โครินธ์ อาเหร่อเล๊อ ต๊าบ่า 15:26

เตฉว่าเตชอ เด๊อ คยาเล๊อ อู เต๊อเจ่อ เด๊อ จอแปแหร่ โตเบ่ เมปย๊าแก อา เนอหม่า หม่าเฮ๊อ เตเซอ เออเนอ เฮ๊อ.

เตเด๊อะโลแถ่ 2:23

แว เก่ เมเซอแก เต่อเกอ อา โคเจ่ เต๊เห่ ปาปา. ฮู๊เนอเรอ เพรหยื่อเอ่ตู๊หมู่ตอกล๊อ ปวาตู๊หมู่ เก่ ซิเง เร๊อ แว หม่า เพร เด๊อ อา ซิเง อู ปว๋า เตเพร อา เหล่เตเน เร๊อ อา เตซิหยื่อซิลอ เต๊เห่ เนอ ปา. ซี เตเพร เน๊อ เตเพร เมโท ลอแคร๊เฮ๊อ ฮู๊เต เนอ, แว เก่ เด๊อะเลอ กาคยาฉื่อ ซี ฮู๊ ซี เมโท เนอเต๊เห่ ปา.

เตเด๊อะโลแถ่ 21:4

จอแปแหร่ เก่ ทื๊อซูแก ลอ เหย่ซี อาเป๊เส่เทอ ปา. เตเซอ โอ่ ปา โต่. เตซิเปล เบ่เบ่, เตโหง่เตเห่ เบ่เบ่, เตเชเหน่เชแบ่ เบ่เบ่ อา โอ่ ปา โต่. เต เด๊อ อา ทวาแถ่น๊อ เด๊อ เห่ขุ อาเลอ เออต๊าบ่า เต๊เห่เนอ, อา โอ่ ปา โต่ เฮ๊อ.”