เตเด๊อะโลแถ่ 2:3 - ลีเทส่อพ๊าอาเซ เร๊อ เห่ขุทวาลู๊

³ เด๊อ แวมุย อาขว่าอาคยาเร๊อ, เน เมแคเมแอ่ เน ข่าเบ่ เตจาเตจือ เร๊อ เน ซิปล่อ ปย๊าโต่ เนอหม๋า ซิเงเง.

Eastern Kayah Shadaw Dialect

³ ꤘꤣ ꤠꤢꤧ꤭ꤗꤝꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤔꤢꤧ꤬ ꤗꤢꤩ꤬ꤋꤢꤧ꤭ꤗꤢꤩ꤬ꤢꤧ꤬ ꤔꤢꤧ꤬ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤚꤣꤧ꤬ ꤔꤢꤧ꤬ ꤞꤤꤕꤜꤢꤪ꤬ ꤕꤛꤢꤒꤥ꤬ ꤔꤣꤧ꤬ꤗꤢ꤬꤮ ꤠꤢꤧ꤭ ꤞꤤꤑꤢꤩ꤭ꤑꤢꤩ꤭꤯

เตเด๊อะโลแถ่ 2:3 ပူးပေါင်းရင်းမြစ်များ

ꤟꤤꤙꤚꤢꤨ 10:36

แซ่ฮู๊ ซี เก่ เมโต ฮู๊ จอแปแหร่ ซิหยื่อ นอเม ซี เนอ, โทเรอ แซ่ฮู๊ ซี เก่ พย๊าหนิ อา เตอ๊อแล เด๊อ อา อ๊อแล โทเฮ๊อ ซี เต๊เห่ อาเงเนอ, ซี เบ่ แด่ทูซิปล่อ แลแค.

ꤟꤤꤙꤚꤢꤨ 12:1

ฮู๊เนอเรอ, แกแย เด๊อ อา ข่าเฮ๊โล เร๊อ เป่ เป เน๊อ อา เตหยื่อเตแหน่ เออเต๊เห่เนอ, อา โอ่ ตาวาปลูตาวาเผ่ เจ๊อ เน๊อ เป. ฮู๊เนอ อาขว่าอาคยา, เป เก่ วีแก แก เตปว๋า เต๊อเจ่อ เด๊อ อา เม ดู๊แด ตาตือ เป เต๊เห่ เน๊อ เตซื๊อ เด๊อ อา เม โต๊โผ่ แลคื๊อแก เป เออเต๊เห่ โป๋! เร๊อ เป แม๊โหร่ลู อู เด๊อะ เป่ เป ม๊าโบ เด๊อ เปเป๊เส่เง เออ เร๊อ เป เก่ แด่ทูซิปล่อ แกล่แฮเต่อ เด๊อ อา โอ่ เนอ โป๋.

ꤊꤢ꤬ꤜꤢ꤬ꤒꤤ 6:9

เมเตแร๊เนอ ซิปล่อปย๊า แลแค แต่เหม่ นี๋. เป เก่ ซิปล่อปย๊าโต่ เฮ๊เรอ, ช๋า ม๊อเนอม๊อเซ โตเก๊ ปาเนอ, เป เก่ เก๊เบ่น๊อ คยาแซ๊ดื่อ เตเส่เตโพ ปา.

โคโลสี 1:11

แซ่ฮู๊ ซี เก่ ซิครือซิลอ ข่าจาข่าจือเบ๊ แด่ทูซิปล่อเบ๊ เตแป่เตเช เออเนอ เร๊อ, เป กุยจ๊อเบ เร๊อ ล๋อ จอแปแหร่ อา เตโพรเตเตอเรอ ฉว่าชอ เต๊เห่ เก่ เด๊อะอ๊าเด๊อะเหร่ ลอ ดื่อ ซี ซิปล่อ.

ꤛꤥ꤭ꤟꤢ꤬ 15:21

ซี ทวา แว โคเจ่ อาขว่าอาคยา แกแย เห่ขุพู๊ เต๊เห่ เก่ เมจาเมจือ ซี ปา, เมเตเฮ๊เรอ เหย่ซี ซิเง แลแค เพ เด๊อ อา นอแฮ แว เออเนอ เตเพร่ว โต่.

โครินธ์ อาเหร่อเล๊อ ต๊าบ่า 13:7

เป เก่ โมเร๊อ อู เฮ๊เนอ, เป ซิปล่อ ปย๊า เป่ โตโพ๋ โต่. เป หยื่อเอ่ แฮเง ตื๊อดื่อ เร๊อ อู เก่ แร๊ แฮ ปา, เป แม๊ชือ แฮเง ตื๊อดื่อ เร๊อ จอแปแหร่ เก่ เมแร๊ แฮ อู ปา, โท๊โต่ เป แด่ทูซิปล่อเบ๊ เตปว๊าเต๊อเจ่อ.

เตเด๊อะโลแถ่ 3:10

แว เฮ๊แก โหง่ เด๊อ เน เก่ แด่ทูซิปล่อ อาเง เออเนอ, เน โตเตเนหม่า พย๊าหม่า อาขว่าอาคยา, เตแป่เตเช เด๊อ อา เตเร แฮ เด๊อ เห่ขุเออ เร๊อ อา เก่ เมแม๊ ล๋อ แกแย โอ่เด๊อ เห่ขุ เออต๊าบ่า ลอปา เบ๊อะเนอ, แว เก่ ตอกอเตเก เกอเร๊อ เน ปา.

ꤟꤤꤙꤚꤢꤨ 6:15

เพอับราฮัม โอ่ป่อ ซิปล่อทูหนิ, เร๊อ เด๊อคยาเนอ อา พย๊าหนิ จอแปแหร่ อ๊อแล ลูโหง่ เนอตือมือ.

ꤟꤤꤙꤚꤢꤨ 6:12

เป ซิหยื่อ นอทวา ซี แกแย เตเกล โต่. โท๊โต่ เนอ เป ซิหยื่อ นอ แซ่เกอ ซี ฮู๊ แกแย เด๊อ อา หยื่อเอ่ เร๊อ อา แด่ทูซิปล่อ กู๊แหน่ เออเนอเต๊เห่ แพ๊. เร๊อ เด๊อ แกแย เออเต๊เห่ เมฮู๊เนอ อาขว่าอาคยา, เหย่ซี เก่ พย๊าหนิ แลแค จอแปแหร่ อา เตอ๊อแล เนอเต๊เห่ ปา.

ꤟꤤꤙꤚꤢꤨ 6:10

จอแปแหร่ หม่า อา เม เตจ๊อ แพ๊. เตเมแร๊ เด๊อ ซี เมโทเฮ๊อ เต๊เห่เนอ อา โชตาปา โต่. เตโม เด๊อ ซี เด๊อะโล โทเฮ๊อ เด๊อ ลูเง เร๊อ ซี เมจว่า อาแกแย เต๊เห่ เร๊อ ซี เมจว่า แฮเง ตื๊อดื่อปา เหย่ซี เออเนอ อา โชตาปา เป่โต่.

ทิโมธี อาเหร่อเล๊อ ต๊าบ่า 4:10

หม่าเด๊อ เออ อาขว่าอาคยา, เป จ่าเพรอ เมแหน่เจ๊อ เต, เมเตเฮ๊เรอ เป แด่ เป เตแม๊ชือ เด๊อ จอแปแหร่ เด๊อ อา เซอเพร เออเตเพร อาลู. อา หม่า เพรเมแลเปล๊กา แกแย ล๋อ ปลี, หม่าแน๊เรอ แกแย เด๊อ อา หยื่อเอ่ อา เต๊เห่ อาเงเนอ, อา หม่า เมแลเปล๊กา เด๊อ อา ตาเต เล๊ออูโค เตเพรเฮ๊อ.

เธสะโลนิกา เนอบ่า ต๊าบ่า 3:13

หม่าแน๊เรอ, โป่แหว่ ครี๊พู๊ ซี๋, เบ๊อะซี เม เตแร๊ เบ๊อะเนอ, ซิปล่อปย๊า แต่ แลแค แต่เหม่ นี๋. ตูรู๊ เม แฮเง ตื๊อดื่อลา แลแค ฮู๊เนอ นี๋.

โครินธ์ เนอบ่า ต๊าบ่า 4:16

เด๊อ เออเต๊เห่ อาขว่าอาคยาเร๊อ เป ซิปล่อปย๊า ตีกี๋ โต่. เปเหน่กล่อ อาอ๊าอาเหร่ โตโพ๊ตี๊กิ, โตโพ๊ตี๊กิ อา อ๊าเจ่เหร่เจ่ แฮ หม่าแน๊เรอ เป ซิปล่อ เออเนอ, เตอเนอ เร๊อ เตอเนอ อา อ๊าฉว่าอ๊าชอแถ่ แพ๊.

โครินธ์ เนอบ่า ต๊าบ่า 4:1

ฮู๊เนอเรอ เป ซิปล่อปย๊า โต่, เมเตเฮ๊เรอ เด๊อ จอแปแหร่ อาบุ๊ยอาเตอเรอ อาขว่าอาคยา, อา เด๊อะตา เป เตเม เด๊อ เป เก่ แด๊โฉ่โด่แน เป่ อู เร๊อ เตอ๊อแล อาเซ เออเนอ เฮ๊อ.

ꤚꤥꤗꤢꤩ꤬ 12:12

ซี เตแม๊ชือ เด๊อ จอแปแหร่ ตี๊หรี่แตแร เป่ ซีเง เออเต๊เห่เนอ, ซิครือซิลอ แลแค นี๋. เบ๊อะเตแป่เตเช แฮเบ่ ซี เบ๊อะเนอ, แด่ทูซิปล่อ แลแค, กุยจ๊อเบ แลแค ปว๋า โพ๊ นี๋.

ꤚꤥꤗꤢꤩ꤬ 8:25

หม่าแน๊เรอ เป เก่ แม๊ชือ เต เด๊อ เป พย๊าหนิแต่ล๋าย อา โต่ เต๊เห่เนอ, เป ซิปล่อทู โอ่ป่อแม๊ชือ แพ๊.

ꤜꤢꤨꤊꤢ꤬ 14:27

แกแย เตเพร เพร เด๊อ อา แย๊ เกอเร๊อดื่อ อาอี๊ถื่อดีเต่ โต่โต่, เร๊อ อา ครวา เกอ แวคยา โต่โต่ เตเพรเนอ, อา ทวาแถ่ แจ่ แว โคเจ่ โต่.

เตเด๊อะโลแถ่ 1:9

แว หม่า ซี โป่แหว่ คูยอห์น เด๊อ อา หยื่อเอ่ ครี๊ แซ่เกอ เร๊อ ซี เตเพร. แว หม่า ซี โคแบ๊ซว๊า เด๊อ อา ข่าจาข่าจือ โหร่เกอเต เน๊อ ซี เตเพร, แว หม่า จอแปแหร่ อา เทอพู๊เก่พู๊ แซ่เกอ เร๊อ ซีซี, เร๊อ แว แด่ทูซิปล่อ โหร่เกอเต เร๊อ ซี เตเพร แพ๊. เด๊อ แว แด๊โฉ่โด่แน เป่ อู เร๊อ แบ่เจ่ จอแปแหร่ อา เตหรี่เตแก เร๊อ เตเด๊อ เหย่ซู่ครี๊ เด๊อะโล เป่ แว เต๊เห่ อาขว่าอาคยา, อู จว๊า แด่โอ่แก แว เด๊อ ปัทมอส กลื๊อขุ เฮ๊อ.

เปโตร เนอบ่า ต๊าบ่า 1:6

เด๊อ เตซิคว๊าซิเง อาขุเนอ, แด่ปล๊อ เอ๊แถ่โป่ เตค๊อเป่ เกอเร๊อ เหน่, เด๊อ เตค๊อเป่ เกอเร๊อ เหน่ อาขุเนอ, แด่ปล๊อ เอ๊แถ่โป่ เตแด่ทูซิปล่อ, เด๊อ เตแด่ทูซิปล่อ อาขุเนอ, แด่ปล๊อ เอ๊แถ่โป่ เตโอ่เซอเพร โตเบ่ เร๊อ จอแปแหร่,

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:3

เด๊อ ซี เตหยื่อเตแหน่ อาขว่าอาคยา, ซี เมเต อาทวาอาเถ่, เด๊อ ซี เตโมเร๊อ อู อาขว่าอาคยา, ซี ครือเม เต. เร๊อ เด๊อ ซี โอ่ เร๊อ เตแม๊ชือ เด๊อ เป แบ่เจ่ เหย่ซู่ครี๊ อาโอ่ อาขว่าอาคยา, ซี แด่ทูซิปล่อเบ๊ เตเมจาเมจือ ซี เต๊เห่. เบ๊อะเป กุยจ๊อเบ เด๊อ เปเพ จอแปแหร่ โอ่ เบ๊อะเนอ, ล๋อ ซี เมเต เออเต๊เห่เนอ, เป โชตาปา เป่ปา เจ๊อ โต่ เจ๊อ.

โครินธ์ เนอบ่า ต๊าบ่า 11:23

เหย่ซี หม่า ครี๊ อาหลู่เล๊ เต๊เห่ แอ? แว เม เล๊อ เจ๊อ เร๊อ เหย่ซี เนอเต๊เห่ เจ๊อ กอกอ. แว เฮ๊ ฮู๊เออ เร๊อ อา แซ่ เร๊อ แว ตีมุย. แว แอ๊จื๊อ เม เล๊อ เจ๊อ เร๊อ เหย่ซี เมเนอ เจ๊อ กอกอ, อู ด๊อตา เอ๊เล๊อ แว เด๊อ ทอกู เร๊อ เหย่ซี เจ๊อ กอกอ. อู เมจา แว เร๊อ อิปลี๊หริ เนอ อา โอ่ เอ๊แหน่เจ๊อ, แว พื๋อ เตเร เซอเจ๊อเนอ แว แม๊เถอะ ป่อชิเต่อเบ่ โตโมโม เจ๊อ.

โครินธ์ เนอบ่า ต๊าบ่า 5:9

หม่าแน๊เรอ, เป โอ่ เบ๊อะเต๋ โต๊โผ่ เบ่เบ่, เป โอ่ ปาแพ๊ เบ๊อะเออ เบ่เบ่, เป จว๊า โอ่ เฮ๊อ เด๊อ หี่ม๊อขุ เฮ๊อ ปา เบ่เบ่, เป ซิหยื่อ เมโต แพ๊ จอแปแหร่ อาซิปล่อ แพ๊.

ꤚꤥꤗꤢꤩ꤬ 2:7

แกแย เต๊เห่เห่ เนอ, อา เด๊อะโล อา เตซิหยื่อ หม่าแหน่ เน๊อ จอแปแหร่ เก่ ถู่เซ๊แถ่ หนิ เหย่ซี ปา. เร๊อ อา เก่ เด๊อะ ลู เตอเรอดุเตอเรอทู ปา, โท๊โต่ อา เก่ เด๊อะ เหย่ซี เตเซอเพร เด๊อ อา เซอแจ่ปาโต่ เออเนอ ปา อา แม๊ชือ แลแค ฮู๊เนอเรอ เหย่ซี แอ๊จื๊อแอ๊เหร่ เม แฮเง ตื๊อดื่อ แลแค เตแร๊. ฮู๊เนอเรอ จอแปแหร่ เก่ เด๊อะ ซิปล่อเซอเพร ตูจูเพร เออเนอ เร๊อ แกแย ฮู๊เนอเต๊เห่ ปา.

ꤜꤢꤨꤊꤢ꤬ 18:1

โทเรอ เหย่ซู่ ซิหยื่อ เร๊อ อา โคเจ่ เต๊เห่ เก่ กุยจ๊อเบ แลแค ปว๋า โตโพ๊. เร๊อ เหย่ซี เก่ ซิปล่อปย๊า แต่ ตีกี๋ แต่เหม่ เนอเรอ, อา แด๊ค๊าโข่ เป่ อา โคเจ่ เต๊เห่ เน๊อ โหง่ ตือมือ.

ꤜꤢꤨꤊꤢ꤬ 8:15

เตกลุย ลูตาโต เด๊อ เห่หย่ารีหย่าแร๊ อาโหง่แลช๊า หม่า หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เร๊อ อา หยื่อเอ่ จ๊อจื้อ เร๊อ อา โตเร๊อ พย๊าหม่า เด๊อ อา ซิปล่อกู, โท๊โต่ อา หนิดา แร๊ จอแปแหร่ โหง่ เร๊อ อา ข่าแด่ทูซิปล่อ โต่ เจ๊อ เด๊อ อาเส่เถ่โพเถ่เจ๊อ.

ꤟꤤꤙꤚꤢꤨ 13:13

ฮู๊เนอเรอ เป เก่ จว๊า ข่าโหร่เกอ เตเป๊อเจ่ออิแช๊ เน๊อ อา เด๊อ วีกลอ เออเนอ โป๋.

ทิโมธี อาเหร่อเล๊อ ต๊าบ่า 5:17

โหมะพรูโหมะเผระ เด๊อ อา ทวา ทวาดุทวาเต เด๊อ อา เมแร๊เต เต๊เห่เนอ, ซี โตเบ่ แด่หยื่อแด่แหน่ เหย่ซี, โท๊โต่ เหย่ซี โตเบ่ พย๊าหนิ โป่เอ่โป่โอ เลคว๊าเลเก่. โหมะพรูโหมะเผระ เด๊อ อา ทวา ทวาดุทวาเต เด๊อ อา ครือเม จอแปแหร่ อาเตเม เต๊เห่, เร๊อ อา แด๊โฉ่โด่แน เป่ อู เน๊อ จอแปแหร่ อาลาอาโหง่ เร๊อ อา อิซว๊าอี๊แส่ เป่ อู เน๊อ จอแปแหร่ อาลาอาโหง่ เต๊เห่เนอ, ซี โตเบ่ แด่หยื่อแด่แหน่ เหย่ซี, เด๊อะโป่เอ่โป่โอ เป่ เหน่เจ๊อ เหย่ซี เลคว๊าเลเก่ เจ๊อ.

เธสะโลนิกา เนอบ่า ต๊าบ่า 3:8

อู ลอแก เป่น๊อ เร๊อ เป เหล่เอ่เหล่โอ อาเง โต่. หม่าแน๊เรอ, แซ่ฮู๊ อา เก่ ทวาแถ่ แต่ ดู๊ดี๊ดู๊แด เด๊อ ซีเง เตเพร่ว แต่เหม่ เนอ, เป แอ๊จื๊อเอ่ แอ๊จื๊อแร โกโน๋ โต่.

เธสะโลนิกา เนอบ่า ต๊าบ่า 3:5

แบ่เจ่ เก่ ซูจว๊า ดื่อ ซี เด๊อ จอแปแหร่ เตโม อากู เร๊อ ครี๊ อา เตแด่ทูซิปล่อ อากู เออเนอ ปา นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:9

โป่แหว่ ซี, เป เอ่ แรครือ แหน่เจ๊อ เต เนอหม่า ซี เกล๊ โตม๊าหนิปา แพ๊. เบ๊อะเป แด๊โฉ่โด่แน เป่ ซี เร๊อ จอแปแหร่ อา เตซิครือมีลา เบ๊อะเนอ, แซ่ฮู๊ เป เก่ โบ่เอ่ เกอเร๊อ เป ฮ๊อกูเฉ่, โท๊โต่ แซ่ฮู๊ เป เก่ เมโซพ๊าโซแร แต่ ซี แต่เหม่ เนอเร๊อ, เป แรเต เหมาะคี๊คี๊ เหมาะเชเกล เจ๊อ.

ฟีลิปปี 4:3

เน หม่า แกแย เด๊อ อา เมโหร่ เต เร๊อ แว เด๊อ อาจ๊อ เน๊อ อาโหง่ เตเพร เฮ๊อ. เร๊อ แว ซิหยื่อ กุยเกอ เน เตเมจว่า เต๊อเจ่อ, แซ่ฮู๊ เพรเหมาะเออ ซิเนอ เก่ โครเกล คยาลู อาเงเนอ, เมจว่า เหร่อเป่ เหย่ซี นี๋. เมเตเฮ๊เรอ เหย่ซี เออซิเนอ เนอหม่า อา แอ๊จื๊อ ท๊ออ๊าท๊อเหร่ เมโหร่เกอ เตเฮ๊ตา เตซิครือมีลา อาเตเม เนอ แว หนิ. เหย่ซี เมโหร่เกอ เร๊อ คูเคลเมนท์ เร๊อ แวโค เด๊อ เป เมโหร่ลู เต เด๊อ อาโร เนอเต๊เห่, เร๊อ ล๋อ เหย่ซี เนอเต๊เห่ อามุย หม่า อา โอ่ ลอเฮ๊อ เด๊อ แบ่เจ่ อา ลีเซอเพร อากู เนอเฮ๊อ.

ฟีลิปปี 2:16

แด๊โฉ่โด่แน เป่เกอ แลแค อู เตเซอเพร อาหรี่อาแก เออเนอ นี๋. ซี เก่ เมฮู๊เนอ เฮ๊เร๊อ เบ๊อะครี๊ แฮแล คยาแซ๊ อาม๊อเนอ ปา เตอเนอเนอ, ล๋อ แว เตแอ๊จื๊อ เต๊เห่ เนอ แว เตเอ่เตแร เออเต๊เห่เนอ อา ทวาแถ่ แกเด ปาโต่เฮ๊อ อาขว่าอาคยา, เด๊อ ซีขว่าซีคยา เร๊อ แว เก่ พย๊าแถ่โล เกอเร๊อ แวเหน่ ปา.

ꤊꤢ꤬ꤜꤢ꤬ꤒꤤ 6:2

วี๊แย๊ โหร่ลู เตเพร เร๊อ เตเพร อา เตวี๊เตแย๊ เต๊เห่ นี๋. ซี เก่ เมฮู๊เนอ เฮ๊เนอหม่า ซี เม เฮ๊อ ฮู๊ เหย่ซู่ครี๊ อิซว๊าอี๊แส่แก เนอเฮ๊อ.

โครินธ์ เนอบ่า ต๊าบ่า 10:15

ฮู๊เนอเรอ เป เฮ๊เบ่ถู่เซ๊ เกอเร๊อ เกอ เน๊อ เปเหน่ เร๊อ เตเม เด๊อ อูโร เมทวาแถ่ เหร่อโทเฮ๊อ เนอเต๊เห่ อาหรี่อาแก โต่. หม่าแน๊เรอ เป แม๊ชือ โค๊ดื่อ เร๊อ ซี เตหยื่อ เก่ ชอแถ่, โท๊โต่ เป แฮเม เตเม เด๊อ ซีเกล เออ เก่ ดุแถ่ทูแถ่ เร๊อ ทูแถ่ โป่ เด๊อ เง ตากยา อาเง เนอแพ๊.

โครินธ์ เนอบ่า ต๊าบ่า 6:5

อูมืออูปอ เจ๊อ เป. อู ด๊อตา เป เด๊อ ทอกู. อู เม ตอปลอตือซือ เป เร๊อ อู เหว่เถ่จว๊าแก เป, เป เอ่แร ซิพร๊าแลแด๊ ปวาเนอปวาเซ เจ๊อ, เตเซ๋ เตเซ โอ่เมอน๊อ โต่ เนอ อาโอ่ อาเซ เอ๊ ลา, โทเรอ เอ่น๊อโอน๊อ โต่ เนอหม่า อา โอ่โอ่.

ꤚꤥꤗꤢꤩ꤬ 16:12

เฮ๊โมเฮ๊แร๊ หนิเป่ แว เหมาะตรีเฟนา เร๊อ เหมาะตรีโพสา เนอซิเนอ นี๋. เหย่ซี หม่า เพรเหมาะ เต๊เห่ เด๊อ อา เม แหน่เจ๊อ เต เด๊อ แบ่เจ่ อาเง. เฮ๊โมเฮ๊แร๊ หนิเป่ เกอ แวโคโม เหมาะเปอร์ซีสสัส เนอ นี๋. อา หม่า เพรเหมาะ เด๊อ อา แอ๊จื๊อ เมแหน่เจ๊อเต เด๊อ แบ่เจ่ อาเง เตเพร เฮ๊อเฮ๊อ.

ꤜꤢꤨꤊꤢ꤬ 21:19

โอ่หม่าแตแน แลแค เร๊อ ซี เก่ เตเมแลเปล๊แก เกอเร๊อดื่อ ซีเหน่ ปา.

ꤗꤢ꤬ꤊꤢꤨ 15:21

แกแยเมอไซรีน เด๊อ อามุย เร๊อ คูซีโมน เนอ อา โอ่ เตเพร, เร๊อ คูซีโมน เออเนอ, อา พู๊โอ่ ซิเนอ, เตเพร เร๊อ อามุย เร๊อ คูอเล็กซานเดอร์, เตเพรปา เร๊อ อามุย เร๊อ คูรูฟัส. เบ๊อะเนออาเค อา โอ่ เด๊อ อาดอ อาโฉ่ เร๊อ อา เตเร แฮโน เด๊อ วีกู เค, อา แฮ ตาฉื่อ เร๊อ เกลอฮู๊ เต๊เห่ เร๊อ เหย่ซี นอแย๊ตื๊อดื่อ ลู เร๊อ เหย่ซู่ อี๊ถื่อดีเต่ลู.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:12

โป่แหว่ ซี, แกแย เด๊อ อา ทวา ซี ทวาดุทวาเต เด๊อ แบ่เจ่ อากู เร๊อ อา ครือเม เต, อาเด๊อะรอเด๊อะเร หนื่ออื่อ เป่ ซีแกล๊ เต๊เห่เนอ, เป กุยซิยอ ซี เร๊อ แด่ดุหยื่อแหน่ แลแค แกแย ฮู๊เนอ เต๊เห่ นี๋.

โครินธ์ อาเหร่อเล๊อ ต๊าบ่า 16:16

แว โป่แหว่ ซี๋, แว กุยซิยอ ซี๋, แกแย เด๊อ อา ทวา ทวาดุทวาเต แซ่เร๊อ คูสเทฟานัส เร๊อ อาโค เพรเมเต่อ ลู เต เต๊เห่ เฮ๊ ซี เร๊อ หนิดา แลแค เหย่ซี เนอเต๊เห่ อาโหง่ นี๋.

ꤜꤢꤨꤊꤢ꤬ 5:5

คูซีโมน เฮ๊ฉื่อ ลู เน๊อ, “ซ๊าร๊า, เป วีตาโทเฮ๊อตีวี เตเซ๋ เตเซ เจ๊อเฮ๊อ เร๊อ เต๊วหนิ เตเบ๋ โต่, ตื๊อดื่อเรอ ฮู๊ เน เฮ๊เนอ แว เก่วีตา โป่คยา อ๋า.”