เตเด๊อะโลแถ่ 2:25 - ลีเทส่อพ๊าอาเซ เร๊อ เห่ขุทวาลู๊

²⁵ หม่าแน๊เรอ ปื่อหม่าปื่อกลอ หนิ แร๊ แลแค เต เด๊อ อาโอ่ เร๊อ ซี เนอเต๊เห่ โต่เด๊อ แว แฮแล ปา โตโพ๊ เนอ นี๋.

Eastern Kayah Shadaw Dialect

²⁵ ꤗꤢ꤬ꤔꤢꤧꤚꤣꤧ꤬ ꤕ꤫ꤢꤦ꤬ꤊꤜꤢꤪ꤬ꤗꤢ꤬ ꤚꤢꤧ ꤚꤣꤧ ꤜꤢ꤭ꤋꤢꤧ꤭ ꤒꤢꤩ꤬ ꤘꤣ ꤢ꤬ꤥ꤬ ꤔꤢꤧ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤥ꤬ꤘꤣ ꤠꤢꤧ꤭ ꤟꤢꤧ꤭ꤜꤢꤧ꤬ ꤕꤢ꤭ ꤒꤣ꤬ꤖꤥ ꤔꤣꤧ꤬ ꤔꤤ꤮꤯

เตเด๊อะโลแถ่ 2:25 ပူးပေါင်းရင်းမြစ်များ

เตเด๊อะโลแถ่ 3:11

“งยาแต่โต่เนอ แว เก่ แฮ ปา. แซ่ฮู๊ อู เก่ พย๊าเผ่แก แต่ เน กู๊โก่เท แต่เหม่เนอ, ปื่อหม่า หนิ แร๊ เต เด๊อ ซี พย๊าหนิ โทเฮ๊อ, เตอิซว๊าอี๊แส่ เด๊อ อาโตอาเบ่ เนอ เต๊เห่ นี๋.

เตเด๊อะโลแถ่ 22:7

เหย่ซู่ เฮ๊ เน๊อ, “หนิดา แลแค๋, แว แฮเล๊ ปา, แกแย เด๊อ อา หนิดา เพรโพรโหง่ เด๊อ อา เฮ๊เบ่แก เด๊อ ลีกู เออเต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ.”

เตเด๊อะโลแถ่ 3:3

เมฮู๊เนอเรอ เตเนแถ่เบ่ หนิคยา เตเด๊อ อู อิซว๊า โทเฮ๊อ เนเนอ เต๊เห่ เร๊อ เตเด๊อ เน หนิโฮ โทเฮ๊อ เนอเต๊เห่. จูเอ่ เตเออเต๊เห่ เร๊อ ถู่แหล่แต๊แกละ เนซิปล่อ เนอ. เก่ เน โอ่เมอ ตื๊อดื่อปา เฮ๊เนอหม่า แว เก่ แฮ เด๊อ เนโอ่ ฮู๊ เพรเอ่โห่ เตเพร เนอ ปา. แว แฮ เบ๊อะเกเต ปาเนอ เน ซิเงโต่.

ꤟꤤꤙꤚꤢꤨ 10:23

เป เก่ ปื่อหม่า เกอเร๊อดื่อ เป เตแม๊ชือ เด๊อ เป เฮ๊ เป่ โทเฮ๊อ อู เออเนอเต๊เห่ โป๋, เมเตเฮ๊เรอ เป ซิเง เร๊อ จอแปแหร่ เนอ อาจ๊อ เน๊อ อา เตอ๊อแล เร๊อ อา เมฮู๊ อา เฮ๊เนอ ปว๋า โตโพ๊ เจ๊อ.

เตเด๊อะโลแถ่ 22:20

แกแย เด๊อ อา เด๊อะโล เร๊อ ล๋อ เตหรี่เตแก เออเต๊เห่ เตเพรเนอ, อา เฮ๊ เน๊อ, “อ่อ, แว เก่ แฮแล ปา,” อาเมน, เก๋อ แบ่เจ่ เหย่ซู่ครี๊, แฮมอ แต๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:21

เจแม๊ โทลอ เตปว๋า เต๊อเจ่อ เร๊อ พย๊าฉื่อเกอ เต เด๊อ อาแร๊ เนอเต๊เห่ นี๋.

ꤚꤥꤗꤢꤩ꤬ 12:9

โมค๊าโมโข่ แต่ อู แต่เหม่ นี๋. ซิหย่อแก เตมู๊แหม่รีแจ่ นี๋. ดี๊กลา หม่าหนิแร๊ แลแค เตแร๊ นี๋.

เตเด๊อะโลแถ่ 1:7

แม๊มอ แลแค, อา เตเร แฮเต่อเฮ๊อ เร๊อ อ๊อโหล่ เฮ๋อ. แกแย ปว๋า เตเพร เก่ แม๊เถอะ ลอ อา ปา. แกแย เด๊อ อา ชือเซอ ลู เนอเต๊เห่ เบ่เบ่, อา เก่ แม๊เถอะ ลู ปาปา. เมวเจอะ ปว๊า เตอเจ๊อ เด๊อ เห่ขุเออ เก่โหง่เก่เห่ ลอ เร๊อ อา อาขว่าอาคยา ปา. เต เก่ ทวาแถ่ หม่าแหน่ ฮู๊เออเนอ ป๋า อาเมน.

ꤟꤤꤙꤚꤢꤨ 4:14

ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.

ꤟꤤꤙꤚꤢꤨ 3:6

หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.

ꤛꤥ꤭ꤟꤢ꤬ 14:3

แว จว๊า ตี๊หรี่แตแร เป่ โท ซี เหล่โอ่ โต๊โผ่ ปา เร๊อ แว กา คยาแซ๊ เด๊อ ซีโอ่ ปา. แซ่ฮู๊ ซี เก่ กา โอ่เต่อเกอ เร๊อ แว เบ๊อะแว เหล่กาโอ่ อาเหล่โอ่ เออปาเนอ, แว แฮ เอ๊กา คยาแซ๊ ดื่อ ซี ปา นี๋.

เปโตร เนอบ่า ต๊าบ่า 3:10

หม่าแน๊เรอ แบ่เจ่ อาม๊อเนอ เออเนอ, อา เก่ แฮโต่คย๊า แซ่เน๊อ เพรเอ่โห่ เตเพร แฮเนอ ปา. เบ๊อะเนอ เตอเนอ ปาเนอ, ม๊อ เก่ ครอ ตอปลอแลยอแถ่ ปา เร๊อ อา เก่ โอ่เหม่แก ปา. หมิ เก่ อือปย๊า หล่าตี๊กลิแก ลอ ต๊อเหมาะ, เล, เฉ่ เด๊อ อา โอ่ เด๊อ ม๊อเล ซีเต๊เห่ ปา. เร๊อ อา เก่ อือปย๊า หล่าตี๊กลิแก ลอ เห่ขุ เร๊อ เต เด๊อ อา โอ่ เด๊อ ลูเหน่ลู เนอเต๊เห่ ล๋อ ปลี ปา.

โครินธ์ อาเหร่อเล๊อ ต๊าบ่า 11:26

ซี เอ่ ค๊อมู เร๊อ ซี โอ แท๊ทือเส่เทอ เด๊อ เบกูเออ เบ๊อะเกเต๋ เบ่เบ่ เนอ, ซี แด๊โฉ่โลแถ่ เฮ๊อ แบ่เจ่ อาเตเซอ อาหรี่อาแก โต่ เฮ๊อ เด๊อ อา แฮ คยาแซ๊ ปา โตโพ๊ เนอ เฮ๊อ.

โครินธ์ อาเหร่อเล๊อ ต๊าบ่า 4:5

ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา.

เพรโด่แนพู๊ เต๊เห่ 11:28

เด๊อ เหย่ซี อาเกลเนอ อามุย เร๊อ คูอากาบัส โอ่เตเพร. เด๊อ แหย่โยบูโพ๊แบ่เจ่ อา เตโพรเตเตอเรออาฉว่าชอ อาขว่าอาคยา, อา ก๊อถ่อ เร๊อ อา เฮ๊โพร หนื่ออื่อ โหง่ เร๊อ เตโอ่วีโอ่กอ จาจือ เก่ โอ่แถ่ เด๊อ เห่ขุต๊าบ่า ลอ ปา. (เออเนอหมา อา ทวาแถ่ เบ๊อะคูครวาดิอัส ทวา จ๊อแผ่ เบ๊อะเนอ.)