เตเด๊อะโลแถ่ 2:23 - ลีเทส่อพ๊าอาเซ เร๊อ เห่ขุทวาลู๊

²³ แว เก่ เมเซอแก เต่อเกอ อา โคเจ่ เต๊เห่ ปาปา. ฮู๊เนอเรอ เพรหยื่อเอ่ตู๊หมู่ตอกล๊อ ปวาตู๊หมู่ เก่ ซิเง เร๊อ แว หม่า เพร เด๊อ อา ซิเง อู ปว๋า เตเพร อา เหล่เตเน เร๊อ อา เตซิหยื่อซิลอ เต๊เห่ เนอ ปา. ซี เตเพร เน๊อ เตเพร เมโท ลอแคร๊เฮ๊อ ฮู๊เต เนอ, แว เก่ เด๊อะเลอ กาคยาฉื่อ ซี ฮู๊ ซี เมโท เนอเต๊เห่ ปา.

Eastern Kayah Shadaw Dialect

²³ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤒ꤫ꤥ꤬ꤊꤣꤧ꤭ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤕꤢ꤭ꤕꤢ꤭꤯ ꤟꤢꤨꤔꤣꤧ꤬ꤚꤣꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤕꤝꤢ꤭꤮ ꤒꤣ꤬ꤗꤢꤨ꤬ ꤊ꤫ꤢꤦ꤬ ꤞꤤꤑꤢꤩ꤭ ꤔꤢꤧ ꤠꤢꤧ꤭ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤞꤤꤑꤢꤩ꤭ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤔꤢꤧ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒꤣꤧ꤬ꤟꤢꤩ꤬ ꤔꤣꤧ꤬ ꤕꤢ꤭꤯ ꤞꤤ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤗꤢꤩ꤬ꤓꤥ꤭ ꤜꤢꤪ꤭ꤋꤚꤢꤧꤟꤣꤧ ꤟꤢꤨꤒꤢꤩ꤭ ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤘꤣꤧꤜꤣꤧ꤭ ꤊꤢ꤬ꤋꤛꤢ꤭ꤏꤢꤦ꤬ ꤞꤤ꤭ ꤟꤢꤨ ꤞꤤ꤭ ꤗꤢꤩ꤬ꤓꤥ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

เตเด๊อะโลแถ่ 2:23 ပူးပေါင်းရင်းမြစ်များ

มัทธิว 16:27

เมเตเฮ๊เร๊อ แกแยเห่ขุ อาพู๊คู หม่าเฮ๊อ แว เออ เก่ แฮคยาแซ๊ เกอเร๊อ อาเพ อาเตอเรอดุเตอเรอทู ปา, เร๊อ อาม๊อขุ เตเน่ว เต๊เห่ ปา เร๊อ อา เก่ เด๊อะเลอ กาคยาฉื่อคยา อู ปว๋า เตเพร ฮู๊ เหย่ซี เมโทเฮ๊อ เนอเต๊เห่ ปา.

ꤚꤥꤗꤢꤩ꤬ 8:27

โทเรอ จอแปแหร่ เด๊อ อา แม๊ปู ทื๊อเจแม๊ เป ซิปล่อ อา เหล่เตเน เออเตเพรเนอ, อา ซิเง ตาเต เต เด๊อ แหย่โยบูโพ๊ แบ่เจ่ ซิหยื่อ กุยเป่ เปเง เออเนอเต๊เห่, เมเตเฮ๊เรอ แหย่โยบูโพ๊ แบ่เจ่ กุยเป่ จอแปแหร่ อาแกแย บูโพ๊ เต๊เห่ อาเง ฮู๊ จอแปแหร่ อา เตซิหยื่อโอ่ เนอแพ๊.

เพรโด่แนพู๊ เต๊เห่ 1:24

โทเร๊อ เหย่ซี กุยจ๊อเบ แลแค เน๊อ, “เก๋อ แบ่เจ๋, เน ซิเง ดื่อเฮ๊อ แกแย ซิปล่อ อา เตเตเน เต๊เห่ อาขว่าอาคยา, เด๊อ แกแย เออซิเนอ อาเกลเนอ เน นว๊าแถ่ โทเฮ๊อ อา เบ๊อะเตเพร,

เปโตร อาเหร่อเล๊อ ต๊าบ่า 1:17

เบ๊อะซี กุยจ๊อเบแถ่ จอแปแหร่ เบ๊อะเนอ, “เพ” ซี เอ๊ แลแค ลู ฮู๊เนอ. แกแย ปว๋า เตเพร เมโทเฮ๊อ เตอิเตเต๋ เบ่เบ่ เนอ, จอแปแหร่ เมจากาคยา จ๊อจ๊อเตเต แพ๊, อา แม๊ดุแม๊ปีตี๊ โต่. ฮู๊เนอเรอ เบ๊อะซี โอ่เซอเพร ปา ฮู๊ ซิเผระ เด๊อ เห่ขุเออ เบ๊อะเนอ, โอ่เซอเพร แลแค เด๊อ เตซิอิเซ แด่หยื่อแด่แหน่ จอแปแหร่ อากู นี๋.

เตเด๊อะโลแถ่ 20:12

เร๊อ แว แม๊เถอะ แกแย เด๊อ อามุย โลเทอโลเก่ เร๊อ แกแย เด๊อ อู เตเน ปีตี๊ ลู เร๊อ อา เซอโทเฮ๊อ เต๊เห่ ก๊อถ่อโอ่ เด๊อ จ๊อแผ่ กุแกล๊บูดุ แถ่โล เออ อาเป๊เส่เง เนอ. อู โบ๊โมแถ่ ลีเต๊เห่ โทเรอ อู โบ๊โมแถ่ ลี เด๊อ อาโร ต๊าบ่า เด๊อ อู เอ๊ เร๊อ ลีเซอเพร เออ. แกแยเซอ เออเต๊เห่เนอ, อู เมจากาคยา เหย่ซี ฮู๊ อา เมน๊อ โทเฮ๊อ เนอ เร๊อ ฮู๊ อู ราม๊าโอ่ เด๊อ ลีเออ อากูเนอ เต๊เห่.

ꤟꤤꤙꤚꤢꤨ 4:13

ล๋อ เตทวาแถ่ เต๊เห่เนอ, อา โอ่ว๊าโอ๊บี๊ แจ่ แน๊ จอแปแหร่ โต่. เด๊อ อาเบ๊เงเนอ, อาแซ่เน๊อ เป โอ่กาโกล ลอปลี ปว๋า เตเพร แพ๊. เป เมโทเฮ๊อ เตเต๊เห่เน๊อ, เร๊อ เป เตเน โทเฮ๊อ เตเต๊เห่เนอ, อา แม๊เถอะ ซิเง ล๋อ ปลี เจ๊อ. เป เบ่ แฮ แด๊โฉ่ แถ่โล ลอ อา ปว๊า เต๊อเจ่อ ปา.

โครินธ์ เนอบ่า ต๊าบ่า 5:10

เมเตเฮ๊เรอ, ช๋า โหน่ปาหม่า เป ปว๋า เตเพร เบ่แฮ โอ่ ลอ เด๊อ ครี๊ เหล่เมจากาคยา กู่แกล๊เท แถ่โล อาเป๊เส่เง ปา. เบ๊อะเป โอ่ เด๊อ เห่ขุเออ อาเค, ล๋อ เป เมโทเฮ๊อ เต เด๊อ อาแร๊ เต๊เห่เนอ เบ่เบ่, เต เด๊อ อาซื๊อ เต๊เห่เนอ เบ่เบ่, เป เก่ พย๊าหนิ เด๊อคยา เตเมหนิคว๊าเก่ ปา แอ, หม่า เป พย๊าหนิ โต่ แอ? เนอ, อา เก่ เจแม๊ ลอ เป ปว๋า เตเพร ปา.

เตเด๊อะโลแถ่ 2:11

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. แกแย เด๊อ อา เมเป่เต เต๊เห่เนอ อา ข่าเบ่ ปา เด๊อ แหย่โย ตากยา อาเตเซอ ตูจูเพร เออเนอ โต่ เฮ๊อ.”

เตเด๊อะโลแถ่ 2:7

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. แกแย เด๊อ อา เมเป่เต เตเพรเนอ, แว เก่ เด๊อะ อา เตอเรอฉว่าชอ เด๊อ อา เก่ โนเอ่หนิ ส่อเซอเพร อาเส่ เด๊อ อา เด๊ออู ซิปล่อเซอเพร เออเนอ ต๊อเสาะ ปา. ส่อเออ ต๊อเสาะเนอ อา แด๊ เด๊อ จอแปแหร่ อา เตเร๊กู เด๊อ อู เอ๊ เร๊อ บรมสุขเกษม อากูเนอ ปา.”

ꤚꤥꤗꤢꤩ꤬ 14:12

ฮู๊เนอเรอ, เป เมโท แคร๋ เฮ๊อ อิเตเนอ เป เบ่ เฮ๊โฉ่แถ่โล ลอ จอแปแหร่ ปว๋า เพร ปา.

ꤛꤥ꤭ꤟꤢ꤬ 21:17

โทเรอ อา แด๊เฮอ โป่ ลู โซโพ๊โตโพ๊ เน๊อ, “เพยอห์น อาพู๊คู คูซีโมน, เน โม แว แอ?” แบ่เจ่ เหย่ซู่ ย๋อ แด๊เฮอ ลู เน๊อ, “เน โม แว แอ?” เนอ โซโพ๊เฮ๊อ อาขว่าอาคยา, อา โม ลูซิปล่อ โต่. เร๊อ อา เฮ๊ฉื่อ ลู เน๊อ, “แบ่เจ่, เน ซิเง ลอ เตปว๊าเต๊อเจ่อ, แว โม เน เนอหม่า เน ซิเง เฮ๊อ,” อา เฮ๊ ลู ฮู๊เนอ, เร๊อ แบ่เจ่ เหย่ซู่ เฮ๊ ลู เน๊อ, “แม๊ โบ่เอ่โบ่โอหนิ แว ซิหมิ เนอเต๊เห่ นี๋.

เตเด๊อะโลแถ่ 6:8

แว แม๊ เร๊อ แว แม๊เถอะ ตีซิ แบบูเล โตโด. เร๊อ แกแย เด๊อ อา แถ่แด๊ อา เตเพรเนอ อู เอ๊ ลูมูย เร๊อ เตเซอ. เร๊อ โลเก่เน๊ดอ ครวาต๊อต่อ เกอ ลูคยา. อู เด๊อะ เหย่ซี อาเตอเรอฉว่าชอ เด๊อ อา เก่ เมปย๊าแก เห่ขุ ลุยปุ๊ยตูปุ๊ย ปา. ฮู๊เนอเรอ อา เก่ เมเซอ อู เร๊อ เตช๊าเตปา, เตโอ่วีโอ่กอ, เตชุ๊ยเตเช เร๊อ เตมีเตแหม่ เต๊เห่ ปา.

ꤊꤢ꤬ꤜꤢ꤬ꤒꤤ 6:5

เมเตเฮ๊เรอ แกแย ปว๋า เตเพร เบ่วี๊เบ่แย๊ เกอเร๊อดื่อ อา เตเอ่เตแร เต๊เห่.

ꤜꤢꤨꤊꤢ꤬ 16:15

เหย่ซู่เฮ๊ เหย่ซี เน๊อ, “ซี หม่า แกแย เด๊อ อา จ่าจ๊อจ่าเต แพ๊ อาเหน่ เด๊อ แกแย อา เป๊เส่เง เนอเต๊เห่ แพ๊, หม่าแน๊เรอ จอแปแหร่ ซิเง ลอปลี เฮ๊อ ซี ซิปล่อกู. เมเตเฮ๊เรอ, เต เด๊อ แกแย เตเน เร๊อ อางูดุงูชอเล๊อ อู เต๊เห่เนอ, เด๊อ จอแปแหร่ เป๊เส่เง เนอหม่า หม่า แพ๊ เตมู๊แหม่รีแจ่ เด๊อ อู เหล่ซิรอซิเร อา เนอเต๊เห่ แพ๊.

เตเด๊อะโลแถ่ 20:13

โทเรอ เทอดุซาวา เออเนอ อา เด๊อะแถ่เกอ อาแกแย เซอ เด๊อ อา โอ่ เด๊อ อากู เนอ เต๊เห่. เตเซอ อาโหมะเพ เร๊อ โลเน๊มู๊แหม่รีแจ่ดอ เต๊เห่เนอ, อา เด๊อะแถ่เกอ แลแค แกแยเซอ โอ่ เด๊อ เหย่ซีกู เนอเต๊เห่เห่. เร๊อ อู เมจากาคยา ลอ แกแย ปว๋า เตเพร ฮู๊ เหย่ซี เมโทเฮ๊อ เตเนอ.

เตเด๊อะโลแถ่ 22:12

เหย่ซู่ เฮ๊ เน๊อ, “หนิดา แลแค๋, แว แฮเล๊ ปา, แว เก่ พย๊าแฮหนิ เตเมจากาคยา อู เต๊เห่ เร๊อ เตเมหนิคว๊าเก่ เต๊เห่ ปา. เร๊อ เหย่ซี เมโทเฮ๊อ แคร๋ อิเตเนอ, แว เก่ เด๊อะลอ เหย่ซี ฮู๊ อา เมโท เนอปา.

ꤛꤥ꤭ꤟꤢ꤬ 4:16

เหย่ซู่ เฮ๊ฉื่อ ลู เน๊อ, “กา เอ๊แฮ เนเว เบ๊อะเออ.”