เตเด๊อะโลแถ่ 2:20 - ลีเทส่อพ๊าอาเซ เร๊อ เห่ขุทวาลู๊

²⁰ “หม่าแน๊เรอ แว เหล่แด่เตซื๊อ เด๊อ เนลู เนอหม่า อาโอ่ เต๊อเจ่อ. หม่าอิเต เฮ๊เรอ, เน ปลวา อิซว๊าอี๊แส่ เพรเหมาะ เยเซเบล เด๊อ อา เฮ๊แล เกอเร๊อ อาเหน่ เน๊อ แว หม่า จอแปแหร่ อาเพรโพร เตเพร, เนอเตเพร. อา อิซว๊าอี๊แส่ อู อาขว่าอาคยา, อา ซูจว๊าซื๊อ ลอ แว หลู่เล๊ เต๊เห่ เด๊อ อา เก่ จว๊าซื๊อ เพรเหมาะเพรคู, โทเรอ อา เก่ เอ่ เหล่เอ่เหล่โอ เด๊อ อู หลู่แถ่ โทเฮ๊อ เร๊อ เตแหย่โย เนอเต๊เห่.

Eastern Kayah Shadaw Dialect

²⁰ “ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤜ꤫ꤢꤩ꤬ꤘꤢꤧ꤬ꤒꤢꤩ꤬ꤞꤢꤦ ꤘꤣ ꤔꤢꤧ꤬ꤜꤥ꤬ ꤔꤣꤧ꤬ꤗꤢ꤬ ꤢ꤬ꤥ꤬ ꤒꤣ꤬ꤡꤣ꤬꤯ ꤗꤢ꤬ꤤ꤭ꤒꤢꤩ꤭ ꤟꤢꤩꤚꤣꤧ꤬, ꤔꤢꤧ꤬ ꤕꤜꤝꤢ꤭ ꤤ꤬ꤞꤝꤢꤤ꤬ꤞꤢꤧ꤬ ꤖꤚꤢꤩ꤬ꤗꤢꤪ꤬ ꤡꤢꤩ꤬ꤎꤢ꤬ꤙꤢꤩꤜꤢ꤬ ꤘꤣ ꤢ꤬ ꤟꤢꤩꤜꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ ꤠꤢꤧ꤭ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤚꤢꤩ꤬ꤖꤚꤥ꤬ ꤒꤣ꤬ꤖꤚꤢꤩ꤬, ꤔꤣꤧ꤬ꤒꤣ꤬ꤖꤚꤢꤩ꤬꤯ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤞꤢꤨ꤭ꤡꤝꤢꤞꤢꤦ ꤜꤢꤪ꤭ ꤠꤢꤧ꤭ꤊꤣꤧ꤬ꤛꤢꤧ꤭ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤡꤝꤢꤞꤢꤦ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭, ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤢꤩ꤬ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤘꤣ ꤢꤨ꤭ ꤜꤢꤨ꤭ꤓꤢꤧ꤬ ꤓꤥ꤭ꤟꤣꤧ ꤔꤢꤧ ꤖꤚꤢꤩ꤬ꤛꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

เตเด๊อะโลแถ่ 2:20 ပူးပေါင်းရင်းမြစ်များ

เตเด๊อะโลแถ่ 2:14

“หม่าแน๊เรอ เตหรี่เตแก เด๊อ แว เหล่แด่เตซื๊อ เด๊อ เนลู เนอหม่า อาโอ่ ตี๊กิ, หม่าอิเต เต๊เห่เต เฮ๊เนอหม่า, แกแย โอ่ เด๊อ ซีเกล เต๊เห่เห่ เนอ, อา ครวาเมเกอ คูบาลาอัม อา เตอิซว๊าอี๊แส่. คูบาลาอัม อิซว๊าอี๊แส่ คุ๊ยบาลาค เร๊อ อา เก่ อิลออี๊โหล่ อิสราเอลพู๊ ซีเต๊เห่ เน๊อ เหย่ซี เก่ เอ่ เหล่เอ่เหล่โอ เด๊อ อู หลู่แถ่ เร๊อ เตแหย่โย เออเนอเต๊เห่, โทเรอ อา เก่ จว๊าซื๊อ แลแค เพรเหมาะเพรคู ฮู๊เนอ.

เพรโด่แนพู๊ เต๊เห่ 15:29

เตเด๊ออาโหล่ ครวาเม เต๊เห่ หม่า แคร๋ อิเตเฮ๊เร๊อ เหล่เอ่ เด๊อ อู หลู่แถ่ เร๊อ แหย่โย เต๊เห่เนอ, เอ่ แลแค แต่เหม่, เตสุ่ย เนอหม่า เอ่ หนิ โต่โต่, เตมีเตดอ เด๊อ อู จิเซอ อา เนอหม่า เอ่ หนิ โต่โต่. โทเร๊อ จว๊าซื๊อจว๊าปล๊า แลแค แต่ เพรเหมาะเพรคู แต่เหม่. ซี เก่ รอเบ๊ แลแค เตเออเต๊เห่ เฮ๊เนอหม่า, อา เก่ แร๊ เด๊อ ซีเงปา. โอ่โมโอ่ แร๊ โอ่ฉว่าโอ่แพร แลแค ดื่อ นี๋ เหย่ซี ราจว๊า แลแค ฮู๊เนอ.

เพรโด่แนพู๊ เต๊เห่ 15:20

เป โต รา เป่ เหย่ซี ลี, เร๊อ เป โต เฮ๊เต๊เปล๋ เหย่ซี เน๊อ เหล่เอ่ เด๊อ อู หลู่แตแถ่ อา เร๊อ แหย่โย เต๊เห่เนอ, อาโพ๊อาแปละโต่ อาขว่าอาคยา, เป โตเบ่ นอเอ่ เหย่ซี โต่. เป โตเบ่ นอจว๊าซื๊อหนิ เหย่ซี เร๊อ เพรเหมาะเพรคู โต่, โทเร๊อ เป โตเบ่ นอเอ่หนิ เหย่ซี เร๊อ เตมีเตดอ เด๊อ อู จี่เซอ อา เนอเต๊เห่ โต่. โทเร๊อ สุ่ย อิเตเต๋ เบ่เบ่เนอ, เป โตเบ่ นอเอ่หนิ เหย่ซี โต่.

เตเด๊อะโลแถ่ 2:4

“หม่าแน๊เรอ แว เหล่แด่เตซื๊อ เด๊อ เนโอ่ เนอ อาโอ่ เต๊อเจ่อ, อาโอ่ ฮู๊เตเฮ๊เร๊อ เน โม แว กู๊แหน่เออเนอ อา แซ่ ปา เร๊อ เน โม แว เด๊อ อาเหร่อเค เนอโต่.

โครินธ์ อาเหร่อเล๊อ ต๊าบ่า 10:28

หม่าแน๊เรอ แกแย เตเพรเพร เก่ เฮ๊ ซี เน๊อ, “เตหย่า เออเนอ อู โบ่แถ่ โทเฮ๊อ เร๊อ เตแหย่โย เฮ๊อ เม,” อา เก่ เฮ๊ ซี เร๊อ, แซ่ฮู๊ ซี เก่ เมจาเมจือ แต่ แกแย เด๊อ อา เฮ๊ ซี เออเตเพร อาซิปล่อ แต่เหม่ เนอ, เตเน เป่ เกอ อาเง เร๊อ เอ่ แต่เหม่.