เตเด๊อะโลแถ่ 19:11 - ลีเทส่อพ๊าอาเซ เร๊อ เห่ขุทวาลู๊

¹¹ เบ๊อะเนออาเค แว แม๊เถอะ ม๊อขุ ลูโมโอ่ โทเฮ๊อ เร๊อ ตีซิเพบู ก๊อถ่อโอ่ เบ๊อะเนอ โตโด. แกแย แถ่แด๊ ตีซิ เออเตเพรเนอ อู เอ๊ ลูมูย เน๊อ, “จ๊อ เร๊อ โหง่” เร๊อ “เมเต โต.” แกแย เออเตเพรเนอ, เบ๊อะอา เมจากาคยา อู เบ๊อะเนอ, อา เมจากาคยา โต แพ๊ เร๊อ อา ช๊าฉื่อ เร๊อ เพร เด๊อ อา ซิเถ่ ลู เต๊เห่.

Eastern Kayah Shadaw Dialect

¹¹ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤠꤢꤧ꤭ ꤗꤢꤧꤓ꤫ꤣꤧ꤬ ꤗꤢꤪꤋꤢꤨ꤬ ꤜꤢꤨ꤬ꤗꤥ꤭ꤥ꤬ ꤓꤥ꤭ꤟꤣꤧ ꤚꤣꤧ꤬ ꤒꤣꤧ꤬ꤞꤤꤖꤢꤩ꤭ꤙꤢꤨ꤭ ꤊꤣꤧ꤬ꤓꤢꤪ꤬ꤥ꤬ ꤙꤣꤧꤔꤣꤧ꤬ ꤒꤣ꤬ꤘꤥ꤭꤯ ꤊꤣꤧ꤬ꤛꤢꤧ꤭ ꤘꤢꤧ ꤒꤣꤧ꤬ꤞꤤ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢꤨ꤭ ꤢꤩ ꤜꤢꤨ꤭ꤗꤝꤤ꤭ ꤔꤢꤧ, “ꤡꤢꤪ ꤔꤢꤧ ꤍ꤫ꤥ꤬” ꤔꤢꤧ “ꤗꤢꤩ꤬ꤒꤢꤩ꤬ ꤒꤥ꤭꤯” ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤙꤣꤧ ꤢ꤬ ꤘꤣꤧꤡꤢ꤭ ꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤡꤢ꤭ ꤒꤥ꤭ ꤖꤢꤧ ꤚꤣꤧ꤬ ꤢ꤬ ꤏꤢꤏꤢꤦ꤬ ꤔꤢꤧ ꤖꤚꤢꤩ꤬ ꤘꤣ ꤢ꤬ ꤞꤤꤓꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬꤯

เตเด๊อะโลแถ่ 19:11 ပူးပေါင်းရင်းမြစ်များ

เตเด๊อะโลแถ่ 6:2

แว แม๊ เร๊อ แว แม๊เถอะ ตีซิบู โตโด, เร๊อ แกแย เด๊อ อา แถ่แด๊ อา เตเพรเนอ อา ปื่อหม่าหนิ เกล่อ เต๊เบ่ เร๊อ อู เด๊อะ อา กู๊โก่เท เตเม. อาเนอ, อาแซ่เน๊อ แกแย เด๊อ อา ช๊าเป่ โทเฮ๊อ อู เตเพร เนอ. กู๊แหน่เรอ อา แถ่แด๊หนิ คยาแซ๊ ตีซิ เร๊อ อา เถ่จว๊า แซ่ฮู๊ อา เก่ จว๊าช๊าเป่ คยาแซ๊ อู เนอ.

เตเด๊อะโลแถ่ 3:14

“ราจว๊า ลีเออ เด๊อ วีเลาดีเซีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ อู เอ๊ เน๊อ, ‘อาเมน’ เออเนอ เตเพร อาโอ่. อา หม่า เพร เด๊อ อาซิปล่อจ๊อ เร๊อ อาข่าเฮ๊โล จ๊อจ๊อเตเต เออเตเพร อาโอ่. จอแปแหร่ นอแบ๊ตา แฮเง ลอ เตล๋อ ปลี เออเนอ เร๊อ อา แพ๊.

เตเด๊อะโลแถ่ 4:1

เตเออเต๊เห่ โท เร๊อ แว แม๊เถอะลว๊า หนื่ออื่อโป่ เตอาโร เต๊อเจ่อ. เด๊อ ม๊อขุเนอ, กู่ดา เต๊เบ่ ลูโมโอ่ เร๊อ แว หนิโฮ เตพราแถ่ เต๊อเจ่อ เร๊อ อา พรา แซ๊เร๊อ กวาพรา ฮู๊ แว หนิโฮ โทเฮ๊อ เด๊อ กูลู่เค เนอ, เร๊อ อา เฮ๊เบ่ แว เร๊อ อา เฮ๊ เน๊อ, “แถ่เด๊อเออ, เออเต๊เห่ ทวาแถ่ โทปา เร๊อ แคร๋ หม่าเต เบ่ ทวาแถ่ ลาติ ปาเนอ, แว เก่ เด๊อะโล เป่ เน.”

เตเด๊อะโลแถ่ 3:7

“ราจว๊า ลีเออ เด๊อ วีฟีลาเดลเฟีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อาบูโพ๊ อาจ๊ออาเต เออเตเพร อาโอ่. อา ปื่อหม่าโอ่ หนิ คุ๊ยดาวิด อาชอถิ. เบ๊อะอา บ๊าโม กู่ดา เบ๊อะเนอ, อู เมบี๊แจ่ เตเพร่ว โต่. เร๊อ เบ๊อะอา เมบี๊ เบ๊อะเนอ, อู บ๊าโมแจ่ เตเพร่ว โต่.

เตเด๊อะโลแถ่ 1:5

ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

เตเด๊อะโลแถ่ 11:19

เบ๊อะเนอเค อู โบ๊โมแถ่ จอแปแหร่ อา เตหลู่เเตโฮ เด๊อ ม๊อขุ เนอเตเม. เร๊อ อู แม๊เถอะ เตอ๊อแลนอแล อา เตบูโพ๊ โอ่ เด๊อ เตหลู่แต โฮกู เนอ. โทเรอ ฉ่าลีบ๊อ, อาพรารื๊อพราเต๊, ม๊อครอ ฉ่าแล, เตเน่วท๊อดี, ตื๊อครื่อจ่า ปล่อดุ เต๊เห่ จ่าตา แซ่เจ๊อฮู๊ เก่จือ เนอ.

ꤛꤥ꤭ꤟꤢ꤬ 1:51

โทเรอ เหย่ซู่ เฮ๊ เหย่ซี เน๊อ, “แว แด๊โฉ่จ๊อจ๊อ ซี, ซี เก่ แม๊เถอะ ม๊อขุ บ๊อโม เร๊อ จอแปแหร่ เตเน่ว เต๊เห่ เก่ เก๊แถ่ แกแล เด๊อ แกแยพู๊คู หม่าเฮ๊อ แวเออ อาลูเนอ ปา.”

เตเด๊อะโลแถ่ 19:19

เบ๊อะเนออาเค แว แม๊เถอะ เตมีเตแหม่ เนอโตโด เร๊อ เห่ขุ คุ๊ยจ๊อแผ่ เต๊เห่ เร๊อ เหย่ซี เกลอฮู๊ เต๊เห่ โอ่ปล๊อเต่อ ลอ ลู เด๊อ อา เก่ ช๊า แกแย เด๊อ อา แถ่แด๊ ตีซิ เนอเตเพร เร๊อ อาเกลอฮู๊ เนอเต๊เห่.

เตเด๊อะโลแถ่ 19:21

ล๋อ อา เกลอฮู๊ เด๊อ อา โอ่แก เต๊เห่เนอ, อู เมเซอแก เหย่ซี เร๊อ เน๊ เด๊อ อา แฮเถ่ เด๊อ แกแย แถ่แด๊ ตีซิ เนอเตเพร อาแกกู เนอต๊าบ่า, เร๊อ ล๋อ ถู เนอเต๊เห่ แฮ อิโพ เอ่ก๊อโอบา ลอ เหย่ซี หย่า.