เตเด๊อะโลแถ่ 18:6 - ลีเทส่อพ๊าอาเซ เร๊อ เห่ขุทวาลู๊

⁶ เมจาเมจือ ลาติ มอ อา ฮู๊ อา เมจาเมจือ ซี เนอ, ลอ เต เด๊อ อา เมจาเมจือ โทเฮ๊อ ซี เต๊เห่เนอ, เมเลอ กาคยาฉื่อ ลาติ มอ เจ๊อ อา เนอโพ๊ เนอ. เบหล่อ เด๊อ อา ตี๊หรี่แตแร เป่ ซี เร๊อ เทอเผร่กู่กล๊อ เนอเต๊เบ่ เนอ, ยือบาเล๊อ กาคยาฉื่อ เป่เกอ ลาติ อา เด๊อ อา ชอเล๊อ เน๊อ เออ เนอโพ๊ เนอ.

Eastern Kayah Shadaw Dialect

⁶ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤜꤢ꤭ꤒꤢꤩ꤬ ꤗꤣꤧ꤭ ꤢ꤬ ꤟꤢꤨ ꤢ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤞꤤ꤭ ꤔꤣꤧ꤬, ꤜꤢꤪ꤭ ꤒꤢꤩ꤬ ꤘꤣ ꤢ꤬ ꤗꤢꤩ꤬ꤡꤢ꤭ ꤓꤥ꤭ꤟꤣꤧ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤗꤢꤩ꤬ꤜꤣꤧ꤭ ꤊꤢ꤬ꤋꤛꤢ꤭ꤏꤢꤦ꤬ ꤜꤢ꤭ꤒꤢꤩ꤬ ꤗꤣꤧ꤭ ꤡꤣꤧ ꤢ꤬ ꤔꤣꤧ꤭ꤖꤥ꤬ ꤔꤣꤧ꤬꤯ ꤙꤢꤩ꤭ꤜ꤫ꤢꤪ꤬ ꤘꤣ ꤢ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤓꤣꤧ꤭ꤞꤤꤖꤚ꤫ꤢꤩ꤬ꤊꤢꤨ꤬ꤊꤜꤢꤪ ꤔꤣꤧ꤬ꤒꤣ꤬ꤙꤢꤩ꤬ ꤔꤣꤧ꤬, ꤛꤢꤦ꤬ꤙꤢ꤭ꤜꤣꤧ꤭ ꤊꤢ꤬ꤋꤛꤢ꤭ꤏꤢꤦ꤬ ꤕ꤫ꤢꤩ꤬ꤊꤣꤧ꤭ ꤜꤢ꤭ꤒꤢꤩ꤬ ꤢ꤬ ꤘꤣ ꤢ꤬ ꤏꤢꤪ꤭ꤜꤣ ꤔꤢꤧ ꤣꤧ꤭ ꤔꤣꤧ꤭ꤖꤥ꤬ ꤔꤣꤧ꤬꤯

เตเด๊อะโลแถ่ 18:6 ပူးပေါင်းရင်းမြစ်များ

เตเด๊อะโลแถ่ 16:19

วีดุ เนอ ตีวี ลูกยาแก โซกยา เร๊อ เทอเก่ ปว๊าเต๊เก่ อาวี เต๊เห่เนอ, อา ลูโพร๊ลูแพรแก ลอปลี เจ๊อ. จอแปแหร่ เตเนแถ่ โต่ วีดุ บาบิโลน เร๊อ อา เด๊อะ โอ วีบาบิโลน เออเนอ เร๊อ อา เตซิปล่อดุ ฉว่าชอ อาเทอแย อา เบหล่อเออ.

เตเด๊อะโลแถ่ 14:10

เหย่ซี อาเหน่แบ่เจ่ เร๊อดื่อ อา เก่ โอ เกอ แลแค จอแปแหร่ อา เตซิปล่อดุ อาเทอแย ปา. อา เตซิปล่อดุ อาเบ เออเตเบ เนอ, อู ยือโนบา เร๊อ เทอแยแจ. ล๋อ แกแย เด๊อ อา เมเต ฮู๊เออ เต๊เห่เนอ อา เบ่ ข่าเบ่ แหน่เจ๊อ เตจาเตจือ เด๊อ หมิ เด๊อ อู ชื๊ออือ เน๊อ หย่าซู๊แบ อากู เออเนอ ปา. อา เก่ ข่าจาข่าจือ เด๊อ เตเน่วพู๊ บูโพ๊ เต๊เห่ เร๊อ ซิหมิ เนอโตโด อา เป๊เส่เง ปา.

เตเด๊อะโลแถ่ 17:4

เพรเหมาะ เออเตเพรเนอ อา กือแซ๊แถ่ เห่อจา เต๊เผ่ล๊อซอ เน๊อ อาลี กาซุ๊ย เร๊อ อา ตี๊หรี่แถ่หนิ อาเหน่ เน๊อ เท, หล่อ งูดุงูชอ เน๊อ พ๊าเส่ เต๊เห่. เด๊อ อา กู๊ยากู เนอ, อา ปื่อ โอ่ เกอเร๊อ เบหล่อเท เต๊เบ่ เร๊อ เบหล่อ เออเนอ, อา โอ่ บาตีปี๊ เจ๊อ เน๊อ เตซิหย่อซิบี เต๊เห่ เร๊อ อา เตปาต๊าเปอเตอ มู๊แหม่รีแจ่ เต๊เห่ เจ๊อ.

ทิโมธี เนอบ่า ต๊าบ่า 4:14

เพรดา ตีลี คูอเล็กซานเดอร์ เนอเตเพร หม่า, อา เม มู๊แหม่รีแจ่ แหน่เจ๊อ แว เจ๊อ. ล๊อ อา เมโทเฮ๊อ แว เต๊เห่เนอ แบ่เจ่ เก่ เมจากาคยา เกอลาติ ดื่อ ลู ฮู๊เนอ ปา.

เตเด๊อะโลแถ่ 17:2

เห่ขุ คุ๊ยจ๊อแผ่ เต๊เห่ จว๊าซื๊อจว๊าปล๊า เกอ แลแค เร๊อ เพรเหมาะ เออเตเพร. โทเรอ แกแย เห่ขุพู๊ เต๊เห่ เอ่มือโอแพร๊ เกอเร๊อลอ อาเหน่ เร๊อ เทอแย หม่าเฮ๊อ เพรเหมาะ เออเตเพร อา เตปาต๊าเปอเตอ เต๊เห่เนอ เฮ๊อ.”

เตเด๊อะโลแถ่ 13:10

แกแย เตเพรเพร เด๊อ อู เตเนหนื่ออื่อ โทเฮ๊อ ลู เด๊อ อู เก่ ปื่อ ด๊อตา อา เด๊อ ทอกู เฮ๊เนอ, อู เบ่ ปื่อ ด๊อตา แหน่ อา ปา. แกแย เตเพรเพร เด๊อ อู เตเนหนื่ออื่อ โทเฮ๊อ ลู เด๊อ อู เบ่เมเซอ อา เร๊อ เน๊ ปา เฮ๊อเนอ, อู เบ่ เมเซอ แหน่ อา เร๊อ เน๊ ปา แพ๊. จอแปแหร่ เอ๊ อาแกแย เด๊อ อา เก่ เบ่แด่ทูซิปล่อ เตจาเตจือ เร๊อ เบ่ จู่เอ่หยื่อเอ่ เต อาเงแพ๊.

เตเด๊อะโลแถ่ 18:20

เก๋อ ม๊อขุพู๊ ซิครือมอ แลแค, เก๋อ จอแปแหร่ อาแกแย ซี, เพรโด่แนพู๊ เต๊เห่ ซี เร๊อ เพรโพร ซี๋, เด๊อ อาปย๊าอาหลู่ เฮ๊อ อาขว่าอาคยา, ซิครือมอ แลแค. เมเตเฮ๊เรอ เด๊อ อา เมจาเมจือ โทเฮ๊อ ซี อาขว่าอาคยา, จอแปแหร่ เมจากาคยา เฮ๊อ อา.’”