เตเด๊อะโลแถ่ 18:3 - ลีเทส่อพ๊าอาเซ เร๊อ เห่ขุทวาลู๊

³ เมเตเฮ๊เร๊อ เทอเก่ ปว๊าเต๊เก่ โอโทเฮ๊อ อา เทอแยแจ หม่าเฮ๊อ สุ่ยเทอ อา เตซิหยื่อซิลอ มู๊แหม่รีแจ่ เต๊เห่. เห่ขุ ปว๊าต๊าบ่า อา คุ๊ยจ๊อแผ่ เต๊เห่ จว๊าซื๊อจว๊าปล๊า ลอ เฮ๊อ เร๊อ เพรเหมาะ เออเตเพร, เร๊อ เด๊อ วีบาบิโลนพู๊ เต๊เห่ อา เตซิหยื่อ ปาต๊าเปอเตอ เต๊เห่เนอ, อา ตาลว๊าตาแก ซื๊อลือ อาขว่าอาคยา, ล๋อ เพร เมกื่อเมค๊า เต เด๊อ เห่ขุ เออต๊าบ่าลอ เนอ, เหย่ซี ดุแหย่แถ่เซ แฮลอ เฮ๊อ.”

Eastern Kayah Shadaw Dialect

³ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤓꤣꤧ꤭ꤊ꤫ꤢꤩ꤬ ꤕꤝꤢ꤭ꤒꤣ꤬ꤙꤢ꤬ ꤥ꤭ꤓꤥ꤭ꤟꤣꤧ ꤢ꤬ ꤓꤣꤧ꤭ꤛꤢꤧ꤭ꤡꤢꤧ꤭ ꤗ꤫ꤢ꤬ꤟꤣꤧ ꤞꤝꤤ꤬ꤓꤣꤧ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬꤯ ꤟꤢꤩ꤬ꤋꤢꤨ꤬ ꤕꤝꤢ꤭꤮ ꤒꤣ꤬ꤙꤢ꤬ ꤢ꤬ ꤋꤝꤤꤡꤢꤪꤖꤢꤧ꤬ ꤒꤣꤧ꤬ꤟꤢꤩ꤬ ꤡꤝꤢꤞꤢꤦꤡꤝꤢꤕꤜꤢ ꤜꤢꤪ꤭ ꤟꤣꤧ ꤔꤢꤧ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬, ꤚꤣꤧ꤬ ꤘꤣ ꤠꤤ꤭ꤙꤢ꤬ꤙꤢꤨ꤬ꤜꤥ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤕꤣꤧ꤬ꤒꤤ꤭ꤕꤣꤧ꤬ꤒꤢ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤜꤝꤢꤒꤣꤧ꤬ꤕꤜꤢꤩ꤬ ꤏꤢꤦꤜꤢꤦ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤜꤢꤪ꤭ ꤖꤚꤢꤩ꤬ ꤗꤢꤩ꤬ꤊ꤫ꤢꤦ꤬ꤗꤢꤩ꤬ꤋꤢ ꤒꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤙꤢ꤬ꤜꤢꤪ꤭ ꤔꤣꤧ꤬, ꤛꤢꤩ꤬ꤞꤤ꤭ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤟꤢꤧ꤭ꤜꤢꤪ꤭ ꤟꤣꤧ꤯”

เตเด๊อะโลแถ่ 18:3 ပူးပေါင်းရင်းမြစ်များ

เตเด๊อะโลแถ่ 17:2

เห่ขุ คุ๊ยจ๊อแผ่ เต๊เห่ จว๊าซื๊อจว๊าปล๊า เกอ แลแค เร๊อ เพรเหมาะ เออเตเพร. โทเรอ แกแย เห่ขุพู๊ เต๊เห่ เอ่มือโอแพร๊ เกอเร๊อลอ อาเหน่ เร๊อ เทอแย หม่าเฮ๊อ เพรเหมาะ เออเตเพร อา เตปาต๊าเปอเตอ เต๊เห่เนอ เฮ๊อ.”

เตเด๊อะโลแถ่ 14:8

เตเน่วพู๊ เนอเพร เตเพร ครวาเฮ๊เกอ ลูคยา เน๊อ, “อา แลตาพรอแก เฮ๊อ, วีดุ บาบิโลน แลตาพรอแก เฮ๊อ, อา นอโอ โทลอเฮ๊อ อู เร๊อ เทอแยแจ หม่าเฮ๊อ สุ่ยเทอพ๊าหย่า อา เตซิหยื่อซิลอ มู๊แหม่รีแจ่ เออเต๊เห่ เนอเฮ๊อ.”

เตเด๊อะโลแถ่ 18:9

“เห่ขุ คุ๊ยจ๊อแผ่ ล๋อ ปลี เด๊อ อา จว๊าซื๊อ เร๊อ เพรเหมาะ เออเตเพร เร๊อ อา เมโมแล เกอเร๊อ แลแค อาเหน่ เร๊อ เตดุแหย่แถ่เซ เออเต๊เห่เนอ, ช๋า อา แม๊เถอะเฮ๊อ หมิอือโข่ ตูอูแถ่ เด๊อ วีกูเออ เบ๊อะเนอปาเนอ, อา เก่โหง่เก่เห่ ซิเปล ลอปลี ปา.

เตเด๊อะโลแถ่ 18:23

แม๊เถอะน๊อ ปา หมิลี เด๊อ เนกู โต่. หนิโฮน๊อ ปา กาฉู่แด่เพรคู เบ่เบ่, กาฉู่แด่ เพรเหมาะ เบ่เบ่, อาตาลา โต่. เน เพรเมกื่อเมค๊า เตฮู๊ เต๊เห่เนอ, อา ดุแหย่แถ่เซ เล๊ออูโค เร๊อ อา เตอเรอฉว่าชอ เล๊ออูโค เด๊อ เห่ขุเออ เจ๊อ. โทเรอ โลเน๊ ซ๊าร๊า เอ่อูแหย่โย โอ่ เด๊อ เน วีกู เต๊เห่เนอ, เด๊อ เหย่ซี ย๋อ อิลออี๊โหล่ แลโฮ เห่ขุพู๊ เออเต๊เห่ อาขว่าอาคยา, เห่ขุพู๊ เต๊เห่ เก่ ครวาซื๊อ เกอลอ เน คยา ปา.

ꤜꤢꤨꤊꤢ꤬ 7:25

ฮู๊เนอ หม่าโต่ เก่เฮ๊เรอ, หม่า ซี เถ่จว๊าแม๊ แคร๋ อิเต? หม่า ซี เถ่จว๊าแม๊ แพ๊ แลแค แกแย เด๊อ อา กือแซ๊ เป่ ซี เห่อจา เตเคแปล๊ลีชี๊ เตเพรเพร เนอแพ๊ แอ? แกแย เด๊อ อา กือแซ๊ ฮู๊เนอ เต๊เห่หม่า แกแย เด๊อ อา ดุแหย่แถ่เซ เนอเต๊เห่ แพ๊, ฮู๊เนอ เต๊เห่ หม่า เน แม๊เถอะ แจ่ แพ๊ เด๊อ คุ๊ยโฮ เต๊เห่ อากู แพ๊.

ทิโมธี อาเหร่อเล๊อ ต๊าบ่า 5:11

หม่าแน๊เรอ, เพรเหมาะโอ่แคร๊ เด๊อ อาหน่า เจ่ปา เต๊เห่เนอ, แด่โน แต่ เหย่ซี เด๊อ เพรเหมาะโอ่แคร๊ อา ลีราม๊า อากู แต่เหม่. เมเตเฮ๊เรอ เบ๊อะเหย่ซี สุ่ยเทอพ๊าหย่า อา เตซิหยื่อซิลอ เมเป่แก เฮ๊อ อาเตโม ครี๊ เบ๊อะเนอ, เหย่ซี ซิหยื่อ เต๊เปล่ คยาแซ๊ แลแค อาเว แพ๊.

เตเด๊อะโลแถ่ 18:7

บ๋า อา ถู่เซ๊แล เกอเร๊อ อาเหน่ เร๊อ อา เมโมแล เกอเร๊อดื่อ อาเหน่ เนอ, นอข่าเบ่ เลอกาคยา ฉื่อเกอ ลาติ มอ อา เร๊อ เตจาเตจือ เร๊อ เตซิเปลเหน่เบ่ เออเนอ. อา เฮ๊แล เกอเร๊อ อาเหน่ เน๊อ, ‘แว โอ่แนโอ่ ฮู๊ คุ๊ยโหมะ เตเพร, แวเว โอ่น๊อ เกออู โต่ อาขว่าอาคยา, แว โอ่แคร๊ น๊อ เกออู โต่, กู๊แหน่เออ ตาแฮเง ปาหม่า, แว โหง่แวเห่ น๊อ เกออู โต่.’

เตเด๊อะโลแถ่ 18:19

เหย่ซี เก่ เด๊อะโล อา เตซิเปล เร๊อ อา เก่ พ่าแถ่ แลแค เห่หมื่อ เด๊อ อา กู่กล๊อขุ ปา, เร๊อ อา เก่โหง่เก่เห่ แลแค ปา, เร๊อ อา เก่ เฮ๊ แลแค เน๊อ, ‘เก๋อ อา ต๊อหร่อเซ๊ ซิอิเช เซอแก เฮ๊อ แว นี๋, เก๋อ อาจา เซอแก เฮ๊อ เน นี๋. เน หม่า วีดุ ตีวี เร๊อ, ล๋อ แกแย เด๊อ อา ส่อเกลอดุ โอ่ เด๊อ เทอดุซาวา อากู เต๊เห่เนอ, อา ดุแหย่แถ่เซ แลแค เร๊อ เนเต งูดุงูชอ อาขว่าอาคยา หม่าแน๊เรอ, จอแปแหร่ เมจากาคยาแพ๊ เน เตอเปลอฮู๊ เนอ, เน ปย๊าแก ลอ เจ๊อ เฮ๊อ.