เตเด๊อะโลแถ่ 18:23 - ลีเทส่อพ๊าอาเซ เร๊อ เห่ขุทวาลู๊

²³ แม๊เถอะน๊อ ปา หมิลี เด๊อ เนกู โต่. หนิโฮน๊อ ปา กาฉู่แด่เพรคู เบ่เบ่, กาฉู่แด่ เพรเหมาะ เบ่เบ่, อาตาลา โต่. เน เพรเมกื่อเมค๊า เตฮู๊ เต๊เห่เนอ, อา ดุแหย่แถ่เซ เล๊ออูโค เร๊อ อา เตอเรอฉว่าชอ เล๊ออูโค เด๊อ เห่ขุเออ เจ๊อ. โทเรอ โลเน๊ ซ๊าร๊า เอ่อูแหย่โย โอ่ เด๊อ เน วีกู เต๊เห่เนอ, เด๊อ เหย่ซี ย๋อ อิลออี๊โหล่ แลโฮ เห่ขุพู๊ เออเต๊เห่ อาขว่าอาคยา, เห่ขุพู๊ เต๊เห่ เก่ ครวาซื๊อ เกอลอ เน คยา ปา.

Eastern Kayah Shadaw Dialect

²³ ꤗꤢꤧꤓ꤫ꤣꤧ꤬ꤔꤢꤪ ꤕꤢ꤬ ꤗꤤ꤬ꤜꤤ꤭ ꤘꤣ ꤔꤢꤧ꤬ꤊꤢꤨ꤭ ꤒꤥ꤬꤯ ꤔ꤫ꤤ꤬ꤟꤥ꤭ꤔꤢꤪ ꤕꤢ꤬ ꤖꤚꤢꤩ꤬ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤙꤢꤩ꤬ꤙꤢꤩ꤬, ꤖꤚꤢꤩ꤬ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤗꤢꤪ꤬ ꤙꤢꤩ꤬ꤙꤢꤩ꤬, ꤢ꤬ꤒꤣꤧ꤬ꤜꤢ꤭ ꤒꤥ꤬꤯ ꤔꤢꤧ꤬ ꤖꤚꤢꤩ꤬ꤗꤢꤩ꤬ꤊ꤫ꤢꤦ꤬ꤗꤢꤩ꤬ꤋꤢ ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤜꤣꤢꤨ꤭ꤋꤥ꤭ ꤚꤣꤧ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤜꤣꤢꤨ꤭ꤋꤥ꤭ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤡꤣꤧ꤯ ꤓꤥ꤭ꤚꤣꤧ꤬ ꤜꤥ꤭ꤔꤢꤩ ꤞꤢꤚꤢ ꤢꤩ꤬ꤢꤨ꤭ꤛ꤫ꤢꤧ꤬ꤛꤥ꤬ ꤥ꤬ ꤘꤣ ꤔꤢꤧ꤬ ꤠꤤ꤭ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤘꤣ ꤛꤢꤩ꤬ꤞꤤ꤭ ꤜꤢ꤭ ꤢꤩꤜꤢ꤬ꤜꤣꤧ꤬ꤟꤥ꤭ ꤟꤢꤩ꤬ꤋꤢꤨ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤋꤚꤝꤢ꤭ꤞꤢꤦ ꤊꤣꤧ꤭ꤜꤢꤪ꤭ ꤔꤢꤧ꤬ ꤋꤛꤢ꤭ ꤕꤢ꤭꤯

เตเด๊อะโลแถ่ 18:23 ပူးပေါင်းရင်းမြစ်များ

เตเด๊อะโลแถ่ 18:3

เมเตเฮ๊เร๊อ เทอเก่ ปว๊าเต๊เก่ โอโทเฮ๊อ อา เทอแยแจ หม่าเฮ๊อ สุ่ยเทอ อา เตซิหยื่อซิลอ มู๊แหม่รีแจ่ เต๊เห่. เห่ขุ ปว๊าต๊าบ่า อา คุ๊ยจ๊อแผ่ เต๊เห่ จว๊าซื๊อจว๊าปล๊า ลอ เฮ๊อ เร๊อ เพรเหมาะ เออเตเพร, เร๊อ เด๊อ วีบาบิโลนพู๊ เต๊เห่ อา เตซิหยื่อ ปาต๊าเปอเตอ เต๊เห่เนอ, อา ตาลว๊าตาแก ซื๊อลือ อาขว่าอาคยา, ล๋อ เพร เมกื่อเมค๊า เต เด๊อ เห่ขุ เออต๊าบ่าลอ เนอ, เหย่ซี ดุแหย่แถ่เซ แฮลอ เฮ๊อ.”

เตเด๊อะโลแถ่ 22:15

แกแย แซ่เกอ อาโค โต่ เปทวา ถุ่ย เต๊เห่, โลเน๊มู๊แหม่รีแจ่ ซ๊าร๊า เต๊เห่, แกแย จว๊าซื๊อ เพร เหมาะ เพรคู เต๊เห่, แกแย เมเซอ แกแย เต๊เห่, แกแย จ๊อเบ เตแหย่โย เต๊เห่, ล๋อ แกแย เด๊อ อา โม เกอเร๊อ เตแลโฮแลแฮ เร๊อ อา โอ่เซอเพร ครวาเมเกอ ฮู๊เนอ ปว๋า โตโพ๊ เนอเต๊เห่เนอ อา เก่ โอ่ แลแค เด๊อ วีกลอ ปา.

เตเด๊อะโลแถ่ 21:8

หม่าแน๊เรอ แกแย เด๊อ อา โต๊โหร่ เต๊เห่, แกแย เด๊อ อาจ๊อ เร๊อ อา เตหยื่อเตแหน่ โต่ เต๊เห่, แกแย เด๊อ อาซิปล่อ มู๊แหม่ เต๊เห่, แกแย เด๊อ อา เมเซอ แกแย เต๊เห่, แกแย เด๊อ อา จว๊าซื๊อ เพรเหมาะเพรคู เต๊เห่, แกแย เด๊อ อา ทวา โลเน๊มู๊แหม่รีแจ่ ซ๊าร๊า เอ่อูแหย่โย เต๊เห่, แกแย เด๊อ อา จ๊อเบ เตแหย่โย เต๊เห่, เร๊อ แกแย เด๊อ อา แลโฮ อู เต๊เห่เนอ อาเหล่โอ่เหล่แบ่ หม่าเฮ๊อ หมิเผ่ เด๊อ อา หม่า เตเซอ เนอโพ๊โตโพ๊ เด๊อ อู ชื๊ออือ อา เร๊อ หย่าซู๊แบ เออเต๊เผ่ เนอ เฮ๊อ.”

เตเด๊อะโลแถ่ 18:22

เพรด่อติ เต๊เห่, เพรอิโร เตเต๊เห่, เพรโอ๊ ปีโล๊ เต๊เห่ เร๊อ เพรโอ๊ ปีแกแล๊ เต๊เห่เนอ หนิโฮน๊อ ปาโต่. เพรแรเต อิเตเต๋ เบ่เบ่เนอ แม๊เถอะน๊อ ปา เหย่ซี โต่โต่. โทเรอ หนิโฮน๊อ ปา กู๊ฉื่ออิวี พรา โต่.

เตเด๊อะโลแถ่ 18:9

“เห่ขุ คุ๊ยจ๊อแผ่ ล๋อ ปลี เด๊อ อา จว๊าซื๊อ เร๊อ เพรเหมาะ เออเตเพร เร๊อ อา เมโมแล เกอเร๊อ แลแค อาเหน่ เร๊อ เตดุแหย่แถ่เซ เออเต๊เห่เนอ, ช๋า อา แม๊เถอะเฮ๊อ หมิอือโข่ ตูอูแถ่ เด๊อ วีกูเออ เบ๊อะเนอปาเนอ, อา เก่โหง่เก่เห่ ซิเปล ลอปลี ปา.

เตเด๊อะโลแถ่ 17:5

เด๊อ อา มาเท๊ลู เนอ, อู ราโอ่ ลูมูย เด๊อ อาโอ่ เร๊อ อาโหง่แลช๊า ด๊อโอ๊ด๊อบี๊ ต๊อปล่อ เร๊อ อา เฮ๊ เน๊อ, “วีดุ บาบิโลน หม่าเฮ๊อ ล๋อ แม๊เผ่โหมะ เต๊เห่ เร๊อ เห่ขุ อา เตมู๊แหม่รีแจ่ เต๊เห่ อาโหมะ,” อู ราโอ่ ฮู๊เนอ.

เตเด๊อะโลแถ่ 17:2

เห่ขุ คุ๊ยจ๊อแผ่ เต๊เห่ จว๊าซื๊อจว๊าปล๊า เกอ แลแค เร๊อ เพรเหมาะ เออเตเพร. โทเรอ แกแย เห่ขุพู๊ เต๊เห่ เอ่มือโอแพร๊ เกอเร๊อลอ อาเหน่ เร๊อ เทอแย หม่าเฮ๊อ เพรเหมาะ เออเตเพร อา เตปาต๊าเปอเตอ เต๊เห่เนอ เฮ๊อ.”

เตเด๊อะโลแถ่ 22:5

เหมาะคี๊ โอ่ ปา โต่ อาขว่าอาคยา, เหย่ซี โหล่ปา หมิเคว๊กอ โต่. เหย่ซี โหล่ปา ต๊อเหมาะ อาเตลี โต่, เมเตเฮ๊เรอ แบ่เจ่ จอแปแหร่ หม่า หม่าเฮ๊อ เหย่ซี อาเตลี ปา เฮ๊อ, เร๊อ เหย่ซี เก่ เป๊อ เต ตูจูเพร แตแลเคร๊ ฮู๊ จ๊อแผ่ เต๊เห่เนอ ปา.

เตเด๊อะโลแถ่ 12:9

แปล่ดุ มู๊หนู่มู๊ส่าเค โตโบ เด๊อ อู เอ๊ ลูมูย เร๊อ โลเน๊มู๊แหม่รีแจ่ กู่กล๊อ หม่าโต่เรอ ลูซีเฟอร เด๊อ อา จว๊า อิลออี๊โหล่ ลอ อู เห่ขุต๊าบ่า เออโตโบ เนอ, อู วีตาแก ลอ อา เร๊อ อา เตเน่วพู๊ เต๊เห่ เด๊อ เห่ขุ.

เพรโด่แนพู๊ เต๊เห่ 8:11

อา เม คย๊ายื๊อ เป่ อู เร๊อ อาเตเม เต๊เปล่ อูเป๊เส่ เบ๊อะเนอ หม่า อางยาลาเฮ๊อ อาขว่าอาคยา, อู หนิดา เซอหนิดา โอ่ เจ๊อ ลูโหง่.

เตเด๊อะโลแถ่ 6:15

เบ๊อะเนอเค ปาเนอ, เห่ขุ จ๊อแผ่ เต๊เห่, เพรเป๊อตี๊หรี่เต เต๊เห่ เร๊อ เกลอ กู่กล๊อดุ เต๊เห่ เร๊อ เพรดุแหย่แถ่เซ เต๊เห่ เร๊อ เพร อ๊าฉว่าเหร่ชอ เต๊เห่, โทเรอ ล๋อ หลู่ เต๊เห่เนอ เบ่เบ่, ล๋อ เพร พย๊าหนิ เตปาลา ซี เต๊เห่เนอ เบ่เบ่, อา จว๊า โอ่ว๊าโอ่บิ เกอเร๊อ แลแค อาเหน่ เด๊อ หล่ากู โฉ่กู, เด๊อ หล่อปลูหล่อเปล่ เด๊อ อา โอ่ เด๊อ หล่าเกลโฉ่เกล เนอเต๊เห่ ปา.

เตเด๊อะโลแถ่ 9:21

โท๊โต่ เหย่ซี อาเตเมเซอ แกแยเห่ขุพู๊, อาเตเม โลเน๊ ซ๊าร๊า เอ่ อูแหย่โย เต๊เห่, อา เตจว๊าซื๊อ เพรเหมาะเพรคู เร๊อ อา เตเอ่โห่เอ่ฮี๊ เต๊เห่เนอ, อา ถู่แหล่แต๊แกละ เป่ แลแค อาซิปล่อ โตโพ๋ โต่.