เตเด๊อะโลแถ่ 18:19 - ลีเทส่อพ๊าอาเซ เร๊อ เห่ขุทวาลู๊

¹⁹ เหย่ซี เก่ เด๊อะโล อา เตซิเปล เร๊อ อา เก่ พ่าแถ่ แลแค เห่หมื่อ เด๊อ อา กู่กล๊อขุ ปา, เร๊อ อา เก่โหง่เก่เห่ แลแค ปา, เร๊อ อา เก่ เฮ๊ แลแค เน๊อ, ‘เก๋อ อา ต๊อหร่อเซ๊ ซิอิเช เซอแก เฮ๊อ แว นี๋, เก๋อ อาจา เซอแก เฮ๊อ เน นี๋. เน หม่า วีดุ ตีวี เร๊อ, ล๋อ แกแย เด๊อ อา ส่อเกลอดุ โอ่ เด๊อ เทอดุซาวา อากู เต๊เห่เนอ, อา ดุแหย่แถ่เซ แลแค เร๊อ เนเต งูดุงูชอ อาขว่าอาคยา หม่าแน๊เรอ, จอแปแหร่ เมจากาคยาแพ๊ เน เตอเปลอฮู๊ เนอ, เน ปย๊าแก ลอ เจ๊อ เฮ๊อ.

Eastern Kayah Shadaw Dialect

¹⁹ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤘꤣꤧꤜꤥ꤭ ꤢ꤬ ꤒꤢꤩ꤬ꤞꤤꤕꤜꤢꤩ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤖꤢ꤬ꤓꤢꤧ꤬ ꤜꤢ꤭ꤋꤢꤧ꤭ ꤟꤢꤩ꤬ꤗꤢꤦ꤬ ꤘꤣ ꤢ꤬ ꤊꤢꤨ꤬ꤊꤜꤢꤪꤋꤢꤨ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ꤍ꤫ꤥ꤬ꤊ꤫ꤢꤦ꤬ꤟꤢꤩ꤬ ꤜꤢ꤭ꤋꤢꤧ꤭ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, ‘ꤊꤣ꤮ ꤢ꤬ ꤒꤣꤧ꤬ꤚꤢꤪ꤬ꤞꤢꤩ ꤞꤤꤤ꤬ꤏꤢꤩ꤭ ꤞꤣꤧ꤭ꤊꤢꤧ꤭ ꤟꤣꤧ ꤠꤢꤧ꤭ ꤔꤤ꤭꤮, ꤊꤣ꤮ ꤢ꤬ꤡꤢ꤭ ꤞꤣꤧ꤭ꤊꤢꤧ꤭ ꤟꤣꤧ ꤔꤢꤧ꤬ ꤔꤤ꤭꤮꤯ ꤔꤢꤧ꤬ ꤗꤢ꤬ ꤠꤤ꤭ꤘꤢꤨ꤬ ꤒꤣ꤬ꤠꤤ꤭ ꤚꤣꤧ꤬, ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤥ꤬ ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤜꤢ꤭ꤋꤢꤧ꤭ ꤔꤢꤧ ꤔꤢꤧ꤬ꤒꤢꤩ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤗꤢ꤬ꤔꤢꤧꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ꤖꤢꤧ ꤔꤢꤧ꤬ ꤒꤣꤧ꤬ꤕꤜꤣ꤬ꤟꤢꤨ ꤚꤣꤧ꤬, ꤔꤢꤧ꤬ ꤕꤛꤢꤊꤢꤧ꤭ ꤜꤢꤪ꤭ ꤡꤣꤧ ꤟꤣꤧ꤯

เตเด๊อะโลแถ่ 18:19 ပူးပေါင်းရင်းမြစ်များ

เตเด๊อะโลแถ่ 18:10

เหย่ซี ซิอิเช เร๊อ ปาหม่า อา ข่าเบ่ เต่อเกอ เตจาเออ เห๋ อา เตเน แลแค เร๊อ อา จว๊าโอ่ ก๊อถ่อแม๊ แลแค เด๊อ อายา เร๊อ อา เฮ๊ แลแค เน๊อ, ‘เก๋อ อา ต๊อหร่อเซ๊ เซอแก เฮ๊อ นี๋, อาจา เซอแกเฮ๊อ เน นี๋, เก๋อ บาบิโลน, เน หม่า วีดุวีทู, วีแตแน แหน่เจ๊อ ตีวี หม่าแน๊เรอ จอแปแหร่ เมจากาคยา แพ๊ เน เตอเปลอฮู๊ เร๊อ เน ปย๊าแก ลอ เจ๊อ นี๋.’

เตเด๊อะโลแถ่ 18:3

เมเตเฮ๊เร๊อ เทอเก่ ปว๊าเต๊เก่ โอโทเฮ๊อ อา เทอแยแจ หม่าเฮ๊อ สุ่ยเทอ อา เตซิหยื่อซิลอ มู๊แหม่รีแจ่ เต๊เห่. เห่ขุ ปว๊าต๊าบ่า อา คุ๊ยจ๊อแผ่ เต๊เห่ จว๊าซื๊อจว๊าปล๊า ลอ เฮ๊อ เร๊อ เพรเหมาะ เออเตเพร, เร๊อ เด๊อ วีบาบิโลนพู๊ เต๊เห่ อา เตซิหยื่อ ปาต๊าเปอเตอ เต๊เห่เนอ, อา ตาลว๊าตาแก ซื๊อลือ อาขว่าอาคยา, ล๋อ เพร เมกื่อเมค๊า เต เด๊อ เห่ขุ เออต๊าบ่าลอ เนอ, เหย่ซี ดุแหย่แถ่เซ แฮลอ เฮ๊อ.”

เตเด๊อะโลแถ่ 18:8

เด๊อ อา เฮ๊ ฮู๊เนอ อาขว่าอาคยา, เตอเนอเนอ ปา เนอ, เตเซอหร่า เก่ แฮเบ่ อา ปา, เร๊อ อา เก่ชุ๊ยเก่เช ปา, อา เก่โหง่เก่เห่ ปา, อา เก่ โอ่วีโอ่กอ ปา. แบ่เจ่ จอแปแหร่ เด๊อ อา เมจากาคยา ลู เออเตเพรเนอ อาฉว่าอาชอ, อาโพรอาฉว่าอาชอ แหน่เจ๊อ อาขว่าอาคยา, อา ซื๊ออือแก ลอ ลู เร๊อ หมิ ปา.”

เตเด๊อะโลแถ่ 17:16

อานอ โอ่ อาแพเช๊อ เด๊อ เน แม๊เถอะ โทเฮ๊อ เนอ เร๊อ เตมีเตแหม่ เนอโตโด เก่ ซิโตโคแก แม๊เผ่โหมะ เนอเตเพร ปา. เหย่ซี เก่ พย๊าเพ่แก ลอเผ่ ลู ล๋อ เต เด๊อ อาโอ่ เร๊อ ลู เนอเต๊เห่ ปา, เร๊อ อา นอ โอ่กาโกล่แก ลู ปา. เหย่ซี เก่ เอ่แก ลูหย่า ปา, เร๊อ อา เก่ ชื๊ออือแก ลอ ลู เร๊อ หมิ ปา.