เตเด๊อะโลแถ่ 17:3 - ลีเทส่อพ๊าอาเซ เร๊อ เห่ขุทวาลู๊

³ เด๊อ แหย่โยบูโพ๊ แบ่เจ่ อา เตเมจว่า อาขว่าอาคยา, ม๊อขุ เตเน่วพู๊ เอ๊จว๊า แว เด๊อ เก่เชเทอแก หล่อตาม๊าขุ โต๊โผ่. แว จว๊า เบ๊อะเนอ โต๊โผ่ เร๊อ แว จว๊าแม๊เถอะ เพรเหมาะ เตเพร โอ่แนโอ่ เด๊อ เตมีเตแหม่ ลีกาซุ๊ย เนอโตโด อาขุ. เตมีเตแหม่ เออโตโด อาเหน่ลู ชีเพร ล๊อเนอ, อู รา โอ่ ลอปลี เน๊อ มุย เร๊อ อู รา โอ่ อามุย เน๊อ อา เป๊อเจ่ออิแช๊ จอแปแหร่ ฮู๊เนอ. เตมีเตแหม่ เออโตโด เนอ, อากู่กล๊อ โอ่ โซซว๊าเตเม เร๊อ อานอ โอ่ เจ๊อ แพเช๊อ เจ๊อ.

Eastern Kayah Shadaw Dialect

³ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ ꤒꤢꤩ꤬ꤗꤢꤩ꤬ꤡꤝ꤫ꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤢꤩꤡꤝꤢ ꤠꤢꤧ꤭ ꤘꤣ ꤊ꤫ꤢꤩ꤬ꤏꤢꤩ꤭ꤓꤣꤧ꤭ꤊꤢꤧ꤬ ꤜ꤫ꤢꤪ꤬ꤒꤣꤧ꤬ꤗꤢꤋꤢꤨ꤬ ꤒꤣ꤬ꤖꤥ꤬꤯ ꤠꤢꤧ꤭ ꤡꤝꤢ ꤙꤣꤧꤔꤣꤧ꤬ ꤒꤣ꤬ꤖꤥ꤬ ꤚꤣꤧ꤬ ꤠꤢꤧ꤭ ꤡꤝꤢꤗꤢꤧꤓ꤫ꤣꤧ꤬ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤥ꤬ꤔꤢꤧ꤭ꤥ꤬ ꤘꤣ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤜꤤ꤬ꤊꤣꤧ꤬ꤞꤝꤤ ꤔꤣꤧ꤬ꤒꤣ꤬ꤘꤥ꤭ ꤢ꤬ꤋꤢꤨ꤬꤯ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭ ꤢ꤬ꤔ꤫ꤢꤩ꤬ꤜꤥ꤬ ꤒꤣ꤬ꤖꤚꤢꤩ꤬ ꤜꤢꤪ꤭ꤔꤣꤧ꤬, ꤢꤨ꤭ ꤚꤢ꤭ ꤥ꤬ ꤜꤢꤪ꤭ꤕꤜꤤ꤭ ꤔꤢꤧ ꤗꤝꤤ꤭ ꤚꤣꤧ꤬ ꤢꤨ꤭ ꤚꤢ꤭ ꤥ꤬ ꤢ꤬ꤗꤝꤤ꤭ ꤔꤢꤧ ꤢ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤡꤢꤪꤗꤣꤧ꤬ꤚꤢꤧ꤬ ꤟꤢꤨꤔꤣꤧ꤬꤯ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭ ꤔꤣꤧ꤬, ꤢ꤬ꤊꤢꤨ꤬ꤊꤜꤢꤪ ꤥ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤚꤣꤧ꤬ ꤢ꤬ꤔꤢꤪ꤬ ꤥ꤬ ꤡꤣꤧ ꤖꤢꤧ꤭ꤏꤣꤧ ꤡꤣꤧ꤯

เตเด๊อะโลแถ่ 17:3 ပူးပေါင်းရင်းမြစ်များ

เตเด๊อะโลแถ่ 12:3

เร๊อ เตม๊าเตแด อาโค๊คยา เด๊อ อาโร เต๊อเจ่อ โอ่โลแถ่ โป่ เด๊อ ม๊อเล. เร๊อ แปลลีดุ เด๊อ อา กู่กล๊อโอ่ โซซว๊าเตเม, อานอ โอ่ อาแพเช๊อ เร๊อ อา โก่หนิ ลอ กู๊โก่เท เด๊อ อา กู่กล๊อลู ปว๊าเตเม เจ๊อ.

เตเด๊อะโลแถ่ 17:18

เพรเหมาะ เด๊อ เน แม๊เถอะ อา เตเพรเนอ หม่า แพ๊ วีดู๋ เนอตีวี เด๊อ อา เป๊อ เห่ขุ อาคุ๊ยจ๊อแผ่ เต๊เห่ เนอแพ๊.”

เตเด๊อะโลแถ่ 12:6

เพรเหมาะ เออเนอ อา แกล่จว๊า เด๊อ จอแปแหร่ ตี๊หรี่แตแร หนื่ออื่อ เป่ ลู เก่เชเทอแก หล่อตาม๊าขุ อาเหล่โอ่ โต๊โผ่. เร๊อ อู เก่ แม๊ตู่หนิ อา อาม๊อเนอ ตีรี๊ เร๊อ เนอเย เร๊อ เชอโซซว๊า ปา.

เตเด๊อะโลแถ่ 17:4

เพรเหมาะ เออเตเพรเนอ อา กือแซ๊แถ่ เห่อจา เต๊เผ่ล๊อซอ เน๊อ อาลี กาซุ๊ย เร๊อ อา ตี๊หรี่แถ่หนิ อาเหน่ เน๊อ เท, หล่อ งูดุงูชอ เน๊อ พ๊าเส่ เต๊เห่. เด๊อ อา กู๊ยากู เนอ, อา ปื่อ โอ่ เกอเร๊อ เบหล่อเท เต๊เบ่ เร๊อ เบหล่อ เออเนอ, อา โอ่ บาตีปี๊ เจ๊อ เน๊อ เตซิหย่อซิบี เต๊เห่ เร๊อ อา เตปาต๊าเปอเตอ มู๊แหม่รีแจ่ เต๊เห่ เจ๊อ.

เตเด๊อะโลแถ่ 12:14

หม่าแน๊เรอ แซ่ฮู๊ เพรเหมาะ เออเตเพร เก่ โยกาเบ๊ เด๊อ อาเหล่โอ่ เร๊อดื่อ เด๊อ หมิเกล อาเง ปาเนอ, อู เด๊อ ลู เร๊อ ลาบูดุ อาด๊า ตือครือ. เร๊อ อู เก่ จว๊าแม๊ตู่ ตาพายา โค๊แก ลู เร๊อ แปล เออโตโบ โซหน่า เร๊อ ต๊ากว่า ปา.

เตเด๊อะโลแถ่ 21:10

จอแปแหร่ อา ซิปล่อเซอเพร โอ่เกอ เร๊อ แว เร๊อ เตเน่วพู๊ เตเพร พย๊าจว๊า แว เด๊อ โฉ่ดุโฉ่ทู เตเม อาคยา. เร๊อ อา ยูโล แว เร๊อ วีเยรูซาเล็ม บูโพ๊ เออตีวี. วีเออเนอ อา โอ่ เด๊อ ม๊อขุ เด๊อ แบ่เจ่ จอแปแหร่ อา โอ่ เร๊อ อา แฮแล.

เธสะโลนิกา เนอบ่า ต๊าบ่า 2:4

ล๋อ เตเด๊อ อู เอ๊ เร๊อ จอแปแหร่, หม่าโต่เรอ, ล๋อ เตเด๊อ แกแย จ๊อเบแถ่ อา เต๊เห่เนอ, แกแย จามู๊แหม่ เออเตเพร เก่เท๊ เก่แตแอ ฉื่อแก ปา เร๊อ อา เก่ แด่แถ่โล อาเหน่ เร๊อ อาดุเล๊อ เจ๊อ เร๊อ ล๋อ เตเออเต๊เห่ ฮู๊เนอ เจ๊อ ปา. ฮู๊เนอ อาขว่าอาคยา, อา เก่ แฮโน โอ่แนโอ่ เด๊อ จอแปแหร่ เตหลู่แตโฮอากู ปา, เร๊อ อา เก่ แด๊กว๊าแล เกอ เร๊อ เจ๊อ อาเหน่ เร๊อ แว หม่า จอแปแหร่ เตเพร ฮู๊เนอ เจ๊อ ปา.

เตเด๊อะโลแถ่ 1:10

เบ๊อะแบ่เจ่ อาม๊อเนอ เตอเนอเนอ จอแปแหร่ อา แหย่โยบูโพ๊ โอ่ป่อหม่าหนิ แว เร๊อ แว หนิโฮ โหง่พราแถ่ฉว่า เร๊อ พราแถ่ชอ เด๊อ แวคยา เร๊อ อา แซ่เจ๊อเร๊อ กวา พราแถ่ เนอ เจ๊อ.

เตเด๊อะโลแถ่ 4:2

เออโตโพ๊เรอ จอแปแหร่ อา แหย่โยบูโพ๊ ปื่อหม่า โตโพ๊ ปื่อหม่า แว เร๊อ เด๊อ ม๊อขุ เนอ จ๊อแผ่ อา กู่แกล๊เท แถ่โล โอ่ เตเม เร๊อ อู โอ่แนโอ่ เด๊อ อาขุ เนอ เตเพร.

เพรโด่แนพู๊ เต๊เห่ 8:39

เบ๊อะเหย่ซี โอ่ เด๊อ เทอกู กากิแถ่ เบ๊อะเนอ, แหย่โยบูโพ๊แบ่เจ่ พย๊าจว๊า โอ่เหม่แก เร๊อ คูฟีลิป. แกแย ทวา กู่กล๊อ เออเตเพร แม๊เถอะ ปา ลู โต่ ตื๊อดื่อเรอ อา ซิครือซิลอ เร๊อ อา กา เป่แฮ ลา เด๊อ อาดอ.

มัทธิว 27:28

โทเรอ เหย่ซี โปล๊แก แบ่เจ่ เหย่ซู่ อาจา เร๊อ อา แซ๊แถ่ เป่ ลู จาจวา ลีล๊อซอ ตือปือ.

เตเด๊อะโลแถ่ 18:12

เหย่ซี รือเท, หล่อเซ๊หล่อโพร เต๊เห่, พ๊าเส่ งูดุงูชอ เต๊เห่, อิเก แบ๊ปลี เต๊เห่, อิเก เต๊เพ่ล๊อซอ เต๊เห่, อิเก ลีกาซุ๊ย เต๊เห่, ตู๊ตู่โพ เต๊เห่, ส่องูดุ ปว๊าเต๊อเจ่อ, ตาเต เด๊อ อู เม อา เร๊อ แตแชแตแม๊ ปว๊าเต๊อเจ่อ, ตาเต เด๊อ อู เม อา เร๊อ ส่อโนมื๊อ ปว๊าเต๊อเจ่อ, ตีลีแบ เต๊เห่ เบ่เบ่, ต่อเท๊ เร๊อ หล่อบู เต๊เห่ เบ่เบ่,

เตเด๊อะโลแถ่ 18:16

‘เก๋อ อา ต๊อหร่อเซ๊ เซอแก เฮ๊อ นี๋, อาจา เซอแก เฮ๊อ เน นี๋. โตโพ๊เคเนอ, เน หม่า วีดุ เร๊อ เน เหล่โกล ตี๊หรี่ อากือแซ๊หนิ เนเหน่ เร๊อ เห่อจา แบ๊ปลี, เห่อจา เต๊เพ่ล๊อซอ, เห่อจา ลีกาซุ๊ย, โท๊โต่ เน ตี๊หรี่แถ่หนิ เนเหน่ เร๊อ เท, หล่อเซ๊หล่อโพร เต๊เห่ เร๊อ พ๊าเส่ งูดุงูชอ เต๊เห่.