เตเด๊อะโลแถ่ 17:17 - ลีเทส่อพ๊าอาเซ เร๊อ เห่ขุทวาลู๊

¹⁷ เมเตเฮ๊เรอ แซ่ฮู๊ เหย่ซี เก่ เมเล๊อบาแถ่ จอแปแหร่ อา เตเตเนหนื่ออื่อ เออ อาเงเนอ, จอแปแหร่ ฉู่โน โทเฮ๊อ อา เตเตเนหนื่ออื่อ เออ เด๊อ เหย่ซี ซิปล่อกู เร๊อ เหย่ซี เก่ ซิปล่อโอ่ เด๊อะตาแก อา เตอเรอฉว่าชอ เออเนอ เร๊อ เตมีเตแหม่ เด๊อ อา เก่ เป๊อ โต่เด๊อ จอแปแหร่ อาลาอาโหง่ เล๊อแถ่บาแถ่ เฮ๊อ ปาเนอ.

Eastern Kayah Shadaw Dialect

¹⁷ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤩ꤬ꤜꤣꤙꤢ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤣꤧ꤭ ꤢ꤬ꤑꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤏꤢꤨ꤬ꤔꤥ꤭ ꤓꤥ꤭ꤟꤣꤧ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤣꤧ꤭ ꤘꤣ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤔꤢꤧ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤞꤤꤕꤜꤢꤪ꤬ꤥ꤬ ꤘꤣꤧꤒꤢ꤭ꤊꤢꤧ꤭ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤣꤧ꤭ꤔꤣꤧ꤬ ꤔꤢꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ ꤊ꤫ꤢꤦ꤬ ꤕꤣ ꤒ꤫ꤥ꤬ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤟꤣꤧ ꤕꤢ꤭ꤔꤣꤧ꤬꤯

เตเด๊อะโลแถ่ 17:17 ပူးပေါင်းရင်းမြစ်များ

เตเด๊อะโลแถ่ 10:7

ช๋า เตเน่วพู๊ อาเพร โซซว๊าเตเพร เออเตเพร เก่ โอ๊แถ่ อากวา เบ๊อะเนอปาเนอ, จอแปแหร่ เก่ เมเล๊อบาแถ่ อาเต ตี๊หรี่แตแร หนื่ออื่อ เตอาจ่ออาแย ฮู๊ อา แด๊โฉ่ โทเฮ๊อ อาหลู่เล๊ เพรโพร เต๊เห่ เนอ ปา.”

โครินธ์ เนอบ่า ต๊าบ่า 8:16

จอแปแหร่ เด๊อะ ซิปล่อฉว่า คูติตัส เด๊อ อา เมจว่า ซี ฮู๊ เป ซิปล่อฉว่า เมจว่า ซี เนอ อาขว่าอาคยา, เป เฮ๊บุ๊ยเฮ๊เตอเรอ แหน่เจ๊อ จอแปแหร่.

ꤛꤥ꤭ꤟꤢ꤬ 13:2

เบ๊อะเนอเค แบ่เจ่ เหย่ซู่ เร๊อ อา โคเจ่ เต๊เห่ เอ่ แลแค ปา ดี เหมาะเฮ๊. เร๊อ คูซีโมน อิสคาริโอท อาพู๊คูยูดาห์อิสคาริโอท เออเตเพรเนอ, แซ่ฮู๊ อา เก่ อิเชตาแก แบ่เจ่ เหย่ซู่ อาเงเนอ, โลเน๊มู๊แหม่รีแจ่ กู่กล๊อ ซาตาน เฮ๊เบ่โน โทเฮ๊อ อาโหง่ เด๊อ ลู ซิปล่อกู เฮ๊อ.

เตเด๊อะโลแถ่ 17:13

ล๋อ จ๊อแผ่ อาเพรเช๊อ เออเนอ, อา โอ่ ลอปลี เร๊อ อา เตเตเนหนื่ออื่อ เด๊อ อา แซ่ลู เต๊เห่ เร๊อ อา เก่ เด๊อะแลแก อา เตโพร เน๊อ อา เตอเรอฉว่าชอ เด๊อ เตมีเตแหม่ เนอโตโด อา กู๊ยากู ปา.

ꤛꤥ꤭ꤟꤢ꤬ 13:18

“แว ซิ เฮ๊ ลอปลี ซี ปว๋า เตเพร ฮู๊เนอ หม่าโต่. ล๋อ ซี เด๊อ แว นว๊าแถ่ เออเต๊เห่ เนอหม่า แว ซิเง เกอเร๊อ ลอ ซี ปว๋า เตเพร. หม่าแน๊เรอ แซ่ฮู๊ ลีเทส่อพ๊า เฮ๊หนื่ออื่อ เก่ เล๊อบาแถ่ อาเงเนอ, ‘แกแย เด๊อ อา เอ่เต่อโอเต่อเกอ เต เร๊อ แว เออเตเพร ซิเถ่ แว เร๊อ อา เก่ อิเชตาแกเฮ๊อ แว เฮ๊อ.’

ꤜꤢꤨꤊꤢ꤬ 22:22

แกแยพู๊คู หม่าดื่อ แวเออ อา เก่ เซอ ฮู๊ จอแปแหร่ อา เตเนหนื่ออื่อ น๊อปา ตื๊อดื่อเรอ แกแย เด๊อ อา เก่ อิเชตาแก แว เออเตเพรเนอ, อา เก่ ข่าเบ่ แหน่เจ๊อ เตจาเตจือ ปา!”

เตเด๊อะโลแถ่ 15:1

ฮู๊เนอโทเรอ แว แม๊เถอะ เตโค๊ตีกลี๊ ดู๋ เด๊อ อาโร เต๊อเจ่อ โอ่โลแถ่ เด๊อ ม๊อเล. แว แม๊เถอะ เตเน่วพู๊ โซซว๊าเตเพร เด๊อ อา ปื่อหม่า เกอเร๊อ เน๊อ เตจาเตจือ โซซว๊าเต๊อเจ่อ. เออเต๊เห่ หม่า เตจาเตจือ เด๊อคยา ตื๊อดื่อเล๊อ เฮ๊อ, เมเตเฮ๊เรอ, เออเต๊เห่ ทวาแถ่ โทปาเนอ, จอแปแหร่ ซิปล่อดุ ปาโต่เฮ๊อ.

ꤛꤥ꤭ꤟꤢ꤬ 19:28

อา เฮ๊โท ฮู๊เนอ เร๊อ แบ่เจ่ เหย่ซู่ ซิเง เร๊อ อา เมโทลอเฮ๊อ เตปว๋า เต๊อ เจ่อ เฮ๊อ. เร๊อ แซ่ฮู๊ ลีเทส่อพ๊า เก่ เล๊อบาแถ่ อาเงเนอ, แบ่เจ่ เหย่ซู่ เฮ๊ เน๊อ, “แว ซิโอเทอ” อา เฮ๊ ฮู๊เนอ.

ꤛꤥ꤭ꤟꤢ꤬ 19:24

เหย่ซี เตเพร เร๊อ เตเพร เฮ๊ เกอเร๊อลู เน๊อ, “เป ท๊อเย อา โต่ แฮ๋, อูเป โต พย๊าหนิเป ปาเนอ, เปบ๊อเตแบบุ๊ยโป๊!” อา เฮ๊ เกอเร๊อ ลู ฮู๊เนอ. แซ่ฮู๊ ลีเทส่อพ๊า เก่ อาเล๊อบาแถ่ เร๊อ เตทวา อาเหน่ ฮู๊เออ แพ๊. ลีเทส่อพ๊า เฮ๊ เนอ, “เหย่ซี เบ พย๊า เกอเร๊อ แลแค แวจา เต๊เห่ เฮ๊อ. แซ่ฮู๊ เหย่ซี เก่ พย๊าหนิ แวจา เร๊อ อา บ๊อแลแค เตแบบุ๊ย เฮ๊อ.” เร๊อ เกลอฮู๊ เออเต๊เห่เนอ, อา เม แลแค ฮู๊เนอ เฮ๊อ.

ꤛꤥ꤭ꤟꤢ꤬ 10:35

จอแปแหร่ อาลาอาโหง่ เนอหม่า อาโตอาเบ่ ตูจูเพร เจ๊อ. อู ถู่แหล่ เต๊เปล่ แจ่ ลู เตเพร่ว โต่.

ꤜꤢꤨꤊꤢ꤬ 22:37

แว เฮ๊ ฮู๊เออ เมเตเฮ๊เนอหม่า ลีเทส่อพ๊า ราม๊าหนื่ออื่อแก แวหรี่แวแก เออเนอ, อา เบ่ เล๊อแถ่บาแถ่ ปา. ลีเทส่อพ๊า เฮ๊ เน๊อ, ‘อู แด่โน เต่อเกอ แว เร๊อ แกแยจา แกแยมู๊แหม่รีแจ่ เต๊เห่ อาเกล,’ แว เฮ๊ ซี เออเนอ, อา เตเร แฮ เล๊อแถ่บาแถ่ เฮ๊อ.”

ꤜꤢꤨꤊꤢ꤬ 22:3

โทเรอ คูยูดาส เด๊อ อู เอ๊โป๊ อามุย เร๊อ อิสคาริโอท เออเตเพรเนอ, โลเน๊ กู่กล๊อ แฮโน เด๊อ ลู ซิปล่อกู. อา หม่า อา โอ่เต่อเกอ เด๊อ แบ่เจ่ เหย่ซู่ อา โคเจ่ เช๊อซิเนอ อาเกล เตเพรเฮ๊อ.

เตเด๊อะโลแถ่ 6:11

อู เด๊อะ เหย่ซี จาจวาบู ปว๋า เตเพร, โทเรอ อู เฮ๊ เหย่ซี เน๊อ เหย่ซี เก่ โอ่โก๊ เตเบ๊ซิพร๊า โป่ เตอเปลอฮู๊. เร๊อ เหย่ซี เก่ โอ่โก๊ โต่เด๊อ อู เมเซอ บาแถ่ เฮ๊อ เหย่ซี อาโคหลู่เล๊ เต๊เห่ เร๊อ อาโป่แหว่ เด๊อ อา หยื่อเอ่แหน่เอ่เต เต๊เห่ ฮู๊ อู เมเซอโทเฮ๊อ เหย่ซี เนอ ปา.

เตเด๊อะโลแถ่ 19:9

โทเรอ เตเน่วพู๊ เฮ๊ แว เน๊อ, “ราม๊าแก เมอ เออเนอ. แกแย เด๊อ อู เอ๊แฮ เต่อเกอ ลู เด๊อ ซิหมิพู๊ เออโตโด อาป่วย เออเต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ.” โทเรอ เตเน่วพู๊ เฮ๊ โป่ เน๊อ, “โหง่ เออเต๊เห่ หม่า จอแปแหร่ อาลาอาโหง่ หม่าแหน่ เจ๊อ.”