เตเด๊อะโลแถ่ 16:7 - ลีเทส่อพ๊าอาเซ เร๊อ เห่ขุทวาลู๊

⁷ โทเรอ แว หนิโฮ โหง่พราแถ่ เด๊อ เตหลู่เหร่ลู เนอเร๊อ อา เฮ๊ เนอ, “แจ่เตล๋อ ปลี อา แบ่เจ่ จอแปแหร่, เน เตเมจากาคยา เออเต๊เห่เนอ อาจ๊ออาเต, อาโตอาเบ่ หม่าแหน่ เจ๊อ.”

Eastern Kayah Shadaw Dialect

⁷ ꤓꤥ꤭ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤍ꤫ꤥ꤬ꤖꤚꤢ꤬ꤓꤢꤧ꤬ ꤘꤣ ꤒꤢꤩ꤬ꤜꤢꤨ꤭ꤚ꤫ꤢꤩ꤬ꤜꤥ꤬ ꤔꤣꤧ꤬ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤡ꤫ꤢꤧ꤬ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤢ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬, ꤔꤢꤧ꤬ ꤒꤢꤩ꤬ꤘꤣꤧꤡꤢ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤡꤢꤪꤢ꤬ꤒꤢꤩ꤬, ꤢ꤬ꤒꤥ꤭ꤢ꤬ꤙꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯”

เตเด๊อะโลแถ่ 16:7 ပူးပေါင်းရင်းမြစ်များ

เตเด๊อะโลแถ่ 19:2

เมเตเฮ๊เรอ อา เมจากาคยา ซี เต๊เห่เนอหม่า อาโตหม่า อาโตโต. อาจ๊อหม่า อาจ๊อจ๊อ. อา เมจากาคยาแก โทเฮ๊อ แม๊เผ่โหมะ มีลาดุ เด๊อ อา เมปย๊าเมหลู่ เห่ขุ เต๊เห่ เร๊อ อาสุ่ยเทอ อา เตซิหยื่อ ปาต๊า มู๊แหม่รีแจ่ เต๊เห่ เนอเตเพร เฮ๊อ. อา เมเซอ จอแปแหร่ อาหลู่เล๊ เต๊เห่ อาขว่าอาคยา แบ่เจ่ จอแปแหร่ เมเลอ กาคยา ฉื่อ เฮ๊อ อา เฮ๊อ.”

เตเด๊อะโลแถ่ 6:9

โทเรอ ซิหมิพู๊ เนอโตโด ปาอ๊าโมแถ่ เตม๊าเตแด เด๊อ อู เมหม่า อา แงโก่โต๊โก่. แว แม๊เถอะ แกแย เด๊อ อา แด๊โฉ่โด่แน เป่ อู เร๊อ จอแปแหร่ อาลาอาโหง่, โท๊โต่ อา เด๊อะโล จ๊อจ๊อเตเต, เร๊อ อู เมเซอโทเฮ๊อ เหย่ซี เต๊เห่เนอ, แว แม๊เถอะ เหย่ซี ซิปล่อเซอเพร เต๊เห่ โอ่เด๊อ เตหลู่อาเหร่ อาเล เนอ.

เตเด๊อะโลแถ่ 14:18

โทเรอ เตเน่วพู๊ เด๊อ อาโร เตเพร เด๊อ อู เด๊อะ ตา ลู เตเม เด๊อ อา เบ่ เพรเป๊อตี๊หรี่หนิ หมิ เออเตเพรเนอ, อา โอ่ เด๊อ เตหลู่เหร่ เหล่โอ่ เนอ เร๊อ อา เถ่. เร๊อ เอ๊โทแถ่ เตเน่วพู๊ เด๊อะ อาเตเจ แทแร๊ โอ่ เนอเตเพร เร๊อ อา เฮ๊ ลู เน๊อ, “แรตา เน เตเจ แทแร๊ เออเนอ, เร๊อ เก๊กาปล๊อ แกเมอ เห่ขุ แท๊ทือเส่ เด๊อ อาเส่ บี๊จ๊อ เออเนอ เต๊เห่, อามี ลอเฮ๊อ.”

เตเด๊อะโลแถ่ 14:10

เหย่ซี อาเหน่แบ่เจ่ เร๊อดื่อ อา เก่ โอ เกอ แลแค จอแปแหร่ อา เตซิปล่อดุ อาเทอแย ปา. อา เตซิปล่อดุ อาเบ เออเตเบ เนอ, อู ยือโนบา เร๊อ เทอแยแจ. ล๋อ แกแย เด๊อ อา เมเต ฮู๊เออ เต๊เห่เนอ อา เบ่ ข่าเบ่ แหน่เจ๊อ เตจาเตจือ เด๊อ หมิ เด๊อ อู ชื๊ออือ เน๊อ หย่าซู๊แบ อากู เออเนอ ปา. อา เก่ ข่าจาข่าจือ เด๊อ เตเน่วพู๊ บูโพ๊ เต๊เห่ เร๊อ ซิหมิ เนอโตโด อา เป๊เส่เง ปา.

เตเด๊อะโลแถ่ 13:10

แกแย เตเพรเพร เด๊อ อู เตเนหนื่ออื่อ โทเฮ๊อ ลู เด๊อ อู เก่ ปื่อ ด๊อตา อา เด๊อ ทอกู เฮ๊เนอ, อู เบ่ ปื่อ ด๊อตา แหน่ อา ปา. แกแย เตเพรเพร เด๊อ อู เตเนหนื่ออื่อ โทเฮ๊อ ลู เด๊อ อู เบ่เมเซอ อา เร๊อ เน๊ ปา เฮ๊อเนอ, อู เบ่ เมเซอ แหน่ อา เร๊อ เน๊ ปา แพ๊. จอแปแหร่ เอ๊ อาแกแย เด๊อ อา เก่ เบ่แด่ทูซิปล่อ เตจาเตจือ เร๊อ เบ่ จู่เอ่หยื่อเอ่ เต อาเงแพ๊.

เตเด๊อะโลแถ่ 1:8

แบ่เจ่ จอแปแหร่ เฮ๊ เน๊อ, “แว หม่า อาแก่ช๊า เฮ๊อ เร๊อ แว หม่า อาตื๊อดื่อเฮ๊อ” เร๊อ อา เฮ๊ เน๊อ, “แว หม่า จอแปแหร่ เด๊อ อา เซอเพร มู๋ หนู่เค เตเพร, กู๊แหน่เค หม่า แว เซอเพรเพร, โหน่ปาหม่า แว เซอเพรเพร. แว หม่า จอแปแหร่ เด๊อ อา แจ่ เตล๋อ ปลี เตเพรเฮ๊อ.”