เตเด๊อะโลแถ่ 16:18 - ลีเทส่อพ๊าอาเซ เร๊อ เห่ขุทวาลู๊

¹⁸ เร๊อ ฉ่าลีบ๊อ, ม๊อครอม๊อโหง่, ฉ่าแลแปลโหมะ, เตเน่วท๊อดี ฉว่าชอ ซีเต๊เห่ โอ่แถ่ ลอปลี เจ๊อ. เป๊อแถ่ เด๊อ อู แบ๊แลลู่ แกแยเห่ขุพู๊ โต่ เบ๊อะเนอเค ปาเนอ, เตเน่วท๊อดี ฉว่าชอ แซ่ฮู๊เนอ อา ทวาแถ่ นอ โตโพ๋ โต่. เออ หม่า เตเน่วท๊อดี เด๊อ อาฉว่าอาชอ เล๊อ อู เฮ๊อ.

Eastern Kayah Shadaw Dialect

¹⁸ ꤚꤣꤧ꤬ ꤒꤣꤧ꤬ꤛ꤫ꤢ꤬ꤙꤢꤪ, ꤗꤢꤪꤋꤚꤢꤪ꤭ꤗꤢꤪꤍ꤫ꤥ꤬, ꤏꤢ꤬ꤜꤢꤧ꤬ꤗꤢꤪꤋꤚꤢꤪ꤭, ꤒꤣꤧ꤬ꤔꤢꤩꤓꤢꤪꤘꤤ꤭ ꤏꤝꤢ꤬ꤏꤢꤪ꤭ ꤞꤤ꤭ꤒꤣꤧ꤬ꤟꤢꤩ꤬ ꤥ꤬ꤓꤢꤧ꤬ ꤜꤢꤪ꤭ꤕꤜꤤ꤭ ꤡꤣꤧ꤯ ꤡꤢꤓꤢꤧ꤬ ꤘꤣ ꤢꤨ꤭ ꤙꤢꤧꤜꤢꤧ꤬ꤜꤢꤨ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤒꤥ꤬ ꤏꤣꤧꤋꤢꤩ꤭ ꤙꤣꤧꤔꤣꤧ꤬ꤋꤢꤩ꤭ ꤕꤢ꤭ꤔꤣꤧ꤬, ꤒꤣꤧ꤬ꤔꤢꤩꤓꤢꤪꤘꤤ꤭ ꤏꤝꤢ꤬ꤏꤢꤪ꤭ ꤞꤢꤧꤟꤢꤨꤔꤣꤧ꤬ ꤢ꤬ ꤓꤝꤢ꤭ꤓꤢꤧ꤬ ꤔꤢꤪ꤭ ꤒꤣ꤬ꤖꤥ꤮ ꤒꤥ꤬꤯ ꤣꤧ꤭ ꤗꤢ꤬ ꤒꤣꤧ꤬ꤔꤢꤩꤓꤢꤪꤘꤤ꤭ ꤘꤣ ꤢ꤬ꤏꤝꤢ꤬ꤢ꤬ꤏꤢꤪ꤭ ꤜꤣ ꤢꤨ꤭ ꤟꤣꤧ꤯

เตเด๊อะโลแถ่ 16:18 ပူးပေါင်းရင်းမြစ်များ

เตเด๊อะโลแถ่ 4:5

เบ๊อะเนออาเค, เด๊อ จ๊อแผ่ กู่แกล๊เท แถ่โล เนอเตเม อากู เนอ, ฉ่าลีบ๊อ เถ่, ม๊อครอม๊อโหง่, ฉ่าแลลอปลี เจ๊อ, เด๊อ จ๊อแผ่กู่แกล๊ เทแถ่โล อาแบ๊เงเนอ, หมิเต๊โบโซซว๊าโตโบ หม่าดื่อ จอแปแหร่อาแหย่โยบูโพ๊ โซซว๊าเตเม เออเนอ, อาแกโลโซ แถ่ เบ๊อะเนอ.

เตเด๊อะโลแถ่ 11:19

เบ๊อะเนอเค อู โบ๊โมแถ่ จอแปแหร่ อา เตหลู่เเตโฮ เด๊อ ม๊อขุ เนอเตเม. เร๊อ อู แม๊เถอะ เตอ๊อแลนอแล อา เตบูโพ๊ โอ่ เด๊อ เตหลู่แต โฮกู เนอ. โทเรอ ฉ่าลีบ๊อ, อาพรารื๊อพราเต๊, ม๊อครอ ฉ่าแล, เตเน่วท๊อดี, ตื๊อครื่อจ่า ปล่อดุ เต๊เห่ จ่าตา แซ่เจ๊อฮู๊ เก่จือ เนอ.

เตเด๊อะโลแถ่ 11:13

อา กา กี๊แถ่แถ่ เร๊อ เตเน่วท๊อดีฉว่าแหน่เจ๊อ. วี แลตาพรอแก อา ปุ๊ยเช๊อตีปุ๊ย เร๊อ แกแยเซอแก อาเพร โซซว๊าตีรี๊. แกแย เด๊อ อา โอ่แก เต๊เห่เนอ, อา เถ่ตาปา ซิอิเช ลอ แลแค เร๊อ ถู่เซ๊แถ่ ม๊อขุ อา จอแปแหร่ดุ อา เตโพรฉว่าชอ.

เตเด๊อะโลแถ่ 8:5

ฮู๊เนอโทเรอ เตเน่วพู๊ เออเตเพรเนอ, อา พย๊า หมิกล๊วา เด๊อ เตหลู่เหร่เออ อาลู เร๊อ อา ฉู่โนบา เด๊อ เหล่ชื๊ออือ เตโนมื๊อ อา ดีเบเทเต๊เอ่ เออ อากู เนอ. เออโตโพ๊เรอ อา ฮ๊าตา เด๊อ เห่ขุ เร๊อ ฉ่าแล, ม๊อครอ, ฉ่าลีบ๊อ โทเรอ เตเน่วท๊อดี โอ่ทวาแถ่ เด๊อ เห่ขุเออ.

เตเด๊อะโลแถ่ 6:12

แว แม๊ เร๊อ, แว แม๊เถอะ ซิหมิพู๊ เนอโตโด ปาอ๊าโมแถ่ เตม๊าเตแด อาโก่ โซซว๊า เออโต๊โก่. เออโตโพ๊เรอ, เตเน่วท๊อดี ฉว่าแหน่เจ๊อ, ต๊อเหมาะ คี๊แก แซ่เร๊อ อิเก อาตูพรู๊ ลอกี ตือปือ เนอ, โทเรอ เล เร๊อ อาลี กาซุ๊ยแก แซ่เร๊อ สุ่ย เนอ เจ๊อ.

มัทธิว 24:21

เบ๊อะเนอเคปา, เตแป่เตเช เร๊อ เตจาเตจือ เต๊เห่ เก่ โอ่แถ่ ดุแหน่เจ๊อปา. เด๊อ เหขุทวาแถ่ลู่ปา โต่เจ๊อ กู๊แหน่เค เออเนอ เบ่เบ่, เด๊อโหน่ เด๊อคยาปาเบ่เบ่, เตแป่เตเช เตจาเตจือ เด๊อ แม๊เถอะน๊อ แตแค๊โต่เนอ อาเก่ ทวาแถ่ปา.