เตเด๊อะโลแถ่ 16:17 - ลีเทส่อพ๊าอาเซ เร๊อ เห่ขุทวาลู๊

¹⁷ โทเรอ เด๊อคยาเนอ เตเน่วพู๊ อาเพร โซซว๊าเตเพร เนอเตเพร จว๊า กลอตา อาเบหล่อดุ เด๊อ เก่แลเซ๊เกล เร๊อ โหง่พราแถ่ฉว่า เด๊อ จ๊อแผ่ กู่แกล๊เท แถ่โล เบ๊อะเตหลู่เเตโฮ อากูเนอ เร๊อ อา เฮ๊ เน๊อ, “อา โทเฮ๊อ,” ฮู๊เนอ.

Eastern Kayah Shadaw Dialect

¹⁷ ꤓꤥ꤭ꤚꤣꤧ꤬ ꤘꤣꤋꤛꤢ꤭ꤔꤣꤧ꤬ ꤒꤣꤧ꤬ꤔꤢꤩꤖꤢꤨ ꤢ꤬ꤖꤚꤢꤩ꤬ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤡꤝꤢ ꤊꤜꤢꤪ꤭ꤒꤢ꤭ ꤢ꤬ꤙꤢꤩ꤭ꤜ꤫ꤢꤪ꤬ꤘꤢꤨ꤬ ꤘꤣ ꤊ꤫ꤢꤩ꤬ꤜꤣꤧ꤬ꤞꤢꤩꤊꤜꤢꤩ꤭ ꤚꤣꤧ꤬ ꤍ꤫ꤥ꤬ꤖꤚꤢ꤬ꤓꤢꤧ꤬ꤏꤝꤢ꤬ ꤘꤣ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤙꤣꤧ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤊꤢꤨ꤭ꤔꤣꤧ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤢ꤬ ꤓꤥ꤭ꤟꤣꤧ,” ꤟꤢꤨꤔꤣꤧ꤬꤯

เตเด๊อะโลแถ่ 16:17 ပူးပေါင်းရင်းမြစ်များ

เตเด๊อะโลแถ่ 21:6

เร๊อ อา เฮ๊ เน๊อ, “อา โทเฮ๊อ, แว หม่า อาเหร่อเล๊อ เร๊อ อาโหน่เล๊อ อู เฮ๊อ. แว หม่า อาแก่ช๊า เร๊อ อาตื๊อดื่อ เฮ๊อ เทอเถ่ขุ เด๊อ อา เด๊อะ ตูจูเพร เนอ อา โอ่ ต๊ออ่อ. แกแย เด๊อ อา ซิโอ เตเพรเพร เนอ, แว เก่ เด๊อะโอครา อา ปา.

ꤛꤥ꤭ꤟꤢ꤬ 19:30

เบ๊อะแบ่เจ่ เหย่ซู่ โปแม๊ เออ เบ๊อะเนอ, อา เฮ๊ เน๊อ, “อา โทเฮ๊อ” เร๊อ อา กู่กล๊อ ตางอแก, โทเรอ อา เด๊อะแลแก อาซิปล่อ เซอเพร เด๊อ จอแปแหร่ อา กู๊ยากู.

เอเฟซัส 2:2

เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่.

เอเฟซัส 6:12

เมเตเฮ๊เรอ, เป ช๊าฉื่อ เร๊อ แกแย เด๊อ อาโอ่ เร๊อ อาพ๊าอาหย่า อาสุ่ยอาเทอ เต๊เห่เนอ หม่าโต่. เป ช๊าฉื่อ เร๊อ โลเน๊โลหน่า เด๊อ อา เป๊อเต เต๊เห่, เร๊อ โลเน๊ เด๊อ อาโอ่ เร๊อ อา เตอเรอฉว่าชอ เต๊เห่ เร๊อ โลเน๊ ฉว่าชอ เด๊อ อา เป๊อ เห่ขุ อา คี๊เล เนอเต๊เห่, เร๊อ โลเน๊ มู๊แหม่ เด๊อ อา โอ่ เด๊อ ม๊อเล เนอเต๊เห่.

เตเด๊อะโลแถ่ 16:1

โทเรอ แว หนิโฮ โหง่พรา ตอปลอตือซือ ฉว่า เด๊อ เตหลู่เเตโฮ อากู เร๊อ อา เฮ๊ เตเน่วพู๊ โซซว๊าเตเพร เนอเต๊เห่ เน๊อ, “จว๊า กลอตา จอแปแหร่ อา เตซิปล่อดุ เบหล่อดุ โซซว๊าเตเม เออ เด๊อ เห่ขุเนอ.”

เตเด๊อะโลแถ่ 14:17

ฮู๊เนอโทเรอ แว แม๊เถอะ เตเน่วพู๊ เด๊อ อาโรเตเพร โอ่ เด๊อ ม๊อขุ เตหลู่เเตโฮ อากู เร๊อ อา แฮเถ่ เร๊อ อา ปื่อหนิ เร๊อเกอ เตเจ แทแร๊ เต๊เบ่เบ่.

เตเด๊อะโลแถ่ 14:15

โทเรอ เตเน่วพู๊ เด๊อ อาโร เตเพร โอ่เด๊อ เตหลู่เเตโฮ อากู เร๊อ อา แฮเถ่. เร๊อ อา เอ๊โทแถ่ แกแย โอ่แนโอ่ เด๊อ อ๊อโหล่ลู เนอเตเพร เน๊อ, “นอเอ่ เน เตเจเนอ เร๊อ เก๊เมอ โบ๊เนอ, เมเตเฮ๊เรอ โต เก๊ โบ๊ เบ๊อะเนอ โต่เฮ๊อ. เด๊อ เห่ขุ เออ, โบ๊มี ลอเฮ๊อ.”

เตเด๊อะโลแถ่ 11:19

เบ๊อะเนอเค อู โบ๊โมแถ่ จอแปแหร่ อา เตหลู่เเตโฮ เด๊อ ม๊อขุ เนอเตเม. เร๊อ อู แม๊เถอะ เตอ๊อแลนอแล อา เตบูโพ๊ โอ่ เด๊อ เตหลู่แต โฮกู เนอ. โทเรอ ฉ่าลีบ๊อ, อาพรารื๊อพราเต๊, ม๊อครอ ฉ่าแล, เตเน่วท๊อดี, ตื๊อครื่อจ่า ปล่อดุ เต๊เห่ จ่าตา แซ่เจ๊อฮู๊ เก่จือ เนอ.

เตเด๊อะโลแถ่ 11:15

โทเรอ เบ๊อะเตเน่วพู๊ อาเพร โซซว๊าเตเพร เออเตเพร โอ๊แถ่ อากวา เบ๊อะเนอ, โหง่เต๊เห่ พราแถ่ ฉว่าแหน่เจ๊อ เด๊อ ม๊อขุ เร๊อ อา เฮ๊ เนอ, “กู๊แหน่เออ เตโพรฉว่าชอ เด๊อ อา เก่ เป๊อ เห่ขุ เออเนอหม่า อา ทวาเฮ๊อ เป แบ่เจ่ เร๊อ อา เมสิยาห์ หม่าเฮ๊อ เพรเมแลเปล๊กาอาเต เฮ๊อ เร๊อ อา เก่ เป๊อเต ตูจูเพร แตแลเคร๊ เฮ๊อ.”