เตเด๊อะโลแถ่ 15:7 - ลีเทส่อพ๊าอาเซ เร๊อ เห่ขุทวาลู๊

⁷ เบ๊อะเนออาเค เตเซอเพร ลุยโด อาเกล โตโด เนอ, อา เด๊อะ เตเน่วพู๊ โซซว๊าเตเพร เออเนอ เต๊เห่ เร๊อ เบหล่อเทดุ โซซว๊าเต๊เบ่ เด๊อ อา โอ่ บา เจ๊อ เน๊อ จอแปแหร่ เด๊อ อา โอ่เซอเพร ตูจูเพร แตแลเคร๊ เออเตเพร อา เตซิปล่อดุ เจ๊อ.

Eastern Kayah Shadaw Dialect

⁷ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤜꤝꤤ꤭ꤘꤥ꤭ ꤢ꤬ꤊꤜꤢꤩ꤭ ꤒꤣ꤬ꤘꤥ꤭ ꤔꤣꤧ꤬, ꤢ꤬ ꤘꤣꤧ ꤒꤣꤧ꤬ꤔꤢꤩꤖꤢꤨ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤙꤢꤩ꤭ꤜ꤫ꤢꤪ꤬ꤓꤢꤩ꤭ꤘꤢꤨ꤬ ꤞꤥ꤭ꤞꤝꤢꤒꤣ꤬ꤙꤢꤩ꤬ ꤘꤣ ꤢ꤬ ꤥ꤬ ꤙꤢ꤭ ꤡꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤡꤣꤧ꤯

เตเด๊อะโลแถ่ 15:7 ပူးပေါင်းရင်းမြစ်များ

เตเด๊อะโลแถ่ 16:2

เตเน่วพู๊ อาเหร่อเล๊อ เตเพร จว๊า กลอตา อา เบหล่อดุ เด๊อ เห่ขุ. เออโตโพ๊เร๊อ แกแย เด๊อ อา พย๊าฉื่อ เตมีเตแหม่ อา เตม๊าเตแด เร๊อ จ๊อเบแถ่ ลูแหย่โย เออเต๊เห่เนอ, อา เถ่ซิเถ่วา โซพ๊าโซแร แหน่เจ๊อ.

เตเด๊อะโลแถ่ 10:6

เร๊อ อา แบแลหนิ อาเหน่ เร๊อ จอแปแหร่ เด๊อ อา เซอเพร ตูจูเพร แตแลเคร๊ เร๊อ อา แบ๊แล ม๊อขุ, เห่ขุ, เทอดุซาวา เร๊อ เตล๋อ ปลี โอ่ เด๊อ อากู เออเนอ เตเพร อามุย. โทเรอ เตเน่วพู๊ เออเตเพรเนอ อา เฮ๊ เน๊อ, “เตเออเต๊เห่ เก่ ทวาแถ่ ปา เนอ อางยาปาน๊อโต่เฮ๊อ.

เตเด๊อะโลแถ่ 5:8

เบ๊อะอา ปื่อหม่าหนิ ลีตูลูเออ เบ๊อะเนอ, เตเซอเพร ลุยโดเออ เน๊อ โหมะพรูโหมะเผร่ เนอเชอ เน๊อ ซิลุย เออ แด๊งือแล เด๊อ ซิหมิพู๊ เนอโตโด อา เป๊เส่เง. เหย่ซี โตโด เร๊อ โตโด, เตเพร เร๊อ เตเพร เนอ, อา ติ เหล่ด่อ โอ่ โทเรอ อาโอ่ เร๊อ อาเบเท เต๊เห่. เบเท เออเต๊เห่เนอ อาโอ่ บา เจ๊อ เร๊อ เตโนมื๊อโนชือ. เตโนมื๊อโนชือ เออเต๊เห่ หม่า หม่าเฮ๊อ จอแปแหร่ อาแกแย อา เตกุยจ๊อเบ เนอเต๊เห่ เฮ๊อ.

เตเด๊อะโลแถ่ 21:9

เตเน่วพู๊ โซซว๊าเตเพร เด๊อ อา ปื่อหม่า เกอเร๊อ เบหล่อดุ โซซว๊าเต๊เบ่ เด๊อ อา บา เร๊อ เตจาเตจือ เด๊อคยาเล๊อ โซซว๊าเต๊อเจ่อ เออ อาเกล เตเพรเนอ, อา แฮ เด๊อ แว โอ่ เร๊อ อา เฮ๊ แว เน๊อ, “แฮมอ เร๊อ แว เก่ ยูโล เน เร๊อ ซิหมิพู๊ อาเม เพรกาฉู่แด่ เพรเหมาะ เออเตเพร.”

เตเด๊อะโลแถ่ 15:1

ฮู๊เนอโทเรอ แว แม๊เถอะ เตโค๊ตีกลี๊ ดู๋ เด๊อ อาโร เต๊อเจ่อ โอ่โลแถ่ เด๊อ ม๊อเล. แว แม๊เถอะ เตเน่วพู๊ โซซว๊าเตเพร เด๊อ อา ปื่อหม่า เกอเร๊อ เน๊อ เตจาเตจือ โซซว๊าเต๊อเจ่อ. เออเต๊เห่ หม่า เตจาเตจือ เด๊อคยา ตื๊อดื่อเล๊อ เฮ๊อ, เมเตเฮ๊เรอ, เออเต๊เห่ ทวาแถ่ โทปาเนอ, จอแปแหร่ ซิปล่อดุ ปาโต่เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:9

เบ๊อะเป แฮ โอ่เล เกอ ซี เบ๊อะเนอ, ซี เอ๊โมฉื่อ แลแค เป ฮู๊เตเนอ, ล๋อ แกแย โอ่ เบ๊อะเนอ เต๊เห่ โด่แน เป่ ลอปลี เฮ๊อ เป. อา โด่แน เป่ เป เร๊อ แซ่ฮู๊ ซี เก่ เมเกอ จอแปแหร่ เด๊อ อา เซอเพร เร๊อ อาจ๊ออาเต หม่าแหน่ เออเตเพร อา เตเมเนอ, ซี วี๊แก แก ลอ เจ๊อ ซี เตจ๊อเบ เตแหย่โย เต๊เห่ เจ๊อ.

เตเด๊อะโลแถ่ 1:18

แว หม่า แกแย เด๊อ อา เซอเพร เตเพร. แว เซอ โทเฮ๊อ หม่าแน๊เรอ กู๊แหน่เออ แว เซอเพร ตูจูเพร แตแลเคร๊. แว โอ่เร๊อ เตอเรอฉว่าชอ เร๊อ เตโพร เร๊อ แว เป๊อะลอ เตเซอ เร๊อ โลเน๊มู๊แหม่รีแจ่ดอ เต๊เห่.

เตเด๊อะโลแถ่ 4:10

โหมะพรูโหมะเผร่ เนอเชอ เร๊อ ซิลุย เออเนอ อา แด๊งือแล เด๊อ เพร โอ่แนโอ่ เด๊อ จ๊อแผ่ อา กู่แกล๊เท แถ่โล อาขุ เนอเตเพร เป๊เส่เง เร๊อ อา จ๊อเบแถ่ แกแย เด๊อ อา เซอเพร ตูจูเพร เออเนอ เตเพร. เหย่ซี แด่ตาแก อา กู๊โก่เท เออเต๊เห่ เด๊อ จ๊อแผ่ กู่แกล๊เท แถ่โล อาเป๊เส่เง เร๊อ อา อิโรแถ่ แลแค เนอ,

เตเด๊อะโลแถ่ 14:10

เหย่ซี อาเหน่แบ่เจ่ เร๊อดื่อ อา เก่ โอ เกอ แลแค จอแปแหร่ อา เตซิปล่อดุ อาเทอแย ปา. อา เตซิปล่อดุ อาเบ เออเตเบ เนอ, อู ยือโนบา เร๊อ เทอแยแจ. ล๋อ แกแย เด๊อ อา เมเต ฮู๊เออ เต๊เห่เนอ อา เบ่ ข่าเบ่ แหน่เจ๊อ เตจาเตจือ เด๊อ หมิ เด๊อ อู ชื๊ออือ เน๊อ หย่าซู๊แบ อากู เออเนอ ปา. อา เก่ ข่าจาข่าจือ เด๊อ เตเน่วพู๊ บูโพ๊ เต๊เห่ เร๊อ ซิหมิ เนอโตโด อา เป๊เส่เง ปา.

เตเด๊อะโลแถ่ 17:1

เออโตโพ๊เรอ เตเน่วพู๊ โซซว๊าเตเพร เด๊อ อา ปื่อหม่า เกอเร๊อ เบหล่อดุ โซซว๊าเต๊เบ่ อาเกล เตเพรเนอ, อา แฮ เด๊อ แว โอ่ เร๊อ อา เฮ๊ แว เน๊อ, “แฮเมอ เร๊อ แว เก่ เด๊อะโล เน เร๊อ จอแปแหร่ เก่ เมจากาคยา แม๊เผ่โหมะ มีลาดุ เออเตเพร ฮู๊เต ปา เนอ. แม๊เผ่โหมะ เออเตเพร หม่า หม่าเฮ๊อ วีดุวีทู เด๊อ อา โอ่ เด๊อ แลโหมะดุ แลโอ่เอ๊ อาลู เออตีวี.