เตเด๊อะโลแถ่ 14:6 - ลีเทส่อพ๊าอาเซ เร๊อ เห่ขุทวาลู๊

⁶ โทเรอ แว แม๊เถอะ เตเน่วพู๊ เด๊อ อาโรเตเพร เร๊อ อา โหย่แถ่โล เด๊อ ม๊อเล เร๊อ อา พย๊าแฮหนิ เตซิครือมีลา ตูจูเพร อาหรี่อาแก. เร๊อ อา เก่ แด๊โฉ่ ซิเงเป่ แกแย เห่ขุพู๊ เต๊เห่ เร๊อ เมวเจอะ ปว๊าเต๊อเจ่อ, เร๊อ แกแย ปวาโต๊โหมะ, เร๊อ แกแย เด๊อ อา เฮ๊เบ่ โหง่ อิเตเต๋ เบ่เบ่ เร๊อ แกแย ปว๊าตู๊หมู่ เร๊อ เตซิครือมีลา เออเนอ ปา.

Eastern Kayah Shadaw Dialect

⁶ ꤓꤥ꤭ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣꤧ꤬ꤔꤢꤩꤖꤢꤨ ꤘꤣ ꤢ꤬ꤚꤥ꤬ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤛꤥ꤬ꤓꤢꤧ꤬ꤜꤥ꤭ ꤘꤣ ꤗꤢꤪꤜꤢꤩ꤭ ꤚꤣꤧ꤬ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤢꤧꤏꤥ꤬ ꤞꤤꤑꤢꤩ꤭ꤕ꤫ꤢꤩ꤬ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤗꤤ꤭ꤡꤣ꤬ ꤕꤝꤢ꤭꤮ ꤒꤣ꤬ꤡꤣ꤬, ꤔꤢꤧ ꤊꤣꤧ꤬ꤛꤢꤧ꤭ ꤕꤝꤢ꤭ꤒꤣ꤬ꤗ꤫ꤥ꤬, ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩꤙꤢꤩ꤬ ꤍ꤫ꤥ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤕꤝꤢ꤭ꤒꤣ꤬ꤗꤢꤨ꤬ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ ꤕꤢ꤭꤯

เตเด๊อะโลแถ่ 14:6 ပူးပေါင်းရင်းမြစ်များ

เห่ขุทวาลู่ 1:6

เร๊อ จอแปแหร่ดุ เฮ๊โป่ เน๊อ, “ป่าโส่ โอ่ทวาแถ่ มอ เด๊อ เทอ เนอโผะ อาเปล่กู, เร๊อ เบ โค๊แก เทอ เด๊อ ม๊อเล เน๊อ เทอ เด๊อ เห่ขุ เออ เนอ.”

มัทธิว 10:27

โหง่ เด๊อ แว เฮ๊ เป่ ซี เด๊อ อาคี๊เกล เต๊เห่เนอ, จว๊าเฮ๊เบ่ แลแค เด๊อ อาลีเกล เนอ นี๋. โหง่ เด๊อ ซี หนิโฮโห่ หนิโฮเซ๊ เต๊เห่เนอ, แถ่ เอ๊โท แลแค เด๊อ หี่กู่กล๊อขุ เนอ นี๋.

ꤗꤢ꤬ꤊꤢꤨ 16:15

เร๊อ อา เฮ๊ เหย่ซี เน๊อ, “จว๊าปีชีลอ เด๊อเห่ขุต๊าบ่าลอ เร๊อ จว๊าเล แด๊โฉ่โด่แน เป่ ลอ อู ปว๋า เตเพร เร๊อ เตซิครือซิลอมีลา เออเนอ นี๋.

ꤚꤥꤗꤢꤩ꤬ 16:25

เด๊อ แว แด๊โฉ่โด่แน โล เป่ อู เร๊อ เตซิครือมีลา เออ เร๊อ เหย่ซู่ครี๊ อาหรี่อาแกเออ อาขว่าอาคยา, จอแปแหร่ เมชอแถ่เบ๊ เป่ เฮ๊อ ซี เตหยื่อ เร๊อ เป เก่ ถู่เซ๊แถ่ อา โป๋. เหย่ซู่ครี๊ อาหรี่อาแก เออเนอหมา, อู แด่โอ๊แด่บี๊ อา อางยาลาเฮ๊อ หม่าแน๊เรอ กู๊แหน่เออ อู เด๊อะโล แถ่เฮ๊อ อา เฮ๊อ.

โคโลสี 1:23

แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

เธสะโลนิกา เนอบ่า ต๊าบ่า 2:16

เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

ꤟꤤꤙꤚꤢꤨ 13:20

แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.

เปโตร อาเหร่อเล๊อ ต๊าบ่า 1:25

หม่าแน๊เรอ แบ่เจ่ อาลาอาโหง่ เออเนอ, อา โอ่หม่าโอ่กลอ ตูจูเพร แตแลเคร๊.” อาลาอาโหง่ เออเนอหมา หม่าเฮ๊อ เตซิครือมีลา เด๊อ อู แด๊โฉ่โด่แน เป่ ซี เออเนอ เฮ๊อ.

เตเด๊อะโลแถ่ 10:11

ฮู๊เนอโทเรอ อู เฮ๊ แว เน๊อ, “เน เบ่ เฮ๊โพร หนื่ออื่อ คยาแซ๊ เป่ แกแย โอ่โร๊ลู, เมวเจอะ เอ๊ลูปว๊าเจ่อ, เพรเฮ๊เบ่ โค๊ลู โหง่ เอ๊ลูปว๊าเจ่อ เร๊อ คุ๊ยจ๊อแผ่ โอ่โร๊ลู เออเต๊เห่ อาหรี่อาแก นี๋.”

เตเด๊อะโลแถ่ 10:7

ช๋า เตเน่วพู๊ อาเพร โซซว๊าเตเพร เออเตเพร เก่ โอ๊แถ่ อากวา เบ๊อะเนอปาเนอ, จอแปแหร่ เก่ เมเล๊อบาแถ่ อาเต ตี๊หรี่แตแร หนื่ออื่อ เตอาจ่ออาแย ฮู๊ อา แด๊โฉ่ โทเฮ๊อ อาหลู่เล๊ เพรโพร เต๊เห่ เนอ ปา.”

เตเด๊อะโลแถ่ 13:7

อา พย๊าหนิ เต แร๊ เด๊อ อา เก่ ช๊า จอแปแหร่ อา แกแย เบ๊หมู่ เร๊อ อา เก่ เมเป่แก เหย่ซี ปา, เร๊อ อู เก่ เด๊อะ อา เตอเรอฉว่าชอ เด๊อ อา เก่ เป๊อหนิ ลออู ปวาโต๊โหมะ, แกแย ปวาตู๊หมู่, เร๊อ ล๋อ แกแย เด๊อ อา เฮ๊เบ่ โหง่ อิเตเต๊ เบ่เบ่ เร๊อ เมวเจอะ อิเตเต๊ เบ่เบ่ เนอเต๊เห่ ปา.

เตเด๊อะโลแถ่ 3:10

แว เฮ๊แก โหง่ เด๊อ เน เก่ แด่ทูซิปล่อ อาเง เออเนอ, เน โตเตเนหม่า พย๊าหม่า อาขว่าอาคยา, เตแป่เตเช เด๊อ อา เตเร แฮ เด๊อ เห่ขุเออ เร๊อ อา เก่ เมแม๊ ล๋อ แกแย โอ่เด๊อ เห่ขุ เออต๊าบ่า ลอปา เบ๊อะเนอ, แว เก่ ตอกอเตเก เกอเร๊อ เน ปา.

เตเด๊อะโลแถ่ 5:9

เหย่ซี อิโร ลีอิโร อาเซ โต๊โต่ เนอ, “เน ต่าดื่อเฮ๊อ เร๊อ เน เก่ พย๊า ลีตูลูเออ เร๊อ อ๊าโมแก เตเมม๊าเมแด เออเต๊เห่. เมเตเฮ๊เรอ อู เมเซอ โทเฮ๊อ เน อาขว่าอาคยา, แซ่ฮู๊ แกแย เต๊เห่ เก่ ทวาแถ่ จอแปแหร่ อาเต เนอ เน อี๊ถ่ากาเฮ๊อ เหย่ซี เร๊อ เนสุ่ย เร๊อ แกแยเห่ขุพู๊ เต๊เห่เห่ เด๊อ อา โอ่ เด๊อ แกแย ปว๊าโต๊โหมะ, โหง่ ปว๊าโต๊โหง่, เมวเจอะ ปว๊า เต๊อเจ่อ เร๊อ เก่ ปว๊าเต๊เก่ อาเกล เต๊เห่เนอ, เน อี๊ถ่ากา เป่ โทเฮ๊อ เร๊อ จอแปแหร่.

เตเด๊อะโลแถ่ 8:13

เบ๊อะเนออาเค แว แม๊เถอะ ลาบูดุ เต๊เบ่ โย เด๊อ ม๊อเล เร๊อ แว หนิโฮ อาพราแถ่ เน๊อ, “เตเน่วพู๊ เด๊อ อาโร เนอ ซิโซ เตเร โอ๊แถ่ เฮ๊อ อากวา อาขว่าอาคยา, ล๋อ แกแย โอ่ เด๊อ เห่ขุเน๊ขุ เออเต๊เห่ เก่ โอ่ เร๊อ เตจาเตจือ, เตจาเตจือ, เตจาเตจือ,” อา พราแถ่ ฮู๊เนอ.