เตเด๊อะโลแถ่ 14:4 - ลีเทส่อพ๊าอาเซ เร๊อ เห่ขุทวาลู๊4 เหย่ซี เออเต๊เห่ เนอหม่า เพรคู เด๊อ อาซิปล่อ อาโพ๊อาแปละ เร๊อ อา โอ่เมอ เต่อน๊อ เร๊อ เพรเหมาะ โต่ เต๊เห่. เหย่ซี หม่า เพรคูพู๊เส่ เด๊อ อา จ๊อจื้อ เต๊เห่. ซิหมิพู๊ เนอโตโด จว๊าเบ๊อะเต๋ โต๊โผ่ เบ่เบ่, เหย่ซี ครวาจว๊าเกอ ลูคยา. เหย่ซี หม่า อู อี๊ถ่ากา โทเฮ๊อ อา เด๊อ เห่ขุพู๊ เต๊เห่ อาเกล เร๊อ เหย่ซี หม่า แกแย เต๊เห่ เด๊อ อู หลู่แถ่ เหร่อเล๊อ ลู เด๊อ จอแปแหร่ เร๊อ ซิหมิพู๊ เนอโตโด อาโอ่ เฮ๊อ. အခန်းကိုကြည့်ပါ။Eastern Kayah Shadaw Dialect4 ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤖꤚꤢꤩ꤬ꤋꤢꤨ꤭ ꤘꤣ ꤢ꤬ꤞꤤꤕꤜꤢꤪ꤬ ꤕꤜꤤ꤭ꤖꤥ ꤚꤣꤧ꤬ ꤢ꤬ ꤥ꤬ꤗꤣꤧ꤭ ꤒ꤫ꤣ꤬ꤔꤢꤪ ꤔꤢꤧ ꤖꤚꤢꤩ꤬ꤗꤢꤪ꤬ ꤒꤥ꤬ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤗꤢ꤬ ꤖꤚꤢꤩ꤬ꤋꤢꤨ꤭ꤖꤢꤨꤞꤢꤩ꤬ ꤘꤣ ꤢ꤬ ꤡꤢꤪꤡꤢꤦ ꤒꤣꤧ꤬ꤟꤢꤩ꤬꤯ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤡꤝꤢꤙꤣꤧꤒꤢꤩ꤭꤮ ꤒꤣ꤬ꤖꤥ꤬ ꤙꤢꤩ꤬ꤙꤢꤩ꤬, ꤛꤢꤩ꤬ꤞꤤ꤭ ꤋꤚꤝꤢ꤭ꤡꤝꤢꤊꤣꤧ꤭ ꤜꤢꤨ꤭ꤋꤛꤢ꤭꤯ ꤛꤢꤩ꤬ꤞꤤ꤭ ꤗꤢ꤬ ꤢꤨ꤭ ꤤ꤬ꤓꤢ꤬ꤊꤢ꤬ ꤓꤥ꤭ꤟꤣꤧ ꤢ꤬ ꤘꤣ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤚꤣꤧ꤬ ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢꤨ꤭ ꤜꤢꤨ꤭ꤓꤢꤧ꤬ ꤚ꤫ꤣꤧ꤬ꤜꤣ ꤜꤢꤨ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤢ꤬ꤥ꤬ ꤟꤣꤧ꤯ အခန်းကိုကြည့်ပါ။ |
เตเด๊อะโลแถ่ 14:4
32 ပူးပေါင်းရင်းမြစ်များ
เหย่ซี อิโร ลีอิโร อาเซ โต๊โต่ เนอ, “เน ต่าดื่อเฮ๊อ เร๊อ เน เก่ พย๊า ลีตูลูเออ เร๊อ อ๊าโมแก เตเมม๊าเมแด เออเต๊เห่. เมเตเฮ๊เรอ อู เมเซอ โทเฮ๊อ เน อาขว่าอาคยา, แซ่ฮู๊ แกแย เต๊เห่ เก่ ทวาแถ่ จอแปแหร่ อาเต เนอ เน อี๊ถ่ากาเฮ๊อ เหย่ซี เร๊อ เนสุ่ย เร๊อ แกแยเห่ขุพู๊ เต๊เห่เห่ เด๊อ อา โอ่ เด๊อ แกแย ปว๊าโต๊โหมะ, โหง่ ปว๊าโต๊โหง่, เมวเจอะ ปว๊า เต๊อเจ่อ เร๊อ เก่ ปว๊าเต๊เก่ อาเกล เต๊เห่เนอ, เน อี๊ถ่ากา เป่ โทเฮ๊อ เร๊อ จอแปแหร่.
เหย่ซี เก่ ช๊า ซิหมิพู๊ เนอโตโด ปา, หม่าแน๊เรอ ซิหมิพู๊ เออโตโด เก่ ช๊าเป่แก เหย่ซี ปา, เมเตเฮ๊เรอ ซิหมิพู๊ เออเนอหม่า หม่า แบ่เจ่ เต๊เห่ อา แบ่เจ่, จ๊อแผ่ เต๊เห่ อาจ๊อแผ่, เร๊อ แกแย เด๊อ อา โอ่เกอ เร๊อ อา เนอเต๊เห่ หม่า หม่าเฮ๊อ แกแย เด๊อ จอแปแหร่ เอ๊ แหน่ เหย่ซี, โท๊โต่ จอแปแหร่ นว๊าแถ่ แหน่ เหย่ซี, โทเรอ เหย่ซี หม่า แกแย เด๊อ อาจ๊อ เร๊อ อาโหง่ เต๊เห่.
หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.
แหย่โยบูโพ๊แบ่เจ่ เออเนอ อาแซ่เน๊อ เตอ๊อแล อาหม่าอากลอ เต๊อเจ่อ เด๊อ อา เด๊อะโล เร๊อ ล๋อ จอแปแหร่ อ๊อแล เด๊อ อา เก่ เด๊อ เป ปา เต๊เห่เนอ, เป่ เก่ พย๊าหนิ ปา. ช๊า จอแปแหร่ อา เตอี๊ถ่ากา เป อา เตเอ่เตแร เออ อาปลื๊ออาโท ลอเฮ๊อ ปา เบ๊อะเนอ, อา เก่ เด๊อะ เป อู่เจเต๊เหย่ เนอเต๊เห่ ปา. ฮู๊เนอเรอ อู เก่ ถู่เซ๊แถ่ เกอ จอแปแหร่ อา เตดุเตทู เออเต๊เห่ ปา.
แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋.
เหย่ซี อิซว๊าซื๊อ อู เร๊อ นอพย๊า อูเมอูเว โต่, โทเรอ เหล่เอ่เหล่โอ เต๊เห่เห่เนอ อา นอโด่เอ่โด่โอ อู. หม่าแน๊เรอ จอแปแหร่ แบ๊แล เป่ เหล่เอ่ เออเต๊เห่ เด๊อ เพรหยื่อเอ่ เต๊เห่ อาเง. แกแย เด๊อ อา หยื่อเอ่ เต๊เห่ เน๊อ แกแย เด๊อ อา ซิเง เตหมะเตจ๊อ เต๊เห่ อาเงเนอ, อา เก่ เฮ๊บุ๊ยเฮ๊เตอเรอแถ่ จอแปแหร่ เร๊อ อา พย๊าเอ่ เหล่เอ่ เด๊อ จอแปแหร่ แบ๊แล เออเต๊เห่ เฮ๊เนอหม่า อาหนิ แพ๊.
เมเตเฮ๊เรอ แกแย เต๊เห่เห่ เนอ, อาอ๊าอาเหร่ โอ่โต่ ปา เจ๊อ เด๊อ อา โหมะฮ๊อกู ปา อาขว่าอาคยา, อาพย๊า อาเมโต่. เต๊เห่เห่ เนอ อู ชุ๊ยแก ลูเดอะ. แกแยเต๊เห่เห่ เด๊ออาเบ่หยื่อ เบ่แหน่ จอแปแหร่ อาเทอ อาเก่ อาขว่าอาคยา, อา อ๊าแล เฮ๊อ อาซิปล่อ เร๊อ อาพย๊า ปา อาพู๊อาเม โต่. แกแย เด๊อ อา จูเอ่เบ๊ เตอิซว๊าอี๊แส่ เออเต๊เห่เนอ, นอเม เหย่ซี ฮู๊เนอ.”
แซ่ฮู๊ อา เพรหยื่อเอ่อา ตู๊หมู่ตอกล๊อ เก่ ตว่า เก่ แซแร เก่ ลีเตเคแร๊ เด๊อ อา เป๊เส่เง ปาเนอ, อา ข่าเซอ เป่ เด๊อ เหย่ซี อาเง. เร๊อ อา ซิหยื่อ เด๊อ อา เพรหยื่อเอ่ เต ตู๊หมู่ตอกล๊อ, เบ่วี๊เบ่รวา หนิ โต่. เบ่ตีนี โตโน๊หนิโต่, เบ่ มู๊แหม่รีแจ่ หนิ เร๊อ เต เด๊อ อาโร เต๊เห่ โต่. หม่าแน๊เรอ, อา ซิหยื่อ เด๊อ อา เบ่ บูโพ๊ เร๊อ อู เบ่ แด่หนิ เตซื๊อ เด๊อ อาเหน่ลู โต่.
ซี แฮโต่เฮ๊อ เด๊อ จอแปแหร่ อา พู๊แหว่เพร่ว เต๊เห่ เหล่แฮโอป่อ เต่อลู อา เหล่โอ่ เฮ๊อ. อู ราโนม๊า โอ่เฮ๊อ เหย่ซีมุย เด๊อ ม๊อขุ เฮ๊อ. ซี แฮโต่ แลแค เฮ๊อ เด๊อ จอแปแหร่ เด๊อ อา เก่ เมจากาคยา เร๊อดื่อ อู ปว๋า เตเพร เน๊อ อาเหน่แหน่แบ่เจ่ เออเตเพร อาเป๊เส่เง เฮ๊อ. ซี แฮโต่เฮ๊อ เด๊อ แกแยจ๊อ แกแยเต เด๊อ เนอเค เต๊เห่ อา ซิปล่อเซอเพร เด๊อจอแปแหร่ เมเล๊อบา โทเฮ๊อ ลูเออเต๊เห่ อา โอ่ เฮ๊อ.
ကြော်ငြာတွေ