เตเด๊อะโลแถ่ 14:1 - ลีเทส่อพ๊าอาเซ เร๊อ เห่ขุทวาลู๊

¹ เบ๊อะเนอเค, แว แม๊เถอะ ซิหมิพู๊ เนอโตโด ก๊อถ่อโอ่ เด๊อ ซีโยน โฉ่ขุ. เร๊อ อู ก๊อถ่อ โอ่เต่อเกอ เร๊อ อา อาเพร ตีซี เร๊อ ลุยซ๊อ เร๊อ ลุยรี๊. เด๊อ แกแย เออเต๊เห่ อา มาเท๊ลู เนอ, อู ราม๊าโอ่ ซิหมิ เออโตโด อามุย เร๊อ อาเพ อามุย.

Eastern Kayah Shadaw Dialect

¹ ꤙꤣꤧꤔꤣꤧ꤬ꤋꤢꤩ꤭, ꤠꤢꤧ꤭ ꤗꤢꤧꤓ꤫ꤣꤧ꤬ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤊꤣꤧ꤬ꤓꤢꤪ꤬ꤥ꤬ ꤘꤣ ꤞꤤꤥ꤬ ꤏꤥ꤬ꤋꤢꤨ꤬꤯ ꤚꤣꤧ꤬ ꤢꤨ꤭ ꤊꤣꤧ꤬ꤓꤢꤪ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤢ꤬ ꤢ꤬ꤖꤚꤢꤩ꤬ ꤒꤣ꤬ꤞꤤ꤭ ꤔꤢꤧ ꤜꤝꤤ꤭ꤞꤢꤪ ꤔꤢꤧ ꤜꤝꤤ꤭ꤚꤤ꤯ ꤘꤣ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤗꤢ꤭ꤓꤢꤩꤜꤥ꤬ ꤔꤣꤧ꤬, ꤢꤨ꤭ ꤚꤢ꤭ꤗꤢꤥ꤬ ꤞꤤꤗꤤ꤬ ꤣꤧ꤭ꤒꤣ꤬ꤘꤥ꤭ ꤢ꤬ꤗꤝꤤ꤭ ꤔꤢꤧ ꤢ꤬ꤖꤢꤩ꤭ ꤢ꤬ꤗꤝꤤ꤭꤯

เตเด๊อะโลแถ่ 14:1 ပူးပေါင်းရင်းမြစ်များ

เตเด๊อะโลแถ่ 3:12

แกแย เด๊อ อา เมเป่ เตเนอ, แว เก่ เด๊อะทวาแถ่ อา เร๊อ แว จอแปแหร่ อา เตหลู่เเตโฮ อาอี๊ถื่อ ปา, โทเรอ อา เก่ โอ่ ตื๊อดื่อลา เบ๊อะเนอ ปา. แว เก่ ราโอ่หนิ แว จอแปแหร่ อามุย เด๊อ อาลู ปา. โทเรอ แว เก่ ราโอ่ แว จอแปแหร่ อาวี หม่าดื่อ เยรูซาเล็ม วีเซ อามุย เออเนอ เด๊อ อาลู ปา. เยรูซาเล็ม วีเซ เออเนอ, อา โอ่ เด๊อ ม๊อขุ เด๊อ แว จอแปแหร่ อาโอ่ เร๊อ อา แฮแล. เร๊อ แว เก่ ราโอ่เกอ แว มุยเซ เด๊อ อาลู ปา.

ꤜꤢꤨꤊꤢ꤬ 12:8

“แว เฮ๊ ซี, อูเปเป๋ เบ่เบ่ อา เก่ อ๊อแล เด๊อ เหย่ซู่ครี๊ หม่า แว แบ่เจ่ เด๊อ แกแย โอ่โร๊ อา เป๊เส่เง เฮ๊เนอ, แกแยพู๊คู หม่าเฮ๊อ แวเออ, แว เก่ อ๊อแลเกอดื่อ อา ฮู๊เนอเด๊อ จอแปแหร่ อา เตเน่วม๊อขุ เต๊เห่ อา เป๊เส่เง ปา.

ꤚꤥꤗꤢꤩ꤬ 9:33

ฮู๊ ลีเทส่อพ๊ากู เฮ๊ คูเมสิยาห์ หม่าเฮ๊อ เพรเมแลเปล๊กา อาหรี่อาแก เน๊อ, “แม๊มอ แลแค, แว แด่โอ่ หล่อ เตเม เด๊อ วีศิโยน อากู ปา, เร๊อ อู เก่ ตอพอ อา ปา, เร๊อ อา เก่ เมแลคื๊อ อู ปา. หม่าแน๊เรอ แกแย เด๊อ อา หยื่อเอ่ ลู เต๊เห่เนอ, อา โต่ เด๊อ เตซิปล่อปย๊า อาเหล่โอ่ แตแค๋ โต่.”

เตเด๊อะโลแถ่ 14:14

ฮู๊เนอโทเรอ เด๊อคยาเนอ แว แม๊เถอะ อ๊อโหล่บู ต๊าบ่า, เร๊อ เด๊อ อ๊อโหล่ เนอต๊าบ่า อาลู เนอ, อาแซ่เน๊อ แกแย โอ่แนโอ่ เตเพร เร๊อ อา โก่หนิ กู๊โก่เท เตเม เร๊อ อา ปื่อหนิ เตเจ แทแร๊ เต๊เบ่ เด๊อ อา กู๊ยากู.

เตเด๊อะโลแถ่ 15:5

โทเรอ แวแม๊ เร๊อ แวแม๊เถอะ เตหลู่แตโฮหม่าเฮ๊อ จอแปแหร่ เตอ๊อแล เหล่สื่อดุ เด๊อ ดอบูม๊อขุ อาเหล่โอ่ บูโพ๊เล๊ออู เนอโต๊โผะ ลูโมแอ.

เตเด๊อะโลแถ่ 6:8

แว แม๊ เร๊อ แว แม๊เถอะ ตีซิ แบบูเล โตโด. เร๊อ แกแย เด๊อ อา แถ่แด๊ อา เตเพรเนอ อู เอ๊ ลูมูย เร๊อ เตเซอ. เร๊อ โลเก่เน๊ดอ ครวาต๊อต่อ เกอ ลูคยา. อู เด๊อะ เหย่ซี อาเตอเรอฉว่าชอ เด๊อ อา เก่ เมปย๊าแก เห่ขุ ลุยปุ๊ยตูปุ๊ย ปา. ฮู๊เนอเรอ อา เก่ เมเซอ อู เร๊อ เตช๊าเตปา, เตโอ่วีโอ่กอ, เตชุ๊ยเตเช เร๊อ เตมีเตแหม่ เต๊เห่ ปา.

เตเด๊อะโลแถ่ 4:1

เตเออเต๊เห่ โท เร๊อ แว แม๊เถอะลว๊า หนื่ออื่อโป่ เตอาโร เต๊อเจ่อ. เด๊อ ม๊อขุเนอ, กู่ดา เต๊เบ่ ลูโมโอ่ เร๊อ แว หนิโฮ เตพราแถ่ เต๊อเจ่อ เร๊อ อา พรา แซ๊เร๊อ กวาพรา ฮู๊ แว หนิโฮ โทเฮ๊อ เด๊อ กูลู่เค เนอ, เร๊อ อา เฮ๊เบ่ แว เร๊อ อา เฮ๊ เน๊อ, “แถ่เด๊อเออ, เออเต๊เห่ ทวาแถ่ โทปา เร๊อ แคร๋ หม่าเต เบ่ ทวาแถ่ ลาติ ปาเนอ, แว เก่ เด๊อะโล เป่ เน.”

เตเด๊อะโลแถ่ 14:3

แกแย เด๊อ อู อี๊ถ่ากา เหย่ซี อาเพร ตีซี เร๊อ ลุยซ๊อ เร๊อ ลุยรี๊ เออเต๊เห่เนอ, อา ก๊อถ่อโอ่ แลแค เด๊อ จ๊อแผ่ กู่แกล๊เท แถ่โล เร๊อ เตเซอเพร เออ ลุยโด เร๊อ โหมะพรูโหมะเผร่ เนอเต๊เห่ อาเป๊เส่เง. เหย่ซี อิโรลี อาเซ โต๊โต่ เด๊อ อู อิซว๊าเบ่แจ่ เป่ แพ๊ตื๊อ เหย่ซี แพ๊ เออเนอ โต๊โต่.

เตเด๊อะโลแถ่ 22:4

เหย่ซี เก่ แม๊เถอะ จอแปแหร่ อาเป๊เส่ ปา เร๊อ อู เก่ ราโอ่ จอแปแหร่ อามุย เด๊อะ เหย่ซี อามาเท๊ลู ปา.