เตเด๊อะโลแถ่ 13:2 - ลีเทส่อพ๊าอาเซ เร๊อ เห่ขุทวาลู๊

² เตมีเตแหม่ เออโตโด เนอ, อาแซ่เน๊อ แอ๊ซี, อากู๊โด่ เนอ อาแซ่เน๊อ เท กู๊โด่ เร๊อ อาแกกู เนอ อาแซ่เน๊อ แอ๊ซี แกกู. แปล เนอโตโบ เด๊อะ เตมีเตแหม่ เนอโตโด เร๊อ อา เตโพรฉว่าชอ เร๊อ อา เหล่โอ่แน หม่าดื่อ จ๊อแผ่ กู่แกล๊เท แถ่โล เออเนอ เร๊อ เตอเรอฉว่าชอ เด๊อ อา เก่ เป๊อเต อาเง เต๊เห่.

Eastern Kayah Shadaw Dialect

² ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭ ꤔꤣꤧ꤬, ꤢ꤬ꤞꤢꤧꤔꤢꤧ ꤖꤥ꤭ꤋꤤ꤭ꤊꤣꤧ꤬ꤙꤢꤩꤕꤜꤢꤪ꤬, ꤢ꤬ꤋꤢꤧꤘꤥ꤬ ꤔꤣꤧ꤬ ꤢ꤬ꤞꤢꤧꤔꤢꤧ ꤓꤢꤩ꤭ ꤋꤢꤧꤘꤥ꤬ ꤚꤣꤧ꤬ ꤢ꤬ꤊꤢꤧ꤭ꤊꤢꤨ꤭ ꤔꤣꤧ꤬ ꤢ꤬ꤞꤢꤧꤔꤢꤧ ꤢꤞ꤫ꤤ꤬ ꤊꤢꤧ꤭ꤊꤢꤨ꤭꤯ ꤕꤜꤢꤧ꤬ ꤔꤣꤧ꤬ꤒꤣ꤬ꤙꤥ꤭ ꤘꤣꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤔꤣꤧ꤬ꤒꤣ꤬ꤘꤥ꤭ ꤔꤢꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤔꤢꤧ ꤢ꤬ ꤜ꤫ꤢꤩ꤬ꤥ꤬ꤔꤢꤧ꤭ ꤗ꤫ꤢ꤬ꤘꤢꤦ꤬ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤣꤧ꤭ꤔꤣꤧ꤬ ꤔꤢꤧ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤘꤣ ꤢ꤬ ꤊ꤫ꤢꤦ꤬ ꤕꤣꤒꤢꤩ꤬ ꤢ꤬ꤑꤢꤩ꤭ ꤒꤣꤧ꤬ꤟꤢꤩ꤬꤯

เตเด๊อะโลแถ่ 13:2 ပူးပေါင်းရင်းမြစ်များ

เตเด๊อะโลแถ่ 20:2

อา แฮ ปื่อหม่าแก แปล หม่าเฮ๊อ โลเน๊มู๊แหม่รีแจ่ กู่กล๊อ มู๊หนู่มู๊ส่าเค เนอโตโบ. อา หม่า อู เอ๊ ลู เร๊อ ซาตาน. เร๊อ อา จอกลอหม่างยา ลู อาหน่าตีรี๊.

เตเด๊อะโลแถ่ 17:12

อานอ โอ่ แพเช๊อ เด๊อ เน แม๊เถอะ โทเฮ๊อ อาเนอ หม่า หม่าเฮ๊อ จ๊อแผ่ อาเพรเช๊อ เด๊อ อา เป๊อ แต่ล๋าย เทอเก่ โต่ เต๊เห่ หม่าแน๊เรอ อู เก่ เด๊อะ เหย่ซี เตอเรอฉว่าชอ เด๊อ อา เก่ เป๊อ งยา นาที เฉอโซซว๊า ปา. อา เก่ เป๊อ เต่อเกอ เต เร๊อ เตมีเตแหม่ ฮู๊ จ๊อแผ่ เต๊เห่เนอ ปา.

เตเด๊อะโลแถ่ 12:9

แปล่ดุ มู๊หนู่มู๊ส่าเค โตโบ เด๊อ อู เอ๊ ลูมูย เร๊อ โลเน๊มู๊แหม่รีแจ่ กู่กล๊อ หม่าโต่เรอ ลูซีเฟอร เด๊อ อา จว๊า อิลออี๊โหล่ ลอ อู เห่ขุต๊าบ่า เออโตโบ เนอ, อู วีตาแก ลอ อา เร๊อ อา เตเน่วพู๊ เต๊เห่ เด๊อ เห่ขุ.

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

เตเด๊อะโลแถ่ 19:20

อู ปื่อหนิแก เตมีเตแหม่ เนอโตโด เร๊อ อู ปื่อหนิ เต่อโหร่ เกอโป่ เร๊อ เพรโพร แลโฮ เด๊อ อา เมโล เป่ อู เตโค๊ตีกลี๊ เด๊อ เตมีเตแหม่ เนอโตโด อาเป๊เส่เง เนอเตเพร. เด๊อ อา เม โค๊ตีกลี๊ เป่ อู อาขว่าอาคยา, อา อิลออี๊โหล่ แลโฮ ลอ แกแย เด๊อ อา พย๊าหนิ เตมีเตแหม่ เนอโตโด อา เตเมม๊าเมแด เร๊อ อา จ๊อเบ ลู เนอเต๊เห่. เตมีเตแหม่ เนอโตโด เร๊อ เพรโพร เด๊อ อา อิลออี๊โหล่ แลโฮ อู เนอเตเพร ซิเนอ ลอ อู ต่าตา เซอเพร แก เหย่ซี เด๊อ หมิเผ่ เด๊อ อู ชื๊ออือ เร๊อ หย่าซู๊แบ เนอเต๊เผ่ อากู.

เตเด๊อะโลแถ่ 13:4

แปล เนอโตโบ ย๋อ เด๊อะ โทเฮ๊อ อา เตอเรอฉว่าชอ เน๊อ เตมีเตแหม่ เนอโตโด อาขว่าอาคยา, แกแย ปว๋า เตเพร จ๊อบู่จ๊อเบแถ่ ล๊อปลี ลู. เหย่ซี จ๊อบู่จ๊อเบแถ่ หนิเกอ เตมีเตแหม่ เร๊อ อา เฮ๊ แลแค เน๊อ, “แกแย เด๊อ อาแซ่เน๊อ เตมีเตแหม่ เออเนอหม่า อาโอ่ แฮ? หม่าอูเป เตเพร ช๊าฉื่อ บื่อ อา เป?”

เตเด๊อะโลแถ่ 12:15

โทเรอ แซ่ฮู๊ แปลเออ เก่ อาโพร๊ทุ๊ยโล จว๊าแกหนิ เพรเหมาะเออ เตเพร อาเงเนอ, อาปลวา ทุ๊ยเถ่ เทอ เด๊อ อาแกกู แซ่เจ๊อเร๊อ เทอแลโหมะ ทุ๊ยแฮ เนอ.

เตเด๊อะโลแถ่ 12:13

เบ๊อะแปล เออโตโบ ซิเงเฮ๊อ เร๊อ อู วีตาแก เฮ๊อ อา เด๊อ เห่ขุ เบ๊อะเนอ, เป๊อแถ่ ลือปื่อ เพรเหมาะ เด๊อ อาพู๊โอ่หนิเฮ๊อ อา พู๊เพรคู เออเนอ เตเพร.

เตเด๊อะโลแถ่ 16:10

เตเน่วพู๊ แงเพร เตเพร กลอตา อา เบหล่อดุ เด๊อ เตมีเตแหม่ อา กู่แกล๊แถ่โล เออเนอ อาขุ เร๊อ เตคี๊ โอ่แถ่ เด๊อ เตมีเตแหม่ อาเทออาเก่ กู. เด๊อ อา ข่าเบ่ เตจาเตจือ เออ อาขว่าอาคยา, เหย่ซี อ่า เกอเร๊อ ลอ แลแค อาปลี.

ทิโมธี เนอบ่า ต๊าบ่า 4:17

หม่าแน๊เรอ แซ่ฮู๊ แกแยยิวพู๊ หม่าโต่ เต๊เห่ เก่ หนิโฮน๊อ เกอ เตซิครือมีลา อาเงเนอเรอ, แบ่เจ่ โอ่เกอ เน๊อ แว เร๊อ อา เด๊อะ แว เตอ๊าเตเหร่ เร๊อ แว แด๊โฉ่โล เล๊อบา เป่โท เหย่ซี เฮ๊อ. ฮู๊เนอเรอ แว แลเปล๊ เถ่แกเฮ๊อ เออเนอหมา อา แซ่เจ๊อเร๊อ แว แลเปล๊ เถ่แก เด๊อ แอ๊ซี แกกู เจ๊อ.

เตเด๊อะโลแถ่ 2:13

เน โอ่โต เจ๊อ เร๊อ โลเน๊มู๊แหม่รีแจ่ กู่กล๊อ เหล่โอ่แน กู่แกล๊แถ่โล อาเหล่โอ่ เจ๊อ เนอหม่า แว ซิเง. เบ๊อะอู เมเซอ เจ๊อ คูอันที หม่าเฮ๊อ เพรข่าเฮ๊โล เด๊อ อาจ๊อ เร๊อ แวเออ เนอเตเพร เบ๊อะเน วีกู โลเน๊มู๊แหม่รีแจ่ กู่กล๊อ อาเหล่โอ่ เนอ เจ๊อ หม่าแน๊เรอ เน จ๊อ เร๊อ แว, เน วีแก เน เตหยื่อเตแหน่ โต่.

เตเด๊อะโลแถ่ 13:12

เตมีเตแหม่ เด๊อ อา โอ่ เด๊อ เห่เล แฮเถ่ เออโตโดเนอ, อา นอเอ่ ลอปลี เจ๊อ เตมีเตแหม่ เด๊อ อาเหร่อ เนอโตโด. อา เตอเรอฉว่าชอ เนอเต๊เห่ เด๊อ ลูเป๊เส่เง แซ่ฮู๊ อู เก่ จ๊อเบแถ่ เตมีเตแหม่ เด๊อ อา เบ่ เต๊เหม่ โทเฮ๊อ เร๊อ อารี กาคยาเฮ๊อ เนอ โตโด, เร๊อ อา นอฉว่า เห่ขุเออ เร๊อ ล๊อ แกแย โอ่ เด๊อ เห่ขุ เออเต๊เห่ เก่ จ๊อเบแถ่ ลู.