อู ปื่อหนิแก เตมีเตแหม่ เนอโตโด เร๊อ อู ปื่อหนิ เต่อโหร่ เกอโป่ เร๊อ เพรโพร แลโฮ เด๊อ อา เมโล เป่ อู เตโค๊ตีกลี๊ เด๊อ เตมีเตแหม่ เนอโตโด อาเป๊เส่เง เนอเตเพร. เด๊อ อา เม โค๊ตีกลี๊ เป่ อู อาขว่าอาคยา, อา อิลออี๊โหล่ แลโฮ ลอ แกแย เด๊อ อา พย๊าหนิ เตมีเตแหม่ เนอโตโด อา เตเมม๊าเมแด เร๊อ อา จ๊อเบ ลู เนอเต๊เห่. เตมีเตแหม่ เนอโตโด เร๊อ เพรโพร เด๊อ อา อิลออี๊โหล่ แลโฮ อู เนอเตเพร ซิเนอ ลอ อู ต่าตา เซอเพร แก เหย่ซี เด๊อ หมิเผ่ เด๊อ อู ชื๊ออือ เร๊อ หย่าซู๊แบ เนอเต๊เผ่ อากู.
เตเด๊อะโลแถ่ 13:12 - ลีเทส่อพ๊าอาเซ เร๊อ เห่ขุทวาลู๊12 เตมีเตแหม่ เด๊อ อา โอ่ เด๊อ เห่เล แฮเถ่ เออโตโดเนอ, อา นอเอ่ ลอปลี เจ๊อ เตมีเตแหม่ เด๊อ อาเหร่อ เนอโตโด. อา เตอเรอฉว่าชอ เนอเต๊เห่ เด๊อ ลูเป๊เส่เง แซ่ฮู๊ อู เก่ จ๊อเบแถ่ เตมีเตแหม่ เด๊อ อา เบ่ เต๊เหม่ โทเฮ๊อ เร๊อ อารี กาคยาเฮ๊อ เนอ โตโด, เร๊อ อา นอฉว่า เห่ขุเออ เร๊อ ล๊อ แกแย โอ่ เด๊อ เห่ขุ เออเต๊เห่ เก่ จ๊อเบแถ่ ลู. အခန်းကိုကြည့်ပါ။Eastern Kayah Shadaw Dialect12 ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ ꤥ꤬ ꤘꤣ ꤟꤢꤩ꤬ꤜꤢꤩ꤭ ꤟꤢꤧ꤭ꤓꤢꤩ꤬ ꤣꤧ꤭ꤒꤣ꤬ꤘꤥ꤭ꤔꤣꤧ꤬, ꤢ꤬ ꤔꤢꤪ꤭ꤢꤩ꤬ ꤜꤢꤪ꤭ꤕꤜꤤ꤭ ꤡꤣꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ꤚ꤫ꤣꤧ꤬ ꤔꤣꤧ꤬ꤒꤣ꤬ꤘꤥ꤭ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤘꤣ ꤜꤢꤨ꤭ꤕꤣꤧꤞꤢꤩ꤬ꤑꤢꤩ꤭ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤡꤢꤪꤙꤢꤩ꤭ꤓꤢꤧ꤬ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ ꤙꤢꤩ꤬ ꤒꤣꤧ꤬ꤗꤢꤩ꤬ ꤓꤥ꤭ꤟꤣꤧ ꤚꤣꤧ꤬ ꤢ꤬ꤚꤤ꤬ ꤊꤢ꤬ꤋꤛꤢ꤭ꤟꤣꤧ ꤔꤣꤧ꤬ ꤒꤣ꤬ꤘꤥ꤭, ꤚꤣꤧ꤬ ꤢ꤬ ꤔꤢꤪ꤭ꤏꤝꤢ꤬ ꤟꤢꤩ꤬ꤋꤢꤨ꤬ꤣꤧ꤭ ꤔꤢꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤡꤢꤪꤙꤢꤩ꤭ꤓꤢꤧ꤬ ꤜꤢꤨ꤭꤯ အခန်းကိုကြည့်ပါ။ |
เตเด๊อะโลแถ่ 13:12
12 ပူးပေါင်းရင်းမြစ်များ
หมิ เด๊อ อา อือกู่จา อือกู่จือ เหย่ซี เออเนอ, อา เก่ โข่แถ่ ตูจูเพร แตแลเคร๊ ปา. แกแย เด๊อ อา จ๊อเบแถ่ เตมีเตแหม่ เออ, เร๊อ อาเพรโพร เออเต๊เห่, โทเรอ อูเป๋ เบ่เบ่ เด๊อ อา พย๊าฉื่อ เตมีเตแหม่ อา เตม๊าเตแด เด๊อ อาโอ่ เร๊อ ลูมูย เออเต๊เห่เนอ, เหมาะเชเกล เบ่เบ่, เหมาะคี๊ เบ่เบ่, เตจาเตจือ อาพุยแฮ เป่ ปา เด๊อ เหย่ซีเง โตโพ๋ โต่.”
เร๊อ เตเน่วพู๊ โซเพร เตเพร ครวาเฮ๊ พราแถ่ฉว่า เกอ เตเน่วพู๊ อาเหร่อ เนอซิเนอ อาคยา เน๊อ, “แกแย เด๊อ อา จ๊อบู่จ๊อเบแถ่ เตมีเตแหม่ เออ เร๊อ อาเตแหย่โย เออเตเพร เนอเต๊เห่ เร๊อ อา พย๊าฉื่อ เตม๊าแด เด๊อ อู เมม๊า เป่ เหย่ซี เด๊อ อา มาเท๊ลู เนอเต๊เห่ เบ่เบ่, เก่หม่าโต่เรอ อู เมม๊า เป่ เหย่ซี เด๊อ อา กู๊ขุลู เนอเต๊เห่ เบ่เบ่,
ล๋อ เตเด๊อ อู เอ๊ เร๊อ จอแปแหร่, หม่าโต่เรอ, ล๋อ เตเด๊อ แกแย จ๊อเบแถ่ อา เต๊เห่เนอ, แกแย จามู๊แหม่ เออเตเพร เก่เท๊ เก่แตแอ ฉื่อแก ปา เร๊อ อา เก่ แด่แถ่โล อาเหน่ เร๊อ อาดุเล๊อ เจ๊อ เร๊อ ล๋อ เตเออเต๊เห่ ฮู๊เนอ เจ๊อ ปา. ฮู๊เนอ อาขว่าอาคยา, อา เก่ แฮโน โอ่แนโอ่ เด๊อ จอแปแหร่ เตหลู่แตโฮอากู ปา, เร๊อ อา เก่ แด๊กว๊าแล เกอ เร๊อ เจ๊อ อาเหน่ เร๊อ แว หม่า จอแปแหร่ เตเพร ฮู๊เนอ เจ๊อ ปา.
ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.
เตมีเตแหม่ เด๊อ เน แม๊เถอะ โทเฮ๊อ เน๊อ โตโพ๊เคเนอ อาโอ่ โทเฮ๊อ หม่าแน๊เรอ กู๊แหน่เออ อา โอ่ ปา โต่ เนอโตโด เก่ โอ่โลแถ่ คยาแซ๊ ปา. อา โอ่ เด๊อ ครอกูดุ ครอกูแย เนอตูกู เร๊อ อา เก่ แฮเถ่ ปา. เร๊อ แบ่เจ่ เอ๊จว๊า ลู เด๊อ เตเมจากาคยา อาเหล่โอ่ เร๊อ อา เก่ เมปย๊าแก ลู ตูจูเพร ปา. เป๊อแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ล๋าย เหย่ซีมุย เด๊อ ลีเซอเพร อากู ล๋ายโต่ เต๊เห่เนอ, อา เก่ คย๊ายื๊อ ลอ แลแค เบ๊อะเหย่ซี แม๊ เตมีเตแหม่ เออโตโด อาเค เนอ ปา, เมเตเฮ๊เรอ, โตโพ๊เคเนอ เตมีเตแหม่ เออโตโด ย๊อ โอ่เซอเพร เร๊อ กู๊แหน่ เร๊อ อา โอ่ ปา โต่, หม่าแน๊เรอ อา เก่ โอ่โล คยาแซ๊ ปา อาขว่าอาคยา, เหย่ซี คย๊ายื๊อ ลอ แลแค แพ๊.
โทเรอ แว แม๊เถอะ จ๊อแผ่ กู่แกล๊เท แถ่โล เต๊เห่. แกแย โอ่แนโอ่ เด๊อ กู่แกล๊แถ่โล ลูเนอ เต๊เห่เนอ, อู เด๊อ เหย่ซี เตอเรอฉว่าชอ เด๊อ อา เก่ เมจากาคยา อู ปา. แว แม๊เถอะ เกอโป่ แกแย เด๊อ อา ข่าเด๊อะโล เร๊อ เหย่ซู่ อาหรี่อาแก เร๊อ อา แด๊โฉ่โด่แน เป่ อู จอแปแหร่ อาลาอาโหง่ เต๊เห่ อาขว่าอาคยา, อู ปาตือแก เหย่ซี แกโบ เต๊เห่ อา ซิปล่อเซอเพร. เตมีเตแหม่ เบ่เบ่, เตมีเตแหม่ อาเตแหย่โย เออเนอ เบ่เบ่, เหย่ซี จ๊อเบแถ่น๊อ เกออู โต่ ตื๊อเนอโทโต่. เตมีเตแหม่ เนอโตโด อา เตเมม๊าเมแด เด๊อ อู เบ่ เมม๊า เด๊อ มาเท๊ลู เนอเบ่เบ่, หม่าโต่เรอ อู เบ่ เมม๊า เด๊อ กู๊ขุลู เนอเบ่เบ่, อา พย๊าฉื่อน๊อ เกออู เตเมม๊าเมแด เตอเจ๋อ โต่. เหย่ซี เซอเพร กาคยา เร๊อ อา เป๊อ เต่อเกอ เต เร๊อ ครี๊ อาหน่าตีรี๊.
ကြော်ငြာတွေ