เตเด๊อะโลแถ่ 12:9 - ลีเทส่อพ๊าอาเซ เร๊อ เห่ขุทวาลู๊9 แปล่ดุ มู๊หนู่มู๊ส่าเค โตโบ เด๊อ อู เอ๊ ลูมูย เร๊อ โลเน๊มู๊แหม่รีแจ่ กู่กล๊อ หม่าโต่เรอ ลูซีเฟอร เด๊อ อา จว๊า อิลออี๊โหล่ ลอ อู เห่ขุต๊าบ่า เออโตโบ เนอ, อู วีตาแก ลอ อา เร๊อ อา เตเน่วพู๊ เต๊เห่ เด๊อ เห่ขุ. အခန်းကိုကြည့်ပါ။Eastern Kayah Shadaw Dialect9 ꤕꤜꤢꤧ꤬ꤘꤢꤨ꤬ ꤘꤣꤔꤢꤨ꤬ꤘꤣꤞꤢ꤬ꤋꤢꤩ꤭ ꤒꤣ꤬ꤙꤥ꤭ ꤘꤣ ꤢꤨ꤭ ꤢꤩ ꤜꤢꤨ꤭ꤗꤝꤤ꤭ ꤔꤢꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤗ꤫ꤢ꤬ꤒꤥ꤬ꤚꤣꤧ꤬ ꤎꤢꤩ꤬ꤓꤣ꤬ ꤘꤣ ꤢ꤬ ꤡꤝꤢ ꤢꤩꤜꤢ꤬ꤢꤩꤕꤜꤢꤩ ꤜꤢꤪ꤭ ꤢꤨ꤭ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤣꤧ꤭ꤒꤣ꤬ꤙꤥ꤭ ꤔꤣꤧ꤬, ꤢꤨ꤭ ꤠꤤ꤭ꤒꤢ꤭ꤊꤢꤧ꤭ ꤜꤢꤪ꤭ ꤢ꤬ ꤔꤢꤧ ꤢ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤘꤣ ꤟꤢꤩ꤬ꤋꤢꤨ꤬꤯ အခန်းကိုကြည့်ပါ။ |
เตเด๊อะโลแถ่ 12:9
68 ပူးပေါင်းရင်းမြစ်များ
โลเน๊มู๊แหม่รีแจ่ กู่กล๊อ เด๊อ อา อิลออี๊โหล่ แลโฮ เหย่ซี เออโตโดเนอ, อู วีตาแก ลู เด๊อ หมิเผ่ เด๊อ อู ชื๊ออือ เร๊อ หย่าซู๊แบ เออเนอ เต๊เผ่อากู. หมิเออ เต๊เผ่ เนอหม่า หม่าเฮ๊อ อู เหล่วีตา เตมีเตแหม่ เนอโตโด เร๊อ เพรโพร แลโฮ เนอเต๊เห่ อาเหล่โอ่ เนอ เฮ๊อ. เร๊อ เหย่ซี เก่ ข่าเบ่ เตจาเตจือ เหมาะคี๊คี๊ เหมาะเชเกลเกล ตูจูเพร แตแลเคร๊ เจ๊อ ปา.
โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.
เบ๊อะเนอเค, หรู่ โอ่ โตโบ. เร๊อ เบ๊อะ แบ่เจ่ จอแปแหร่ ตูจูเพร แบ๊ตา เตมีเตดอ เต๊เห่ อาเกลเนอ, เตมี เนอเต๊เห่ อาเกล หรู่ เออเนอ หม่า อา ลีแม เล๋อ แหน่เจ๊อ เน๊อ อู เจ๊อ. เร๊อ อา แฮเฮ๊ เพรเหมาะ เนอเตเพร เน๊อ, “จอแปแหร่ เฮ๊ หม่าแหน่แหน่ เน๊อ ส่อเส่เด๊ออาโอ่เด๊อ เอเดน เตเร๊วีกู เออเนอ, ส่อเส่อิเตเต๋ เบ่เบ่, ซี เบ่ เอ่หนิ โต่, อา เฮ๊ หม่าแหน่ ซี ฮู๊เนอ แอ?”
ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.
เน เบ่ บ๊าโมแถ่ เป่ เหย่ซี เต๊เห่ อาเป๊เส่ ปา, โทเร๊อ เน นอตีรี๊ กาคยา คยาแซ๊ เหย่ซี เด๊อ เตคี๊เตตาปา อาเล ปา. เร๊อ เน เก่ ซูจว๊า เหย่ซี เด๊อ เตลี ปา, โท๊โต่ เน เก่ ซูจว๊าโน เหย่ซี เด๊อ อา โอ่ เด๊อ โลเน๊มู๊แหม่รีแจ่ กู่กล๊อ อา เตอเรอฉว่าชอ อาเล เออเนอเต๊เห่ เด๊อ จอแปแหร่ อา เตโพรเตเตอเรอ อาเล ปา. เด๊อ เหย่ซี หยื่อเอ่ แว อาขว่าอาคยา, จอแปแหร่ เก่ ปลวาแก เหย่ซี เตซื๊อ ปา, โท๊โต่ เด๊อ จอแปแหร่ นว๊าแถ่ เกอเร๊อ อาแกแย เนอเต๊เห่อาเหล่โอ่ เออเนอ, เหย่ซี เก่ พย๊าหนิ เกอดื่อ ปา, อา เฮ๊ แว ฮู๊เนอ.’
ฮู๊ โลเน๊มู๊แหม่รีแจ่ กู่กล๊อ กลว่าอาเหน่ แซ่เร๊อ หรู่ เร๊อ อา แฮ อิลอแลโฮ โหมะเอวา เนอ, แว เบ่รอ หนื่ออื่อ เร๊อ ปาหม่า อู แฮ อิลอแลโฮ เกอดื่อ เฮ๊อ ซี ฮู๊เนอ ปา เฮ๊อ. โท๊โต่ ปาหม่า อู แฮ เมปย๊าเมหลู่ ลอดื่อเฮ๊อ ซี ซิปล่อ อา เตเตเน เต๊เห่ เร๊อ ซี วีแกดื่อ เฮ๊อ ซี เตซิหยื่อ โมเร๊อ ลอซิปล่อสู่เทอ ครี๊ เร๊อ ซี เตซิหยื่อโม จ๊อจื้อ ครี๊ เออเนอ ปา เฮ๊อ แว เบ่รอ แหน่เจ๊อ เด๊อ ซิเง ฮู๊เนอ.
เตกลุย เด๊อ อา เว๊อตาแก จว๊ารว๊า แกล๊ลู อาโหง่แลช๊า หม่า หม่าเฮ๊อ แกแย เด๊อ อา หนิโฮ แลแค จอแปแหร่ อาลาอาโหง่ ตื๊อดื่อเรอ โลเน๊ กู่กล๊อ แฮพย๊า ตาพาเผ่แก จอแปแหร่ อาลาอาโหง่ เด๊อ เหย่ซี ซิปล่อกู. โท๊โต่ แซ่ฮู๊ เหย่ซี ซิปล่อ อา ดี๊ดู๊ดี๊แด เด๊อ เตหยื่อเตแหน่ อากู เร๊อ อา พย๊าหนิ ดื่อ เตเมแลเปล๊กา แต่เหม่เนอ เร๊อ โลเน๊ กู่กล๊อ แฮเม ฮู๊เนอ แพ๊.
“โทเรอ อา เก่ เฮ๊ติ แกแย โอ่ เด๊อ อากู๊ขุ จ๊อจิ เต๊เห่ เน๊อ, ‘เถ่จว๊า ตาพาแก เร๊อ แว, ซี หม่า แกแย เด๊อ อา พย๊าหนิ เตอิชอมู๊แหม่ เต๊เห่, จว๊าโน เกอ แลแค เด๊อ อู ตี๊หรี่แตแร โอ่หนื่ออื่อ เป่ โลเน๊มู๊แหม่รีแจ่ กู่กล๊อ เนอโตโด เร๊อ อา โลเน๊โลหน่า เนอเต๊เห่ อาเง เด๊อ เหย่ซี เก่ จว๊าโอ่ เบ๊อะหมิ เด๊อ อา ปีเป่ โตโพ๋ โต่ เนอเต๊เผ่อากู เนอ.
อู ปื่อหนิแก เตมีเตแหม่ เนอโตโด เร๊อ อู ปื่อหนิ เต่อโหร่ เกอโป่ เร๊อ เพรโพร แลโฮ เด๊อ อา เมโล เป่ อู เตโค๊ตีกลี๊ เด๊อ เตมีเตแหม่ เนอโตโด อาเป๊เส่เง เนอเตเพร. เด๊อ อา เม โค๊ตีกลี๊ เป่ อู อาขว่าอาคยา, อา อิลออี๊โหล่ แลโฮ ลอ แกแย เด๊อ อา พย๊าหนิ เตมีเตแหม่ เนอโตโด อา เตเมม๊าเมแด เร๊อ อา จ๊อเบ ลู เนอเต๊เห่. เตมีเตแหม่ เนอโตโด เร๊อ เพรโพร เด๊อ อา อิลออี๊โหล่ แลโฮ อู เนอเตเพร ซิเนอ ลอ อู ต่าตา เซอเพร แก เหย่ซี เด๊อ หมิเผ่ เด๊อ อู ชื๊ออือ เร๊อ หย่าซู๊แบ เนอเต๊เผ่ อากู.
เหย่ซี หม่า โลเน๊มู๊แหม่รีแจ่ เด๊อ อา เมแจ่ เตโค๊ตีกลี๊ เต๊เห่. ซิปล่อเซอเพร เออโซโด เนอ อา เก่ เถ่จว๊า ลอ เด๊อ เห่ขุ คุ๊ย เต๊เห่ อา โอ่, เร๊อ อา เก่ จว๊า ท๊อปล๊อจุ่ยจือ ลอ เหย่ซี, เมเตเฮ๊เรอ ช๋า จอแปแหร่ เด๊อ อา แจ่เตลอ อา แบ่เจ่ เออเตเพร เก่ เมจากาคยา อู อา ม๊อเนอดุ ปา เตอเนอเนอ, เหย่ซี เก่ ช๊า แลแค แบ่เจ่ ปา.
โทเรอ เด๊อ อา เด๊อะโล อา เตโค๊ตีกลี๊ เด๊อ เตมีเตแหม่ เด๊อ อาเหร่อเคเนอ โตโด นอเม ลู เด๊อ อาเป๊เส่เง เนอเต๊เห่ อาขว่าอาคยา, อา อิลออี๊โหล่ แลโฮ หนิลอ แกแย โอ่เซอเพร เด๊อ เห่ขุ เออ เต๊เห่. เตมีเตแหม่ เนอโด โตโดเออ, อา นอแบ๊แถ่ เหย่ซี เตแหย่โย โตโด แซ่ฮู๊ อา เก่ เมลีเมเตเค กาคยา เตมีเตแหม่ เด๊อ อา เบ่ เต๊เหม่น๊อ เร๊อ เน๊ เร๊อ อา โอ่เซอเพร ปา เนอโตโด.
แกแย เด๊อ อาโอ่ แลเปล๊แก เร๊อ เตเมจาเมจือ อาเต เซอหร่า เออเต๊เห่เนอ, อา เม แฮเง ตื๊อดื่อ หนิเร๊อปา อา เตมู๊แหม่รีแจ่ เนอเต๊เห่. อาถู่แหล่แต๊แกละกา เป่ แลแค อาซิปล่อ โต่. เหย่ซี จ๊อเบ ตื๊อดื่อปา แลแค โลเน๊มู๊แหม่รีแจ่, เตแหย่โย เด๊อ อู เมเร๊อ เท, อู เมเร๊อ รือ, อู เมเร๊อ ตีลี เร๊อ หล่อ เร๊อ ส่อ เด๊อ อา แม๊เถ่แจ่โต่, โทเรอ อา หนิโฮ แจโต่, อา จว๊าแจ่โต่ เนอเต๊เห่.
เนแป่เนเช, เน โซพ๊าโซแร เนอหม่า แว ซิเง. หม่าแน๊เรอ เด๊อ แหย่โย ตากยา เนอ, เน ดุแหย่แถ่เซ. แกแย เด๊อ อา เฮ๊แล เกอเร๊อ อาเหน่ เน๊อ เป หม่า แกแยยิวพู๊ เต๊เห่ หม่าแหน่ เจ๊อ หม่าแน๊เรอ อา หม่าแหน่ หม่าโต่ เออเต๊เห่ แด๊ ซีแหย่โย เนอหม่า แว ซิเง. เหย่ซี เนอเต๊เห่ หม่า โลเน๊มู๊แหม่รีแจ่ กู่กล๊อ อา เตจ๊อเบ โฮพู๊เต๊เห่ แพ๊.
พู๊เหมาะพู๊คู อา เอ๊ ลู เออเต๊เห่เนอ, อา เน๊อ อาเหน่กล่อ สุ่ยเทอ เด๊อ อา เซอแจ่เออ อาขว่าอาคยา, แบ่เจ่ เหย่ซู่ แฮแล พย๊าหนิ เกอดื่อ แกแย เห่ขุพู๊ อาเหน่กล่อ เด๊อ อา แซ่เกอ ดื่อ เน๊อ เหย่ซีเนอ. อา ทวาแถ่ แซ่เน๊อ แกแยเห่ขุพู๊ อาขว่าอาคยา, อา เซอ แจ่. แซ่ฮู๊ เหย่ซู่ เก่ เมปย๊าแก โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ ซาตาน เด๊อ อา โอ่ เร๊อ อา เตโพรเตเตอเรอ ฉว่าชอ เด๊อ อา เก่ เป๊อตี๊หรี่หนิ เตเซอ เออโตโด อาเงเนอ, อา ข่าเซอแก อาซิปล่อ.
นออิลออี๊โหล่ แต่ ซีเหน่ แต่เหม่ นี๋. แบ่เจ่ เหย่ซู่ครี๊ แฮ แต่ล๋ายโต่ เนอ, แกแย เต๊เห่ เก่ เท๊ฉื่อ จอแปแหร่ ปา. เร๊อ แกแย เด๊อ อา เท๊ฉื่อแก จอแปแหร่ เร๊อ จอแปแหร่ อา เตซว๊าเตแส่ เนอเตเพร เก่ โอ่โลแถ่ ปา. เตเออเต๊เห่ เก่ ทวาแถ่เหร่อ โทปาเรอ แบ่เจ่ เหย่ซู่ครี๊ แฮ คยาแซ๊ ปา อาม๊อเนอ เออเนอ, อา เก่ แฮ ทวาแถ่ เนอ ปา. โทเรอ จอแปแหร่ เก่ เมปย๊าปลื๊อแก แกแยมู๊แหม่ เนอเตเพร เด๊อ ปอรากยากู ปา.
ฮู๊เนอเรอ เป่ หม่า อาแซ่เน๊อ เป๊เจ่ฮู๊ เด๊อ อา อินู๊ปา เนอเต๊เห่ หม่าปาโต่ เฮ๊อ. แกแยกะ เด๊อ อา อิซว๊าแลโฮ เต เต๊เห่เนอ, อา อี๊หล่าแลโฮ แจ่ ปา เป โต่, เร๊อ เป หยื่อเอ่ซื๊อ แจ่เกอ ปา เหย่ซี อาเตอิซว๊าอี๊แส่ โต่ เฮ๊อ. เป แซ่ปา เร๊อ ส่อเกลอ เด๊อ เก่แลเซ๊ดุ เร๊อ อา พอ ก๊อกลี๊ อา เต๊เบ่เนอ หม่า ปาโต่เฮ๊อ.
แซ่ฮู๊ แว เก่ เฮ๊เบ่ ถู่เซ๊ เกอเร๊อ แต่ แวเหน่ เร๊อ แว แม๊เถอะ เตแร๊ เด๊อ ม๊อขุ เนอเต๊เห่ แต่เหม่เนอ, จอแปแหร่ เด๊อะ เฮ๊อ แว เด๊อ แว เก่ ข่าเบ่ เตจาเตจือ เต๊อเจ่อ เด๊อ อา แซ๊ เร๊อ ส่อแซ๊ กีแซ๊ โอ่แต่ เด๊อ แว พ๊าเลเนอ. โลเน๊มู๊แหม่รีแจ่ กู่กล๊อ นอแฮ อา เตเน่วพู๊ โตโด เด๊อ อา เก่ แฮ เมจาเมจือ แว เร๊อ เตจาเตจือ เออเต๊อเจ่อ เฮ๊อ. เด๊อ เตแป่เตเช เออ อาขว่าอาคยาเร๊อ แว แด่แถ่โลแจ่ ปา แวเหน่ โต่ เฮ๊อ.
แม๊เถอะน๊อ ปา หมิลี เด๊อ เนกู โต่. หนิโฮน๊อ ปา กาฉู่แด่เพรคู เบ่เบ่, กาฉู่แด่ เพรเหมาะ เบ่เบ่, อาตาลา โต่. เน เพรเมกื่อเมค๊า เตฮู๊ เต๊เห่เนอ, อา ดุแหย่แถ่เซ เล๊ออูโค เร๊อ อา เตอเรอฉว่าชอ เล๊ออูโค เด๊อ เห่ขุเออ เจ๊อ. โทเรอ โลเน๊ ซ๊าร๊า เอ่อูแหย่โย โอ่ เด๊อ เน วีกู เต๊เห่เนอ, เด๊อ เหย่ซี ย๋อ อิลออี๊โหล่ แลโฮ เห่ขุพู๊ เออเต๊เห่ อาขว่าอาคยา, เห่ขุพู๊ เต๊เห่ เก่ ครวาซื๊อ เกอลอ เน คยา ปา.
เมฮู๊เนอเรอ ม๊อขุ เร๊อ ล๋อ แกแย โอ่ เด๊อ ม๊อขุ เนอเต๊เห่ ล๋อ ปลี ซี, ซิครือซิลอ แลแค นี๋, หม่าแน๊เรอ เด๊อ เห่ขุ เร๊อ เทอดุซาวา อาเงเนอ อาจาอาจือ แหน่เจ๊อ. เมเตเฮ๊เรอ โลเน๊มู๊แหม่รีแจ่ กู่กล๊อ แฮแลเฮ๊อ เด๊อ ซีโอ่ เร๊อ อา ซิปล่อดุ แหน่เจ๊อ เฮ๊อ. เมเตเฮ๊เรอ อา ซิเง เร๊อ อา ม๊อเนอ โอ่แก ปาแพ๊ เตอเปลอ แพ๊.”
ကြော်ငြာတွေ