เตเด๊อะโลแถ่ 12:4 - ลีเทส่อพ๊าอาเซ เร๊อ เห่ขุทวาลู๊

⁴ อา จุ่ย แลตา เฉ่ โซปุ๊ยตูปุ๊ย เด๊อ ม๊อเล เร๊อ อากู๊หมิ เร๊อ อา วีตา ลอ เฉ่ เออเต๊เห่ เด๊อ เห่ขุ. แปล เออโตโบ เนอ, อา ก๊อถ่อโอ่ เด๊อ เพรเหมาะ เด๊อ อา เตเร พู๊โอ่ ตีลี๊เฮ๊อ เออเตเพร อาเป๊เส่เง เร๊อ อา เก่ พู๊โอ่โอ่ เร๊อ อา เตเร ปื่อเอ่แก ลูพู๊.

Eastern Kayah Shadaw Dialect

⁴ ꤢ꤬ ꤡꤝꤤ꤬ ꤜꤣꤧ꤬ꤒꤢ꤭ ꤏꤢꤩ꤬ ꤞꤥ꤭ꤕꤝꤤꤒꤣ꤬ꤕꤝꤤ ꤘꤣ ꤗꤢꤪꤜꤢꤩ꤭ ꤔꤢꤧ ꤢ꤬ꤊꤢꤨꤗꤤ꤬ ꤚꤣꤧ꤬ ꤢ꤬ ꤠꤤ꤭ꤒꤢ꤭ ꤜꤢꤪ꤭ ꤏꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤟꤢꤩ꤬ꤋꤢꤨ꤬꤯ ꤕꤜꤢꤧ꤬ ꤣꤧ꤭ꤒꤣ꤬ꤙꤥ꤭ ꤔꤣꤧ꤬, ꤢ꤬ ꤊꤣꤧ꤬ꤓꤢꤪ꤬ꤥ꤬ ꤘꤣ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤖꤢꤨꤥ꤬ ꤒꤣꤧ꤬ꤜꤤꤟꤣꤧ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤊꤢꤩ꤬ ꤖꤢꤨꤥ꤬ꤥ꤬ ꤔꤢꤧ ꤢ꤬ ꤊ꤫ꤢꤦ꤬ꤚꤢꤩ꤭ ꤕ꤫ꤢꤦ꤬ꤢꤩ꤬ꤊꤢꤧ꤭ ꤜꤢꤨ꤭ꤖꤢꤨ꤯

เตเด๊อะโลแถ่ 12:4 ပူးပေါင်းရင်းမြစ်များ

เตเด๊อะโลแถ่ 12:9

แปล่ดุ มู๊หนู่มู๊ส่าเค โตโบ เด๊อ อู เอ๊ ลูมูย เร๊อ โลเน๊มู๊แหม่รีแจ่ กู่กล๊อ หม่าโต่เรอ ลูซีเฟอร เด๊อ อา จว๊า อิลออี๊โหล่ ลอ อู เห่ขุต๊าบ่า เออโตโบ เนอ, อู วีตาแก ลอ อา เร๊อ อา เตเน่วพู๊ เต๊เห่ เด๊อ เห่ขุ.

ꤛꤥ꤭ꤟꤢ꤬ 8:44

ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.

เตเด๊อะโลแถ่ 9:19

เมเตเฮ๊เรอ ตีซิ เต๊เห่ อา อาเตอเรออาฉว่าซอ เด๊อ อา เก่ เมเชอู เนอ, อา โอ่ เด๊อ เหย่ซี แกกู เร๊อ อากู๊หมิ อาลูเนอ. อากู๊หมิ เต๊เห่เนอ อา กู่กล๊อโอ่ เร๊อ อากู๊หมิ เออเต๊เห่เนอ, อาแซ่เน๊อ หรู่ กู่กล๊อ, เร๊อ อา เมชุ๊ยเมเช ล๊อปลี อู เร๊อ อากู๊หมิ เออเต๊เห่.

เตเด๊อะโลแถ่ 9:10

อากู๊หมิ เนอ, อา แซ๊เจ๊อเน๊อ แดเมเนอ เร๊อ อา อ่าแร แซ๊เจ๊อเน๊อ แดเมเนอ เจ๊อเจ๊อ. อากู๊หมิ เออเนอ, อาโอ่ เร๊อ อาเตแร ฉว่าชอ เด๊อ อา เก่ อาจา อาจือ อู แงเล อากู ปา.

เตเด๊อะโลแถ่ 8:7

เบ๊อะเตเน่วพู๊ อาเหร่อเล๊อ เตเพร โอ๊แถ่ อากวา เบ๊อะเนอ, อู ปลวาตา ตื๊อครื่อจ่า. โทเรอ อู ฮ๊าตา สุ่ย เด๊อ อา ซีแล๊ เร๊อ หมิ เด๊อ เห่ขุเออ. เออโตโพ๊เรอ หมิ อือลอแก เห่ขุเออ โซปุ๊ยตูปุ๊ย, ส่อเหมาะ เต๊เห่ โซปุ๊ยตูปุ๊ย, โทเรอ อา อือ ลอปลี เจ๊อ มีออ เร๊อ ส่อตอเหมาะ ล๋อ ปลีเจ๊อ.

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

เตเด๊อะโลแถ่ 17:18

เพรเหมาะ เด๊อ เน แม๊เถอะ อา เตเพรเนอ หม่า แพ๊ วีดู๋ เนอตีวี เด๊อ อา เป๊อ เห่ขุ อาคุ๊ยจ๊อแผ่ เต๊เห่ เนอแพ๊.”

เตเด๊อะโลแถ่ 8:8

ฮู๊เนอโทเรอ เบ๊อะเตเน่วพู๊ เนอเพร เตเพร โอ๊แถ่ อากวา เบ๊อะเนอ, เตเต๊อเจ่อ เด๊อ อาแซ่เน๊อ หมิอือแก แถ่ โฉ่ดุ เตเม เออเนอ อู วีตา อา เด๊อ เทอดุซาวากู. เทอดุซาวา โซปุ๊ยตูปุ๊ย เนอ อา ทวาแถ่ ลอปลี สุ่ย.

เตเด๊อะโลแถ่ 8:9

เตมีเตดอ โอ่ เด๊อ เทอดุซาวากู เต๊เห่เนอ, อา เซอแก โซปุ๊ยตูปุ๊ย, โทเรอ ส่อเกลอดุ ปย๊าแก โซปุ๊ยตูปุ๊ย.

เตเด๊อะโลแถ่ 8:10

โทเรอ เตเน่วพู๊ ซิโซ เตเพร โอ๊แถ่ อากวา เบ๊อะเนอ, เฉ่ดุ เตเม เด๊อ อา ลีเตเค แซ่เจ๊อเร๊อ หมิเคว๊กอ เออเตเม โอ่ เด๊อ ม๊อเล แลตา เร๊อ อา แลตาโน เด๊อ เทอแลโหมะ เต๊เห่ อากู โซปุ๊ยตูปุ๊ย, อา แลตาโน เด๊อ เทอเถ่ขุ เต๊เห่ อากู โซปุ๊ยตูปุ๊ย.

เตเด๊อะโลแถ่ 8:11

เร๊อ เฉ่ เออเตเม เนอ, อามุย เร๊อ “เตเข่ ตาร๊า,” เร๊อ เทอ เข่แก ลอ โซปุ๊ยตูปุ๊ย. แกแย โอ แลแค เทอเข่เออ อาขว่าอาคยา อา เซอ เอ๊ลู.

เตเด๊อะโลแถ่ 8:12

เบ๊อะเตเน่วพู๊ ลุยเพร เตเพร โอ๊แถ่ อากวา เบ๊อะเนอ, ต๊อเหมาะ, เล, เฉ่ ซี เต๊เห่เนอ, อา ปย๊าแก โซปุ๊ยตูปุ๊ย. อาเตลี เต๊อเข่อเตเค เต๊เห่เนอ, อา โอ่เหม่แก โซปุ๊ยตูปุ๊ย. เหมาะเชเกล คี๊แก โซปุ๊ยตูปุ๊ย, เร๊อ เหมาะคี๊ เบ๊อะเนอ, เล, เฉ่ เต๊เห่ อา คี๊แก โซปุ๊ยตูปุ๊ย.

เตเด๊อะโลแถ่ 12:7

เบ๊อะเนออาเค เตช๊าเตปา โอ่แถ่ เด๊อ ม๊อขุ. เร๊อ ม๊อขุ เตเน่วพู๊ มีคาเอล เร๊อ อา เตเน่วพู๊ เต๊เห่ ช๊า เร๊อ แปล เนอโตโบ. เร๊อ แปล เนอโตโบ เร๊อ อา เตเน่วพู๊ เต๊เห่ ช๊าฉื่อ เหย่ซี.

เตเด๊อะโลแถ่ 13:2

เตมีเตแหม่ เออโตโด เนอ, อาแซ่เน๊อ แอ๊ซี, อากู๊โด่ เนอ อาแซ่เน๊อ เท กู๊โด่ เร๊อ อาแกกู เนอ อาแซ่เน๊อ แอ๊ซี แกกู. แปล เนอโตโบ เด๊อะ เตมีเตแหม่ เนอโตโด เร๊อ อา เตโพรฉว่าชอ เร๊อ อา เหล่โอ่แน หม่าดื่อ จ๊อแผ่ กู่แกล๊เท แถ่โล เออเนอ เร๊อ เตอเรอฉว่าชอ เด๊อ อา เก่ เป๊อเต อาเง เต๊เห่.

เตเด๊อะโลแถ่ 13:4

แปล เนอโตโบ ย๋อ เด๊อะ โทเฮ๊อ อา เตอเรอฉว่าชอ เน๊อ เตมีเตแหม่ เนอโตโด อาขว่าอาคยา, แกแย ปว๋า เตเพร จ๊อบู่จ๊อเบแถ่ ล๊อปลี ลู. เหย่ซี จ๊อบู่จ๊อเบแถ่ หนิเกอ เตมีเตแหม่ เร๊อ อา เฮ๊ แลแค เน๊อ, “แกแย เด๊อ อาแซ่เน๊อ เตมีเตแหม่ เออเนอหม่า อาโอ่ แฮ? หม่าอูเป เตเพร ช๊าฉื่อ บื่อ อา เป?”

เตเด๊อะโลแถ่ 16:13

โทเรอ แว แม๊เถอะโลเน๊ มู๊แหม่ โซโด เด๊อ อาแซ่เน๊อ ดิ เต๊เห่. เร๊อ เหย่ซี โอ่ เด๊อ แปล แกกู เร๊อ เตมีเตแหม่ เด๊อ อาเหร่อ เนอโตโด อาแกกู เร๊อ เพรโพร แลโฮ หม่าเฮ๊อ เตมีเตแหม่ เนอโด โตโด เนอเตเพร อาแกกู เร๊อ อา เถ่.

เตเด๊อะโลแถ่ 20:2

อา แฮ ปื่อหม่าแก แปล หม่าเฮ๊อ โลเน๊มู๊แหม่รีแจ่ กู่กล๊อ มู๊หนู่มู๊ส่าเค เนอโตโบ. อา หม่า อู เอ๊ ลู เร๊อ ซาตาน. เร๊อ อา จอกลอหม่างยา ลู อาหน่าตีรี๊.