เตเด๊อะโลแถ่ 11:8 - ลีเทส่อพ๊าอาเซ เร๊อ เห่ขุทวาลู๊

⁸ อา เมเซอ โท เหย่ซี เร๊อ อู แด่แล เหย่ซี อาเหน่กล่อ เบ๊อะวีดุ เนอตีวี อา แกล๊เดกู เนอ ปา วีกูเนอ ตีวี หม่า วี เด๊อ อู เหล่เมเซอ อา แบ่เจ่ เด๊อ อี๊ถื่อดีเต่ลู เนอโต๊โผะ เฮ๊อ. วีเออ ตีวี เนอหม่า อู เอ๊ ลู เน๊อ เต เด๊อ อู เหล่แม๊บือแม๊ม๊า แก เกอดื่อ วีโสโดม โต่หม่าแน๊ อียิปต์เก่ เนอ แพ๊.

Eastern Kayah Shadaw Dialect

⁸ ꤢ꤬ ꤗꤢꤩ꤬ꤞꤣꤧ꤭ ꤓꤥ꤭ ꤛꤢꤩ꤬ꤞꤤ꤭ ꤚꤣꤧ꤬ ꤢꤨ꤭ ꤘꤢꤧ꤬ꤜꤢꤧ꤬ ꤛꤢꤩ꤬ꤞꤤ꤭ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤙꤣꤧ ꤠꤤ꤭ꤘꤢꤨ꤬ ꤔꤣꤧ꤬ꤒꤣ꤬ꤠꤤ꤭ ꤢ꤬ ꤊꤜꤢꤧꤘꤢꤩ꤭ꤊꤢꤨ꤭ ꤔꤣꤧ꤬ ꤕꤢ꤭꤯ ꤠꤤ꤭ꤔꤣꤧ꤬ ꤒꤣ꤬ꤠꤤ꤭ ꤗꤢ꤬ꤗ꤫ꤢ꤬ ꤠꤤ꤭ ꤘꤣ ꤢꤨ꤭ ꤜ꤫ꤢꤩ꤬ꤗꤢꤩ꤬ꤞꤣꤧ꤭ ꤢ꤬ ꤙꤢꤧ꤬ꤡꤢꤩ꤬ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤔꤣꤧ꤬ꤒꤣ꤬ꤖꤥ꤬ ꤟꤣꤧ꤯ ꤠꤤ꤭ꤣꤧ꤭ ꤒꤣ꤬ꤠꤤ꤭ ꤔꤣꤧ꤬ꤗꤢ꤬ ꤢꤨ꤭ ꤢꤩ ꤜꤢꤨ꤭ ꤔꤢꤧ ꤒꤢꤩ꤬ ꤘꤣ ꤢꤨ꤭ ꤜ꤫ꤢꤩ꤬ꤗꤢꤧꤙꤢꤦ꤭ꤗꤢꤧꤗꤢ ꤊꤢꤧ꤭ ꤊꤣꤧ꤭ꤘꤢꤦ꤬ ꤠꤤ꤭ꤎꤢ꤬ꤘꤥ꤬ ꤒꤥ꤬ꤗꤢ꤬ꤔꤢꤧ ꤤ꤬ꤡꤛꤤꤊ꤫ꤢꤩ꤬ ꤔꤣꤧ꤬ ꤖꤢꤧ꤯

เตเด๊อะโลแถ่ 11:8 ပူးပေါင်းရင်းမြစ်များ

เตเด๊อะโลแถ่ 18:10

เหย่ซี ซิอิเช เร๊อ ปาหม่า อา ข่าเบ่ เต่อเกอ เตจาเออ เห๋ อา เตเน แลแค เร๊อ อา จว๊าโอ่ ก๊อถ่อแม๊ แลแค เด๊อ อายา เร๊อ อา เฮ๊ แลแค เน๊อ, ‘เก๋อ อา ต๊อหร่อเซ๊ เซอแก เฮ๊อ นี๋, อาจา เซอแกเฮ๊อ เน นี๋, เก๋อ บาบิโลน, เน หม่า วีดุวีทู, วีแตแน แหน่เจ๊อ ตีวี หม่าแน๊เรอ จอแปแหร่ เมจากาคยา แพ๊ เน เตอเปลอฮู๊ เร๊อ เน ปย๊าแก ลอ เจ๊อ นี๋.’

เตเด๊อะโลแถ่ 18:21

เบ๊อะเนออาเค เตเน่วพู๊ เด๊อ อา อ๊าฉว่าเหร่ซอ เตเพร พย๊าแฮหนิ หล่อดู๋ เตเม เด๊อ อาแซ่เน๊อ กู๊ฉื่ออิวี. เนอเรอ อา ต่าตา เด๊อ เทอดุซาวา อากู เร๊อ อา เฮ๊ เน๊อ, “วีดุ บาบิโลน เออเนอ, อู เบ่ ต่าตาแก ลู แซ่ฮู๊ เออเนอ ปา เร๊อ อู เก่ แม๊เถอะ ปา อา โตโพ๋ โต่.

ꤟꤤꤙꤚꤢꤨ 13:12

ฮู๊เนอเรอ แซ่ฮู๊ เหย่ซู่ เก่ เม บูโพ๊ หนิเป่ แกแย เห่ขุพู๊ เออเต๊เห่ เน๊อ อาสุ่ย เร๊อดื่อ อาเงเนอ, อา เบ่จว๊า ข่าเซอ อาเหน่ เด๊อ วีกลอ โต๊โผ่.

เตเด๊อะโลแถ่ 18:18

เร๊อ ช๋า เหย่ซี แม๊เถอะ หมิอือ โข่แถ่ เบ๊อะเนอปาเนอ อา เก่ เอ๊โทแถ่ เร๊อ อา เฮ๊ แลแค เน๊อ, ‘วีอาโรเต๊เห่ เด๊อ อาแซ่เน๊อ วีเออ ตีวี เนอ อาโอ่ น๊อล๋าย ตีวี๋ โต่.’

เตเด๊อะโลแถ่ 11:9

ปว๊าเต๊เก่, ปว๊าเตมี, ปว๊าเต๊อเจ่อ, ปว๊าโต๊โหง่, เร๊อ ปว๊าโต๊โหมะ เก่ แม๊ลอ เหย่ซี เหน่กล่อเออ ปา เร๊อ อู โล๊ เหย่ซี โต่. อู นอแด่โอ่ เหย่ซี ฮู๊เนอ โซเนอ เร๊อ ต๊ากว่าเนอ ปา.

ꤛꤢꤨꤘꤢ꤬ 1:7

ฮู๊เนอเฮ๊อ, เตเนแถ่ หนิคยาดื่อ แลแค วีโสโดม เร๊อ วีโกโมราห์ เร๊อ วี โอ่ เด๊อ อา โอ่ผื่อโอ่ว๊า เนอเต๊เห่. แกแยวีกู เบ๊อะเนอ เต๊เห่ หม่า อา เมซื๊อ แซ่เกอ ดื่อ เต ฮู๊เนอ เนอ เฮ๊อ. เหย่ซี ลือครวาเม แลแค สุ่ยหย่าเทอ เหล่โกล ซิหยื่อ มู๊แหม่ เต๊เห่. เร๊อ เมโมหนิ แลแค อาเหน่ เร๊อ เพรเหมาะเพรคู เหล่โกล มู๊แหม่รีแจ่ เต๊เห่. เหย่ซี ข่าเบ่ เตโซพ๊าโซแร เด๊อ หมิเผ่กู ตูจูเพร เออเนอหมา อา ทวาแถ่ ดื่อ เฮ๊อ อู เหล่แม๊บือ เด๊อ แกแย ล๋อ ปลี อาเง เฮ๊อ.

เปโตร เนอบ่า ต๊าบ่า 2:6

จอแปแหร่ เมจากาคยา วีโสโดม เร๊อ วีโกโมราห์, เร๊อ อา นอตาอือ ปย๊าแก ลอ เร๊อ หมิ. อา เมทวาแถ่ เป่ แกแย เด๊อ คยา เต๊เห่ เด๊อ อา เบ่หยื่อเบ่แหน่ เกออู จอแปแหร่ โต่ เต๊เห่ อาเหล่แม๊บือ อาเง แพ๊.

มัทธิว 10:15

แว เฮ๊จ๊อจ๊อ ซี, ช๋า จอแปแหร่ เมจากาคยา แกแยเห่ขุพู๊ เบ๊อะเนอ, อาเก่ เมจา จาเล๊อ ลอเจ๊อ แกแย เออเนอ ตอดอปา. เน๊อ วีโสโดม เน๊อ วีโกโมราห์ปา.

เห่ขุทวาลู่ 19:24

เออโต๊โพ๊ เร๊อ จอแปแหร่ ตูจูเพร นอ จือตา หย่าซู๊แบ เน๊อ หมิ เด๊อ ม๊อขุ เร๊อ อา ตาอือ แกลอปลี เจ๊อ วีโสโดม เร๊อ วีโกโมราห์.

เห่ขุทวาลู่ 13:13

เบ๊อะเนอเค, วีโสโดมพู๊ เต๊เห่ อาซิปล่อ มู๊แหม่รีแจ่ แหน่เจ๊อ เร๊อ อา เมซื๊อเมปล๊า ดุ แหน่เจ๊อ จอแปแหร่ ตูจูเพร.

เตเด๊อะโลแถ่ 18:2

อา เอ๊โท ตอว๊อตือซือ ฉว่า เน๊อ, “อา แลตาพรอ เฮ๊อ, วีดุ บาบิโลน แลตาพรอ เฮ๊อ. กู๊แหน่เรอ อา ทวาแก เฮ๊อ โลเน๊ เร๊อ โลเน๊มู๊แหม่ เต๊เห่ อา เหล่โอ่ว๊า เฮ๊อ. อา ทวาแก เฮ๊อ ถู่ เด๊อ อู เหล่ซิหย่อซิบี, อู เหล่ซิเถ่ซิฮา เต๊เห่ เหล่โอ่ว๊า อาเหล่โอ่ เฮ๊อ.

เตเด๊อะโลแถ่ 16:19

วีดุ เนอ ตีวี ลูกยาแก โซกยา เร๊อ เทอเก่ ปว๊าเต๊เก่ อาวี เต๊เห่เนอ, อา ลูโพร๊ลูแพรแก ลอปลี เจ๊อ. จอแปแหร่ เตเนแถ่ โต่ วีดุ บาบิโลน เร๊อ อา เด๊อะ โอ วีบาบิโลน เออเนอ เร๊อ อา เตซิปล่อดุ ฉว่าชอ อาเทอแย อา เบหล่อเออ.

เตเด๊อะโลแถ่ 14:8

เตเน่วพู๊ เนอเพร เตเพร ครวาเฮ๊เกอ ลูคยา เน๊อ, “อา แลตาพรอแก เฮ๊อ, วีดุ บาบิโลน แลตาพรอแก เฮ๊อ, อา นอโอ โทลอเฮ๊อ อู เร๊อ เทอแยแจ หม่าเฮ๊อ สุ่ยเทอพ๊าหย่า อา เตซิหยื่อซิลอ มู๊แหม่รีแจ่ เออเต๊เห่ เนอเฮ๊อ.”

เตเด๊อะโลแถ่ 11:13

อา กา กี๊แถ่แถ่ เร๊อ เตเน่วท๊อดีฉว่าแหน่เจ๊อ. วี แลตาพรอแก อา ปุ๊ยเช๊อตีปุ๊ย เร๊อ แกแยเซอแก อาเพร โซซว๊าตีรี๊. แกแย เด๊อ อา โอ่แก เต๊เห่เนอ, อา เถ่ตาปา ซิอิเช ลอ แลแค เร๊อ ถู่เซ๊แถ่ ม๊อขุ อา จอแปแหร่ดุ อา เตโพรฉว่าชอ.

ꤟꤤꤙꤚꤢꤨ 6:6

เหย่ซี เก่ แม๊เถอะแฮ เบ่น๊อ โทเฮ๊อ เตเออเต๊เห่ เร๊อ อา เก่ ตีรี๊ จว๊าโค๊แก เร๊อ จอแปแหร่ เฮ๊เนอ, ถู่แหล่เต๊เปล่ กาคยา แจ่ ปา อาซิปล่อ แตแค๋ โต่. เออเนอหมา อา แซ่เฮ๊อ เน๊อ เหย่ซี มือเซอแถ่ คยาแซ๊ จอแปแหร่ อาพู๊คู เด๊อ อี๊ถื่อดีเต่ลู เร๊อ อา เม ซิเตเรแก แบ่เจ่ เหย่ซู่ เด๊อ อู ตูปลูเต๊เผ่ อาเป๊เส่เง เฮ๊อ.

เพรโด่แนพู๊ เต๊เห่ 9:4

เร๊อ อา แลคื๊อตา เด๊อ เห่ขุ เร๊อ อา หนิโฮ โหง่พราเถ่ ตือมือ เร๊อ อา เฮ๊ ลู เน๊อ, “คูเซาโล, คูเซาโล, เน เมจาเมจือ แว เมเต?”

เตเด๊อะโลแถ่ 18:24

เพรโพร เต๊เห่ อาสุ่ย เร๊อ จอแปแหร่ อาแกแย เต๊เห่ อาสุ่ย เนอ อู แม๊เถอะ อา เบ๊อะวีเนอ ตีวี อากู อาขว่าอาคยา, จอแปแหร่ เมจากาคยาแก เฮ๊อ วีบาบิโลน เฮ๊อ. ล๋อ แกแย เด๊อ อู เมเซอ เหย่ซี เบ๊อะอา โอ่ ปา เด๊อ เห่ขุ เออเต๊เห่เนอ, อู แม๊เถอะ เหย่ซี อาสุ่ย เบ๊อะวีเนอ ตีวี อากูเนอ.”

เตเด๊อะโลแถ่ 17:5

เด๊อ อา มาเท๊ลู เนอ, อู ราโอ่ ลูมูย เด๊อ อาโอ่ เร๊อ อาโหง่แลช๊า ด๊อโอ๊ด๊อบี๊ ต๊อปล่อ เร๊อ อา เฮ๊ เน๊อ, “วีดุ บาบิโลน หม่าเฮ๊อ ล๋อ แม๊เผ่โหมะ เต๊เห่ เร๊อ เห่ขุ อา เตมู๊แหม่รีแจ่ เต๊เห่ อาโหมะ,” อู ราโอ่ ฮู๊เนอ.

เตเด๊อะโลแถ่ 17:1

เออโตโพ๊เรอ เตเน่วพู๊ โซซว๊าเตเพร เด๊อ อา ปื่อหม่า เกอเร๊อ เบหล่อดุ โซซว๊าเต๊เบ่ อาเกล เตเพรเนอ, อา แฮ เด๊อ แว โอ่ เร๊อ อา เฮ๊ แว เน๊อ, “แฮเมอ เร๊อ แว เก่ เด๊อะโล เน เร๊อ จอแปแหร่ เก่ เมจากาคยา แม๊เผ่โหมะ มีลาดุ เออเตเพร ฮู๊เต ปา เนอ. แม๊เผ่โหมะ เออเตเพร หม่า หม่าเฮ๊อ วีดุวีทู เด๊อ อา โอ่ เด๊อ แลโหมะดุ แลโอ่เอ๊ อาลู เออตีวี.

เตเด๊อะโลแถ่ 14:20

แท๊ทือเส่ เออเต๊เห่เนอ, อู วี เหย่ซี เด๊อ เหล่วีเถ่ แท๊ทือเส่เทอ อาเหล่โอ่ เด๊อ อา โอ่ เด๊อ วีกลอ เนอ. เหล่วีเถ่ แท๊ทือเส่เทอ อาเหล่โอ่ เออเนอ, สุ่ยเต๊เห่ ทุ๊ยเถ่ จว๊ายา กิโลโซเย, เร๊อ อาแย เนอ อาโอ่ แงตือ.

เตเด๊อะโลแถ่ 17:18

เพรเหมาะ เด๊อ เน แม๊เถอะ อา เตเพรเนอ หม่า แพ๊ วีดู๋ เนอตีวี เด๊อ อา เป๊อ เห่ขุ อาคุ๊ยจ๊อแผ่ เต๊เห่ เนอแพ๊.”