เตเด๊อะโลแถ่ 11:19 - ลีเทส่อพ๊าอาเซ เร๊อ เห่ขุทวาลู๊

¹⁹ เบ๊อะเนอเค อู โบ๊โมแถ่ จอแปแหร่ อา เตหลู่เเตโฮ เด๊อ ม๊อขุ เนอเตเม. เร๊อ อู แม๊เถอะ เตอ๊อแลนอแล อา เตบูโพ๊ โอ่ เด๊อ เตหลู่แต โฮกู เนอ. โทเรอ ฉ่าลีบ๊อ, อาพรารื๊อพราเต๊, ม๊อครอ ฉ่าแล, เตเน่วท๊อดี, ตื๊อครื่อจ่า ปล่อดุ เต๊เห่ จ่าตา แซ่เจ๊อฮู๊ เก่จือ เนอ.

Eastern Kayah Shadaw Dialect

¹⁹ ꤙꤣꤧꤔꤣꤧ꤬ꤋꤢꤩ꤭ ꤢꤨ꤭ ꤙꤢꤗꤥ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤘꤣ ꤗꤢꤪꤋꤢꤨ꤬ ꤔꤣꤧ꤬ꤒꤣ꤬ꤗꤢꤩ꤭꤯ ꤚꤣꤧ꤬ ꤢꤨ꤭ ꤗꤢꤧꤓ꤫ꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤢꤪꤜꤢꤧ꤬ꤔꤢꤪ꤬ꤜꤢꤧ꤬ ꤢ꤬ꤒꤣ ꤥ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤔꤣꤧ꤬꤯ ꤓꤥ꤭ꤚꤣꤧ꤬ ꤒꤣꤧ꤬ꤛ꤫ꤢ꤬ꤙꤢꤪ, ꤒꤢꤩ꤬ꤖꤚꤢ꤬ꤚ꤫ꤢꤨ꤬ꤖꤚꤢ꤬ꤒꤢꤩ, ꤗꤢꤪꤋꤚꤢꤪ꤭ ꤏꤢ꤬ꤜꤢꤧ꤬, ꤒꤣꤧ꤬ꤔꤢꤩꤓꤢꤪꤘꤤ꤭, ꤒꤣꤧ꤬ꤋꤚꤢꤦ꤬ꤞꤢꤩ꤬ ꤕꤜꤢꤪ꤬ꤘꤢꤨ꤬ ꤒꤣꤧ꤬ꤟꤢꤩ꤬ ꤡ꤫ꤢ꤬ꤒꤢ꤭ ꤞꤢꤧꤡꤣꤧꤟꤢꤨ ꤊ꤫ꤢꤩ꤬ꤡꤢꤦ꤬ ꤔꤣꤧ꤬꤯

เตเด๊อะโลแถ่ 11:19 ပူးပေါင်းရင်းမြစ်များ

เตเด๊อะโลแถ่ 16:21

ตื๊อครื่อจ่า ปล่อดุ เตเม เตเม เนอ อา พื๋อ แล โถ่ เจ๊อ อาเจ่ว โซเฉอ เต๊เห่เนอ อา โอ่ เด๊อ ม๊อขุ จ่าตา เร๊อ อา แลตา เบ่จาเบ่จือ แหน่เจ๊อ แกแย เออเต๊เห่ อาขว่าอาคยา, อา อิซออี๊บ่า ลอปลี จอแปแหร่.

เตเด๊อะโลแถ่ 4:5

เบ๊อะเนออาเค, เด๊อ จ๊อแผ่ กู่แกล๊เท แถ่โล เนอเตเม อากู เนอ, ฉ่าลีบ๊อ เถ่, ม๊อครอม๊อโหง่, ฉ่าแลลอปลี เจ๊อ, เด๊อ จ๊อแผ่กู่แกล๊ เทแถ่โล อาแบ๊เงเนอ, หมิเต๊โบโซซว๊าโตโบ หม่าดื่อ จอแปแหร่อาแหย่โยบูโพ๊ โซซว๊าเตเม เออเนอ, อาแกโลโซ แถ่ เบ๊อะเนอ.

เตเด๊อะโลแถ่ 8:5

ฮู๊เนอโทเรอ เตเน่วพู๊ เออเตเพรเนอ, อา พย๊า หมิกล๊วา เด๊อ เตหลู่เหร่เออ อาลู เร๊อ อา ฉู่โนบา เด๊อ เหล่ชื๊ออือ เตโนมื๊อ อา ดีเบเทเต๊เอ่ เออ อากู เนอ. เออโตโพ๊เรอ อา ฮ๊าตา เด๊อ เห่ขุ เร๊อ ฉ่าแล, ม๊อครอ, ฉ่าลีบ๊อ โทเรอ เตเน่วท๊อดี โอ่ทวาแถ่ เด๊อ เห่ขุเออ.

เตเด๊อะโลแถ่ 19:11

เบ๊อะเนออาเค แว แม๊เถอะ ม๊อขุ ลูโมโอ่ โทเฮ๊อ เร๊อ ตีซิเพบู ก๊อถ่อโอ่ เบ๊อะเนอ โตโด. แกแย แถ่แด๊ ตีซิ เออเตเพรเนอ อู เอ๊ ลูมูย เน๊อ, “จ๊อ เร๊อ โหง่” เร๊อ “เมเต โต.” แกแย เออเตเพรเนอ, เบ๊อะอา เมจากาคยา อู เบ๊อะเนอ, อา เมจากาคยา โต แพ๊ เร๊อ อา ช๊าฉื่อ เร๊อ เพร เด๊อ อา ซิเถ่ ลู เต๊เห่.

เตเด๊อะโลแถ่ 11:15

โทเรอ เบ๊อะเตเน่วพู๊ อาเพร โซซว๊าเตเพร เออเตเพร โอ๊แถ่ อากวา เบ๊อะเนอ, โหง่เต๊เห่ พราแถ่ ฉว่าแหน่เจ๊อ เด๊อ ม๊อขุ เร๊อ อา เฮ๊ เนอ, “กู๊แหน่เออ เตโพรฉว่าชอ เด๊อ อา เก่ เป๊อ เห่ขุ เออเนอหม่า อา ทวาเฮ๊อ เป แบ่เจ่ เร๊อ อา เมสิยาห์ หม่าเฮ๊อ เพรเมแลเปล๊กาอาเต เฮ๊อ เร๊อ อา เก่ เป๊อเต ตูจูเพร แตแลเคร๊ เฮ๊อ.”

เตเด๊อะโลแถ่ 16:18

เร๊อ ฉ่าลีบ๊อ, ม๊อครอม๊อโหง่, ฉ่าแลแปลโหมะ, เตเน่วท๊อดี ฉว่าชอ ซีเต๊เห่ โอ่แถ่ ลอปลี เจ๊อ. เป๊อแถ่ เด๊อ อู แบ๊แลลู่ แกแยเห่ขุพู๊ โต่ เบ๊อะเนอเค ปาเนอ, เตเน่วท๊อดี ฉว่าชอ แซ่ฮู๊เนอ อา ทวาแถ่ นอ โตโพ๋ โต่. เออ หม่า เตเน่วท๊อดี เด๊อ อาฉว่าอาชอ เล๊อ อู เฮ๊อ.

เตเด๊อะโลแถ่ 11:13

อา กา กี๊แถ่แถ่ เร๊อ เตเน่วท๊อดีฉว่าแหน่เจ๊อ. วี แลตาพรอแก อา ปุ๊ยเช๊อตีปุ๊ย เร๊อ แกแยเซอแก อาเพร โซซว๊าตีรี๊. แกแย เด๊อ อา โอ่แก เต๊เห่เนอ, อา เถ่ตาปา ซิอิเช ลอ แลแค เร๊อ ถู่เซ๊แถ่ ม๊อขุ อา จอแปแหร่ดุ อา เตโพรฉว่าชอ.

เตเด๊อะโลแถ่ 8:7

เบ๊อะเตเน่วพู๊ อาเหร่อเล๊อ เตเพร โอ๊แถ่ อากวา เบ๊อะเนอ, อู ปลวาตา ตื๊อครื่อจ่า. โทเรอ อู ฮ๊าตา สุ่ย เด๊อ อา ซีแล๊ เร๊อ หมิ เด๊อ เห่ขุเออ. เออโตโพ๊เรอ หมิ อือลอแก เห่ขุเออ โซปุ๊ยตูปุ๊ย, ส่อเหมาะ เต๊เห่ โซปุ๊ยตูปุ๊ย, โทเรอ อา อือ ลอปลี เจ๊อ มีออ เร๊อ ส่อตอเหมาะ ล๋อ ปลีเจ๊อ.

เตเด๊อะโลแถ่ 4:1

เตเออเต๊เห่ โท เร๊อ แว แม๊เถอะลว๊า หนื่ออื่อโป่ เตอาโร เต๊อเจ่อ. เด๊อ ม๊อขุเนอ, กู่ดา เต๊เบ่ ลูโมโอ่ เร๊อ แว หนิโฮ เตพราแถ่ เต๊อเจ่อ เร๊อ อา พรา แซ๊เร๊อ กวาพรา ฮู๊ แว หนิโฮ โทเฮ๊อ เด๊อ กูลู่เค เนอ, เร๊อ อา เฮ๊เบ่ แว เร๊อ อา เฮ๊ เน๊อ, “แถ่เด๊อเออ, เออเต๊เห่ ทวาแถ่ โทปา เร๊อ แคร๋ หม่าเต เบ่ ทวาแถ่ ลาติ ปาเนอ, แว เก่ เด๊อะโล เป่ เน.”

เตเด๊อะโลแถ่ 7:15

ฮู๊เนอ อาขว่าอาคยา, เหย่ซี ก๊อถ่อโอ่ หนิเบ๊เฮ๊อ เด๊อ จอแปแหร่ อาจ๊อแผ่ กู่แกล๊เท แถ่โล อาเป๊เส่เง เฮ๊อ เร๊อ เหย่ซี เม เฮ๊อ ลู เตเม เหมาะคี๊คี๊, เหมาะเชเกลเกล เด๊อ เตหลู่แต โฮกู เนอ เฮ๊อ. เพร เด๊อะ อา โอ่แนโอ่ เด๊อ จ๊อแผ่ อา กู่แกล๊เท แถ่โล อาโอ่ เออเตเพรเนอ, อา เก่ โอ่เกอ เร๊อ เหย่ซี เร๊อ อา เก่ ตอกอเตเก เกอเร๊อ เหย่ซี ปา.

เตเด๊อะโลแถ่ 12:1

โทเรอ เต โค๊ตีกลี๊ อาดุอาแย เต๊อเจ่อ โอ่โลแถ่ เด๊อ ม๊อเล เร๊อ เพรเหมาะ เตเพร กือแซ๊หนิ ต๊อเหมาะ เร๊อ อา หยิตาโอ่ เล เด๊อ อา กู๊ยาเล โทเรอ อา โก่แถ่หนิ เฉ่ เช๊อเนอเม.

เตเด๊อะโลแถ่ 16:1

โทเรอ แว หนิโฮ โหง่พรา ตอปลอตือซือ ฉว่า เด๊อ เตหลู่เเตโฮ อากู เร๊อ อา เฮ๊ เตเน่วพู๊ โซซว๊าเตเพร เนอเต๊เห่ เน๊อ, “จว๊า กลอตา จอแปแหร่ อา เตซิปล่อดุ เบหล่อดุ โซซว๊าเตเม เออ เด๊อ เห่ขุเนอ.”