เตเด๊อะโลแถ่ 11:18 - ลีเทส่อพ๊าอาเซ เร๊อ เห่ขุทวาลู๊

¹⁸ เมวเจอะโรพู๊ เต๊เห่เนอ, อา ซิปล่อดุ สู่เทอทู แลแค เฮ๊อ เน เฮ๊อ. หม่าแน๊เรอ, ฮู๊เตเต๋ เบ่เบ่, เน เตซิปล่อดุ อาม๊อเนอม๊อเซ แฮโต่ แหน่ เฮ๊อ. อาม๊อเนอม๊อเซ แฮโต่ แหน่ เฮ๊อ เด๊อ เน เก่เบ่ เมจากาคยา แกแยเซอ เต๊เห่ เฮ๊อ. อาม๊อเนอม๊อเซ แฮโต่ แหน่ เฮ๊อเด๊อ เน เก่เบ่ เด๊อะ เฮ๊อ เน เพรโพร เด๊อ อาเม เน เตเม เต๊เห่ เบ่เบ่, เน แกแย เบ๊ปล๊อเบ๊หมู่ เนอเต๊เห่ เบ่เบ่, แกแย ปว๋า เตเพร เด๊อ อา แด่ดุหยื่อแหน่ เน เนอเต๊เห่ เบ่เบ่, แกแย มีลาดุ เต๊เห่ เบ่เบ่, แกแย เด๊อ อู เตเน ปีตี๊ ลู เต๊เห่ เบ่เบ่ อาม๊อเนอม๊อเซ แฮโต่ แหน่ เฮ๊อ เด๊อ จอแปแหร่ เก่ เบ่ เด๊อะ เหย่ซี อาคว๊าอาเก่ เฮ๊อ. อาม๊อเนอม๊อเซ แฮโต่ แหน่ เฮ๊อ เด๊อ เน เก่ เมปย๊าแก แกแย เด๊อ อา เมปย๊าแก เห่ขุ เนอเต๊เห่ เฮ๊อ.”

Eastern Kayah Shadaw Dialect

¹⁸ ꤗꤤ꤭ꤡꤣ꤬ꤚꤥ꤬ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤞꤤꤕꤜꤢꤪ꤬ꤘꤢꤨ꤬ ꤞꤥ꤭ꤓꤣꤧ꤭ꤓꤢꤨ꤭ ꤜꤢ꤭ꤋꤢꤧ꤭ ꤟꤣꤧ ꤔꤢꤧ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬, ꤟꤢꤨꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤔꤢꤧ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤢ꤬ꤏꤣꤧꤋꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ꤯ ꤏꤣꤧꤋꤢꤩ꤭ ꤟꤢꤧ꤭ꤒ꤫ꤥ꤬ ꤔꤢꤧ꤭ ꤟꤣꤧ ꤘꤣ ꤔꤢꤧ꤬ ꤊ꤫ꤢꤦ꤬ꤙꤢꤩ꤬ ꤘꤣꤧꤡꤢ꤭ ꤊꤣꤧ꤬ꤛꤢꤧ꤭ꤞꤣꤧ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤏꤣꤧꤋꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ ꤘꤣ ꤔꤢꤧ꤬ ꤊ꤫ꤢꤦ꤬ꤙꤢꤩ꤬ ꤘꤣꤧ ꤟꤣꤧ ꤔꤢꤧ꤬ ꤖꤚꤢꤩ꤬ꤖꤚꤥ꤬ ꤘꤣ ꤢ꤬ ꤗꤢꤩ꤬ ꤔꤢꤧ꤬ ꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤔꤢꤧ꤬ ꤊꤣꤧ꤬ꤛꤢꤧ꤭ ꤙꤢꤩꤕꤜꤢꤪꤙꤢꤩꤗꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤔꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤊꤣꤧ꤬ꤛꤢꤧ꤭ ꤗꤝꤤ꤭ꤜꤢ꤬ꤘꤢꤨ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤ ꤜꤢꤨ꤭ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬ ꤏꤣꤧꤋꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤙꤢꤩ꤬ꤘꤣꤧ ꤛꤢꤩ꤬ꤞꤤ꤭ ꤢ꤬ꤋꤝꤢꤢ꤬ꤊꤢꤩ꤬ ꤟꤣꤧ꤯ ꤏꤣꤧꤋꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ ꤘꤣ ꤔꤢꤧ꤬ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤕꤛꤢꤊꤢꤧ꤭ ꤟꤢꤩ꤬ꤋꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯”

เตเด๊อะโลแถ่ 11:18 ပူးပေါင်းရင်းမြစ်များ

เตเด๊อะโลแถ่ 20:12

เร๊อ แว แม๊เถอะ แกแย เด๊อ อามุย โลเทอโลเก่ เร๊อ แกแย เด๊อ อู เตเน ปีตี๊ ลู เร๊อ อา เซอโทเฮ๊อ เต๊เห่ ก๊อถ่อโอ่ เด๊อ จ๊อแผ่ กุแกล๊บูดุ แถ่โล เออ อาเป๊เส่เง เนอ. อู โบ๊โมแถ่ ลีเต๊เห่ โทเรอ อู โบ๊โมแถ่ ลี เด๊อ อาโร ต๊าบ่า เด๊อ อู เอ๊ เร๊อ ลีเซอเพร เออ. แกแยเซอ เออเต๊เห่เนอ, อู เมจากาคยา เหย่ซี ฮู๊ อา เมน๊อ โทเฮ๊อ เนอ เร๊อ ฮู๊ อู ราม๊าโอ่ เด๊อ ลีเออ อากูเนอ เต๊เห่.

เตเด๊อะโลแถ่ 19:5

โทเรอ โหง่พราแถ่ เด๊อ จ๊อแผ่ กู่แกล๊เท แถ่โลอาขุ เนอเรอ อา เฮ๊ เน๊อ, “ล๋อ จอแปแหร่ หลู่เล๊ เต๊เห่ เร๊อ ล๋อ อาแกแย เด๊อ อาโอ่ เร๊อ อา เตอเรอฉว่าชอ เต๊เห่ เบ่เบ่, อาโอ่โต่ เต๊เห่ เบ่เบ่, เด๊อ อา ซิอิเช เบ่หยื่อเบ่แหน่ ลู เต๊เห่เนอ, ถู่เซ๊แถ่ แลแค เป จอแปแหร่.”

เตเด๊อะโลแถ่ 13:10

แกแย เตเพรเพร เด๊อ อู เตเนหนื่ออื่อ โทเฮ๊อ ลู เด๊อ อู เก่ ปื่อ ด๊อตา อา เด๊อ ทอกู เฮ๊เนอ, อู เบ่ ปื่อ ด๊อตา แหน่ อา ปา. แกแย เตเพรเพร เด๊อ อู เตเนหนื่ออื่อ โทเฮ๊อ ลู เด๊อ อู เบ่เมเซอ อา เร๊อ เน๊ ปา เฮ๊อเนอ, อู เบ่ เมเซอ แหน่ อา เร๊อ เน๊ ปา แพ๊. จอแปแหร่ เอ๊ อาแกแย เด๊อ อา เก่ เบ่แด่ทูซิปล่อ เตจาเตจือ เร๊อ เบ่ จู่เอ่หยื่อเอ่ เต อาเงแพ๊.

เตเด๊อะโลแถ่ 22:12

เหย่ซู่ เฮ๊ เน๊อ, “หนิดา แลแค๋, แว แฮเล๊ ปา, แว เก่ พย๊าแฮหนิ เตเมจากาคยา อู เต๊เห่ เร๊อ เตเมหนิคว๊าเก่ เต๊เห่ ปา. เร๊อ เหย่ซี เมโทเฮ๊อ แคร๋ อิเตเนอ, แว เก่ เด๊อะลอ เหย่ซี ฮู๊ อา เมโท เนอปา.

เตเด๊อะโลแถ่ 15:7

เบ๊อะเนออาเค เตเซอเพร ลุยโด อาเกล โตโด เนอ, อา เด๊อะ เตเน่วพู๊ โซซว๊าเตเพร เออเนอ เต๊เห่ เร๊อ เบหล่อเทดุ โซซว๊าเต๊เบ่ เด๊อ อา โอ่ บา เจ๊อ เน๊อ จอแปแหร่ เด๊อ อา โอ่เซอเพร ตูจูเพร แตแลเคร๊ เออเตเพร อา เตซิปล่อดุ เจ๊อ.

เตเด๊อะโลแถ่ 15:1

ฮู๊เนอโทเรอ แว แม๊เถอะ เตโค๊ตีกลี๊ ดู๋ เด๊อ อาโร เต๊อเจ่อ โอ่โลแถ่ เด๊อ ม๊อเล. แว แม๊เถอะ เตเน่วพู๊ โซซว๊าเตเพร เด๊อ อา ปื่อหม่า เกอเร๊อ เน๊อ เตจาเตจือ โซซว๊าเต๊อเจ่อ. เออเต๊เห่ หม่า เตจาเตจือ เด๊อคยา ตื๊อดื่อเล๊อ เฮ๊อ, เมเตเฮ๊เรอ, เออเต๊เห่ ทวาแถ่ โทปาเนอ, จอแปแหร่ ซิปล่อดุ ปาโต่เฮ๊อ.

เตเด๊อะโลแถ่ 14:10

เหย่ซี อาเหน่แบ่เจ่ เร๊อดื่อ อา เก่ โอ เกอ แลแค จอแปแหร่ อา เตซิปล่อดุ อาเทอแย ปา. อา เตซิปล่อดุ อาเบ เออเตเบ เนอ, อู ยือโนบา เร๊อ เทอแยแจ. ล๋อ แกแย เด๊อ อา เมเต ฮู๊เออ เต๊เห่เนอ อา เบ่ ข่าเบ่ แหน่เจ๊อ เตจาเตจือ เด๊อ หมิ เด๊อ อู ชื๊ออือ เน๊อ หย่าซู๊แบ อากู เออเนอ ปา. อา เก่ ข่าจาข่าจือ เด๊อ เตเน่วพู๊ บูโพ๊ เต๊เห่ เร๊อ ซิหมิ เนอโตโด อา เป๊เส่เง ปา.

ꤟꤤꤙꤚꤢꤨ 9:27

แกแย ปว๋า เตเพร เบ่ เซอ แพ๊ โตโพ๊แพ๊. เร๊อ อา เซอโท ปาเนอ, จอแปแหร่ เก่ เมจากาคยา เหย่ซี ปา.

ꤜꤢꤨꤊꤢ꤬ 1:50

อาพู๊อาเลอ เด๊อ อา แด่ดุหยื่อแหน่ ลู เต๊เห่เนอ, อา เก่ ซิยอกล่าเบ่หนิ เหย่ซี ตือทือ โท ตือทือ ปา.

มัทธิว 5:12

ซิครือซิลอ แลแค, ซิกอล๊อแกแน แลแค นี๋, เมเตเฮ๊เรอ ซี เตเมหนิคว๊าเก่ เด๊อ ม๊อขุ เนอ อาดุ แหน่ แหน่ เจ๊อ เพรโพร เด๋อ หนู่เค เต๊เห่เนอ อู เมจาเมจือ โทเฮ๊อ เหย่ซี ฮู๊เนอเฮ๊อ.”

เตเด๊อะโลแถ่ 20:15

แกแย เตเพรเพร เด๊อ อู เก่ แม๊เถอะ อู ราโอ่ อามุย เด๊อ ลีเซอเพร เออต๊าบ่า อากู โต่ เฮ๊ เนอ, อู เบ่ วีตาแก อา เด๊อ หมิเผ่ เออเต๊เผ่ อากู.

เตเด๊อะโลแถ่ 18:6

เมจาเมจือ ลาติ มอ อา ฮู๊ อา เมจาเมจือ ซี เนอ, ลอ เต เด๊อ อา เมจาเมจือ โทเฮ๊อ ซี เต๊เห่เนอ, เมเลอ กาคยาฉื่อ ลาติ มอ เจ๊อ อา เนอโพ๊ เนอ. เบหล่อ เด๊อ อา ตี๊หรี่แตแร เป่ ซี เร๊อ เทอเผร่กู่กล๊อ เนอเต๊เบ่ เนอ, ยือบาเล๊อ กาคยาฉื่อ เป่เกอ ลาติ อา เด๊อ อา ชอเล๊อ เน๊อ เออ เนอโพ๊ เนอ.

เตเด๊อะโลแถ่ 11:2

หม่าแน๊เรอ เด๊อ เตหลู่เเตโฮ อากลอ เกเร๊กู เนอ เตแม๊ โต่ แต่ อา แต่เหม่ นี๋, เมเตเฮ๊เรอ อู เด๊อะตา โทเฮ๊อ อา เด๊อ แกแยยิวพู๊ หม่าโต่ เต๊เห่ อา กู๊ยากู เฮ๊อ. เหย่ซี เก่ แถ่เค หยิลอ วีบูโพ๊ เออตีวี เนอ ลุยเชอ เร๊อ เนอเล อากู ปา.

เตเด๊อะโลแถ่ 19:15

เน๊ อา แทแร๊ เด๊อ อา เก่ เมเป่แก ลอ เทอเก่ เต๊เห่ เต๊เบ่เนอ อา โอ่ เด๊อ ลู แกกู เถ่. เร๊อ อา เก่ เป๊อ เหย่ซี เร๊อ อิปอ ต่อเท๊ ปา. เร๊อ จอแปแหร่ เด๊อ อา แจ่เตลอ ซิเงเตปลี เออเตเพร เก่ เด๊อะโล อา เตซิปล่อดุ เร๊อ อา เก่ เมจากาคยา เหย่ซี แซ๊เน๊อ อู วีเถ่ แท๊ทือเส่เทอ เนอ ปา.

เตเด๊อะโลแถ่ 10:7

ช๋า เตเน่วพู๊ อาเพร โซซว๊าเตเพร เออเตเพร เก่ โอ๊แถ่ อากวา เบ๊อะเนอปาเนอ, จอแปแหร่ เก่ เมเล๊อบาแถ่ อาเต ตี๊หรี่แตแร หนื่ออื่อ เตอาจ่ออาแย ฮู๊ อา แด๊โฉ่ โทเฮ๊อ อาหลู่เล๊ เพรโพร เต๊เห่ เนอ ปา.”

เตเด๊อะโลแถ่ 13:16

แกแย เด๊อ อามีลาดุ เต๊เห่ เบ่เบ่, แกแย เด๊อ อู เตเน ปีตี๊ ลู เต๊เห่เนอ เบ่เบ่, แกแย ดุแหย่ เบ่เบ่, แกแย โซแร เบ่เบ่, หลู่เต๊เห่ เบ่เบ่, แกแย พย๊าหนิ เตปาลา เต๊เห่ เบ่เบ่, แซ่ฮู๊ เหย่ซี เก่ พย๊าหนิ เตม๊าเตแด เต๊อเจ่อ เด๊อ อากู๊ขุ จ๊อทว๊า อาโอ่, หม่าโต่เรอ เด๊อ อา มาเท๊ลู อาเงเนอ เตมีเตแหม่ เนอโดโตโด เนอโตโด นอฉว่า ลอ อู ปว๋า เตเพร.

เตเด๊อะโลแถ่ 19:18

“แซ่ฮู๊ ซี เก่ แฮเอ่ เกอ แลแค คุ๊ยจ๊อแผ่ เต๊เห่ อาหย่า, เกลอกู่กล๊อ เร๊อ เกลอฮู๊ เต๊เห่ อาหย่า, ตีซิ เต๊เห่ เร๊อ เพรแด๊ ลู เต๊เห่ อาหย่า, หลู่เล๊ เร๊อ แกแย เด๊อ อา หนิ เตปาลา เต๊เห่ อาหย่า, แกแย เด๊อ อามุย โลเทอโลเก่ เต๊เห่ เร๊อ แกแย เด๊อ อู เตเน ปีตี๊ ลู เต๊เห่ อาหย่าเนอ, แฮโอ่ปล๊อ โหร่ลอมอ ลู เด๊อ จอแปแหร่ อาป่วยดุ อากูเออ.”