เตเด๊อะโลแถ่ 11:10 - ลีเทส่อพ๊าอาเซ เร๊อ เห่ขุทวาลู๊

¹⁰ เด๊อ เหย่ซี เออซิเนอ เซอ อาขว่าอาคยา, แกแย โอ่ เด๊อ เห่ขุเออ ปว๋า เตเพร เก่ ซิครือซิลอ ล๊อปลี เจ๊อ ปา. เหย่ซี เก่ เมป่วยเมลู เร๊อ อา เก่ ซูจว๊า เป่ ลู เชหยู่ เตเพร เร๊อ เตเพร ปา, เมเตเฮ๊เรอ เพรโพร เออซิเนอ เนอ อา ย๋อ เมโอ่ทวาแถ่ เอ๊ เป่ เหย่ซี เตจาเตจือ เร๊อ แกแย เห่ขุพู๊ เต๊เห่ ข่าเบ่ลอ อาขว่าอาคยา, อา เซอ เป่ เหย่ซี เร๊อ อา ซิครือซิลอ ลอปลี เจ๊อ.

Eastern Kayah Shadaw Dialect

¹⁰ ꤘꤣ ꤛꤢꤩ꤬ꤞꤤ꤭ ꤣꤧ꤭ꤞꤤꤔꤣꤧ꤭ ꤞꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤣꤧ꤬ꤛꤢꤧ꤭ ꤥ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢꤪ꤭ꤕꤜꤤ꤭ ꤡꤣꤧ ꤕꤢ꤭꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤩ꤬ꤕꤝꤢꤩ꤬ꤗꤢꤩ꤬ꤜꤢꤨ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤞꤢꤨ꤭ꤡꤝꤢ ꤕ꤫ꤢꤩ꤬ ꤜꤢꤨ꤭ ꤏꤢ꤭ꤛ꤫ꤢꤨ꤬ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤖꤚꤢꤩ꤬ꤖꤚꤥ꤬ ꤣꤧ꤭ꤞꤤꤔꤣꤧ꤭ ꤔꤣꤧ꤬ ꤢ꤬ ꤜꤢ꤭ ꤗꤢꤩ꤬ꤥ꤬ꤓꤝꤢ꤭ꤓꤢꤧ꤬ ꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤚꤣꤧ꤬ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤋꤢꤧꤙꤢꤩ꤬ꤜꤢꤪ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤞꤣꤧ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢꤪ꤭ꤕꤜꤤ꤭ ꤡꤣꤧ꤯

เตเด๊อะโลแถ่ 11:10 ပူးပေါင်းရင်းမြစ်များ

เตเด๊อะโลแถ่ 3:10

แว เฮ๊แก โหง่ เด๊อ เน เก่ แด่ทูซิปล่อ อาเง เออเนอ, เน โตเตเนหม่า พย๊าหม่า อาขว่าอาคยา, เตแป่เตเช เด๊อ อา เตเร แฮ เด๊อ เห่ขุเออ เร๊อ อา เก่ เมแม๊ ล๋อ แกแย โอ่เด๊อ เห่ขุ เออต๊าบ่า ลอปา เบ๊อะเนอ, แว เก่ ตอกอเตเก เกอเร๊อ เน ปา.

เพรโด่แนพู๊ เต๊เห่ 5:33

เบ๊อะแกแยยิวพู๊ กู่กล๊อดุ กู๊ฉู่ทู เต๊เห่ เร๊อ แกแยยิวพู๊ โหมะพรูโหมะเผร่ เด๊อ อา ทวา ทวาดุทวาเต เต๊เห่ หนิโฮ เตเฮ๊เบ่เออ เบ๊อะเนอ, อา ซิปล่อดุ โก๊โน๋ โต่. เร๊อ อา ซิหยื่อ เตเรเมเซอแก เจ๊อ เพรโด่แนพู๊ เต๊เห่ เออเต๊เห่ เจ๊อ.

ꤛꤥ꤭ꤟꤢ꤬ 7:7

แกแย เห่ขุพู๊ เต๊เห่ ซิเถ่ แจ่ ซี โต่. หม่าแน๊เรอ อา ซิเถ่ แลแค แว, เมเตเฮ๊เรอ แว ย๋อ เฮ๊เถ่โล เหย่ซี เม เตมู๊แหม่ เต๊เห่ เน๋อ.

มัทธิว 10:22

เด๊อ แวขว่าแวคยา เนอ, อู ปว๋า เตเพร เก่ ซิเถ่ ลอ ซี ปา. หม่าแน๊เรอ แกแย เด๊อ อา ก๊อถ่อแตแน โอ่กลอช๊อหม่า เด๊อ อา เตหยื่อเตแหน่ อากู โต่เด๊อ อาตื๊อดื่อ เต๊เห่เนอ, จอแปแหร่ เก่ เมแลเปล๊กา เหย่ซี ปา.”

เตเด๊อะโลแถ่ 13:14

โทเรอ เด๊อ อา เด๊อะโล อา เตโค๊ตีกลี๊ เด๊อ เตมีเตแหม่ เด๊อ อาเหร่อเคเนอ โตโด นอเม ลู เด๊อ อาเป๊เส่เง เนอเต๊เห่ อาขว่าอาคยา, อา อิลออี๊โหล่ แลโฮ หนิลอ แกแย โอ่เซอเพร เด๊อ เห่ขุ เออ เต๊เห่. เตมีเตแหม่ เนอโด โตโดเออ, อา นอแบ๊แถ่ เหย่ซี เตแหย่โย โตโด แซ่ฮู๊ อา เก่ เมลีเมเตเค กาคยา เตมีเตแหม่ เด๊อ อา เบ่ เต๊เหม่น๊อ เร๊อ เน๊ เร๊อ อา โอ่เซอเพร ปา เนอโตโด.

เตเด๊อะโลแถ่ 13:8

ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.

โครินธ์ อาเหร่อเล๊อ ต๊าบ่า 13:6

เป เก่ โมเร๊อ อู เฮ๊เรอ, เบ๊อะอู เม เตมู๊แหม่รีแจ่ เบ๊อะเนอ, เป ซิครือซิลอ โต่, หม่าแน๊เรอ อู เก่ เฮ๊จ๊อเมจ๊อ เต เฮ๊เนอ, เป ซิครือซิลอ แหน่เจ๊อ.

ꤛꤥ꤭ꤟꤢ꤬ 16:20

แว เฮ๊จ๊อจ๊อ ซี, เบ๊อะแกแย เห่ขุพู๊ เต๊เห่ เก่ ซิครือซิลอ ตือปือลือชือ เจ๊อ ปา เบ๊อะเนอ, ซี เก๊โหง่เก๊เห่ แลแค ปา. เด๊อ แว ข่าเบ่ เตจาเตจือ อาขว่าอาคยา, ซี เก่ ซิเปลซิหย่อ แหน่เจ๊อ ปา, หม่าแน๊เรอ ซี เต ซิเปล ซิหย่อ เออเนอ อา เก่ ทวาแถ่ เต๊เปล่โค๊ เป่ลาติ ซี เร๊อ ซี เต ซิกอ ล๊อ แกแน ปา.

เตเด๊อะโลแถ่ 16:10

เตเน่วพู๊ แงเพร เตเพร กลอตา อา เบหล่อดุ เด๊อ เตมีเตแหม่ อา กู่แกล๊แถ่โล เออเนอ อาขุ เร๊อ เตคี๊ โอ่แถ่ เด๊อ เตมีเตแหม่ อาเทออาเก่ กู. เด๊อ อา ข่าเบ่ เตจาเตจือ เออ อาขว่าอาคยา, เหย่ซี อ่า เกอเร๊อ ลอ แลแค อาปลี.

เตเด๊อะโลแถ่ 12:13

เบ๊อะแปล เออโตโบ ซิเงเฮ๊อ เร๊อ อู วีตาแก เฮ๊อ อา เด๊อ เห่ขุ เบ๊อะเนอ, เป๊อแถ่ ลือปื่อ เพรเหมาะ เด๊อ อาพู๊โอ่หนิเฮ๊อ อา พู๊เพรคู เออเนอ เตเพร.