“เบ๊อะเนออาเค ปาเนอ, แกแยพู๊คู หม่าเฮ๊อ แวเออ อา เตแฮแล เมม๊าเมแด เก่โอ่โล แถ่ เด๊อ ม๊อเล ปา. โทเรอ ล๋อแกแย โอ่เด๊อ เก่ปว๋าเต๊เก่ เก่โหง่เก่เห่ ลอ ปา. เหย่ซี เก่ แม๊เถอะ แลแค แกแยพู๊คู หม่าเฮ๊อ แวเออ อา เก่ แถ่ แด๊ แฮหนิ อ๊อโหล่ เด๊อ ม๊อเล ปา. เร๊อ อา เก่ โอ่เล๊อบา เจ๊อ เร๊อ อา เตโพรเตเตอเรอ เร๊อ อา เตอเรอฉว่าชอ เต๊เห่ปา.
เตเด๊อะโลแถ่ 1:7 - ลีเทส่อพ๊าอาเซ เร๊อ เห่ขุทวาลู๊7 แม๊มอ แลแค, อา เตเร แฮเต่อเฮ๊อ เร๊อ อ๊อโหล่ เฮ๋อ. แกแย ปว๋า เตเพร เก่ แม๊เถอะ ลอ อา ปา. แกแย เด๊อ อา ชือเซอ ลู เนอเต๊เห่ เบ่เบ่, อา เก่ แม๊เถอะ ลู ปาปา. เมวเจอะ ปว๊า เตอเจ๊อ เด๊อ เห่ขุเออ เก่โหง่เก่เห่ ลอ เร๊อ อา อาขว่าอาคยา ปา. เต เก่ ทวาแถ่ หม่าแหน่ ฮู๊เออเนอ ป๋า อาเมน. အခန်းကိုကြည့်ပါ။Eastern Kayah Shadaw Dialect7 ꤗꤢꤧꤗꤣꤧ꤭ ꤜꤢ꤭ꤋꤢꤧ꤭, ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤒ꤫ꤣ꤬ꤟꤣꤧ ꤔꤢꤧ ꤢꤪꤜ꤫ꤥ꤬ ꤟꤣꤧ꤮꤯ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤜꤢꤪ꤭ ꤢ꤬ ꤕꤢ꤭꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤏꤢꤦ꤭ꤞꤣꤧ꤭ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤜꤢꤨ꤭ ꤕꤢ꤭ꤕꤢ꤭꤯ ꤗꤤ꤭ꤡꤣ꤬ ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤊ꤫ꤢꤦ꤬ꤍ꤫ꤥ꤬ꤊ꤫ꤢꤦ꤬ꤟꤢꤩ꤬ ꤜꤢꤪ꤭ ꤔꤢꤧ ꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤕꤢ꤭꤯ ꤒꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤨꤣꤧ꤭ꤔꤣꤧ꤬ ꤕꤢ꤭꤮ ꤢ꤬ꤗꤢꤩ꤬꤯ အခန်းကိုကြည့်ပါ။ |
เตเด๊อะโลแถ่ 1:7
36 ပူးပေါင်းရင်းမြစ်များ
โทเรอ จอแปแหร่ อาพู๊คู เหย่ซู่ เด๊อ อาเพ เม ก๊อถ่อ เซอเพร กาคยา คยาแซ๊ ลู เด๊อ เตเซอ เออเตเพร เก่ แฮแล คยาแซ๊ เด๊อ ม๊อขุ ปาเนอ, ซี โอ่ป่อแม๊ชือ แลแค ฮู๊เต เนอ เหย่ซี เฮ๊ ลอปลี เป่ เป. เหย่ซู่ หม่า เพร เมแลเปล๊กา เฮ๊อ เป เร๊อ จอแปแหร่ อา เตซิปล่อดุ เด๊อ อา เก่ เมจากาคยา อู ปา เออเนอ เตเพร อา กู๊ยากู เฮ๊อ.
แว โคแบ๊ซว๊าโม ซี๋, กู๊แหน่เออ เป ทวา เฮ๊อ จอแปแหร่ อาพู๊ เต๊เห่ เฮ๊อ หม่าแน๊เรอ เป เก่ ทวาแถ่ แกแย ฮู๊เต ปา เต๊อเจ่อเต เนอ, อู เด๊อซิเง โอ่หนื่ออื่อแต่ล๋ายเป เตอเจ๋อ โต่. หม่าแน๊เรอ, เตเออเนอ เป ซิเง โทเฮ๊อ เนอ, ช๋า แบ่เจ่ เหย่ซู่ครี๊ แฮเด๊อะโอ่โลแถ่ เบ๊อะเนอ ปาเนอ, เป เก่ แซ่เน๊อ อา ปา, เมเตเฮ๊เรอ เป เก่ แม๊เถอะ หม่า เจ๊อ อา ฮู๊ อา หม่าแหน่ เนอ ปา.
ฮู๊เนอเรอ ซี เตเน แม๊มอ แกแย เด๊อ อา เฮ๊ โตโมเต๊เก่ จอแปแหร่ อาพู๊คู เออเต๊เห่, เร๊อ อา วีแก ลู เต๊เห่เนอ, จอแปแหร่ เก่ เมจากาคยา จาเล๊อแหน่ เหย่ซี ปา. โทเรอ ครี๊ ข่าเซอ อาซิปล่อ เร๊อ อา เด๊อะทวาแถ่ เฮ๊อ จอแปแหร่ อา เตอ๊อแล อาเซ เออเนอเฮ๊อ เร๊อ ครี๊ ซู๊ปลีแก เฮ๊อ เป เน๊อ อาสุ่ย เฮ๊อ. ฮู๊เนอเรอ แกแย เด๊อ อา แด่ งูดุงูชอ เกอ ครี๊ อาสุ่ย โต่ เต๊เห่เนอ, จอแปแหร่ เก่ เมจากาคยา จาเล๊อ เหย่ซี ปา. โท๊โต่ แกแย เออเต๊เห่เนอ อา เฮ๊ มู๊แหม่รีแจ่ แหย่โยบูโพ๊ แบ่เจ่ เด๊อ อา เด๊อะ เหย่ซี เตบุ๊ยเตเตอเรอ เออเตเพร อาขว่าอาคยา, จอแปแหร่ เก่ เมจากาคยา เล๊อ เจ๊อ เหย่ซี เร๊อ แกแย เด๊อ อา เมซื๊อ คูโมเสส อา เตซว๊าเตแส่ เนอเต๊เห่ ปา.
เหย่ซี เก่ แม๊เถอะแฮ เบ่น๊อ โทเฮ๊อ เตเออเต๊เห่ เร๊อ อา เก่ ตีรี๊ จว๊าโค๊แก เร๊อ จอแปแหร่ เฮ๊เนอ, ถู่แหล่เต๊เปล่ กาคยา แจ่ ปา อาซิปล่อ แตแค๋ โต่. เออเนอหมา อา แซ่เฮ๊อ เน๊อ เหย่ซี มือเซอแถ่ คยาแซ๊ จอแปแหร่ อาพู๊คู เด๊อ อี๊ถื่อดีเต่ลู เร๊อ อา เม ซิเตเรแก แบ่เจ่ เหย่ซู่ เด๊อ อู ตูปลูเต๊เผ่ อาเป๊เส่เง เฮ๊อ.
ကြော်ငြာတွေ