เตเด๊อะโลแถ่ 1:1 - ลีเทส่อพ๊าอาเซ เร๊อ เห่ขุทวาลู๊1 ลี เออต๊าบ่า หม่า ลี เด๊อ อา ราม๊าราแด เตเมทวาแถ่ อาเหน่ เด๊อ เหย่ซู่ครี๊ เด๊อะโลแถ่ เต๊เห่ อาหรี่อาแก. แซ่ฮู๊ เหย่ซู่ครี๊ เก่ แด๊โฉ่โล เป่ หลู่เล๊ เต๊เห่ เร๊อ เต เตเร ทวาแถ่ ผื่อลาเฮ๊อ ปา เออเต๊เห่ อาเงเนอ, แบ่เจ่ จอแปแหร่ เด๊อะโล เป่ เตเด๊อะโลแถ่ เออเนอ เร๊อ คูยอห์น หม่าดื่อ เฮ๊อ แว เด๊อ อา ทวา เหย่ซู่ครี๊ อาหลู่เล๊ เออเตเพร เฮ๊อ. อา ซูแล อา ม๊อขุ เตเน่วพู๊ เด๊อ แวโอ่ เร๊อ อา เด๊อะซิเง เป่ แว เร๊อ เตหรี่เตแก เออเต๊เห่. အခန်းကိုကြည့်ပါ။Eastern Kayah Shadaw Dialect1 ꤜꤤ꤬ ꤣꤧ꤭ꤒꤣ꤬ꤙꤢ꤬ ꤗꤢ꤬ ꤜꤤ꤬ ꤘꤣ ꤢ꤬ ꤚꤢ꤭ꤗꤢꤚꤢ꤭ꤒꤢꤩ꤭ ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤥ꤭ꤓꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤞꤢꤧꤟꤢꤨ ꤛꤢꤩ꤬ꤏꤛꤢꤨꤋꤚꤤ ꤊ꤫ꤢꤦ꤬ ꤤ꤬ꤛꤢꤨ꤭ꤜꤥ꤭ ꤕ꤫ꤢꤩ꤬ ꤢ꤬ꤜꤢꤨ꤬ꤜꤢꤩ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ ꤊ꤫ꤢꤦ꤬ꤚꤢꤩ꤭ ꤓꤝꤢ꤭ꤓꤢꤧ꤬ ꤖꤢꤦ꤬ꤜꤢ꤭ꤟꤣꤧ ꤕꤢ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤕ꤫ꤢꤩ꤬ ꤒꤢꤩ꤬ꤘꤣꤧꤜꤥ꤭ꤓꤢꤧ꤬ ꤣꤧ꤭ꤔꤣꤧ꤬ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤗ꤫ꤢ꤬ꤘꤢꤦ꤬ ꤟꤣꤧ ꤠꤢꤧ꤭ ꤘꤣ ꤢ꤬ ꤓꤝꤢ꤭ ꤛꤢꤩ꤬ꤏꤛꤢꤨꤋꤚꤤ ꤢ꤬ꤜꤢꤨ꤬ꤜꤢꤩ ꤣꤧ꤭ꤒꤣ꤬ꤖꤚꤢꤩ꤬ ꤟꤣꤧ꤯ ꤢ꤬ ꤞꤢꤨ꤭ꤜꤢꤧ꤬ ꤢ꤬ ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤘꤣ ꤠꤢꤧ꤭ꤥ꤬ ꤚꤣꤧ꤬ ꤢ꤬ ꤘꤣꤧꤞꤤꤑꤢꤩ꤭ ꤕ꤫ꤢꤩ꤬ ꤠꤢꤧ꤭ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬꤯ အခန်းကိုကြည့်ပါ။ |
เตเด๊อะโลแถ่ 1:1
30 ပူးပေါင်းရင်းမြစ်များ
ฮู๊เนอโทเรอ เตเน่วพู๊ เฮ๊ แว เน๊อ, “โหง่ เออเต๊เห่ เนอหม่า โหง่ เด๊อ อาจ๊ออาเต เร๊อ เหล่ซิเล หยื่อเอ่หนิ แหน่เจ๊อ อา เต๊เห่. แบ่เจ่ จอแปแหร่ เด๊อ อา เด๊อ เพรโพร เต๊เห่ เร๊อ อา แหย่โยบูโพ๊ เออเตเพรเนอ, แซ่ฮู๊ อา เก่ เด๊อะโล เป่ เกอ อาหลู่เล๊ ซีเต๊เห่ เร๊อ งยาล๋ายโต่ ปา เต เก่ เมแคร๋ อาเหน่ ฮู๊เต ปา เนอ เร๊อ, อา นอแฮ เป่ เฮ๊อ อา เตเน่วพู๊ เฮ๊อ.”
แว หม่า ซี โป่แหว่ คูยอห์น เด๊อ อา หยื่อเอ่ ครี๊ แซ่เกอ เร๊อ ซี เตเพร. แว หม่า ซี โคแบ๊ซว๊า เด๊อ อา ข่าจาข่าจือ โหร่เกอเต เน๊อ ซี เตเพร, แว หม่า จอแปแหร่ อา เทอพู๊เก่พู๊ แซ่เกอ เร๊อ ซีซี, เร๊อ แว แด่ทูซิปล่อ โหร่เกอเต เร๊อ ซี เตเพร แพ๊. เด๊อ แว แด๊โฉ่โด่แน เป่ อู เร๊อ แบ่เจ่ จอแปแหร่ อา เตหรี่เตแก เร๊อ เตเด๊อ เหย่ซู่ครี๊ เด๊อะโล เป่ แว เต๊เห่ อาขว่าอาคยา, อู จว๊า แด่โอ่แก แว เด๊อ ปัทมอส กลื๊อขุ เฮ๊อ.
เตเออเต๊เห่ โท เร๊อ แว แม๊เถอะลว๊า หนื่ออื่อโป่ เตอาโร เต๊อเจ่อ. เด๊อ ม๊อขุเนอ, กู่ดา เต๊เบ่ ลูโมโอ่ เร๊อ แว หนิโฮ เตพราแถ่ เต๊อเจ่อ เร๊อ อา พรา แซ๊เร๊อ กวาพรา ฮู๊ แว หนิโฮ โทเฮ๊อ เด๊อ กูลู่เค เนอ, เร๊อ อา เฮ๊เบ่ แว เร๊อ อา เฮ๊ เน๊อ, “แถ่เด๊อเออ, เออเต๊เห่ ทวาแถ่ โทปา เร๊อ แคร๋ หม่าเต เบ่ ทวาแถ่ ลาติ ปาเนอ, แว เก่ เด๊อะโล เป่ เน.”
แว เก่ เฮ๊ ซีหรี่อาแก เฮ๊เนอหม่า, อา เหล่เฮ๊ โอ่เอ๊ลูปา, โท๊โต่ แว เหล่แด่ ซี เตซื๊อ เนอ, อา โอ่เอ๊ลูปาปา. หม่าแน๊เรอ โหง่ เด๊อ แว เฮ๊ เป่ แกแย เห่ขุพู๊ เออเต๊เห่ เนอหม่า หม่าแพ๊ แว หนิโฮ เด๊อ เพร เด๊อ อา นอแฮ แว เออเนอ เตเพร อา โอ่ เร๊อ เต เด๊อ อา เฮ๊ เต๊เห่ เนอหม่า อา โตแพ๊,” อา เฮ๊ฉื่อ เหย่ซี ฮู๊เนอ.
แว หม่า คูเปาโล, แว ราจว๊า เป่ เน ลี เออต๊าบ่า. แว หม่า จอแปแหร่ อาหลู่ เน๊อ เหย่ซู่ครี๊ อา เพรโด่แนพู๊ เต๊เห่ เตเพร. จอแปแหร่ นว๊าแถ่ แว เร๊อ อา นอจว๊า เมจว่าเฮ๊อ แว เร๊อ แกแย เด๊อ อา นว๊าแถ่เฮ๊อ ลู เนอเต๊เห่ อา เตหยื่อเตแหน่, เร๊อ อา เก่ ซิเง แลแค เตจ๊ออาเต. เตจ๊อเตเต เออเนอหม่า หม่าเฮ๊อ อา เมจว่าเฮ๊อ เหย่ซี เด๊อ อา เก่ โอ่เซอเพร โต เร๊อ จอแปแหร่ อาซิปล่อ เออเนอเต๊เห่ เฮ๊อ.
เออโตโพ๊เรอ เตเน่วพู๊ โซซว๊าเตเพร เด๊อ อา ปื่อหม่า เกอเร๊อ เบหล่อดุ โซซว๊าเต๊เบ่ อาเกล เตเพรเนอ, อา แฮ เด๊อ แว โอ่ เร๊อ อา เฮ๊ แว เน๊อ, “แฮเมอ เร๊อ แว เก่ เด๊อะโล เน เร๊อ จอแปแหร่ เก่ เมจากาคยา แม๊เผ่โหมะ มีลาดุ เออเตเพร ฮู๊เต ปา เนอ. แม๊เผ่โหมะ เออเตเพร หม่า หม่าเฮ๊อ วีดุวีทู เด๊อ อา โอ่ เด๊อ แลโหมะดุ แลโอ่เอ๊ อาลู เออตีวี.
แว แด๊งือแล เด๊อ อาเป๊เส่เง เร๊อ แว เตเร จ๊อเบแถ่ ลู หม่าแน๊เรอ อา เฮ๊ แว เน๊อ, “จ๊อเบ แต่ แว แต่เหม่, แว เร๊อ เน เร๊อ เน โป่แหว่ ครี๊พู๊ ซี เต๊เห่ เนอหม่า หลู่เล๊ แซ๊ลู แพ๊. เป หม่า แกแย เต๊เห่ เด๊อ อา เด๊อะโล เป่ อู เร๊อ เหย่ซู่ อาหรี่อาแก เต๊เห่ เร๊อ ปื่อหม่าหนิ เตหมะเตจ๊อ เด๊อ เหย่ซู่ครี๊ เด๊อะโลซิเงแก เป่ เป เออเนอ. ฮู๊เนอเรอ, จ๊อเบ แต่ อู เตเพร่ว แต่เหม่, จ๊อเบ เด๊อ จอแปแหร่ เนอ. เมเตเฮ๊เรอ เตหมะเตจ๊อ เด๊อ เหย่ซู่ครี๊ เด๊อะโล เป่ เออเนอหม่า อา แซ่เฮ๊อ เร๊อ จอแปแหร่ นอเฮ๊เบ่ เพรโพร เต๊เห่เนอ เฮ๊อ.”
ကြော်ငြာတွေ