ฟีลิปปี 4:12 - ลีเทส่อพ๊าอาเซ เร๊อ เห่ขุทวาลู๊

¹² แว โอ่เซอเพร โชโด ตาเต เบ่เบ่, แว เต โอ่ปลูโอ่เผ่ เจ๊อ เบ่เบ่, แว โอ่เซอเพรแฮ เบ่น๊อ ลอปลี เฮ๊อ. แว เหล่เอ่เหล่โอ โอ่ ตาป่อตาเป เจ๊อเบ่เบ่, อา โอ่ ตีลี๊โตโจ แพ๊ เบ่เบ่, แว ตาเต โอ่ปลูโอ่เผ่ เจ๊อ เบ่เบ่, อา โอ่ ปีตี๊ แพ๊ เบ่เบ่, แว อิซว๊า แฮหนิ ลอ โทเฮ๊อ แวเหน่ เน๊อ เตทวาแถ่ เร๊อ แว ฮู๊เตเต๋ เบ่เบ่เนอ, แว โอ่เซอเพร ซิปล่อโมแพ๊.

Eastern Kayah Shadaw Dialect

¹² ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤏꤥ꤭ꤘꤥ꤭ ꤒꤢ꤭ꤒꤢꤩ꤬ ꤙꤢꤩ꤬ꤙꤢꤩ꤬, ꤠꤢꤧ꤭ ꤒꤢꤩ꤬ ꤥ꤬ꤕꤜꤢꤨ꤬ꤥ꤬ꤖꤢꤩ꤬ ꤡꤣꤧ ꤙꤢꤩ꤬ꤙꤢꤩ꤬, ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ꤟꤢꤧ꤭ ꤙꤢꤩ꤬ꤔꤢꤪ ꤜꤢꤪ꤭ꤕꤜꤤ꤭ ꤟꤣꤧ꤯ ꤠꤢꤧ꤭ ꤜ꤫ꤢꤩ꤬ꤢꤩ꤬ꤜ꤫ꤢꤩ꤬ꤥ꤭ ꤥ꤬ ꤒꤢ꤭ꤕꤢꤪ꤬ꤒꤢ꤭ꤕꤢꤩ꤭ ꤡꤣꤧꤙꤢꤩ꤬ꤙꤢꤩ꤬, ꤢ꤬ ꤥ꤬ ꤒꤣꤧ꤬ꤜꤤꤒꤣꤧ꤬ꤡꤥ꤬ ꤖꤢꤧ ꤙꤢꤩ꤬ꤙꤢꤩ꤬, ꤠꤢꤧ꤭ ꤒꤢ꤭ꤒꤢꤩ꤬ ꤥ꤬ꤕꤜꤢꤨ꤬ꤥ꤬ꤖꤢꤩ꤬ ꤡꤣꤧ ꤙꤢꤩ꤬ꤙꤢꤩ꤬, ꤢ꤬ ꤥ꤬ ꤕꤣꤧ꤬ꤒꤤ ꤖꤢꤧ ꤙꤢꤩ꤬ꤙꤢꤩ꤬, ꤠꤢꤧ꤭ ꤤ꤬ꤞꤝꤢ ꤟꤢꤧ꤭ꤚꤣꤧ ꤜꤢꤪ꤭ ꤓꤥ꤭ꤟꤣꤧ ꤠꤢꤧ꤭ꤔ꤫ꤢꤩ꤬ ꤔꤢꤧ ꤒꤢꤩ꤬ꤓꤝꤢ꤭ꤓꤢꤧ꤬ ꤔꤢꤧ ꤠꤢꤧ꤭ ꤟꤢꤨꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ꤔꤣꤧ꤬, ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤞꤤꤕꤜꤢꤪ꤬ꤗꤤ꤭ꤡ꤫ꤢꤧ꤬ ꤖꤢꤧ꤯

ฟีลิปปี 4:12 ပူးပေါင်းရင်းမြစ်များ

มัทธิว 11:29

แย๊ แลแค แว อิแย๊ เออ เร๊อ อิซว๊าซิเง เกอ เต เด๊อ แวโอ่เออ, เมเตเฮ๊เรอ แว ซิโดซิงา เร๊อ แว แด่แล แวซิปล่อ อาขว่าอาคยา, เน เก่ แม๊เถอะ เน ซิปล่อ อา เหล่โอ่โก๊ เตเบ๊ซิพร๊า ปา.

โครินธ์ เนอบ่า ต๊าบ่า 11:27

แว เบ่ เอ่แร ซิพร๊า เร๊อ แว เบ่ จ่าเพรอจ่าหร่อ แร แลแด๊แลดา เจ๊อ แวเหน่. แว โอ่เมอหนิ โต่ เนอหม่า โตโมโม เจ๊อ. แว โต่เจ๊อ เด๊อ เตแลแด๊เอ่ แลแด๊โอ หม่า อา โอ่โอ่. เอ่ก๊อโอบา โต่ โตโมโม เจ๊อ. แว เห่อจา เหล่กือเหล่แซ๊ โอ่ เล๊อบาโต่ เร๊อ แว เบ่ ข่าเบ่ เก่โหร่เก่ชุ๊ย เจ๊อ.

โครินธ์ เนอบ่า ต๊าบ่า 11:9

เบ๊อะแว โอ่เกอ เร๊อ ซี เบ๊อะเนอ, แว เก่ โหล่รือ เฮ๊เนอ, แว กุยน๊อ เน๊อ ซี เตเพร่ว โต่, เมเตเฮ๊เร๊อ ล๋อ เต เด๊อ แว โหล่ เต๊เห่เนอ, เป โป่แหว่ เด๊อ มาซิโดเนียเก่ เต๊เห่ แฮ เมจว่า ลอปลี แว แพ๊. เด๊อ อาเหร่อเค เนอหม่า แว กุยน๊อ เร๊อ ซี เตเมจว่า โตโพ๋ โต่, กู๊แหน่เออ ตาแฮเง เนอหม๋า แว เมกู่เมแก, เมโถ่เมย๊า น๊อ ซี โต่โต่.

โครินธ์ เนอบ่า ต๊าบ่า 11:7

เบ๊อะแว แด๊โฉ่โด่แน เป่ ซี เร๊อ เตซิครือมีลา เบ๊อะเนอ, แว กุยน๊อ เร๊อ ซี อาคว๊าอาเก่ ตาบ๋า โต่. แซ่ฮู๊ ซี เก่ พย๊าหนิ ซิปล่อเซอเพร ตูจูเพร อาเงเนอ, แว แด่แล แวเหน่ ฮู๊เนอ แพ๊. แว เมฮู๊เออเร๊อ หม่า อาซื๊อ แอ?

โครินธ์ เนอบ่า ต๊าบ่า 10:10

เมเตเฮ๊เรอ เต๊เห่เห่เนอ, อา เฮ๊ แลแค เน๊อ, “คูเปาโล รา ลีโต๊โก่ เร๊อ อาฉว่าอาชอ ตาลว๊าซิลือ เจ๊อ. เบ๊อะอา โอ่เกอ เร๊อ เป เบ๊อะเนอ, อา โต๊โหร่ แพ๊, อา โด่แน หม่า อา หนิ เกออู โต่โต่,” อา เฮ๊ แลแค แว ฮู๊เนอ.

โครินธ์ เนอบ่า ต๊าบ่า 10:1

เต๊เห่เห่เนอ อา เฮ๊ แลแค แว เน๊อ เบ๊อะแว เฮ๊เบ่ฉื่อ เร๊อ ซี เบ๊อะเนอ, แว โต๊โหร่ แพ๊ หม่าแน๊เรอ เบ๊อะแว รา เร๊อ ลี เบ๊อะเนอ, แว เฮ๊เบ่ฉว่าเฮ๊เบ่ชอ แหน่เจ๊อ, อา เฮ๊ แลแค แว ฮู๊เนอ. หม่าแน๊เรอ แว เหน่แบ่แจ่ เร๊อดื่อ แว กุยซิยอ ตื๊อดื่อ เจ๊อ ซี เร๊อ เตซิโดซิงา, เตแด่ทูซิปล่อ ฮู๊ ครี๊ เด๊อะโล เป่ โทเฮ๊อ เป เออเนอ เต๊เห่ เจ๊อ.

มัทธิว 13:52

เร๊อ อา เฮ๊ฉื่อ เหย่ซี เน๊อ, “เมฮู๊เนอ อาขว่าอาคยา, อู เก่ อิซว๊า ซิเง กาเป่ลอ ล๋อ เฮ๊อ ล๋อ เพรอิซว๊า เตซว๊าเตแส่ อา ซ๊าร๊าเนอ เต๊เห่ เนอหม่า, ม๊อขุ เทอเลเก่กู, อาแซ่เน๊อ หี่แบ่เจ่ เตเพร เด๊อ อา พย๊าเถ่ อา เตงูดุงูชอ เด๊อ อาเซ เร๊อ อาเลอ เต๊เห่ เด๊อ อาเหล่ แด่โอ่ปล๊อ เหล่โอ่ อากู.”