ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.
ฟีลิปปี 3:9 - ลีเทส่อพ๊าอาเซ เร๊อ เห่ขุทวาลู๊9 แว เตจ๊อเตเต เออเนอ, แว ซิเลแถ่หนิ ปา เด๊อ แว หนิดา ครวาเม เกอ เตซว๊าเตแส่ อาขุ เออเนอ หม่าโต่เฮ๊อ. หม่าโต่เรอ, แว ย๋อ หยื่อเอ่เฮ๊อ ครี๊ เฮ๊อ อาขว่าอาคยา, เร๊อ แว พย๊าหนิเฮ๊อ เตจ๊อเตเต เฮ๊อ. เตจ๊อเตเต เด๊อ จอแปแหร่ เด๊อะ เออเนอหม่า อา ซิเลแถ่หนิ เด๊อ เตหยื่อเตแหน่ อาลู แพ๊. အခန်းကိုကြည့်ပါ။Eastern Kayah Shadaw Dialect9 ꤠꤢꤧ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤣꤧ꤭ꤔꤣꤧ꤬, ꤠꤢꤧ꤭ ꤞꤤꤜꤢꤩ꤬ꤓꤢꤧ꤬ꤚꤣꤧ ꤕꤢ꤬ ꤘꤣ ꤠꤢꤧ꤭ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤢꤨ꤬ ꤣꤧ꤭ꤔꤣꤧ꤬ ꤗ꤫ꤢ꤬ꤕꤢ꤬ꤒꤥ꤬ꤟꤣꤧ꤯ ꤗ꤫ꤢ꤬ꤟꤢꤩꤗꤢ꤬, ꤠꤢꤧ꤭ ꤜꤢ꤭ ꤛ꤫ꤢꤦ꤬ꤢꤩ꤬ꤟꤣꤧ ꤋꤚꤤ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤠꤢꤧ꤭ ꤔ꤫ꤤ꤬ꤙꤢꤩ꤬ꤟꤣꤧ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤟꤣꤧ꤯ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤞꤤꤜꤢꤩ꤬ꤓꤢꤧ꤬ꤚꤣꤧ ꤘꤣ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤜꤥ꤬ ꤖꤢꤧ꤯ အခန်းကိုကြည့်ပါ။ |
ฟีลิปปี 3:9
56 ပူးပေါင်းရင်းမြစ်များ
จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.
หม่าแน๊เรอ เป แกแยยิวพู๊ เด๊อ อา หยื่อเอ่ ครี๊ เออเต๊เห่ เนอหม่า, เป ซิเง เร๊อ จอแปแหร่ แด่จ๊อแด่เต แกแย เตเพรเนอหม่า อา แด่จ๊อแด่เต ลู เน๊อ อา ลือครวา เมเกอ เตซว๊าเตแส่ อาคยาเนอ หม่าโต่. หม่าแพ๊ ตื๊อ อา หยื่อเอ่แหน่ เหย่ซู่ครี๊ เออเนอ แพ๊ เป เออเต๊เห่เนอ เบ่เบ่, แซ่ฮู๊ จอแปแหร่ เก่ แด่จ๊อแด่เต เกอ เป เร๊อ เป เตหยื่อเตแหน่ ครี๊ เออ อาคยา เนอเรอ, เป หยื่อเอ่แหน่ เกอเฮ๊อ เหย่ซู่ครี๊ เฮ๊อ. หม่า เด๊อ เป ครวาเมเกอ เตซว๊าเตแส่ อาคยาเนอ หม่าโต่, เมเตเฮ๊เรอ เด๊อ อู ลือครวา เมเบ๊ เตซว๊าเตแส่ อาคยา เร๊อ อู ทวาแถ่เบ๊ แกแยจ๊อแกแยเต เนอ อา โอ่ เตเพร่ว โต่.
จอแปแหร่ แด่จ๊อแด่เต เฮ๊อ แกแย เต๊เห่ อาเหน่ เร๊อดื่อ ฮู๊เตเนอ, เตซิครือมีลา เออ เด๊อะโลแถ่ เป่ เฮ๊อ. เตจ๊อเตเต เออเนอหมา, อา เป๊อแถ่ เน๊อ เตหยื่อ เร๊อ อา ตื๊อดื่อ เน๊อ เตหยื่อ. ลีเทส่อพ๊า เฮ๊ เน๊อ, “แกแย เด๊อ จอแปแหร่ แด่จ๊อแด่เต อา เน๊อ อาเตหยื่อ เต๊เห่เนอ, เหย่ซี เก่ พย๊าหนิ เตโอ่เซอเพร อาเซ หม่าแหน่ ปา.”
แซ่ฮู๊ เป เก่ ทวาแถ่ จอแปแหร่ อา เพรบูโพ๊พู๊ เร๊อดื่อ เต๊เห่ อาเงเนอเรอ, อา เมแลเปล๊กา เฮ๊อ เป เฮ๊อ, เร๊อ อา เอ๊ เฮ๊อ เป เฮ๊อ, เด๊อ เป เมโทเฮ๊อ เตเอ่เตแร เนอเต๊เห่ อาขว่าอาคยาเร๊อ, อา เอ๊ เป เนอ หม่าโต่. เออ หม่า หม่าดื่อ อา เตเตเนหนื่ออื่อ เน๊อ อาบุ๊ยเตอเรอ เร๊อดื่อ แพ๊. เบ๊อะอา แบ๊แล แต่ล๋าย เห่ขุ โต่เนอ, อา เด๊อะแล เป เตบุ๊ยเตเตอเรอ เออเนอ เด๊อ เหย่ซู่ครี๊ อากู เออเนอเฮ๊อ.
เมเตเฮ๊เร๊อ แว ซิปล่อฉว่า แด่ดุแด่ทู แหน่เจ๊อ จอแปแหร่ อาเตเม อาขว่าอาคยา, แว เมจาเมจือ แกแย เด๊อ อา หยื่อเอ่ ครี๊ เต๊เห่. เก่ เฮ๊ เร๊อ จูเอ่ เตซว๊าเตแส่ อาโหง่เฮ๊แก เต๊เห่ ตื๊อเร๊อ ทวาแถ่ เบ๊แพ๊ แกแยจ๊อแกแยเต แพ๊ เก่เฮ๊เรอ, แว ทวา โทเฮ๊อ แกแย เตเพร เด๊อ อู แม๊ปู แด่เจ๊อ แว เตซื๊อ เนอ, อา โอ่เจ๊อโต่ เตเพร เฮ๊อ.
เด๊อ หม่าอิเต อาขว่าอาคยา เฮ๊เรอ, แซ่ฮู๊ เป เก่ โอ่โก๊แก เด๊อ เป เม เตซื๊อ เออ อาเงเนอ, เป หนิดา ครวาเมเกอ เจ๊อ เตซว๊าเตแส่ เออ อาคยา เจ๊อ เนอ, อา เตอเรอฉว่าชอ เด๊อ อา เก่ เมจว่า เป่ เปเนอ อาโอ่โต่, เมเตเฮ๊เรอ อาอ๊าอาเหร่ เด๊อ อา เก่ เมเป่แก พ๊าหย่า อา เตซิหยื่อซิลอ เออเนอ อาโอ่โต่. ฮู๊เนอเรอ จอแปแหร่ เม เร๊อ อาเหน่, อา นอแฮแล อา พู๊เพรคู เร๊อ อา แฮแล กลว่าอาเหน่ ฮู๊ เห่ขุพู๊ แซ่เน๊อ เป เด๊อ อา เม เตซื๊อ เออเต๊เห่. หม่าแน๊เรอ เตซื๊อ อาเหล่โกล เมโป๊เนอ เออ เป๊อแจ่ ลู โต่. อา แฮ ข่าเป่ เป เตซื๊อเตปล๊า, เร๊อ อา เมปย๊าแก เฮ๊อ เตซื๊อ อา เตเป๊อตี๊หรี่ เป เออเต๊เห่ เฮ๊อ.
หม่าแน๊เรอ แม๊ปูซิเง แลแค จอแปแหร่ ซิหยื่อ เฮ๊ อาโหง่แลช๊า เต๊เห่ เด๊อ อา เฮ๊ เน๊อ, ‘แว ซิหยื่อ เตหลู่เตแต โต่, แว ซิหยื่อแพ๊ เตซิยอกล่าเบ่ เกอเร๊อ ลู เตเพร เน๊อ เตเพร เนอแพ๊.’ เมเตเฮ๊เรอ, แว แฮ เอ๊ กา แกแย เด๊อ อาจ๊ออาเต เนอเต๊เห่ หม่าโต่. แว แฮ เอ๊ กา แพ๊ แกแย เด๊อ อา เตซื๊อเตปล๊าโอ่ดื่อ เง เนอเต๊เห่ แพ๊.”
ล๋อ เต เด๊อ อา โอ่ เซอเพร กู๊ก่าหรู่แร เด๊อ เห่ขุ เออเต๊เห่เนอ, อา เซอแก ลอปลี เฮ๊อ. แกแยเห่ขุพู๊ เบ่เบ่, ล๋อ เตมีเตดอ เด๊อ อา โอ่ เด๊อ มีเกล เนอเต๊เห่ เบ่เบ่, ล๋อ เตมีเตดอ เด๊อ อู โบ่ เด๊อ หี่ เนอเต๊เห่ เบ่เบ่, ถู่พู๊โหย่พู๊ โย เด๊อ ม๊อเล ซีเต๊เห่ เบ่เบ่, จอแปแหร่ ตูจูเพร เมเซอแก ลอปลี เฮ๊อ. เร๊อ อา โอ่ เซอเพรแก ตื๊อแพ๊ เพโนอาห์ เน๊อ แกแย เด๊อ อา โอ่ เกอ เน๊อ ลู เนอเต๊เห่ แพ๊.
ฮู๊เนอเรอ จอแปแหร่ เด๊อะ ลอเฮ๊อ เป อา เตอ๊อแล เน๊อ อา เตแบแลหนิ อาโหง่เออ เนอเจ่อลอ เฮ๊อ. จอแปแหร่ แลโฮแจ่โต่ อาขว่าอาคยา, เออเนอเจ่อ เนอ อา ถู่แหล่ เต๊เปล่ โค๊แจ่ โต่โต่. เป เด๊อ อา แกล่ ตาดวา โอ่ว่าวโอ่โอ๊บี๊ เฮ๊อ เด๊อ จอแปแหร่ อา โอ่ เต๊เห่เนอ, เด๊อ จอแปแหร่ ถู่แหล่ เต๊เปล่ โค๊แจ่ ปา อา เตอ๊อแล โต่ อาขว่าอาคยา, เป ซิปล่อโม ซิปล่อชอแถ่ แหน่เจ๊อ. เด๊อ เป ซิปล่อโม ซิปล่อชอ อาขว่าอาคยา, เตแม๊ชือ เด๊อ จอแปแหร่ เด๊อ เปเออ เนอ, เป ปื่อหม่า แฮเง ตื๊อดื่อ เต่อเบ๊เฮ๊อ เด๊อ อาตื๊อดื่อ เฮ๊อ.
ကြော်ငြာတွေ