ฟีลิปปี 3:6 - ลีเทส่อพ๊าอาเซ เร๊อ เห่ขุทวาลู๊

⁶ เมเตเฮ๊เร๊อ แว ซิปล่อฉว่า แด่ดุแด่ทู แหน่เจ๊อ จอแปแหร่ อาเตเม อาขว่าอาคยา, แว เมจาเมจือ แกแย เด๊อ อา หยื่อเอ่ ครี๊ เต๊เห่. เก่ เฮ๊ เร๊อ จูเอ่ เตซว๊าเตแส่ อาโหง่เฮ๊แก เต๊เห่ ตื๊อเร๊อ ทวาแถ่ เบ๊แพ๊ แกแยจ๊อแกแยเต แพ๊ เก่เฮ๊เรอ, แว ทวา โทเฮ๊อ แกแย เตเพร เด๊อ อู แม๊ปู แด่เจ๊อ แว เตซื๊อ เนอ, อา โอ่เจ๊อโต่ เตเพร เฮ๊อ.

Eastern Kayah Shadaw Dialect

⁶ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤘꤢꤧ꤬ꤘꤢꤨ꤬ꤘꤢꤧ꤬ꤓꤢꤨ꤭ ꤔꤢꤧ꤬ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣꤧ꤬ꤟꤢꤩ꤬꤯ ꤊꤢꤩ꤬ ꤟꤢꤩꤜꤢ꤭ꤒꤢꤩ꤬ ꤔꤢꤧ ꤡꤢꤨ꤭ꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ ꤒꤢꤩ꤬ꤗ꤫ꤢ꤬ꤊꤢꤧ꤭ꤍ꤫ꤥ꤬ ꤒꤣꤧ꤬ꤟꤢꤩ꤬ ꤒꤢꤦꤚꤣꤧ꤬ ꤓꤝꤢ꤭ꤓꤢꤧ꤬ ꤙꤢꤩꤖꤢꤧ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤖꤢꤧ ꤊꤢꤩ꤬ꤟꤢꤩꤚꤣꤧ꤬, ꤠꤢꤧ꤭ ꤓꤝꤢ꤭ ꤓꤥ꤭ꤟꤣꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢꤨ꤭ ꤗꤢꤧꤕꤢꤨ꤭ ꤘꤢꤧ꤬ꤡꤣꤧ ꤠꤢꤧ꤭ ꤒꤢꤩ꤬ꤞꤢꤦ ꤔꤣꤧ꤬, ꤢ꤬ ꤥ꤬ꤡꤣꤧꤒꤥ꤬ ꤒꤣ꤬ꤖꤚꤢꤩ꤬ ꤟꤣꤧ꤯

ฟีลิปปี 3:6 ပူးပေါင်းရင်းမြစ်များ

เพรโด่แนพู๊ เต๊เห่ 8:3

คูเซาโล เฮ๊เออ เตเพรเนอ อา เมปย๊า เมหลู่แก ครี๊ อา เพร หยื่อเอ่เต ตู๊หมู่ตอกล๊อ เต๊เห่. อา จว๊าแถ่ โน เด๊อ หี่เตเม โท เตเม อากู, เร๊อ อา จว๊าจุ่ย ตู๊หรู่เถ่ เพรเหมาะหม่อ, เพรคูคู เด๊อ อา หยื่อเอ่แหน่เอ่รี เต๊เห่ เร๊อ ด๊อโน เหย่ซี เด๊อ ทอกู.

มัทธิว 5:20

ฮู๊เนอเร๊อ แว เฮ๊จ๊อจ๊อ ซี, ซี เก่จ๊อเก่เตเล๊อ เร๊อ เพรอิซว๊า เตซว๊าเตแส่ อาซ๊าร๊า เออเต๊เห่ เร๊อ ฟาริสี เออเต๊เห่ โต่ เฮ๊เนอหม่า, ซี โนเบ๊ แจ่ เด๊อ ม๊อขุ เทอเลเก่กู ตีกี๋ โต่.”

ทิโมธี อาเหร่อเล๊อ ต๊าบ่า 1:13

เด๋อ อาเหร่อเค เนอหม่า, แว เฮ๊ มู๊แหม่รีแจ่ เหย่ซู่ครี๊, แว เมจาเมจือ อา, แว เป๊อเจ่ออิแช๊ อา หม่าแน๊เรอ แบ่เจ่ ซิยอเกอเร๊อ แว, เมเตเฮ๊เรอ แว ย๋อ หยื่อเอ่แหน่ แต่เกอล๋ายโต่, เร๊อ แว เมเต เออเต๊เห่เนอ, แว ย๋อ ซิเง ล๋ายโต่ อาขว่าอาคยา, อา ซิยอเกอเร๊อ แว แพ๊.

ฟีลิปปี 3:9

แว เตจ๊อเตเต เออเนอ, แว ซิเลแถ่หนิ ปา เด๊อ แว หนิดา ครวาเม เกอ เตซว๊าเตแส่ อาขุ เออเนอ หม่าโต่เฮ๊อ. หม่าโต่เรอ, แว ย๋อ หยื่อเอ่เฮ๊อ ครี๊ เฮ๊อ อาขว่าอาคยา, เร๊อ แว พย๊าหนิเฮ๊อ เตจ๊อเตเต เฮ๊อ. เตจ๊อเตเต เด๊อ จอแปแหร่ เด๊อะ เออเนอหม่า อา ซิเลแถ่หนิ เด๊อ เตหยื่อเตแหน่ อาลู แพ๊.

โครินธ์ อาเหร่อเล๊อ ต๊าบ่า 15:9

เด๊อ เพรโด่แนพู๊ เต๊เห่ ล๋อ ปลี อาเกลเนอ, แว หม่า แกแย เด๊อ อาต่าเจ๊อ เกออู ฮู๊ เพรโด่แนพู๊ เต๊เห่ เด๊อ อาโร เนอเต๊เห่ ตีกี๋ โต่ เตเพร เฮ๊อ, เมเตเฮ๊เรอ เบ๊อะแว หยื่อเอ่ แต่ลา เหย่ซู่ครี๊ โต่ เบ๊อะเนอ, แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่ อาขว่าอาคยา, อู เก่ เอ๊ เกอ แว เร๊อ เพรโด่แนพู๊ เต๊เห่ เตเพรแพ๊เน๋อ อา ต่าเจ๊อ ตีกี๋ โต่.

ꤚꤥꤗꤢꤩ꤬ 7:9

เด๊อ อาเหร่อเค เนอ, แว ซิเง จอแปแหร่ อา เตซว๊าเตแส่โต่ อาขว่าอาคยา, แว โอ่เซอเพร โต แพ๊ จอแปแหร่ อาซิปล่อ แพ๊, แว เตเน ซิปล่อเป่ เกอ เร๊อ ฮู๊เนอ. หม่าแน๊เรอ เบ๊อะโหง่เฮ๊แก แฮโต่เฮ๊อ เบ๊อะเนอ, เตซื๊อ อาแกล๊ แฮโนเฮ๊อ เด๊อ แว เตโอ่เซอเพร อากู เฮ๊อ, เร๊อ แว เซอ แก เฮ๊อ เด๊อ แหย่โย ตากยา เฮ๊อ.

เพรโด่แนพู๊ เต๊เห่ 26:5

แว หม่า แว โอ่โนเต่อเกอดื่อ เด๊อ ฟาริสีพู๊ อาตู๊หมู่ตอกล๊อ เด๊อ อา ปื่อหม่า ชอแหน่เจ๊อ เตจ๊อบู่จ๊อเบ อา เตซว๊าเตแส่ เต๊เห่ ตู๊หมู่ เตเพรเนอหม่า เหย่ซี ซิเง งย๊า ลาเฮ๊อ แว เฮ๊อ. เก่ เหย่ซี ซิหยื่อ ข่าเฮ๊เด๊อะโล แวหรี่แวแก เฮ๊เนอหม่า อา ซิเง ลอปลี เจ๊อ.

เพรโด่แนพู๊ เต๊เห่ 21:20

เหย่ซี หนิโฮโท อา เตเฮ๊เบ่ เร๊อ, เหย่ซี ถู่เซ๊แถ่ แลแค จอแปแหร่ ปว๋า เตเพร. โทเร๊อ เหย่ซี เฮ๊ คูเปาโล เน๊อ, “โป่แหว่ คูเปาโล๋, แกแยยิวพู๊ เด๊อ อา หยื่อเอ่แหน่เอ่รี เต๊เห่เนอ อา โอ่ เจ๊อ เฮ๊อ เด๊อ อารี๊อาซ๊อกู เจ๊อ เฮ๊อ เนอหม่า, เน แม๊เถอะ เฮ๊อ. โทเร๊อ เหย่ซี เออเต๊เห่เนอ อา แด่ดุ ลอปลี เจ๊อ แกแยยิวพู๊ อา เตซว๊าเตแส่ เต๊เห่เจ๊อ.

ꤜꤢꤨꤊꤢ꤬ 1:6

เหย่ซี ซิเนอ ลอ อา โอ่เซอเพร จ๊ออาเตแร๊ ลอ เจ๊อ เด๊อ จอแปแหร่ อา เป๊เส่เง เจ๊อ เร๊อ ฮู๊ แบ่เจ่ จอแปแหร่ อา เตซว๊าเตแส่ เร๊อ อาโหง่เฮ๊แก เต๊เห่ เฮ๊โอ่เนอ เหย่ซี จูเอ่ เมเล๊อ เมบา ลอปลี เจ๊อ.

มัทธิว 23:25

“เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซี๋หม่า แกแย เด๊อ อา เกล จ่าจ๊อจ่าเต อาเหน่ เต๊เห่. ซี เออเต๊เห่ เนอหม่า อา แซ่เจ๊อดื่อ เร๊อ แกแย เด๊อ อา ซู๊ปลี บีหล่อ ดีเบ เด๊อ อากลอ เนอ เต๊เห่ เจ๊อหนิ, เด๊อ เหย่ซี ซิปล่อกี่กู เนอ อา โอ่ บาตีปี๊ เจ๊อ เร๊อ เตปื่อเผ่ พย๊าเผ่ อู เร๊อ ซี ซิปล่อ ซิหยื่อ เมฮู๊ เต๋ ซี ครวาเม จว๊าโตโคร เนอ เต๊เห่ เจ๊อ.

เพรโด่แนพู๊ เต๊เห่ 22:5

แว เฮ๊เบ่จ๊อเฮ๊เบ่เต แพ๊ เนอหม่า, เพรหลู่แต กู่กล๊อดุเล๊อ เออเนอ เด๊อ แกแยยิวพู๊ เน๊อ อา ทวา ทวาดุทวาเต ล๋อ ปลี เต๊เห่ เย๊อเบ๊ อาซิปล่อสู่เทอ เด๊อ แวเง แพ๊. เมเตเฮ๊เรอ, แซ่ฮู๊ แว เก่ จว๊าปื่อ แกแย เด๊อ อา โครครวา เกอ เหย่ซู่ครี๊ อาคยา เนอเต๊เห่ เร๊อ แว เก่ จอกลอ เหย่ซี เร๊อ สู่เปลอต่อเท๊, โทปาเรอ แว เก่ เอ๊กาแด๊เฮอ เจแม๊ เหย่ซี เด๊อ วีเยรูซาเล็ม ปา เนอเรอ, เหย่ซี ทวา ทวาดุทวาเต เนอเต๊เห่ ราจว๊าหนิ ลีเต๊เห่ เร๊อ อา เด๊อะจว๊า เร๊อ แว. ลี เออเต๊เห่เนอ, อา ราจว๊า เป่ อาโป่แหว่ แกแยยิวพู๊ เด๊อ อา ทวา ทวาดุทวาเต เร๊อ อา โอ่ แลแค เด๊อ วีดามัสกัส เด๊อ แว เตเร จว๊า วีเออ ตีวี อากู เนอเต๊เห่ อา โอ่.”

โครินธ์ อาเหร่อเล๊อ ต๊าบ่า 10:32

เด๊อ แกแยยิวพู๊ เต๊เห่ อาเง เบ่เบ่, แกแยยิวพู๊ หม่าโต่ เต๊เห่ อาเง เบ่เบ่, จอแปแหร่ อา เพรหยื่อเอ่เต ตู๊หมู่ตอกล๊อ เต๊เห่ เบ่เบ่, ซี เม เต อิเตเต๋ เนอ นอทวาแถ่ แต่ เตแลคื๊อแลลอ เด๊อ เหย่ซี อาเง แต่เหม่.